Претседателот на Владата на Република Бугарија Кирил Петков ќе допатува заедно со Кристиан Вигенин, заменик-претседател на Народното Собрание на Република Бугарија, со Теодора Генчовска, министер за надворешни работи на Република Бугарија и со Николај Сабев, министер за транспорт и врски на Република Бугарија.

На аеродромот во Скопје владината делегација на Република Бугарија ќе ја пречека министерот за надворешни работи Бујар Османи по што се очекува да започне официјалниот дел на посетата со церемонијалниот пречек со високи државни и воени почести пред Владата на Република Северна Македонија.

Бугарската делегација ќе ја пречека премиерот Димитар Ковачевски, придружуван од Горан Мисовски, потпретседател на Собранието на Република Северна Македонија, Бојан Маричиќ, заменик-претседателот на Владата за европски прашања, Бујар Османи, министер за надворешни работи и Благој Бочварски, министер за транспорт и врски, како и од членови на Канцеларијата на претседателот на Владата и на Министерството за надворешни работи.

– Според агендата за посетата, премиерите Димитар Ковачевски и Кирил Петков ќе имаат тет-а-тет средба, а одделни средби ќе имаат и вицепремиерот Бојан Маричиќ со Кристиан Вигенин, заменик-претседател на Народното Собрание на Република Бугарија, министрите за надворешни работи на Република Северна Македонија и на Република Бугарија Бујар Османи и Теодора Генчовска, како и министрите за транспорт и врски на двете држави Благој Бочварски и Николај Сабев – информираат од влада.

Програмата за посетата потоа предвидува пленарен состанок на двете делегации со кој ќе претседаваат премиерите Димитар Ковачевски и Кирил Петков после што ќе следува и нивна заедничка прес-конференција.

– Претседателите на владите на Република Северна Македонија и на Република Бугарија Димитар Ковачевски и Кирил Петков, потоа, во Клубот на пратениците, официјално ќе го промовираат проектот за помош во развојот  “Електронски дневник за лица со дијабетес”, кој премиерот Петков ќе му го врачи на премиерот Ковачевски како донација на Република Бугарија – стои во владиното соопштение.

Во преостанатиот дел од агендата за посетата на делегацијата на Република Бугарија, премиерот Кирил Петков ќе има одделни средби со претседателот на Република Северна Македонија Стево Пендаровски и со претседателот на Собранието на Северна Македонија, Талат Џафери.

Официјалната посета е предвидено да заврши во вечерните часови после што владината делегација на Република Бугарија ќе замине за меѓународниот аеродром Скопје на лет за Софија.

The post ПЕТКОВ УТРЕ ПРИСТИГНУВА ВО МАКЕДОНИЈА Позната агендата за првата официјална посета на бугарскиот премиер на нашата земја appeared first on plusinfo.mk.

Студијата е спроведена од 15 мај до 15 јули со тестирање на 64.660 испитаници, одбрани како репрезентативен примерок.

Според студијата спроведена од здравствените служби и Заводот за статистика „Истат“, откриено е дека 1,5 милиони луѓе, односно 2,5 проценти од жителите на Италија биле во можност да развијат антитела на новиот коронавирус.

– Бројот од 2,5 проценти се чини мал, но може да се претвори во нешто проблематично ако не внимаваме, изјави директорот на „Истат“, Карло Блангиардо.

Италијанскиот министер за здравство, Роберто Сперанза истакна дека мерките за ограничување се важни и дека Владата на Италија ќе продолжи со внимателна и строга политика.

Студијата исто така покажа значителни регионални разлики во однос на антитела.

Во Ломбардија, најпогодениот регион во Италија, 7,5 отсто од населението имаат антитела, додека во Јужна Италија помалку од еден процент од населението има развиено антитела.

Во последните неколку месеци, бројот на нови случаи во Италија драстично се намали. Земјата што на почетокот на пандемијата во март имаше и до 6.000 нови случаи на дневно ниво, сега има нешто повеќе од сто случаи дневно.

The post Италијанците пишуваат еден заболен, а премолчуваат шестмина? appeared first on plusinfo.mk.