„Истражувачкото новинарство е суштина на новинарската професија и тоа е клучно за остварувањето на улогата на медиумите во современите демократии. Најважната задача на новинарите е да информираат за актуелните случувања, поради што треба да им се овозможи непречено да известуваат за теми кои се предмет на интерес на јавноста“, се вели во реакцијата на АВМУ.

Пратеникот на ВМРО-ДПМНЕ, Антонио Милошоски, вчера реагираше дека директорот на ГТЦ, Ѓоко Трајчевски, им забранил на новинарите да ги снимаат незадоволните дуќанџии кои бараат одговори за скандалот со лабораторијата за копање криптовалути во подрумските простории на објектот.

Тој објави и видео на кое се гледа како групата дуќанџии влегува во расправија со обезбедувањето на ГТЦ.

The post АВМУ ГО ПОДБРА ДИРЕКТОРОТ НА ГТЦ Несоодветно е однесувањето на обезбедувањето и обидот да се отстранат новинарите appeared first on plusinfo.mk.

Тој на Фејсбук објави видео на кое се гледа како групата дуќанџии влегува во расправија со обезбедувањето на ГТЦ.

„Ѓоко Трајчевски, директор на ГТЦ, веројатно соучесник во копањето на милионски суми биткоини на државна струја, забранил новинарите да ги снимаат незадоволните дуќанџии кои бараат одговори за скандалот со риг-фармата на советникот од листата на СДСМ, Габриел Бајрам. Истовремено, директорот на ГТЦ лаже. ЕВН носи струја до главната трафостаница, а самиот ГТЦ ја носи струјата до магацинот на Габриел Бајрам и до дуќанџиите“, напиша Милошоски на Фејсбук.

The post ДИРЕКТОРОТ НА ГТЦ ЦЕНЗУРИРА Се обидел да ги спречи новинарите да ги снимаат незадоволните дуќанџии (ВИДЕО) appeared first on plusinfo.mk.

Секако, двете теми се легитимни и за нив треба да се расправа. Но, тоа не е суштината на аферата, чиј фокус треба да се насочи кон вистинските прашања. „Копањето“ криптовалути во магацински простор во ГТЦ е скандал поврзан со криминал и корупција. За тоа мора да се зборува јавно.

Пред сè, во случајот станува збор за основано сомневање дека фирма на Елвис и Габриел Бајрам, синови на покојниот Амди Бајрам, коалициски партнери во сите влади, вклучувајќи ја и владата на Зоран Заев, користи магацински простор во ГТЦ без договор за закуп и без плаќање закупнина.

Дополнително, се ројат сомневања дека и други фирми (меѓу кои и една позната и угледна компанија, многу блиска до Зоран Заев), користат деловен простор во ГТЦ без никаков надомест, или со спорни компензациски зделки, што претставува сериозен проблем.

Да е ГТЦ обична приватна фирма на поединци, да е ничија приватна прчија, што се вели, некако и да разбереме дека газдите некому би можеле да дадат деловен простор на користење без да плаќа кирија. Иако и тоа не е нормално. Но, ГТЦ е акционерско друштво со државна сопственост. Користењето деловен простор во овој објект без надомест е на штета на сите други корисници кои уредно плаќаат кирии, но и на штета на сите даночни обврзници.

Втор ден од директорот на ГТЦ бараме јавно да покаже договор за закуп на магацински простор со фирмата што „копала“ криптовалути (или сервисирала опрема за таа намена, сеедно). Бараме да се покажат и докази за уплати за кирии за овој простор во последните три години, колку што таа фирма го користи спорниот магацин. Директорот Ѓоко Трајчевски молчи. Нашите извори тврдат дека молчи затоа што нема што да покаже.

Мора да се расчистат и сомневањата дали „копачите“ краделе струја. Тоа е кривично дело за кое се казнува со затворска казна до три години. Засега, ги расчистивме сите дилеми како се носи, како се распределува, како се троши и како се плаќа струјата во ГТЦ. И дознавме дека МВР или лаже, или крие од јавноста клучни информации, одлучно тврдејќи дека немало кражба на струја.

Дистрибутерот ЕВН струјата му ја испорачува на ГТЦ и му фактурира на ГТЦ. Како потоа се распределува струјата меѓу корисниците на деловен простор не е работа на ЕВН, туку на ГТЦ.

Познато е дека магацинските простори немаат „контролни“ тарифни броила и дека струја плаќаат паушално. Од директорот на ГТЦ побаравме одговор на прашањето кој плаќал струја за магацинот во кој се „копале“ криптовалути и колку плаќал. И на ова прашање одговор засега нема. А нема, велат нашите извори, затоа што големите количества потрошена струја се распределувале за плаќање во купчето на ГТЦ, а „копачите“ плаќале скромни паушали. Ако воопшто нешто плаќале. Тоа, пак, значи дека кражбата на струја се вршела организирано.

Но, ова засега е само сомневање. Она што сигурно го знаеме е дека МВР не знае дали имало кражба на струја. Знаеме, всушност, дека МВР не сака да дознае. Не сакајќи да дознае, МВР не сака да ги отстрани и сомневањата дека одбивањето да се спроведе сериозна истрага можеби има врска со фактот што претседател на Управниот одбор на ГТЦ (органот кој го именува директорот) е Трајанка Тасевска, сопруга на Сашо Тасевски, директорот на Бирото за јавна безбедност.

Директорот на ГТЦ и претседателката на Управниот одбор се истакнати активисти на СДСМ. Габриел Бајрам е градски советник од коалицијата на СДСМ. Партијата на власт до гуша е во овој скандал. Расветлувањето може да ја стави владата на Зоран Заев во нови непријатности, бидејќи би можело да се откријат извршени кривични дела и сторители поврзани со власта.

Вирусот со кодно име BuyRAM.gtc се шири со години и го уништува најубавиот објект во централното градско јадро. Го уништува физички (објектот пропаѓа), ги уништува дуќанџиите кои врзуваат околу 3.000 семејства, но ги уништува и шансите овој објект да заживее во иднина. Џабе го гушкавме – го спасивме од барокниот оклоп, но не и од вирусот што го разјадува одвнатре. За овој вирус засега нема ни вакцина, а ни лек.

The post Вирусот BuyRAM.gtc appeared first on plusinfo.mk.

Иако се обидовме телефонски да контактираме со него, не го добивме, па прашања му ги испративме по СМС порака и преку апликацијата Вајбер и му дадовме доволно време да одговори. Во нашата редакција сѐ уште не се стигнати одговорите.  Испратените прашања ги објавуваме во целост и сметаме дека директорот Трајчевски има обврска на нив да одговори, со оглед на фактот дека раководи со акционерско друштво во државна сопственост.

Ова се нашите прашања до него:

„Во врска со случајот на злоупотреба на магацински простор на ГТЦ за активности за копање на криптовалути од страна на син на поранешен пратеник, ве молиме да ни одговорите на следните прашања:

1. Дали магацинскиот простор во кој се вршени овие активности, а кој според наши информации е на површина од 72 метри квадратни, е во приватна сопственост и ако е, кој е сопственик и од кога?

2. Дали магацинскиот простор, за кој имаме информација дека е во сопственост на ГТЦ, е издаден под закуп на приватно лице или на фирма? Ако е тоа сторено, ве молиме да ни презентирате договор за закуп и докази за извршени уплати на закупнина од страна на закупецот,

3. Од ЕВН сме информирани дека за целокупната потрошена електрична енергија на ГТЦ, компанијата фактурира директно на ГТЦ, а не на сопствениците на дуќаните и на другите закупци на деловен и магацински простор. Во магацинските простори на ГТЦ не постојат приватни броила за електрична енергија, а според нашите информации ни посебни броила под контрола на ГТЦ. Ве молиме да ни презентирате докази колку електрична енергија е плаќана за наведениот магацински простор и кој ја плаќал?“

Директорот на ГТЦ, Ѓоко Трајчевски, во текот на вчерашниот ден во изјава за ТВ21 рече дека од медиумите дознал за случајот со нелегалното копање криптовалути, што беше откриен во магацински простор во сутеренот на ГТЦ.

– Најодговорно тврдам дека не може да се контролира ситуацијата, бидејќи се работи за 500 до 600 дуќани, магацински и деловен простор и друг вид на простории – изјави Трајчевски за случајот.

Инаку, Ѓоко Трајчевски на функцијата директор на ГТЦ од страна на владата беше назначен во август 2017 година, каде што го замени Аго Абазовски, кој беше дел од партијата на Амди Бајрам.

Скопјанецот Ѓоко Трајчевски е дипломиран инженер и пред да стане директор, своето работно искуство го поминал токму во ГТЦ, каде 18 години бил раководител на оделот за одржување.

The post НИ ТРАГА НИ ГЛАС ОД ДИРЕКТОРОТ НА ГТЦ Како е можно да не знае што му се случувало под носот? appeared first on plusinfo.mk.

– Денеска дознав од медиумите. И јас сум запрепастен од ова што се случува во ГТЦ. Најодговорно тврдам дека не може да се контролира ситуацијата, бидејќи се работи за 500 до 600 дуќани, магацински простор, деловен простор и многу други простории коишто гравитираат низ Градскиот трговски центар – вели Трајчевски.

Запрашан за сомнителното комбе, кое според дел од медиумите, една година било паркирано до магацините во ГТЦ, Трајчевски вели дека таква информација до него не стигнала.

– Има долу, оставаат дуќанџиите комбиња, возила, така што, не е само комбе. Економската сообраќајница е за дотур на стока, така што немам информација дали стоело комбе или возило подолго време – рече Трајчевски, додавајќи дека утре заедно со полицијата ќе гледаат што да се преземе понатаму.

The post СИТУАЦИЈАТА НЕ МОЖЕ ДА СЕ КОНТРОЛИРА Директорот на ГТЦ тврди дека од медиумите дознал за „крипто-рудникот“ appeared first on plusinfo.mk.