– По Втората светска војна Германија беше поделена, како што знаете, на четири сектори: американски, британски, француски и советски. Така, Советскиот Сојуз го официјализираше крајот на тој окупациски статус, а САД не. И строго кажано, формално и во правна смисла, постојат американски окупациски сили кои се на територијата на Сојузна Република (Германија). И тоа е она што всушност се случува: ги има многу таму – рече Путин на средба со студенти.

Според претседателот, „самите германски политичари велат дека по Втората светска војна, Германија никогаш, во целосна смисла на зборот, не била суверена земја“.

– Ова не е она што јас го кажувам, тоа го кажуваат истакнати, сакам да го истакнам ова, не руско-ориентирани политичари, туку политичари ориентирани кон Германија, тие го кажуваат ова отворено. Тоа е директен говор. Многу од она што сега случува има длабоки корени, има одредени основи – додаде Путин.

Шефот на Русија ја спомна и Австрија.

– Советските трупи беа стационирани во Австрија, но тие доброволно заминаа..Русија како правен наследник на Советскиот Сојуз е гарант на уставот на Австриската Република и гарант на неутралноста на Австриската Република. Општо земено, многу обичните луѓе во Австрија се свесни за тоа и ѝ се благодарни на Русија за оваа позиција…Што се однесува до другите европски земји, ситуацијата е комплицирана – подвлече Путин.

The post АМЕРИКАНЦИТЕ УШТЕ СЕ ОКУПАТОРИ ВО ГЕРМАНИЈА Путин вели дека војските на САД никогаш не заминале по Втората светска војна appeared first on plusinfo.mk.

Инаку, извештаи за ослободување на тоа населено место во северниот дел на регионот на Херсон беа објавени и во текот на јуни. Украинскиот претседател Володимир Зеленски на воен состанок изјавил дека украинските знамиња се повеќе се враќаат таму каде што припаѓаат.

Raising the Ukrainian flag in Vysokopillya town, Kherson region, today.

Glory to Heroes!

: TSN pic.twitter.com/Bnx8xi1D5i

— Anton Gerashchenko (@Gerashchenko_en) September 4, 2022

„И нема место за окупатори во нашата земја“, ја објавува Кабинетот изјавата на претседателот, без притоа да се дадат детали.

Медиумите во Киев уште јавуваат дека украинските воени единици во текот на вчерашниот ден го ослободиле и местото Озерне во Доњецк. Информацијата не е потврдена од независни извори.

Украинската армија на крајот на минатиот месец  покрена офанзива за ослободување на регионот Херсон што руските сили го зазедоа набргу по почетокот на инвазијата на 24 февруари.

Руското Министерство за одбрана ги негира наводните успеси на украинската армија.

The post ПОДИГНАТО УКРАИНСКОТО ЗНАМЕ БЛИЗУ ХЕРСОН Нема место за окупаторите во нашата земја (ФОТО) appeared first on plusinfo.mk.

Во писмото тој негодува против обидите за менување на историјата, особено за текот на бугарската окупација на Македонија и депортацијата на македонските Евреи во германскиот логор на смртта – Треблинка.

Писмото на Мизрахи ви го пренесуваме во целост:

Со векови сме крвареле, со векови трае борбата за национална, слободна и независна Македонија.

Само по последната илинденска епопеја, во НОБ дадовме преку 25.000 жртви, од кои 7.144 евреи. Заедно крвариме од секогаш, од Илинден и Рафаел Камхи до депортацијата на 7144 евреи.

А таа депортација ја изврши царска Бугарија, Филов, Габровски и Белев… не бугарскиот народ. Тие беа окупатори и фашисти, а не администратори. Ниту еден од депортираните не преживеа.

Колозова и Малески, Османи, Ковачевски, Маричиќ, пратеници, бугарските војски не беа ослободители, а Евреите не ги депортираа Македонци.

Ги депортираа бугарските фашисти. Ќе ги депортираа и бугарските Евреи, но нив за среќа успеаа да ги одбранат бугарските интелектуалци, бугарската православна црква, Пешев и бугарскиот народ.

Тоа можете да го видите и од расправите во нивниот парламент.

Ако немате доволно знаење, постојат оригинални документи за тоа кој наредил окупација на Македонија и депортација, а за истите ви стојам на располагање во секој момент.

Погледнете ги поставките во Вашингтонскиот Меморијален центар, Јад Вашем, Меморијалниот центар на хлокаустот на Евреите од Македонија, па размислете за вашите изјави.

Не разбирам како вашите студенти ги слушаат ваквите ваши изјави.

Одете со вашите студенти во Треблинка и видете го камен обележјето на трагедијата на Евреите од Македонија.

Не праќајте ги Евреите во гасните комори по втор пат. Не горете ја пепелта по втор пат. Не менувајте ја историјата за да постигнете ваши политички или материјални цели.  Кој ќе ја заборави историјата, нема да постои. А вашите политички цели нема да се исполнат. Македонскиот народ нема да заборави ниту да го прости ова.

The post НЕ ПРАЌАЈТЕ ГИ ЕВРЕИТЕ ВО ГАСНИ КОМОРИ ПО ВТОР ПАТ Мизрахи остро ги прозва Колозова, Малески, Османи, Ковачевски и Маричиќ appeared first on plusinfo.mk.

Рускиот министер за надворешни работи Сергеј Лавров остро ги критикуваше изјавите на неговите колеги од Запад на Самитот Г20 во Индонезија, обвинувајќи ги дека „ја оттргнуваат темата од дискусијата за глобалната економија“ нарекувајќи ги Русите „агресори, окупатори и освојувачи”.

– Во текот на дискусијата западните партнери ја избегнуваа задачата на групата Г20, а тоа е глобалната економија. Разговорот отстапи од темата кога западните дипломати почнаа со налудничави критики кон Руската Федерација поврзани со ситуацијата во Украина – рече Лавров.

– Агресори, окупатори, освојувачи…многу такви нешта се изнаслушавме денеска – изјави Лавров.

„Рускиот министер за надворешни работи Сергеј Лавров штотуку пристигна на состанокот на Г20 на Бали, опкружен со големо медиумско внимание. Но, тој треба да замине пред ручек, изјави неговата портпаролка Марија Захарова за германската агенција ДПА“, пренесува германскиот весник.

Тој го избегна и говорот на германската министерка за надворешни работи Анален Бербок. Бербок, како вршител на должноста претседател на групата Г7 на водечките демократски економски сили, требаше да биде следната говорничка по Лавров. Според нив, Русинот седел во салата меѓу претставниците на Саудиска Арабија и Мексико.

Присуството на Лавров на состанокот на Г20 се сметаше и како тест за можното учество на шефот на Кремљ Владимир Путин на самитот на Г20 закажан за 15 и 16-ти ноември исто така во Бали.

The post ЛАВРОВ ПОБЕСНЕ НА САМИТОТ Агресори, окупатори, освојувачи, сѐ се изнаслушавме! appeared first on plusinfo.mk.

Чиста лага и фалсификат без преседан е тврдењето на бугарскиот претседател Румен Радев, кој вели дека десетици илјади Бугари од Македонија биле испраќани во логори, само затоа што решиле да продолжат да се нарекуваат Бугари. На територијата на Македонија не постоел ниту еден логор, а во Југославија го имаме Голи Оток, но тоа е логор за неистомислениците со системот, ниту еден Бугарин не бил однесен таму поради неговото национално чувство, открива во изјавата за Плусинфо македонскиот историчар Тодор Чепреганов.

Изјавата на Радев предизвика големи реакции во нашата јавност, а Чепреганов додава и дека овој фалсификат, Бугарите упорно се обидуваат да го „протнат“ и во актите на Европската комисија.

– Нека кажат од Софија каде биле тие логори, нека ги откријат списоците со имињата на логорашите. Не постои податок за ниту еден Бугарин, бидејќи така се декларирал, дека потоа бил за тоа испратен во затвор или во логор. Уште на првиот попис спроведен по војната, во Македонија се попишани припадници на бугарско малцинство. Точно е дека неколку соработици на окупаторот по војната биле затворени во Идризово, како и неколку припадници на вмровските организации. Но, треба да се потенцира дека тука се работи за луѓе кои биле соработници на окупаторските сили, кои ширеле пропаганда или работеле против системот. Ниту еден од нив не бил уапсен, осуден и затворен поради тоа што се декларирал како Бугарин, тоа е груба измислица – додава Чепреганов.

Тој потсетува дека за време на Втората светска војна, интернираните Македонци во Бугарија биле носени во т.н. трудови логори, каде биле натераи на присилна работа.

The post НИТУ ЕДЕН БУГАРИН ОД МАКЕДОНИЈА НЕ БИЛ ИСПРАТЕН ВО ЛОГОР Тврдењето на Радев е фалсификат без преседан appeared first on plusinfo.mk.

– Не станува збор за никакво бришење на историјата. Бугарија тогаш донела одлука да стапи во пакт со фашистичките земји, а Македонија во тоа време донела одлука да им се приклучи на антифашистичките сили. И тука нема дилема. Фашизмот останува и нема да биде отстранет ниту еден споменик. Сите си го знаеме нашето минато, горчините и предавствата. Но, од нас зависи дали ќе стиснеме заби и ќе влеземе во Европа, давајќи им шанса на идните генерации. Ние ги носиме одлуките и ние одлучуваме како да живееме во иднина и како да ги креираме нашите патишта – рече Заев.

Зарем да се лутам на моите струмичани, кои, како што појасни Заев, едно семејство го предава народниот херој Благој Јанков Мучето, друго го крие и бегајќи на влезот во паркот е убиен од страна на бугарски офицер во тоа време.

– Неговото мртво тело е влечено од влезот на паркот до сегашното струмичко корзо. Пола од народот го има плукнато за да се додворува на окупаторот. Дали тоа е причина да тагуваме за нашето минато и да останеме во нашето минато и да го оквалификуваме дека тоа било малцинство на посебни карактери на луѓе, а нашата нација е стварно антифашистичка определена и дали ќе дадеме шанса на иднината за да ја градиме како европска, сакајќи да бидеме во Европа. Тоа се одлуките што треба ние да ги донесеме – рече премиерот.

Тој истакна дека очекува зелено светло од Бугарија најскоро во декември годинава.

– Најскоро во декември годинава очекуваме зелено светло од Бугарија и тогаш ќе можеме да го направиме следниот чекор. Сè што ќе се постигне како договор и сè што ќе се земе како обврска ќе биде паралелно и обострано спроведувано откако ќе ја добиеме поддршката – истакна Заев, додавајќи дека нашиот источен сосед го прекршил Членот 2 од Договорот за добрососедство кој вели дека Бугарија ќе ја поддржи Македонија на патот кон ЕУ.

The post НАЦИСТИЧКА БУГАРИЈА НЕ Е ИСТА СО РЕПУБЛИКА БУГАРИЈА Заев рече дека од нас зависи дали ќе стиснеме заби и ќе влеземе во ЕУ appeared first on plusinfo.mk.

Во реакцијата се посочува дека бришењето на терминот за етничка припадност значи „искривување на историската вистина“.

Тие наведуваат дека нивната реакција се базира на фактите дека денешна Република Македонија за време на Втората светска војна била поделена на две окупациони зони – Западна Македонија окупирана од Италија и Централна и Источна Македонија окупирана од Царска Бугарија, во кој дел живееле Евреите, како и дека тие биле депортирани од страна на бугарскиот окупатор, а не од италијанскиот окупатор.

„За да не дојде до погрешно учење на историјата потребно е дообјаснување кое ќе ги задоволи сите засегнати страни кои се погодени со историските случувања. Тоа значи наместо бришење на ’бугарски‘ да се додадат термините ’тогашен‘ и ’власт‘ и секоја формулација на настаните од Втората светска војна поврзани со бугарскиот окупатор, би се именувале како ’тогашните бугарски фашистички окупаторски власти‘, наведуваат Еврејската верска заедница и Фондот на холокаустот на Евреите од Македонија.

Оттаму посочуваат дека денешната модерна и демократска Бугарија, треба да го апсолвира фактот со своето минато дека била дел од Оската и директно учествувала во холокаустот на Евреите.

Според нив, за да ги изземе сегашните генерации и да ги ослободи од товарот на минатото, потребно е Софија јавно да се извини за постапките на Царска Бугарија, за окупацијата и депортацијата на Евреите од денешна Македонија.

„Ова наше барање се провлекува години наназад и наместо да биде финализирано, сè повеќе се продлабочува. Се надеваме дека нема да дојде време кога ќе се побара од нас Евреите, кои со векови живееме на овие простори, да ја избришеме колективната меморија за постапките на тогашните бугарски фашистички окупаторски власти“, се вели во заедничката реакција на Еврејска верска заедница и Фонд на холокаустот на Евреите од Македонија.

The post НАМЕСТО ДА СЕ ИЗБРИШЕ „БУГАРСКИ ОКУПАТОРИ“, НЕКА СЕ ДОДАДЕ „ТОГАШНИ БУГАРСКИ ОКУПАТОРИ“ Евреите во Македонија не прифаќаат бришење на содржината во учебниците appeared first on plusinfo.mk.

Токму во оваа област се заговара потребата Европската Унија да изгради поцврст заеднички пристап за да се справи со несериозни историографски толкувања. Еден предлог во таков контекст е да се соберат реномирани историчари во Европа во рамки на подолготрајна семинарска дејност, со цел подетално да се разменат и усогласат мислењата и ставовите околу најфлагрантните и несериозни обиди за искривување на историјата.

Бугарското настојување за бришење на печатот на сопственото фашистичко минато се провлекува како константа во однос на историските „изгубени територии“ и нивното „ослободување и администрирање“, а кое, според гледиштата на бугарските политички лидери и академици, не би требало да се карактеризира и нарекува како класична окупација.

Таквиот пристап Софија очигледно го фаворизира и денес во однос на развојот на соседските односи со Македонија. Прашањето што од своја страна, пак, го актуелизира премиерот Заев, дека на фашизмот не треба да му се припишува национална одредница, во конкретниов случај на „бугарскиот“ фашистички окупатор, бидејќи тоа е навредливо кога денес се зборува за бугарската нација во целина. Но тоа сепак во основа може да се сфати како непотребно релативизирање на упорните историско-ревизионистички обиди на Софија околу сопствената фашистичка и окупаторска улога во Втората светска војна, а што би било можно само доколку со давање предност на лесни политички квалификативи би била избегната сериозна академска, но и политичка расправа, во односите меѓу двете земји и пошироко во регионот.

Проблемот што во Европа мошне јасно се лоцира во однос на таквиот начин на релативизирање на историските факти е дека будењето на сеништа од Втората светска војна не нудат продуктивна перспектива во натамошниот развој на евроинтеграциите.

Скандинавските историографски толкувања и анализи, како, на пример, на Институтот за историја при една од најзначајните високообразовни институции во Скандинавија, Универзитетот во Лунд, јасно ја дефинираат улогата на Бугарија во Хитлеровата фашистичка коалиција, односно дека нацистичка Германија ѝ дозволила на Бугарија да „окупира и администрира“ поголем дел од територијата на денешна Македонија.

Во текот на бугарската окупација, односно во бугарската „окупациска зона“, како што тврди еден од најзначајните авторитети на историската наука во Шведска, професор Дик Харисон, се извршени низа воени злосторства, вклучувајќи ги и депоратациите на еврејското население, „со исклучително мал број преживеани“.

Такви историографски факти доминираат насекаде во историските записи во Европа. Тоа е окупација, која, со благослов на фашистичка Германија, ја спроведувала и „администрирала“ бугарската фашистичка држава, а не некоја друга.

Историјата не може да се „разубавува“ во интерес на обидите за оживување или повампирување на големодржавни идеи и претензии, со цел наметнување политичка волја и доминација врз оној што се смета за послаб во меѓудржавните односи. Оттаму е и неопходно да се потенцира дека неспорните историски факти не можат да бидат предмет на какви било нејасно дефинирани преговори, дури и по цена на прогрес чиј бенефит може да биде согледан во контекстот на идните (добро)соседски односи.

На мрачното наследство од ерата на фашизмот и обидите неговите последици да се релативизираат во контекстот на новите политички односи и реалности, посебно се укажува при изборите за ЕУ-парламентот, од кои се очекува да создадат претпоставки за изградба на прогресивни алијанси и едновремено да функционираат како јасна противсила на фашизмот, неговото повампирување или историско негирање.

И на Бугарија и на Македонија воопшто не им е потребно бришење од учебниците, или ревидирањето на јасно потврдените историски факти околу фашизмот и бугарското фашистичко минато, туку она што се чини најпотребно е прогресивен политички пристап во организирањето на луѓето и на политичкото дејствување околу вредностите какви што се демократијата и еднаквоста.

Формулирањето на идеолошката критика мора да најде начин да излезе од традиционалните политички застранувања и манипулации, кои, со полна уста лажни и дволични фрази за меѓусебното почитување, низ историска перспектива, постојано ги продлабочуваат поделбите на Балканот.

Смислата на борбата околу историографските толкувања поврзани со Втората светска војна не треба да води кон таков резултат што ќе претставува копање и „закопување“ во нови историски ровови. Бидејќи, со она што го предлага Заев во форма на своевидна историска козметика, во врска со карактерот на бугарското фашистичко минато, и покрај добрите намери за расчистување на спорните прашања во меѓудржавните односи, тешко може да најде оправдување дури и во онаа познатата на Орвел – дека „оној што ја контролира историјата, ја контролира иднината“. Овде сепак станува збор за билетарелен спор, кој според многу нешта што го карактеризираат, во преден план не е свртен кон барање излез кон иднината, туку, напротив, се заканува со натамошно замаглување на ионака затемнетиот историски хоризонт.

The post Фашизмот и историската козметика appeared first on plusinfo.mk.

„Победа! За Македонија веќе не сме „окупатори“, пишува бугарскиот медиум Лупа.бг. 

Ова следи откако премиерот Зоран Заев најави дека ќе се менуваат учебниците кои ги содржат термините „бугарски фашистички окупатор“, во знак на пријателскиот дух со Бугарија. Дел од бугарските медиуми пишуваат дека пораката се совпаднала со Денот на независноста кој вчера го одбележаа.

„Заев: Нема да ги нарекуваме бугарски фашисти, ќе одговорам на барањата на Радев“, пишува Бгнес.

„Заев: Некои Македонци биле помошници на фашистите“, пишува бугарски Труд.

The post ПОБЕДА! ЗА МАКЕДОНИЈА ВЕЌЕ НЕ СМЕ ОКУПАТОРИ Коментари на бугарски медиуми appeared first on plusinfo.mk.