– Цела Европа малите хидроцентрали ги смета како исклучително обновливи извори за енергија затоа што по стандардите значи враќање на природата комплетно и отворање на рибната патека. Останува водата само што ја врти турбината. Но, по стандарди. Но, веројатно кај нас реакцијата можам да кажам дека е и оправдана заради тоа што не се градело секојпат по прописи, односно природата не се вратила во првобитната состојба и еден дел од мали хидроцентрали ја немаат рибната патека која што треба да го одржува биодиверзитетот на малите хидроцентрали, така што одиме комплетно по европските прописи, таму каде што треба да се поништи ќе се поништи – рече Заев.

Веројатно, рече тој, државата ќе треба да плати големи штети за ова, но, посочи дека немаат дилема.

– Еден дел се веќе во постапки заради донесувањето на законот за прогласување национален парк Шар Планина и Попова Шапка комплетно, така што постапките течат. Еден дел ќе завршиме веројатно на судови. Се надевам дека поголем дел ќе се спогодиме заради тоа што има фактури, трошоци направено коишто се на поранешни одлуки, значи одлуки 2016, 2015, 2014, 2013 година и верувам дека ќе најдеме начини да ги решиме и ваквите предизвици – заклучи Заев.

Невладините реагираа дека владата дава концесии за изградба на мали хидроцентрали во заштитени подрачја, а се гради спротивно на прописите и се уништува еко средината.

The post Заев: Ќе се одземат концесиите за мали хидроцентрали на инвеститорите кои не ги почитувале прописите appeared first on plusinfo.mk.