Голем број спортски и рекреативни содржини за сите генерации и различни нивоа на спортска подготвеност ќе понуди четвртото издание на „Ohrid Water Festival“ што од утре до 30 август ќе се одржува во водите на Охридското Езеро. Тоа го истакнаа на денешната прес-конференција во Охрид градоначалникот Кирил Пецаков и претседателот на Фестивалот, Никола Вретоски.

​Втората половина на август во Охрид, според градоначалникот, веќе е препознатлива по водените спортови, спортските предизвици и активностите поврзани со езерото.

– Тоа е вистинската насока во која даваме и сакаме да се развива нашиот град, кој покрај своето природно и културно наследство има што да понуди и на љубителите на спортот, активниот туризам и секако здравиот начин на живот – истакна Пецаков.

Посебно место во целата фестивалска програма, нагласи, ќе има Охридскиот пливачки маратон, круна на целиот фестивал, како еден од најзначајните и најпрепознатливите спортски настани поврзани со Охрид.

– Традицијата на маратонот и неговата уникатна врска со Охридското Езеро се вредност која треба да ја негуваме и дополнително да ја афирмираме – подвлече Пецаков.

Изрази благодарност до сите охридски клубови, спортисти, спортски работници и организатори, партнери и институции кои се дел од приказната, нагласувајќи дека посветеноста покажува оти кога постои заедничка визија, Охрид има капацитет да креира квалитетни настани.

– ​Веќе создадовме една нова спортска традиција, сега е време таа традиција да ја развиваме и да ѝ дадеме уште поголема вредност. Ги поканувам сите наши сограѓани, гостите од земјава и странство, љубителите на спортот и забавата да бидат дел од четвртото издание на „Ohrid Water Festival“. Да уживаме во водените спортови и да покажеме дека Охрид не е само град на езерото, туку Охрид е и град кој живее со езерото – подвлече Пецаков.

Во овие 19 дена спортска програма, претседателот на Фестивалот, Вретоски најави дека 15 спортски клубови и здруженија организираат спортски манифестации во едрење, кајак, ватерполо, нуркање, Охридскиот пливачки маратон и Балканско првенство во пливање, СУП и акватлон, трка со традиционални кајчиња, спортски риболов, како и настани како Ред Бул педалинка и СУП јога.

– Спортските манифестации, кои од година во година стануваат помасовни, привлекуваат учесници не само од Македонија, туку и од голем број европски држави. ​Изминатите години се покажа дека овој настан има големо значење за развојот на водените спортови кај нас, но и за промоција на Охрид и збогатување на туристичката понуда. ​Радува фактот што од година во година имаме сѐ повеќе учесници од цела Европа, со што фестивалот станува мост за поврзување и соработка меѓу домашните и странските клубови – заклучи Вретоски. ​

​Покрај спортот, најави и музичка програма на кејот „Македонија“, пред хотел „Палас“.

– Музичката програма ќе биде четири дена, почнувајќи од 26 август со концерт на Ѓоко Танески, 27 август е детски ден, со концертот на „Златно славејче“ во организација на Шпаркасе банка, на 28 август е групата „Везилка“ и на 29 август завршуваме со групата „Нокаут – информира Вретоски.
​
Посетителите на „Ohrid Water Festival“ ќе имаат можност да погледнат и изложби посветени на Охридското Езеро, водените спортови, како и неговата богата флора и фауна. ​

The post 19 ДЕНА ОХРИД ВО ЗНАКОТ НА ВОДЕНИТЕ СПОРТОВИ Еве што носи четвртото издание на „Ohrid Water Festival“ appeared first on plusinfo.mk.

Со досега најголем музичко-сценски спектакл виден во Македонија вечер во Охрид продолжува одбележувањето на 35-годишнината на независноста. Музичко-сценскиот спектакл ќе се одржи на стадионот „Билјанини извори“ со почеток во 19:30 часот, а караванот ќе посети и 11 други градови.

Преку музика, глума и танц, во форма на мултимедијален сценски спектакл ќе биде раскажана приказната за 35 години независност на нашата татковина, истакнувајќи ги најзначајните историски моменти, подеми, предизвици и достигнувања од изминатите три и пол децении.

На 11 август спектаклот ќе биде изведен во Битола пред платото на Офицерскиот дом, а на 12 август во паркот пред Општина Велес.

Во пресрет на 8 септември, во наредниот период караванот ќе посети 11 градови низ државата, носејќи ја празничната атмосфера поблиску до сите граѓани. Останатите градови ќе бидат дополнително објавени.

На 15 август во Градскиот парк во Струмица со почеток во 20:00 часот концерт ќе одржат трите легендарни македонски бендови Меморија, Мизар и Синтезис.

Легендите на електронската музика Пол Ван Дајк и Пол Окенфолд ќе настапат заедно на 16 август исто така во Градскиот парк во Струмица, во рамки на одбележувањето 35 години независност на Македонија.

За 1 септември е најавен настапот на славниот шпански тенор Хосе Карерас на Плоштадот Македонија заедно со македонски ѕвезди меѓу кои ќе настапат Влатко Стефановски, Каролина Гочева, Калиопи, Сузана Спасовска, Наум Петрески, Игор Дурловски и Ана Дурловски. Целиот концерт ќе го придружуван од Оркестарот на Филхармонијата.

Кулминација ќе биде последниот перформанс на 4 септември на Плоштадот „Македонија“ во Скопје, на кој ќе настапат повеќе од 120 уметници. Музичкиот дел од одбележувањето завршува на 8 септември со настапот на Дејвид Гета на скопскиот стадион „Тоше Проески“.

Манифестацијата „35 години независност на Македонија“ започна на 2 Август – Илинден во Битола.

The post КАРАВАНОТ „СИЛНО СВЕТНАЛ ДЕН“ ТРГНУВА ОД ОХРИД Големиот музички спектакл за 35 години независност ќе кулминира на 8 септември во Скопје appeared first on plusinfo.mk.

Туризмот е еден од стратешките приоритети на Владата предводена од ВМРО-ДПМНЕ, а резултатите од спроведените политики веќе се видливи, вели ВМРО-ДПМНЕ во соопштение.

„Со конкретни мерки се подобрува туристичката инфраструктура, се унапредува авионската, патната и железничката поврзаност, се создаваат подобри услови за нови инвестиции и се обезбедува силна поддршка за развој на руралниот туризам. Резултатите го потврдуваат позитивниот тренд“.

Според соопштението, најновите показатели Македонија бележи значителен раст на авиосообраќајот и туризмот во регионот. Извештајот на Светска Банка потврдува дека, на годишно ниво бројот на патници во пристигнување е зголемен за 40%.

„Позитивниот тренд го потврдуваат и официјалните статистички податоци, така што во првите 5 месеци од годината, бројот на странски туристи е зголемен за 23,6 проценти, додека бројот на реализирани ноќевања е повисок за 18,7 проценти во споредба со истиот период минатата година.

Ова се конкретни резултати кои покажуваат дека Македонија станува се попривлечна туристичка дестинација“, посочуваат од ВМРО-ДПМНЕ.

Според ВМРО-ДПМНЕ особено е значајно што туристичката понуда се развива во текот на целата година. Покрај летниот туризам, сè поголем потенцијал имаат културниот, историскиот, гастрономскиот и руралниот туризам.

„Поголемиот број туристи значи повеќе работа и приходи за угостителите, туристичките водичи, занаетчиите, малите и семејните бизниси, но и поголеми можности за развој на локалните заедници.

Владата паралелно создава услови за нови инвестиции во туристичките капацитети, со поедноставување на процедурите и подобрување на деловната клима. Целта е во Македонија да има повеќе сместувачки капацитети, поквалитетна понуда и повисоки стандарди во туристичкиот сектор“.

Владата става посебен фокус на руралниот туризам.

„Преку Програмата за рурален развој се обезбедува финансиска поддршка за инвестиции во руралните средини, со што се отвора простор за развој на семејните бизниси, создавање нови туристички содржини и отворање нови работни места.

Туризмот е двигател на локалниот економски развој, а Владата предводена од ВМРО-ДПМНЕ продолжува со конкретни политики, инвестиции и мерки кои носат резултати.

Со јасна визија и континуирана поддршка, продолжуваме да ја градиме Македонија како модерна, конкурентна и атрактивна туристичка дестинација, со повеќе туристи, повеќе инвестиции, нови работни места и посилен економски развој“, наведуваат од владеачката ВМРО-ДПМНЕ.

The post ЗА 23,6% ПОВЕЌЕ СТРАНСКИ ТУРИСТИ ВО ПРВИТЕ 5 МЕСЕЦИ ГОДИНАВА Македонија се позиционира како атрактивна дестинација appeared first on plusinfo.mk.

Поранешната светска тениска ѕвезда Јелена Докиќ го заврши престојот во Македонија и си замина од земјава, но зад себе остави емотивна порака за моментите поминати тука.

Докиќ неколку денови уживаше во убавините на Македонија заедно со својот партнер Јане Веселинов, Македонец кој живее и работи во Мелбурн, каде е успешен менаџер во угостителскиот сектор.

 

View this post on Instagram

 

A post shared by JELENA DOKIC (@dokic_jelena)

Двојката ги посети Охрид, Скопје, кањонот Матка и други локации, а тенисерката сподели фотографии и видеа од престојот на својот Инстаграм профил.

 

View this post on Instagram

 

A post shared by JELENA DOKIC (@dokic_jelena)

Во последната објава по заминувањето од Македонија, Докиќ напиша:

„Беше магично. Прекрасно време во Македонија. Ти благодарам, љубов моја Јане, за неверојатните спомени и моменти. Навистина беше магично да го доживеам ова со тебе.“

 

View this post on Instagram

 

A post shared by JELENA DOKIC (@dokic_jelena)

Со видеото таа ги собра најубавите моменти од посетата на Македонија, испраќајќи порака дека престојот во земјава за неа бил посебно искуство.

Докиќ уште за време на престојот јавно го изрази воодушевувањето од местата што ги посетила.

 

View this post on Instagram

 

A post shared by JELENA DOKIC (@dokic_jelena)

Таа објави фотографии од кањонот Матка, Старата скопска чаршија и центарот на Скопје, а во една од пораките напиша:

„Скопје, убаво си!“

 

View this post on Instagram

 

A post shared by JELENA DOKIC (@dokic_jelena)

За неа ова патување беше и повеќе од обична туристичка посета, бидејќи Македонија ја посети во друштво на човекот за кого во јавноста често зборува со голема благодарност.

 

View this post on Instagram

 

A post shared by JELENA DOKIC (@dokic_jelena)

Јелена Докиќ во повеќе наврати јавно зборуваше за својот партнер Јане Веселинов, опишувајќи го како нејзино „мирно, безбедно, спокојно и среќно место“.

Таа истакнува дека Јане бил човекот кој ѝ помогнал да помине низ тежок период од животот и да ги надмине траумите со кои долго се борела.

Пред да ја најде љубовта со Веселинов, Докиќ минуваше низ исклучително тежок период, за кој подоцна отворено зборуваше во јавноста, откривајќи детали за семејните проблеми, притисоците и борбата со менталното здравје.

Јелена Докиќ е една од најпознатите тенисерки од регионот и поранешна четврта тенисерка во светот.

Во кариерата играше полуфинале на Вимблдон во 2000 година, а настапуваше и за Австралија и за Југославија.

По завршувањето на професионалната кариера, таа стана позната и по својата отвореност за личните животни предизвици и борбата за подигнување на свеста за менталното здравје.

МАКЕДОНЕЦОТ ЈАНЕ ВЕСЕЛИНОВ ЈА ДОНЕСЕ СВОЈАТА СЛАВНА ДЕВОЈКА ВО СКОПЈЕ Јелена Докиќ воодушевена од убавините на Матка

The post 📽️ 📷 „БЕШЕ МАГИЧНО“ – ЈЕЛЕНА ДОКИЌ ЈА НАПУШТИ МАКЕДОНИЈА Поранешната тенисерка испрати силна порака по престојот со Македонецот Јане appeared first on plusinfo.mk.

Со спектакуларен музичко-сценски перформанс на стадионот „Билјанини Извори“ во Охрид, в недела (9 август) ќе започне музичкиот караван по повод 35 години од независноста на Македонија, соопшти „Авалон продукција“.

Според најавата, преку музика, глума и танц, во форма на мултимедијален сценски спектакл ќе биде раскажана приказната за 35 години независност на државата, при што ќе бидат претставени најзначајните историски моменти, предизвици и достигнувања од изминатите три и пол децении.

Во пресрет на 8 Септември, годинава ќе се реализира музички караван што ќе посети 11 градови низ државата, со настапи на познати македонски музичари и актери. Останатите градови од турнејата ќе бидат дополнително објавени.

Кулминацијата на проектот е предвидена за 4 септември на плоштадот „Македонија“ во Скопје, каде што, според организаторите, ќе настапат повеќе од 120 уметници.

Од „Авалон продукција“ ги повикаа граѓаните да присуствуваат на отворањето на караванот во Охрид и заедно да го започнат одбележувањето на 35-годишнината од независноста на Македонија.

The post МУЗИЧКИОТ КАРАВАН ЗА 35 ГОДИНИ ОД НЕЗАВИСНОСТА ЌЕ ПОЧНЕ ОД ОХРИД Спектаклот со 120 уметници ќе се изведе во 11 градови appeared first on plusinfo.mk.

Светската музичка ѕвезда Рита Ора одржа спектакуларен концерт синоќа на стадионот „Билјанини извори“ во Охрид.

Рита во Македонија допатува со својот сопруг, познатиот режисер Таика Ваитити. Дел од престојот го искористија за прошетка низ старото градско јадро, покрај охридското крајбрежје и најпознатите знаменитости.

Иако потекнува од семејство со корени од Косово, ова е нејзин прв настап во Охрид.

Заедно со Ора, на сцената настапија Senidah и 2Bona.

– Драго ми е што се вратив на Балканот. Ова ми е првпат во Охрид, но секако нема да биде последен – рече пејачката со косовско потекло, која е израсната во Лондон.

Ора ги испеа своите најголеми светски хитови, меѓу кои „Anywhere“, „Your Song“, „Let You Love Me“, „For You“ и други.

Атмосферата беше весела до крајот, а концертот помина без ниту еден инцидент и без етнички обележја.

The post 🎥 РИТА ОРА ПРИРЕДИ СПЕКТАКЛ ВО ОХРИД Дојде за првпат, вети дека нема да биде последен appeared first on plusinfo.mk.

Маж ја нападнал сопругата откако таа ја нападнала вработената, вчера во Охрид.

Како што соопшти полицијата, на 01.08.2026 во 10:45 часот, лишен е од слобода 48-годишен маж од Охрид затоа што во деловно-продажна просторија од куќата физички ја нападнал неговата сопруга, која пак претходно физички ја нападнала вработената во објектот.

Се преземаат мерки за целосно расчистување на случајот, по што ќе биде поднесен соодветен поднесок.

The post ДРАМА ВО ОХРИДСКИ ДУЌАН Маж ја нападнал сопругата, таа претходно ја нападнала вработената appeared first on plusinfo.mk.

Премиерот Христијан Мицкоски попладнево во Охрид оствари тет-а-тет средба со премиерот на Србија, Ѓуро Мацут.

„Во отворен и конструктивен разговор разменивме мислења за актуелните регионални предизвици, можностите за продлабочување на билатералната соработка, економските односи, инфраструктурното поврзување и за заедничките иницијативи што ќе придонесат за поголем развој и просперитет на двете држави“, напиша Мицкоски на Фејсбук.

На средбата, како што пишува Мицкоски, е потврдена заедничката определба за натамошно унапредување на пријателските односи, засновани на меѓусебна почит, добрососедска соработка и заеднички интерес за стабилен и просперитетен регион.

На аеродромот во Охрид, српскиот премиер го пречека министерот за надворешни работи Тимчо Муцунски.

„Охрид, како град со исклучително историско, духовно и културно значење, претставува мост меѓу двете земји и соодветно место за средба посветена на пријателството, добрососедството, регионалната стабилност и соработката“, напиша Муцунски на Фејсбук.

The post ЗАЕДНИЧКИ ИНИЦИЈАТИВИ ЗА ПРОСПЕРИТЕТ НА МАКЕДОНИЈА И НА СРБИЈА Мицкоски во Охрид се сретна со српскиот премиер Мацут appeared first on plusinfo.mk.

Премиерот Христијан Мицкоски денеска во Охрид ја отвори Летната школа за учење македонски јазик, во која учествуваат деца на наши иселеници од повеќе држави ширум светот.

Летната школа се одржува од 31 јули до 6 август и има цел да им овозможи на младите генерации од дијаспората да го изучуваат македонскиот јазик, да ја запознаат нашата култура, историја и традиција и уште повеќе да ја зацврстат врската со својата татковина.

„Македонскиот јазик е нашиот идентитет, нашата култура и најсилната врска што нè обединува, без разлика каде живееме. Затоа, особено е важно најмладите да го негуваат мајчиниот јазик и да ја продолжат љубовта кон Македонија. На сите учесници им посакувам успешна недела исполнета со нови знаења, пријателства и убави спомени од Охрид“, објави премиерот Мицкоски на Фејсбук.

The post КАДЕ И ДА ЖИВЕЕМЕ, МАКЕДОНСКИОТ ЈАЗИК НЀ ОБЕДИНУВА Мицкоски ја отвори Летната школа за македонски јазик во Охрид appeared first on plusinfo.mk.

Во функција се камерите на Безбеден град во дел од општина Дебрца, наскоро ќе стартуваат и во Охрид.

„Министерството за внатрешни работи ја известува јавноста дека по извршеното финално тестирање ставени се во функција безбедносните камери на системот за сообраќаен надзор Безбеден град на автопатската делница помеѓу селата Горенци и Требеништа, во општина Дебрца. Наскоро камерите на Безбеден град ќе бидат во функција и на сообраќајниците во Охрид и во регионот, каде уредите се веќе поставени и привршува нивната техничка проверка и тестирања“, соопшти МВР.

Системот Безбеден град ќе овозможи засилена и континуирана сообраќајна контрола, откривање на сообраќајните прекршоци, зголемување на сообраќајната дисциплина и подигнување на нивото на безбедност на патиштата, се додава во соопштението.

„Воедно, се очекува неговата примена да придонесе и за намалување на бројот на сообраќајни незгоди. Апелираме до сите возачи доследно да ги почитуваат сообраќајните правила и прописи и сите да придонесеме за побезбедни патишта низ државата“, соопшти МВР.

The post СЕЈФ СИТИ ЌЕ ПРОФУНКЦИОНИРА И ВО ОХРИД Камерите работат во Дебрца appeared first on plusinfo.mk.