Првата дама на Украина, Олена Зеленска, вчера пристигна во Белград, во прва посета на висок украински функционер на Србија од почетокот на руската инвазија во 2022 година, што може да се протолкува и како сигнал за оддалечување на Србија од Москва како нејзин традиционален сојузник.

Заедно со сопругата на српскиот претседател Александар Вучиќ, Тамара Вучиќ и украинскиот министер за надворешни работи Дмитр Кулеба, кој исто така е во прва посета на Белград, Зеленска го обиколи градот и средновековната тврдина Калемегдан, пренесува агенцијата Танјуг.
Зеленска и Вучиќ ја посетија и градската библиотека во Белград, во која се наоѓа „Украинската полица“, дел од библиотеката со украински книги која е основана под патронат на првата дама на Украина.

Веста за посетата на сопругата на Володимир Зеленски на Србија ја пренесоа речиси сите поголеми руски медиуми. На порталот на руската државна новинска агенција Риа Новости оваа вест е четврти најчитан текст. Судејќи според коментарите, Русите не се воодушевени.

„Срамно“ и „Ова е одвратно, ова е одвратно однесување на „пријател“ на Русија“, се двата најпопуларни коментари.

Во реакциите на текстот читателите пишуваат дека Србија ја предала Русија, а го напаѓаат и српскиот претседател Александар Вучиќ.

„Дали некој се плаши од нас освен Лукашенко? Дури и Киргистан се сврте. Нашата надворешна политика е донекаде слаба“

„Кои се „пријателите“ што сè уште ги имаме? Папуанците од Полинезија? Или Северна Кореја?“ – коментираат Русите.

Столиця Сербії власним прикладом довела, що життя та відновлення зрештою перемагають, а на місцях колишніх битв у місті-фортеці з’являються прекрасні парки. Дякую всім, завдяки кому ще одна велична пам’ятка – вже 84-та в нашому проєкті – зможе розповісти про себе українською. pic.twitter.com/2ZbXeh5miS

— Олена Зеленська (@ZelenskaUA) May 12, 2024

Поради традиционалните историски, верски, политички и воени врски, проруските чувства се широко распространети во Србија. Српскиот претседател Александар Вучиќ се обидува да постигне рамнотежа меѓу кандидатурата на земјата за членство во ЕУ и врските со Русија и Кина, важни партнери и инвеститори.

Во новата српска влада влегуваат Александар Вулин, прорускиот вицепремиер и поранешен разузнавач, кој е под санкции на САД и Ненад Поповиќ, министер без ресор, исто така поддржувач на Русија под американските санкции.

Србија постојано ја осудуваше руската инвазија на Украина во Обединетите нации и други меѓународни форуми, но досега одбиваше да се приклучи на меѓународните санкции против Кремљ.

Вучиќ се состана со украинскиот лидер Володимир Зеленски три пати во 2022 година на меѓународни форуми во странство, последен пат на регионален состанок во Тирана во февруари.

Од 2022 година, Србија прифати илјадници украински бегалци, испрати хуманитарна помош во Украина и вети помош за деминирање на земјата и повоена реконструкција.

Минатата година, доверливите документи кои протекоа од Пентагон покажаа дека Србија се согласила да го снабдува Киев со оружје и муниција.

The post 📷 РУСИТЕ БЕСНИ НА СРБИЈА Првата дама на Украина во посета на Белград appeared first on plusinfo.mk.

„Смртна опасност“ ќе виси над Украина доколку Западот ја повлече финансиската помош за отпорот против силите на рускиот претседател Владимир Путин, предупреди првата дама на Украина, Олена Зеленска, цитирана од ДПА.

Сопругата на украинскиот претседател Володимир Зеленски вели дека луѓето во нејзината земја ќе бидат оставени да умрат ако светот се измори да дава помош за земјата. Таа јасно ги кажа тие предупредувања во интервју за Би-Би-Си во контекст на британскиот притисок врз републиканците во американскиот Конгрес да одобрат нова американска помош за Киев.

Во четвртокот, британскиот министер за надворешни работи Дејвид Камерон ја искористи посетата на Вашингтон за да ги предупреди републиканците дека блокирањето на новиот пакет помош за Украина е „божиќен подарок“ за Путин. Оваа недела, Сенатот, Горниот дом на Конгресот на САД, под контрола на републиканците, го блокираше нацрт-законот поддржан од демократите за обезбедување милијарди долари помош за Украина.

-Навистина ни треба помош. Едноставно кажано, немаме право да се измориме од оваа ситуација, бидејќи ако го сториме тоа, ќе умреме. И ако светот се измори да ни помага, само ќе не остави да умреме – изјави Зеленска за Би-Би-Си.

The post АКО СВЕТОТ СЕ ИЗМОРИ ДА НИ ПОМАГА, ЌЕ НЕ ОСТАВИ ДА УМРЕМЕ Зеленска го предупреди Западот на последиците appeared first on plusinfo.mk.

Известувањето е објавено на руската веб-страница „ГИС Торги“, пренесува Укринформ, повикувајќи се на руските медиуми.

„Предмет на лицитацијата е имотот лоциран на адреса Крим, Јалта, општина Ливадија, улица Батурина, зграда 44 А, стан 501, со вкупна почетна минимална вредност од 24.642.490 рубљи“, се наведува во соопштението.

Пријавите за наддавање се затвораат на 26 октомври, а аукцијата ќе се одржи на 30 октомври.

The post ПРОЦЕНЕТ Е НА 2,5 МИЛИОНИ ЕВРА Русија го стави на аукција станот на Олена Зеленска во Јалта appeared first on plusinfo.mk.

Првата дама на Украина, Олена Зеленска вчера ги повика светските лидери да помогнат во враќањето на украинските деца кои биле насилно однесени во Русија, каде, како што рече, биле индоктринирани и лишени од нивниот национален идентитет, пренесува Франс прес.

Зборувајќи на маргините на Генералното собрание на Обединетите нации во Њујорк, Зеленска рече дека повеќе од 19.000 украински деца биле насилно префрлени или депортирани во Русија или на окупираните територии. Од нив досега се вратиле само 386.

– Во Русија им рекле дека на родителите не им требаат, дека на нивната земја не и требаат, дека никој не ги чека. Им рекле дека повеќе не се украински деца, туку дека се руски – рече Зеленска.

The post ОЛЕНА ЗЕЛЕНСКА ИМ СЕ ОБРАТИ НА СВЕТСКИТЕ ЛИДЕРИ Вратете ни ги 19.000 киднапирани деца appeared first on plusinfo.mk.

Првата дама на Украина, Олена Зеленска, во емотивно интервју опиша како војната влијаела на нејзиниот семеен живот.

– Ова можеби звучи себично, но ми треба сопруг покрај мене, а не историска личност – вели сопругата на украинскиот претседател Володимир Зеленски во интервјуто за Би-Би-Си.

Таа додава дека семејството не поминува многу време заедно.

– Но, ние се држиме, имаме сила и емотивно и физички. Сигурна сум дека ќе се справиме со тоа – додава Олена Зеленска.

Кога Русија ја нападна Украина во февруари 2022 година, Олена Зеленска со месеци се криеше на тајни локации со своите деца. Таа открива дека на почетокот на инвазијата имала постојано чувство на наплив на адреналин, но дека со текот на времето сфатила дека мора да се смири и да почне да живее во согласност со постоечките услови.

Откако минатата година излезе од скривницата, Олена која е поранешна сценаристка почна да патува низ светот за да се сретне со лидери на различни земји и да држи говори.

– Јас и мојот сопруг не живееме заедно, семејството е разделено. Се гледаме, но не толку често колку што би сакале. На син ми му недостига татко му. Ме боли кога ќе видам дека моите деца не планираат ништо. Нашата ќерка има 19 години. Други на нејзината возраст сонуваат за патувања, за нови искуства, емоции. Таа нема таква можност – вели Олена Зеленска.

Првата дама и украинскиот претседател Володимир Зеленски почнале да се забавуваат во средно училиште и продолжиле да работат заедно во хумористична трупа и ТВ студио – тој како актер, а таа како сценаристка. Зеленска вели дека не ни сонувала дека нејзиниот сопруг ќе стане историска личност и дека и недостига времето поминато заедно.

За својот сопруг таа вели дека тој навистина има енергија, волја, инспирација и тврдоглавост да ја помине оваа војна.

– Верувам во него. И го поддржувам. Знам дека има доволно сила. Оваа ситуација би била многу потешка за која било друга личност што ја познавам. Тој е навистина многу силен и издржлив. На сите ни треба таа негова сила во моментов – вели првата дама на Украина.

Олена Зеленска верува дека на војната ќе и дојде крајот.

– Никој не може да знае што го чека. На крајот на краиштата, никој не можеше да замисли дека во 21 век ваква војна ќе се води среде Европа. Сурова, крвава војна. Украинците веруваат во победа, но ние веруваме во победата. Не знам кога ќе дојде. Ова долго чекање и постојан стрес го земаат својот данок – вели Олена Зеленска.

The post МИ ТРЕБА СОПРУГ ПОКРАЈ МЕНЕ, НЕ ИСТОРИСКА ЛИЧНОСТ Олена Зеленска емотивно опишува како семејно се справуваат со војната appeared first on plusinfo.mk.

,,Добро утро, европски пријатели! Како сте? Читате твитови, пиете кафе? Сакате да почувствувате како Украинците го започнуваат денот? Спуштете се во ладен подрум неколку часа: со батериска ламба и со агрегат за струја наместо со топла чаша (кафе)– немајќи поим кога ќе дојде струјата“, пишува Зеленска и продолжува:

Good morning, European friends! How are you? Reading tweets, drinking coffee? Want to feel how Ukrainians start their day? Go down to cold basement for a couple of hours: with a flashlight and a power bank instead of a warm cup – having no idea when will the electricity be. 1/2

— Олена Зеленська (@ZelenskaUA) October 31, 2022

„Руските терористи ја започнаа својата „работна недела“ со масовен ракетен напад врз енергетската инфраструктура на Украина. Но, ние се држиме. И ние сонуваме секој човек во Европа да го започне своето утро топло и безбедно. Пишете ако ви треба нешто, ќе одговориме штом имаме сигнал”, пишува во ироничната порака на Зеленска која во пораката го користи знакот :).

Во коментарите сопругата на претседателот Зеленски добива поддршка, но и забелешки дека Европејците и самите се соочуваат со проблеми заради тоа што нивните влади ја поддржуваат Украина во воената агресија.

The post ЕВРОПЕЈЦИ, ПИШЕТЕ АКО ВИ ТРЕБА НЕШТО! Госпоѓа Зеленска удри по оние кои „си пијат кафе и твитаат“ appeared first on plusinfo.mk.

 

View this post on Instagram

 

A post shared by Olena Zelenska (@olenazelenska_official)

Текстот со наслов „Портрет на храброста“ започнува со реченицата: „Не постоеше сценарио за првата дама за време на војната, па Олена Зеленскa го напиша своето. Иако секогаш стоеше зад својот сопруг, сега е во центарот на сцената на трагедијата.

Олена Зеленски во интервјуто рекла дека нејзините деца и помогнале да го преброди овој тежок период и инсистирала дека не би можела да „преживее“ без нив.

Но, нејзиниот сопруг досега не можеше да се „соедини“ со нивните деца поради безбедносни причини.

„Нему му е многу потешко во овој поглед“, рекла Олена и додала:

„Тој страда. А потоа страдаат и моите деца, бидејќи не можат да се видат.

 

View this post on Instagram

 

A post shared by Vogue (@voguemagazine)

Фотографиите на брачната двојка Зеленски, освен поддршка на социјалните мрежи, наидоа и на негативни реакции на сметка на украинскиот претседател Володимир Зеленски, кој беше етикетиран како човек кој сака да се „прослави во воени околности“.

„Кан, Венеција, Греми награди, насловна страница на „Вог“ – како да е поп-ѕвезда, а не главен човек во земја која е нападната“, „Луѓето умираат, но Зеленски е зафатен со снимање за „Вог““, „Ова се нарекуваат приоритети – насловна страница на „Вог“ пред грижата за народот“, пишуваат луѓето.

„Некои луѓе изгубија сè, а првата дама и претседателот позираат на насловната страница“, „Нема ништо полошо од – среде војна сме и насловна страница на моден магазин“, се само некои од бројните коментари на социјалните мрежи.

 

View this post on Instagram

 

A post shared by Olena Zelenska (@olenazelenska_official)

ФОТО: Инстаграм

The post ЛУЃЕТО БЕСНИ НА ЗЕЛЕНСКИ И СОПРУГАТА Народот гине, а тие како поп-ѕвезди позираат за „Вог“ (ФОТО) appeared first on plusinfo.mk.

– Ова не е нормално, тоа не е нормална врска, кога децата не можат да го видат својот татко и мораат да разговараат со него на телефон… Затоа нашата врска во моментот е на пауза, како и врските на повеќето Украинци – ѝ рекла Олена на новинарката Кристијана Аманпур.

Поради безбедносни причини, парот може да се гледа повремено и накратко, а во првите два месеци од руската инвазија воопшто не се виделе. Зеленски живеел во својата канцеларија со својот персонал, додека Олена и нивните две деца на возраст од 17 и 9 години, биле чувани на тајна локација.

– За среќа, тие два месеци, кога воопшто не можев да го видам сопругот, сега се минато. Сега можам да го видам понекогаш. Не често и не долго, но можам физички да го чувствувам – признала првата дама на Украина и додала дека војната ѝ нанела голема штета на земјата и дека во моментот не може да го види крајот на нивните страдања.

Инаку, Володимир и Олена се во брак речиси 20 години. Двајцата се родени во градот Криви Рих на југоистокот на Украина, каде што учеле во исто училиште, но во тоа време не биле блиски. Кога дошло време да се избере што ќе студираат, Олена избра архитектура на Градежниот факултет, а Володимир избрал право. Иако имале различни интереси, студирале во ист град на Националниот универзитет во Криви Рих. Тие се запознале во тие години, набрзо се вљубиле и започнале врска која траела осум години пред да се венчаат во 2003 година.

ФОТО: Инстаграм

The post ОЛЕНА ЗЕЛЕНСКА ЗА БРАКОТ СО ВОЛОДИМИР Сега сме на пауза, тоа не е нормална врска appeared first on plusinfo.mk.

Олена Зеленска, првата дама на Украина и сопруга на претседателот Володимир Зеленски, откри како се чувствувала кога сфатила дека нејзината земја е под руска инвазија.

 

View this post on Instagram

 

A post shared by Vogue Italia (@vogueitalia)

Олена (44), која првпат се појавила на насловната страница на украинскиот „Вог“ во 2019 година, повторно проговори за модниот магазин и откри како изгледа нејзиниот живот од почетокот на руската инвазија на Украина. Се присетила на самиот почеток, во раните утрински часови на 25 февруари и опишала дека ја разбудило „чукање“.

– Многу добро се сеќавам на почетокот. Беше вообичаен работен ден и вечер: децата се враќаа од училиште, вообичаените домашни работи, се подготвуваа за следниот училишен ден… Бевме напнати. Насекаде многу се зборуваше за можна инвазија. Но, до последен момент беше невозможно да се поверува дека тоа ќе се случи… во 21 век? Во современиот свет? Се разбудив, некаде помеѓу 4 и 5 часот наутро, поради чукање . Не сфатив дека тоа е експлозија. Не разбрав што може да биде. Мојот сопруг не беше во креветот. Но, кога станав, го видов веднаш, веќе облечен, во костум како и обично (ова беше последен пат кога го видов во костум и бела кошула – оттогаш е во воена облека „Почна.“ Тоа е сѐ што ми рече тогаш – изјавила Олена Зеленска за „Вог“.

Првата дама на Украина, која се омажи за Зеленски во 2003 година, вели дека владеела „конфузија“, но не и паника. Нејзиниот сопруг ја советувал „да ги собере основите работи и документите“, а таа чекала тој да даде повеќе детали. Олена открила и дека таа и нејзиниот сопруг веќе разговарале за сѐ со нивните две деца, 17-годишната Олександра и деветгодишниот Кирил.

„На децата не треба ништо да им објаснувате. Тие гледаат сè, како и секое дете во Украина. Се разбира, ова не е нешто што децата треба да го гледаат – но децата се многу искрени и поштени. Не можете ништо да сокриете од нив. Така што најдобрата стратегија е вистината. Со ќерка ми и синот разговаравме за сѐ. Се обидов да одговорам на нивните прашања“, изјавла Олена и додала: „Многу разговараме, бидејќи важно е да кажеме што нѐ боли, не треба молчиме и чуваме тоа во себе – тоа е докажана психолошка стратегија. Дејствува“, објаснила Олена.

 

View this post on Instagram

 

A post shared by Володимир Зеленський (@zelenskiy_official)

Зеленска неодамна пишувала во францускиот весник „Ле Паризиен“, заблагодарувајќи им се на првите дами на другите земји и на „сите Европејци“ за помошта на украинските бегалци кои избегаа од војната.
„Војната веднаш влијаеше врз нас да се обединиме јавно и приватно. И тоа веројатно беше фаталната грешка на тиранинот кој нѐ нападна. Сите ние сме прво Украинци, а дури потоа сѐ друго. Сакаше да нѐ подели, разбие, да предизвика внатрешни конфликти, но тоа е невозможно да се направи со Украинците. Кога некој од од нас е мачен, силуван или убиен, чувствуваме дека сите сме мачени, силувани или убиени. Не ни треба пропаганда за да почувствуваме граѓанска свест и да се спротивставиме. Токму тој личен гнев и болката, кои сите ги чувствуваме, во моментот ја активираат жедта за акција, за давање отпор на агресијата, за одбрана на својата слобода. Секој тоа го прави како што може: војниците со оружје в раце, учителите продолжуваат да подучуваат, лекарите спроведуваат сложени операции додека траат нападите. Сите станаа волонтери – уметнииците, рестораторите, фризерите – додека варварите се обидуваат да ја заземат нашата земја. Видов дека тоа буди најдлабоки патриотски чувства кај нашите деца. Притоа не мислам само на моите деца, туку на сите деца на Украина. Ќе израснат во патриоти и бранители на својата татковина“, рекла Зеленска.

Таа открила и дека на почетокот на инвазијата немало време за емоции.

– Потребно беше да се грижам за децата, за нивните емоционални состојби. Затоа се обидов да бидам самоуверена, насмеана, енергична, објаснувајќи им дека е потребно да се симнеме во подрумот и зошто не можам да го вклучам светлото. Се обидов оптимистички да одговорам на нивното прашање: „Кога ќе го видиме тато?“ Им реков: „Наскоро“. Во тие први денови се надевав дека можеби ќе можеме да останеме со него, но кабинетот на претседателот стана воен објект и мене и на моите деца ни беше забрането да престојуваме таму. Ни беше наредено да се преселиме на безбедно место – ако во Украина сега воопшто е можно да се пронајде безбедно место… Оттогаш, со Володимир комуницираме само по телефон“, раскажала Олена Зеленска.

 

View this post on Instagram

 

A post shared by Vogue Portugal (@vogueportugal)

Таа открила и дека Украинките живееле мирни, модерни животи – како што живеат читателките на „Вог“. Всушност, Украинките биле читателки на „Вог“, бидејќи постои и украинска верзија на тоа списание.
„Тие не подготвуваа нуклеарни засолништа поради ракетните напади. Сите Украинци престанаа да се чувствуваат безбедно. Моравме да научиме како да ги собереме нашите најблиски што е можно побрзо кога ќе го слушнеме звукот на сирената и да избегаме во подрумот што е можно побрзо“, додала таа.

Веќе на третиот ден од руската инвазија на Украина, во прифатилиштето се роди едно дете.

„И откако илјадници жени мораа да се породат во засолништа, бидејќи видовме што може да се случи со породилиштата како онаа во Мариупол, кое беше бомбардирано од Русите. Имаме проблем и со лекувањето на децата, особено на оние деца со тешки болести. Мајки и баби живеат со такви деца во болниците со месеци. А, сега ќе мора да ги однесеме сите на лекување во странство. Жените мораа да ги напуштат окупираните области, ризикувајќи ги своите животи за време на отворен оган, заедно со децата и постарите лица. Често мораа да пешачат, без мажи, бидејќи окупаторите не сакаа да ги пуштат мажите“, рекла Олена.

Тврди дека Украинките се незаштитени и постојано им се заканува насилство.

Таа додала и дека и порано Украинците можеле да патуваат низ Европа без виза. Тие посетиле многу земји, но не планирале да ги посетат како бегалци.

„Затоа третирајте ги како да се едни од вас. Нашите мајки и деца сонуваат да се вратат дома, повторно да се спојат со своите семејства. Затоа ве молиме помогнете им да се адаптираат додека не им биде овозможено да се вратат дома“, рекла таа.

 

View this post on Instagram

 

A post shared by Olena Zelenska (@olenazelenska_official)

Олена открила дека таа самата живее како сите други Украинци.

„Сите имаме една голема желба – мир. Јас, како и сите други мајки и сопруги, постојано се грижам за мојот сопруг и правам сѐ што е во моја моќ моите деца да останат безбедни“, открива првата дама на Украина.

The post ОЛЕНА ЗЕЛЕНСКА СИ ЈА ОТВОРИ ДУШАТА ЗА „ВОГ“ Ja разбудила експлозија, Володимир не бил во креветот appeared first on plusinfo.mk.