Претходно тој информира дека до ДИК пристигнале барања за акредитации за набљудувачи за изборите за претседател и за изборите за пратеници, а се однесуваат на дополнување на веќе прифатени акредитации, се работи за организација Вејк ап – 9 набљудувачи, ТВ Н1 од Белград со двајца новинари, Телевизија Клан Косова – 8 новинари, Амбасадата на САД дополнување со еден набљудувач, и ТВ Имеди – двајца новинари.

Стојаноски истакна дека до ДИК пристигнале уште 14 приговори за заштита на личното избирачко право, од кои на седницата поголем дел се прифатени, а неколку одбиени.

Гласањето во текот на утрешниот ден, потсети Стојаноски, се врши лично на гласачките места во државава.

– Избирачкиот одбор задолжително го прашува гласачот дали сака да гласа за двата вида на избори или сака да гласа само за еден вид на избори, односно дали сака да гласа дали за претседателски или за парламентарни или како што напоменав претходно и за двата избори одеднаш. Притоа, им го објаснува начинот на гласање и им овозможува на гласачите да гласаат. Гласачот може само еднаш да се појави на гласачкото место за остварување на своето избирачко право. Притоа, гласачот го приложува документот за лична идентификација, важечка лична карта или патна исправа, односно за претседателски избори 2024 година лична карта или патна исправа чија важност истекла од 24 јули 2023 година до 24 април 2024 година, а за парламентарните избори гласачот ќе може да гласа со лична карта или со патна исправа чија важност истекла во периодот од 8 август 2023 година до 8 мај 2024 година – кажа Стојаноски.

Појасни дека гласачот добива два гласачки ливчиња доколку се одлучи да гласа за двата вида на избори или едно гласачко ливче за изборите за кој се одлучил да гласа и се потпишува во соодветниот извод од избирачкиот список.

– Гласачот гласа сам тајно зад гласачкиот параван. Гласачот гласањето го врши на тој начин што го заокружува редниот број пред називот, името на листата или редниот број на кандидатот со хемиско пенкало во сина боја. Превитканото гласачко ливче го става во соодветната гласачка кутија, бидејќи утре имаме двојни избори на секое избирачко место ќе има две гласачки кутии соодветно обележани. Притоа, секој гласач се задржува во избирачкото место онолку време колку што му е потребно за да го оствари своето право на глас без притоа да направи каков било застој во истото. На крај гласачот го подигнува документот за лична идентификација и го напушта гласачкото место – истакна тој.

ДИК апелира до избирачките одбори и ОИК да продолжат да ги почитуваат законите и Изборниот законик, упатствата и правилниците донесени од страна на ДИК со цел успешно спроведување на двојните избори кои ќе се одржат во текот на утрешниот ден.

The post ГОЛЕМ ИНТЕРЕС ЗА УТРЕШНИТЕ ДВОЈНИ ИЗБОРИ Пријавени 83 странски новинари, 860 странски и 1.303 домашни набљудувачи appeared first on plusinfo.mk.

Русија очекува Светската здравствена организација (СЗО) да ја одобри вакцината Спутник V во следните два месеца, изјави денеска Кирил Дмитриев, шеф на Рускиот фонд за директни инвестиции (РДИФ), задолжен за дистрибуција на лекот.

Дмитриев истакна дека Европската агенција за лекови (ЕМА), која исто така ја проверува Спутник V, „ги има сите потребни основни информации“ и засега нема критики за вакцината.

Тој не прецизира кога ЕМА ќе донесе одлука, пренасочувајќи го прашањето кон европската агенција, па додаде дека СЗО нема забелешки на руската вакцина по извршени неколку инспекции.

Шефот на РДИФ не сакаше да открие кои производствени капацитети биле посетени за време на инспекцијата.

– Гледаме дека инспекторите имаат професионален пристап. Нема значителни критички забелешки, барем засега. Никого не би повикале ако не бевме апсолутно сигурни во транспарентноста на процесот – рече Дмитриев.

Рускиот министер за здравство Михаил Мурачко, исто така, беше оптимист.

– Сè се одвива според планот. Тие треба да подготват извештај и да дадат препораки за тоа како да затворат одредени прашања – нагласи Мурачко за СЗО и ЕМА на економскиот форум во Санкт Петербург.

Унгарија засега е единствената земја на Европската унија која вакцинира со руската вакцина, а Словачка ќе започне да го прави тоа на 7 јуни, обете без да чекаат одобрување од ЕМА.

The post Русија очекува СЗО да ја одобри „Спутник V“ во следните два месеца appeared first on plusinfo.mk.

Светската здравствена организација ја одобри вакцината на кинескиот производител „Синофарм“ за итна употреба.

Вакцината e една од двете кинески вакцини што веќе се дадени на стотици милиони луѓе во Кина и во странство. Таа е исто така и првата вакцина против коронавирус одобрена од СЗО, која не е развиена на Запад, пренесува „Ројтерс“.

The post СЗО ја одобри кинеската вакцина Синофарм appeared first on plusinfo.mk.

Кунчев најави дека одредена количина на вакцини ќе биде насочена кон туристичката индустрија во Бугарија, со оглед на почетокот на сезоната. Досега од тој сектор околу 80.000 луѓе изразиле желба за имунизација.

– Покрај тоа, планираме вакцината „Џенсен“ да се користи и кај ромската популација – рече Кунчев, додавајќи дека вакцината ќе се користи во групи каде што треба да се постигне побрз ефект и каде ќе биде потешко да се администрира втора доза од некоја друга вакцина.

The post Бугарија дозволи употреба на вакцината на Џонсон и Џонсон appeared first on plusinfo.mk.

Светската здравствена организација (СЗО) одобрила две верзии на вакцината АстраЗенека/Оксфорд против ковид-19 за итна употреба.

Вакцините ќе бидат достапни преку ковакс програмата.

Коментирајќи ја глобалната достапност на вакцините, помошникот на генералниот директор на СЗО за пристап до лекови и здравствени производи, д-р Марианџела Симао рекла дека сите произведувачи на вакцини мора да ги зголемат производствените капацитети и својте кандидати за вакцина да ги поднесат на одобрување од СЗО што побрзо може.

The post СЗО одобри уште една вакцина за итна употреба appeared first on plusinfo.mk.

– Унгарската фармацевтска управа издаде привремена лиценца за вакцините на Астра Зенека и Спутник – изјави Гергели Гуљаш, шеф на кабинетот на премиерот Виктор Орбан.

Гуљаш рече дека одобрувањето на унгарските лекари, кои со недели биле во Москва за да ја истражат вакцината, „го расчистува патот Будимпешта да ја финализира наредбата“.

Тој додаде дека министерот за надворешни работи Питер Сијарто денеска отпатува за Москва.

Вакцината „Спутник“ сè уште има потреба од конечен потпис од унгарскиот орган за јавно здравје, така што не е познато кога навистина ќе бидат дадени првите дози.

Гуљаш рече дека Унгарија, со 9,8 милиони жители, од декември примила околу 330.000 дози вакцини на „Фајзер/БиоНТек“ и „Модерна“.

– За жал, ЕМА е исклучително бавна – рече Гуљаш, бранејќи ја последната позиција на Будимпешта да дејствува независно од ЕУ.

Тој рече дека Велика Британија претходно ја одобри вакцината на „Астра Зенека“и веќе вакцинира со неа, но „Унгарија сè уште не може да ја користи бидејќи ЕМА не ја одобрила“.

„АстраЗенека и Универзитетот Оксфорд поднесоа барање за овластување на нивната вакцина против коронавирус во ЕУ со одлука,  до 29 јануари, соопшти ЕМА минатата недела.

Според руските власти, „Спутник“ е веќе регистрирана во голем број земји, како што се Србија, Белорусија, Венецуела, Боливија и Алжир.

– Владата сака да купи вакцини што веќе се дадени на милиони луѓе, и, се разбира, само вакцини кои се официјално тестирани и одобрени како безбедни и ефикасни може да се користат во Унгарија – рече Гуљаш.

Унгарија исто така се согласи да прими еден милион вакцини од кинеското производство „Синофарм“, во очекување на одобрување од унгарските инспектори кои моментално се во Пекинг.

– Се надеваме дека вакцините ќе бидат достапни во Унгарија на што повеќе места и во најголеми можни количини – рече Гуљаш.

Унгарија денеска регистрира 98 нови смртни случаи на ковид-19, со што вкупниот број достигна 11. 700 смртни случаи во земјата.

The post Унгарија ја одобри руската вакцина Спутник и ја лиценцираше вакцината на Астра Зенека appeared first on plusinfo.mk.

Европското регулаторно тело ЕМА денеска препорача вакцина против ковид-19 од фармацевтските компании Фајзер и Бионтех.

ЕМА препорача Европската комисија сега да додели условно одобрение за ставање во промет на вакцината, што треба да се случи за два дена.

Дистрибуцијата на првите вакцини против ковид-19 меѓу земјите-членки на ЕУ би започнала во исто време – на 26 декември, а вакцинациите еден ден подоцна.

ЕУ потенцира дека условите за вакцинација ќе зависат од националните стратегии на земјите-членки.

Претходно, полското радио RMF FM, неофицијално јавува дека Европската агенција за лекови ја одобри вакцината на Фајзер против ковид-19, пренесува хрватски Индекс.

Според истите неофицијални информации, најверојатно станува збор за условно одобрување.

Наскоро се очекува да се оддржи прес конференција на Европската агенција за лекови, на која информацијата за одобрувањето на вакцината би требало да биде потврдена, а се очекува и повеќе информации за условите под кои вакцината е одобрена.

Полското RMF FM објави дека конечната одлука за користење на вакцината на Фајзер на територијата на Европската унија ќе ја донесе Европската комисија. Таа одлука се очекува вечерва или најдоцна утре наутро.

The post ОБНОВЕНО Европската агенција ја одобри вакцината на Фајзер appeared first on plusinfo.mk.

Швајцарската Агенција за регулација на лековите „Свисмедик“ денеска издаде дозвола за итна употреба на вакцината изработена од компаниите „Фајзер“ и „БиоНТек“, оценувцајќи дека станува збор за прво одобрение во светот што ја минало стандардната процедура.

Британскките медиуми пренесуваат дека „Свисмедик“ дозволата за итна употреба ја издаде два месеци по поднесување на апликацијата, во постапка на разгледување на приложената документација, што е ажурирана и редовно прегледувана.

– Податоците што во моментов ни се достапни покажуваат висок степен на ефикасност, безбедност и квалитет на вакцината во сите возрасни групи вклучени во испитувањата – се наведува во соопштението на швајцарската Агенција за регулација на лекови.

„Свисмедик“ ги разгледува и апликациите за добивање дозвола за итна употреба на вакцини изработени од компаниите „Модерна“ и „АстраЗенека“.

The post Швајцарија дозволи итна употреба на вакцината на „Фајзер“ и „БиоНТек“ appeared first on plusinfo.mk.

Како што соопшти владината прес-служба, со дел од парите општините треба да финансираат изградба на водоводи и канализации  и тоа за водоснабдителен систем во Мала Речица, Општина Тетово – 6.170.000, изградба на канализација за Бурови Варим Бојанов Дол, Општина Крива Паланка – 6.000.000 денари, Препораки од УНЕСКО за градби во Охрид – 6.000.000 денари, изградба на канализациска мрежа во Фурка, Општина Дојран – 5.000.000 денари, изградба на канализација во Општина Демир Капија – 2.000.000 денари и за изградба на канализација во Општина Сарај – 10.000.000 денари.

Владата одобри и 144.260.500 денари на 89 јавни комунални претпријатија членки на АДКОМ – Здружение на даватели на комунални услуги за Република Северна Македонија, како мерка од Програмата за справување со ковид–19 кризата, како еднократна финансиска помош со цел надминување на тешката материјална состојба на вработените во претпријатијата, членки на АДКОМ.

На предлог на Министерството за транспорт и врски, Владата денеска донесе Одлука за распределба на средства за општините во износ од 74.500.000 денари за капитални проекти.

„Овие средства се распределуваат за реализација на следните капитални проекти: Реконструкција на булевар „Благоја Тоска“, Општина Тетово – 29.500.000 денари, Изградба на кружни текови на булевар „Теодосие Паунов“, Општина Кочани – 6.000.000 денари, Реконструкција на улица „Илинска“, Општина Центар Жупа – 4.000.000 денари; Изградба на конзоли за пешаци, Општина Штип – 9.000.000 денари; Изградба на кружен тек Момин Поток, Град Скопје – 5.000.000 денари; Почеток на мост, Карпош 4, до улица „Скупи“, Град Скопје – 4.000.000 денари; Реконструкција на пат Чалакли Татарник, Општина Валандово – 4.000.000 денари; Реконструкција на улица „Први Мај“, Општина Прилеп – 6.000.000 денари и реставрација на мост во село Уланци, Општина Градско – 1.000.000 денари“, се наведува во соопштението од Владата.

The post Владата додели 120, 6 милиони денари за изградба на водоводи, канализации и улици во општините appeared first on plusinfo.mk.

Русија има намера, за помалку од две недели, да биде првата земја во светот што ќе ја одобри вакцината против коронавирусот. Руските власти за Си-Ен-Ен изјавија дека работат на тоа вакцината, изработена од московскиот институт „Гамалеја“, да се одобри до 10 август или порано.

Таа ќе биде одобрена за јавна употреба, а први ќе ја добијат здравствените работници.

– Ова е моментот на Спутник, рече Кирил Дмитриев, шеф на рускиот Фонд за суверено богатство, што ги финансира руските истражувања на вакцините, алудирајќи на успешното лансирање на првиот сателит во светот од страна на Советскиот Сојуз во 1957 година.

„Американците беа изненадени кога го слушнаа звукот на Спутник. Истото е и со оваа вакцина. Русија ќе ја има прва“, додаде тој.

Русија, меѓутоа, не објави никакви научни податоци за тестирањата на вакцините и Си-Ен-Ен не е во состојба да го потврди тврдењето за најзината безбедност или ефикасност.

Критичарите велат дека постои притисок да се развие вакцината побрзо  заради политичкото влијание на Кремљ, што сака да ја претстави Русија како глобална научна сила.

Постои голема загриженост, исто така, дека тестирањето на вакцината врз луѓето е нецелосно.

Во светот во моментов се водат десетици испитувања на вакцина, а на мал број се тестира нејзината ефикасност, но повеќето истражувачи предупредуваат дека останува да се заврши многу работа пред таа да се одобри.

Додека некои глобални вакцини се во третата фаза на тестирање, руската вакцина допрва треба да ја заврши втората фаза.

Истражувачите планираат оваа фаза да ја завршат до 3 август, а потоа да спроведат и трета фаза од тестирање паралелно со вакцинацијата на медицинските работници.

Руските научници велат дека вакцината е развиена брзо, бидејќи е изменета верзија на таа што веќе постои за борба против другите болести. Таквиот пристап постои во многу други земји и други компании.

Руското Министерство за одбрана соопшти дека руските војници биле доброволци во испитувањата врз луѓето.

Во снимените коментари доставени до Си-Ен-Ен, Александар Гинсбург, директор на проектот, кажува дека самиот веќе се вакцинирал.

-Русија ја покажа својата лидерска позиција во развојот на вакцините и докажаната платформа за вакцинирање од ебола и МЕРС за да го донесе првото безбедно и ефикасно решение за најголемиот проблем во светот, изјави Дмитриев за Си-Ен-Ен.

Светската здравствена организација соопшти дека нема одобрена вакцина за МЕРС.

Руското Министерство за здравство, што  се уште не го потврди август како датум на одобрување, соопшти дека медицинскиот персонал од прва линија на борбата со епидемијата прв ќе се вакцинира, откако вакцината ќе биде одобрена за јавна употреба.

The post Русија за две недели планира прва да ја одобри вакцината за коронавирусот appeared first on plusinfo.mk.