Претставниците на танцовиот клуб ТСК Ритам плус остварија значајни резултати на престижниот WDSF Thessaloniki Dance Festival, пласирајќи се во финалните кругови и освојувајќи високи позиции во повеќе категории.

Во конкуренција на врвни танчери од повеќе земји, македонските претставници постигнаа:

– Андреј Димоски & Сашка Колеска – 3 место (WDSF Adult Open Latin) и 4 место (WDSF Rising Stars)
– Лука Димовски & Каја Мирчески – 4 место (WDSF Junior 2)
– Драган Трајковски & Дарија Трајкова – 5 место (WDSF Under 21 Latin)

Во соло категориите:
– Теодора Стојановска –  3 место (WDSF Youth и WDSF Adult)
– Елена Псалтиров – 5 место (WDSF Adult) и 6 место (WDSF Youth)
– Ана Колевска – 6 место (WDSF Junior 2)
– Никита Ангеловски – 2 место (Junior 2 Open)

Дополнително, повеќе натпреварувачи се пласираа во четвртфинале во конкуренција од над 80 учесници.

Одличните резултати беа поздравени од претседателот на Сојузот на спортски федерации, Мартин Клинчаров.

Дел од судискиот панел беа и нашите реномирани судии Верица Василеска и Иван Ангелковски, а натпреварувачите беа придружувани од тренерскиот тим – Огнен Анѓушев и Симона Спировска.

– Овие резултати се потврда дека со континуирана работа и вистинска поддршка, младите спортисти од Македонија можат да бидат конкурентни на највисоко европско ниво. Ова е само дополнителен мотив за уште поголеми успеси во периодот што следи – изјави тренерот на Ритам плус, Огнен Анѓушев, долгогодишен поранешен првак на Македонија во спортски танци, кој е дел и од компанијата Фероинвест.

Учеството на натпреварот беше поддржано од Фероинвест, кој обезбеди поддршка за тимот, како и брендирана опрема за натпреварувачите.

Компанијата и минатата година поддржа танцов спортски настан во Скопје, со што ја потврдува својата континуирана заложба за поддршка на спортот, младите и нивниот развој.

Ритам плус минатата недела освои и најголем број награди на државното првенство во спортски танци во Скопје.

The post ТАНЦОВИОТ КЛУБ ТСК РИТАМ ПЛУС СО ОДЛИЧНИ РЕЗУЛТАТИ ВО СОЛУН Танчарите освоија високи позиции во повеќе категории appeared first on plusinfo.mk.

Убавината и природната харизма на Антонија одлично се надополнија со смелиот италијански шарм и префинетата елеганција на вечерниот фустан, кој ја постави нашата млада ѕвезда во центарот на вниманието на прославата на 15-годишнината од најпознатиот телевизиски моден магазин „Бекстејџ“.

Антонија со задоволство ги носи моделите на „Зеро“ и беше една од првите наши јавни личности кои беа вклучено во промотивната кампања и продолжија да уживаат во новите креации на куќата „Зеро“.

Брендот го води младиот дизајнер Огнен Анѓушев, кој неодамна заврши моден дизајн во Милано, на еден од најдобрите универзитети за мода во светот, Институтот Марангони.

The post АНТОНИЈА ГИГОВСКА БЛЕСНА ВО КРЕАЦИЈА НА ОГНЕН АНЃУШЕВ Пејачката ужива во креациите на модната куќа „Зеро“ (ФОТО) appeared first on plusinfo.mk.

На Дневниот центар му беа предадени на користење три медицински помагала за лица со инвалидитет кои што се дел од медицинската производствена програма на „Брако“. Од компанијата веруваат дека донираните помагала ќе бидат од голема помош при грижата за децата кои речиси секојдневно престојуваат во Центарот.

– Би сакал да се заблагодарам на вработените во Дневниот центар за лица со церебрална парализа, што денеска ни дозволија да бидеме нивни гости и да им се заблагодарам на децата кои ни посакаа добредојде. Во миговите кога најмногу се подарува, во пресрет на Новата година, огромна чест ни е што Центарот ја прифати нашата понуда да донираме медицински помагала и на децата да им поделиме новогодишни подароци. Драго ми е што успеавме да им кажеме дека мислиме на нив, како што всушност тоа го правиме и во текот на целата година, затоа што медицинската производна програма е од самите почетоци на „Брако“ чии производи се позиционирани на светските пазари согласно потребните ИСО стандарди за квалитет. Во име на компанијата „Брако“, им ја честитам Новата година на сите лица со попречености во развојот, на нивните семејства, на сите центри што се грижат за овие лица, поттикнувајќи ги во опстојувањето во животот со хендикеп, во живот кој го смени својот нормален тек поради корона-кризата, која што искрено посакувам да остане наше минато – изјави по повод донацијата, Огнен Анѓушев, од одделот за набавки во „Брако“.

Анѓушев истакна дека компанијата секогаш е подготвена и со будна свест за најранливите социјални категории кон кои и во иднина ќе продолжи општествено одговорно да се грижи.

The post ДОНАЦИЈА ОД „БРАКО“ Медицински помагала за деца со церебрална парализа appeared first on plusinfo.mk.