Работата на Законодавниот дом започнува денес со состанок на претседателот на Собранието, Африм Гаши.

Вообичаено, одморот на пратениците започнува по националниот празник Илинден.

Одморот на пратениците беше прекинат само на 16 август кога беше свикана вонредна седница за Предлог-законот за измени и дополнувања на Изборниот законик, по скратена постапка која не помина поради недостаток на Бадентерово мнозинство.

Претходно, на 13 август, седница одржа и Комисијата за избори и именувања, која формираше Комисија за избор на кандидати за претседател на Државната комисија за спречување на корупцијата.

Претседателот на Собранието Гаши на 9 август ги објави локалните избори за 19 октомври.

Се очекува Собранието да одржи пленарни и комисиски седници до почетокот на кампањата за локалните избори на 29 септември.

На последниот брифинг со новинарите, претседателот на Собранието потсети дека законодавниот дом е во постојана седница и дека доколку е потребно, пратениците ќе бидат повикани на седници.

The post НА ПРАТЕНИЦИТЕ ИМ ЗАВРШИ ЛЕТНИОТ РАСПУСТ Собранието почнува со седници appeared first on plusinfo.mk.

Не е проблем што Венко Филипче отишол на одмор, проблем е неговото лицемерие, се вели во соопштението од ВМРО-ДПМНЕ.

„Додека Венко Филипче ужива на јахта во Белото Море, неговата СДСМ во исто време хушка и потпалува пожари, додека во исто време држат пресови за ширење на паника и страв. Додека Венко Филипче во друштво на Зоран Заев ужива во сомнително стекнатиот капитал, во Скопје нивниот Љупчо Коцевски го бранат со сите сили за да им го штити капиталот и украдените пари. Додека во Грција на јахта Венко Филипче покажува колку е одлепен од реалноста, во Скопје лажат дека им е грижа за работниците и стандардот на граѓаните. Венко Филипче ужива со Зоран Заев на јахта во Грција, оваа фотографија која ја објавија медиумите го покажува целиот раскош и раскалашеност на СДСМ и нивното раководство. Венко Филипче со неговиот тутор Зоран Заев покажаа врвно лицемерие. Затоа, Венко Филипче и Зоран Заев се дел од срамното минато на државата и не се никаква иднина“, реагираше ВМРО-ДПМНЕ.

ФИЛИПЧЕ И ЗАЕВ СИ ГИ ЛАДАТ НА ЈАХТА НА ХАЛКИДИКИ Венко тренира да го џитне сидрото да влече напред на локалните избори

The post НЕ Е ПРОБЛЕМ ЈАХТАТА, ТУКУ ЛИЦЕМЕРИЕТО НА ЗАЕВ И НА ФИЛИПЧЕ Лажат дека им е грижа за работниците, обвини ВМРО-ДПМНЕ appeared first on plusinfo.mk.

По исцрпувачките мечеви и полуфиналето на Вимблдон, најдобриот српски тенисер Новак Ѓоковиќ реши да направи подолга пауза од спортските обврски.

По неколкудневниот престој во Црна Гора и во Хрватска, тој бил забележан како се одмора на грчкиот остров Миконос, далеку од тениската врева.

Сè уште е нејасно дали Ѓоковиќ ќе настапи пред почетокот на САД Опен. Познато е дека веќе го прескокна мастерсот во Торонто, а иако кружат шпекулации дека би можел да заигра во Синсинати, засега нема официјална потврда за неговото учество.

The post 🎥 ДАЛЕКУ ОД ТЕРЕНИТЕ, БЛИСКУ ДО МОРЕТО Ѓоковиќ ужива на Миконос appeared first on plusinfo.mk.

Снимка од сигурносните камери која покажува како дете ѕирка низ горниот шибер прозорец од автомобил била доволна за грчката гранична полиција да ѝ го одземе возилото на фамилија од Србија која се враќала од одмор преку Бугарија, пренесува Мондо. На излез од Грција се случила вистинска драма, а не изостанаа ниту реакциите на социјалните мрежи.

Според грчките власти, возилото е одземено на 6 месеци поради прекршување на безбедносните правила за деца при возење.

pic.twitter.com/xEGBcdJED2

— nista od saradnje (@rekapitulacija) July 22, 2025

Луѓето биле принудени да се превезат до дома со автомобилот на пријатели.

Следеа коментарите.

„Искрено, сосема ми е во ред што го санкционираат. Би избрала и парична казна. Законите се јасни – децата мора да се на седиште, дури и додека чекате во колона, тоа е возење“, напиша една Инстаграмџика.

Друг корисник напишал:

„Ова е казнување за сѐ. Можеше и на кровниот носач да го стави!“, алудирајќи на ригидноста на мерките.

The post 📽️ ИМ ГО ОДЗЕЛЕ ВОЗИЛОТО НА ВРАЌАЊЕ ОД ГРЦИЈА ПОРАДИ СНИМКА На фамилија од Србија ѝ преседна одморот, еве зошто appeared first on plusinfo.mk.

На плажата Карианис во близина на грчкиот град Кавала, вчера починал 80-годишен македонски државјанин и покрај укажаната прва помош, јави дописничката на МИА од Атина.

Од Крајбрежната служба на Грција соопштија дека вчера во попладневните часови, биле информирани дека „80-годишен странски државјанин на (државјанин на Република Северна Македонија) бил извлечен во бессознание од плажата“, му била укажана прва помош, а потоа со амбулантно возило на брзата помош бил пренесен во Општата болница во Кавала, каде што лекарите констатирале смрт.

Според информациите на МИА, 80-годишниот ја загубил свеста додека бил во морето, по што останатите капачи побарале помош, а обдукцијата ќе покаже која е причината за смртта.

The post 80-ГОДИШЕН МАКЕДОНСКИ ДРЖАВЈАНИН ПОЧИНА БЛИЗУ КАВАЛА Службите го извлекле од морето, пробале да го спасат appeared first on plusinfo.mk.

Српскиот тениски ас Новак Ѓоковиќ внимава да не се лизне од карпи, сугерира снимка од плажа на Мљет, остров во Јужна Далмација блиску до Дубровник. Најдобриот тенисер на сите времиња го поминува својот одмор на Јадранот, во Црна Гора и во Хрватска.

Но, освен што ги полни батериите откако го откажа учеството на Мастерсот во Торонто, Ѓоковиќ размислува за следниот турнир на Отвореното првенство во САД каде што може да освои милион долари. Таму ќе игра во мешани двојки со Олга Даниловиќ.

Српска Нова пишува дека тенисерот размислува и за тоа што ќе стане со неговот место во Топ 10 на планетата.

Ѓоковиќ ја започна својата 900-та недела во Топ 10 на планетата, но сега разликата меѓу него и останатите играчи никогаш не била помала.

 

View this post on Instagram

 

A post shared by Aloha Mljet Rent A Bike – e-Bike – Kayak (@mljet_aloha_rentabike)

Српскиот тениски ас е шести со 4.130 поени, што значи дека остатокот од караванот Топ 10 се доближил до него на помалку од илјада АТП поени и сето тоа во време кога тој одлучи да не учествува на Мастерсот во Канада.

Десеттопласираниот Андреј Рубљов има 3.160, а над него се Холгер Руне (3.250), Бен Шелтон (3.330) и Лоренцо Мусети (3.350).

„Бидејќи не сите најдобри тенисери во светот ќе играат на Мастерсот во Торонто (кој започнува на 27 јули), јасно е дека еден од овие играчи би можел да го престигне Ѓоковиќ“, коментира српска Нова.

Всушност, учеството на Мастерсот веќе го откажаа и Карлос Алкараз и Јаник Синер. Кој играч ќе го освои мастерсот? Од турнирот се откажа и Џек Дрејпер, моментално петти на светската ранг-листа, кој во неделата ја објави својата одлука преку социјалните мрежи.

Додека Ѓоковиќ и Синер за причина за повлекувањето ги наводоа повредите, Алкараз изјави дека му треба време физички и психички да закрепне поради „мали мускулни проблеми“.

Според медиумот, во едно лудо сценарио, постои теоретска можност и Ѓоковиќ да го дочека Ју Ес Опен надвор од Топ 8 играчи на планетата.

The post 📽️ НЕ МУ Е ЛЕСНО НА ЃОКОВИЌ НА ОДМОР Внимава да не се повреди, мисли на АТП листата? appeared first on plusinfo.mk.

Песокот на плажата во Шен Жен во Кина не може да се види од бројните туристи кои како мравки за празниците доаѓаат и ја окупираат оваа позната туристичка локација. На ТикТок се појавија дузина снимки кои покажуваат како е да се летува во ова одморалиште.

„Еве како се капат во Кина“, гласи насловот на снимката.

„Замислете сега да удри едно цунами“, коментирал еден интернетџија.

„Каде одат по нужда?“, прашал трет.

„Едноставно нема никогаш да одам на оваа плажа“, вели четврт.

@ilovezhejiang Crowded Shenzhen Beach: Summer’s Wild Party #Shenzhen #Summer #Beach ♬ 原聲 – China

Но, за разлика од гужвите дење во Шен Жен, навечер туристите во градот им се воодушевуваат на облакодерите, трговските центри и ноќните светла во „кинеската Силиконска долина“. Овој град во Јужна Кина веќе одамна е синоним за неверојатен економски подем и технолошки иновации.

Шен Жен во 1980-тите години бил рибарско село со неколку десетици илјади жители.

@fabricas.chinas Playa Llena #china ♬ Trompeta Belica – Aleteo Red

The post 📽️ ВО ШЕН ЖЕН НА ПЛАЖА ИГЛА НЕМА КАЈ ДА СЕ ФРЛИ „Вака се капат во Кина“ appeared first on plusinfo.mk.

Лани 27,0% од населението на ЕУ на возраст од 16 години или повеќе не можеле да си дозволат 1 недела годишен одмор далеку од дома, покажуваат податоците на Евростат.

Овој удел се намалил за 1,5 процентни поени во споредба со 2023 година и е значително помал (за 10,6 процентни поени) отколку пред една деценија, во 2014 година.

Највисок процент на луѓе кои не можат да си дозволат еднонеделен годишен одмор е забележан во Романија (58,6%), Грција (46,0%) и Бугарија (41,4%).

Спротивно на тоа, 8,9% од луѓето во Луксембург, 11,6% во Шведска и 13,0% во Холандија изјавиле дека не можат да си дозволат еднонеделен одмор далеку од дома во 2024 година.

The post 27% ОД ЕВРОПЕЈЦИТЕ НЕ МОЖАТ ДА СИ ДОЗВОЛАТ ЕДНОНЕДЕЛЕН ОДМОР Еве каде најголем број од луѓето не можат да одат на одмор appeared first on plusinfo.mk.

Ако првпат треба да одите на море со своето бебе, сигурно имате безброј прашања и дилеми.

Бањањето со бебе во морето може да биде прекрасно искуство, но бара добра подготовка и целосно внимание. Без разлика дали патувате со автомобил или со авион, важно е да знаете кога, каде и како да одите на плажа со мало дете – без стрес и непријатни изненадувања.

Кога вашето бебе смее да влезе во вода за првпат?

Летната сезона, одморите и деновите за плажа се тука, а вие се прашувате – дали вашето бебе е подготвено за морето, базенот, па дури и за кадата во двор? Ова прашање ги мачи речиси сите родители, и со право – бидејќи капењето, како и сите активности кои треба да се случат за првпат во животот на бебето, мора внимателно да се испланираат.

Дознајте кога вашето бебе може да влезе во вода за првпат и како да го направите бањањето/пливањето безбедно?

Прочитајте повеќе на „Мајка и дете“.

The post КОГА БЕБЕТО МОЖЕ ДА ОДИ ПРВПАТ -НА МОРЕ? За безбедноста, дестинациите и практични совети appeared first on plusinfo.mk.

Лажните калуѓерки, како и монасите, продолжуваат да ги лажат луѓето и туристите во Грција. Тие се наоѓаат низ цела Грција, пишува познатиот сајт ГрчкаИнфо во објава од минатиот август. Каква е состојбата ова лето?

Според написите на грчките медиуми на кои се повикува ГрчкаИнфо овие измамници најчесто оперираат во болници, цркви и места со многу туристи. Тие исто така шетаат по одморалишта плажи на Халкидики, во солунскиот и олимпискиот регион, на плоштадот Аристотелис во Солун и во близина на Белата кула во градот.

Облечени како калуѓери, тие им продаваат на луѓето бројаници, крстови и икони направени и „осветени“ во манастир. Нивната облека не личи на облеката на вистински калуѓерки и ова е лесно да се забележи ако се обрне внимание. Тие измамуваат во групи, обично по двајца.

Исто така, се случува додека едниот се обидува да убеди турист да купи бројаница, другиот чепка по џебовите на туристот. Тие се наметливи, а кога ќе ги одбиете, почнуваат да ве проколнуваат. Понекогаш шетаат по плажата, буквално им туркаат бројаници и крстови во рацете на луѓето, им кажуваат дека се бесплатни и дека не треба ништо да плаќаат, а потоа наметливо бараат некаков „придонес за манастирот“.

Полицијата ги апси кога ќе успее да ги лоцира, меѓутоа, „се раѓаат нови деловни калуѓерки“ и ги има насекаде. Во последните месеци, во Солун е забележано дека има сè повеќе лажни монаси, што значи дека и мажи се придружиле на овој профитабилен „бизнис“.

Вистинските калуѓерки ретко ги напуштаат манастирите и никогаш не продаваат осветени предмети надвор од манастирот, особено не на плажи и на толку агресивен начин. Бидете внимателни и не купувајте ништо од нив.

The post 📽 ЧУВАЈТЕ СЕ ОД ИЗМАМИ СО ПАРИ НА ГРЧКИТЕ ПЛАЖИ Лажни калуѓери и калуѓерки збираат пари „за болници и за цркви“ appeared first on plusinfo.mk.