Регулаторната комисија за енергетика (РКЕ) донесе Одлука за определување на малопродажните цени на нафтените деривати со вклучена повластена стапка на додадена вредност од 10%, со што изврши усогласување со измените од Законот за данок на додадена вредност .

Според оваа одлука, малопродажните цени на бензините од 95 и 98 октани не се менуваат, дизелот поскапува за 3,50 денари по литар, масло за домаќинство на (ЕЛ-1) поскапува за 2,50 денари, а  цената на Мазутот  се зголемува за 0,157 денари и од полноќ ќе изнесува 47,610 денари по килограм.

Од 24.3.2026 година од 00:01 часот максималните малопродажни цени на нафтените деривати ќе изнесуваат:

Моторен бензин ЕУРОСУПЕР БС – 95     –  86,50 (денари/литар)

Моторен бензин ЕУРОСУПЕР БС – 98    –  88,50 (денари/литар)

Дизел гориво ЕУРОДИЗЕЛ БС (Д-Е V)   –  95,50 (денари/литар)

Масло за горење Екстра лесно 1 (ЕЛ-1)    – 92,00 (денари/литар)

Мазут М-1 НС 47,610 (денари/килограм)

Од Регулаторната комисија за енергетика напоменуваат и дека  ова се максималните цени на нафтените деривати, а  трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Доколку останеше на сила ДДВ-то од 18 % цената на бензините ќе беше повисока за 6,50 денари по литар, а дизелот за 10,50 денари по литар, односно максималните малопродажни цени на нафтените деривати ќе изнесуваа:

Моторен бензин ЕУРОСУПЕР БС – 95      –  93,00 (денари/литар)

Моторен бензин ЕУРОСУПЕР БС – 98      –  95,00 (денари/литар)

Дизел гориво ЕУРОДИЗЕЛ БС (Д-Е V)    –  102,50 (денари/литар)

Масло за горење Екстра лесно 1 (ЕЛ-1)    –  99,00 (денари/литар)

Мазут М-1 НС 51,073 (денари/килограм)

Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 13,592%, кај дизелот за 16,531%, кај екстра лесното масло за 15,222% и кај мазутот зголемувањето е за 9,207%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,7145%.

The post ЦЕНАТА НА ДИЗЕЛОТ СЕ ЗГОЛЕМИ ЗА 3,50 НАМЕСТО ЗА 10,50 ДЕНАРИ ПО ЛИТАР, БЕНЗИНИТЕ ОСТАНАА СО ИСТА ЦЕНА Регулаторната комисија го вгради намаленото ДДВ во цената appeared first on plusinfo.mk.

Американскиот претседател Доналд Трамп е многу поблиску до донесување на одлуката за започнување голема војна на Блискиот Исток, со операција во Иран, а таа би можела да започне многу брзо, објави денеска американскиот портал Аксиос, повикувајќи се на извор од американската администрација.

„Шефот почнува да губи трпение. Некои луѓе околу него го советуваат да не војува со Иран, но мислам дека веројатноста за воена акција во следните неколку недели е 90 проценти“, рече изворот.

Други американски извори изјавија за Аксиос дека на САД ќе им треба повеќе време за да преземат акција.

Изворите велат дека американската воена операција во Иран веројатно би била масовна, повеќенеделна кампања што повеќе би личела на вистинска војна отколку прецизната американска операција во Венецуела минатиот месец.

Аксиос, исто така, известува дека веројатно станува збор за заедничка американско-израелска кампања од многу поголем обем од 12-дневната војна предводена од Израелците минатиот јуни, на која на крајот се придружија и САД со цел да ги уништат подземните нуклеарни објекти на Иран.

Според неименувани израелски претставници, израелската Влада, која „се залага за максималистичко сценарио насочено кон промена на режимот во Иран“, се подготвува за војна во наредните денови.

Втората рунда нуклеарни преговори меѓу САД и Иран се одржа вчера во Женева, со посредство на Оман.

Според шефот на иранската дипломатија, Абас Арагчи, страните постигнале меѓусебно разбирање за неколку прашања што би можеле да бидат вклучени во нацрт-верзијата на идниот нуклеарен договор.

Американскиот потпретседател, Џ. Д. Венс, изјави дека преговорите поминале добро во неколку аспекти, но дека Техеран сè уште не е подготвен да прифати низа принципиелни позиции презентирани од Белата куќа, пренесува Аксиос.

The post ТРАМП Е БЛИСКУ ДО ОДЛУКА ЗА ГОЛЕМА ВОЈНА СО ИРАН „Шефот губи трпение“, изјавил упатен извор appeared first on plusinfo.mk.

Поарнешниот министер за земјоделство Љупчо Николовски тврди дека во петокот околу 16 часот, од страна на националниот координатор за авторизација, преку механизмот за суспендирање на плаќања, е донесена и дистрибуирана до македонските власти одлука за суспендирање на ИПАРД 3 програмата, односно одлука за суспендирање на плаќањата во ИПАРД 3.

– Одлуката стапила на сила веднаш, на неопределено време, се до исполнување на одредени услови и акциски планови. Оваа суспензија опфаќа целосен прекин на исплатите кон земјоделците и компаниите коишто веќе имаат склучени договори и веќе реализираат инвестиции од оваа програма, потпишување на нови договори и преземање на финансиски обврски од платежната агенција, како и објавувањето на нови јавни повици – тврди Николовски.

Според поранешниот министер од редовите на СДСМ, причината за ваквата одлука е скандалот со барање и примање на мито од страна на директорот на платежната агенција и уште четири други лица, вклучувајќи и блиска соработничка на министерот од Министерството за земјоделство. Минатата недела сите тие беа уапсени од полицијата, по налог на Обвинителството за гонење организиран криминал и корупција, а против четворица од нив судија на претходна посттапк израече мерки притвор.

Николовски јавно праша зошто владата не ја објавила оваа одлука во текот на викендот.

– Дали власта со премолчувањето на оваа одлука се обидува да ги заштити вмешаните во овој корупциски скандал? Земјоделците и сите корисници на оваа програма заслужуваат да ја знаат вистината. Оваа поддршка е наменета за нив, а не за профитирање и лични интереси на било какви функционери – рече Николовски.

The post НИКОЛОВСКИ ТВРДИ ДЕКА ПРОГРАМАТА ИПАРД 3 Е ПРЕКИНАТА Се запираат исплатите за земјоделците и за фирмите што склучиле договори appeared first on plusinfo.mk.

Шведската влада најави драстична мерка во борбата против насилството поврзано со криминални банди од следното лето, сторителите на кривични дела на возраст од само 13 години ќе може да бидат сместени во младински центри за притвор, иако сè уште не се кривично одговорни според постојниот закон.

Од Министерството за правда во Стокхолм соопштија дека затворската управа веќе има задача да создаде специјални оддели за 15- до 17-годишници, а сега мандатот се проширува и за 13- и 14-годишници кои извршиле сериозни престапи.

– Намалувањето на возраста на кривична одговорност за најсериозните злосторства е важно не само за заштита на општеството, туку и за да им се помогне на децата да го напуштат патот на криминалот – изјави министерот за правда Гунар Стромер.

Тој најави дека првично ќе бидат создадени меѓу 100 и 150 места за малолетни сторители, а новите младински оддели треба да бидат целосно функционални до јули 2026 година.

– Кога 13-14-годишници трчаат со автоматско оружје, општеството мора да одговори со полна сила – рече Хенрик Винге, претседател на Комитетот за правда и член на десничарско-националистичките Шведски демократи.

Според него, заштитата на граѓаните бара јасни и конкретни мерки.

– Овие помлади тинејџери мора да може да бидат затворени. Со намалување на возраста на кривична одговорност, ја отвораме алатката на полицијата – додаде тој.

Владата најави дека шест центри ќе бидат за момчиња, а два за девојчиња, со строго одделување на помладите од постарите тинејџери.

Целиот систем, според Министерството, ќе мора да биде во согласност со Конвенцијата на ОН за правата на детето, со што властите уверуваат дека нема да се прекршат меѓународните стандарди за заштита на малолетници.

Шведска со години се соочува со бран насилство, убиства и експлозии поврзани со банди, кои често регрутираат малолетници за извршување на најтешките злосторства.

Според аналитичарите, овој тренд доведе до тоа владата на премиерот Улф Кристерсон да го промени досегашниот пристап и да воведе построги закони за малолетни престапници.

The post ШВЕДСКА ЌЕ ГИ ПРАЌА 13-ГОДИШНИЦИТЕ ВО ПРИТВОР Властите решени да го сопрат насилството со банди по секоја цена appeared first on plusinfo.mk.

Европската комисија го заврши скрининг процесот со Украина и Молдавија и веќе во ноември Советот на ЕУ би можел да донесе одлука за почеток на преговорите со двете земји по шесте преговарачки кластери, изјави денеска во Луксембург еврокомесарката за проширување Марта Кос при пристигнувањето на состанокот на Советот за надворешни работи на Унијата.

Според неа, двете земји го забрзаа спроведувањето на реформите, се справуваат со корупцијата, ги зајакнуваат институциите и ги почитуваат принципите на владеењето на правото.

– Уверена сум дека земјите членки нема да сакаат да видат како сето тоа запира, бидејќи ако застанеме сега, тоа е нешто што би ѝ помогнало на Русија – додаде Кос.

На прашање како Европската комисија планира да го надмине ветото од страна на Унгарија за старт на преговорите на ЕУ со Украина, Кос истакна дека се разгледуваат сите можности и дека ќе се продолжи во тој правец, потенцирајќи дека проширувањето е принцип базиран на заслуги и Киев испорача во тој правец.

– Унгарија не се спротивстави на давањето статус на кандидат за членство на Украина, па затоа и сега очекувам унгарска поддршка за го отвориме првиот кластер, а потоа и сите други. Ако Унгарија е загрижена за унгарското малцинството во Украина, можеме да се справиме со тоа во рамки на Кластерот Еден – рече Кос.

Таа додаде дека пред неколку недели ја посетила областа во Украина каде живее унгарското малцинства и разговарала со нивните претставници, при што, како што рече, ниту еден од нив не се пожалил на она што го тврди Унгарија.

Во врска со користењето на замрзнатите руски средства за поддршка на Украина, Кос рече дека тоа е прашање за кое се дискутира и се разгледуваат правно заснованите можности за реализација на таа идеја за доброто на Европската Унија и на нејзините земји членки.

Еврокомесарката за проширување додаде дека покрај за европските перспективи на Украина и Молдавија, на состанок ќе стане збор и за „загрижувачките случувања во Грузија“,

– Народот на Грузија на последните три избори и преку тековните протести кажува, а и анкетите покажуваат, дека сака европската иднина, но тоа не го сака и Владата. Нивната Влада очигледно не го слуша сопствениот народ и не сака да оди по европскиот пат – рече Кос.

Таа додаде дека противниците на грузиската Влада се затворани, а се замолчуваат новинарите и организациите на граѓанското општество.

– Во исто време, од оние кои се на власт се промовираат дезинформации против Европа и Европската Унија. Ги осудуваме тие лажни наративи и сите напади врз европските институции, врз претставниците на европските институции и нашите земји членки и ја повикуваме Владата на Грузија да го слушне својот народ, да биде инклузивна, да разговара со граѓанското општество и да ја следи нивната желба да станат дел од Европа – истакна Кос.

Таа додаде и дека со договорот меѓу Ерменија и Азербејџан првпат се добива можност да се воспостави мир во целиот кавкаски регион, што отвора перспективи преку тоа подрачје Европа да гради нови инфраструктури на поврзување со Централна Азија, откако трговските патишта низ Русија што претходно ги поврзуваа беа затворени со руската агресија врз Украина.

– Во денешната геополитичка ситуација многу е важно да можеме да сметаме на добри партнерства и да имаме заеднички инфраструктурни проекти, што би значело ние Европејците да станеме помалку зависни во областа на енергетиката, трговијата… Мислам дека повеќе опции ќе значат поголема независност за цела Европа – додаде Кос.

Според неа, во тој правец ќе биде и денешниот Министерскиот состанок за меѓурегионална безбедност и поврзаност, што ќе се одржи по седницата на Советот за надворешни работи. Таа најави дека следната средба во овој формат меѓу ЕУ и земјите од регионите на Црното Море и Централна Азија ќе се одржи кон крајот на ноември во Ташкент.

The post ЗЕЛЕНО СВЕТЛО ОД ЕУ ЗА КИЕВ И ЗА КИШИЊЕВ УШТЕ ВО НОЕМВРИ? Европа разбира дека не смее да има застој, вели Марта Кос appeared first on plusinfo.mk.

Градоначалникот на Струмица Костадин Костадинов на Фејсбук објави дека размислува на претстојните локални избори во октомври да се трка како независен кандидат, но дека конечната одлука ќе ја соопшти за неколку недели.

Костадинов, кој неодамна објави дека го замрзнува членството во СДСМ и дека нема да биде кандидат на партијата за изборите, сега пишува дека „не може да молчи пред енерегијата што ја чувствува од граѓаните“. Тој сепак бара трпение од јавноста во Струмица во врска со неговата одлука.

Костадинов, исто така, во средата, 2 јули, објави дека ќе започне ново интерпартиско делување.

„Почитувани пријатели, секојдневно добивам стотици пораки, повици, разговори – со едно исто прашање: „Дали ќе се кандидираш како независен кандидат за градоначалник?“ Мојот одговор е: Да, можно е, но оваа одлука не е конечна ова е мисла во зачеток.

• РАСКОЛ МУ СЕ ЗАКАНУВА НА СДСМ Костадинов објави дека ќе делува интерпартиски

Но, ова не е одлука за слава, туку одговорност пред сите вас. Затоа сега е време за многу трпение, мудрост и длабоко размислување.
Не сакам со ништо да им наштетам на моите другари – на луѓето со кои го делев и доброто и тешкото. Но не можам да молчам пред оваа енергија што ја чувствувам од граѓаните. Веќе разговарам со многумина – со народот на терен, со граѓански здруженија, со партии, со чесни социјалдемократи и квалитетни луѓе кои тешко дека ќе се најдат на новите советнички листи.

Да, сѐ е возможно. Но, потребно ми е време. Одлуката ќе ја соопштам јавно, за неколку недели – и таа ќе биде остра, конечна и целисходна. Зашто кога одговараш пред народот – мораш да бидеш подготвен не само да победиш, туку и да ја носиш победата со чест.

Дотогаш, продолжуваме со народот, со идејата, со Струмица. Благодарам за големата доверба и барам максимално трпение од ваша страна“.

The post КОСТАДИНОВ РАЗМИСЛУВА ДА СЕ ТРКА КАКО НЕЗАВИСЕН КАНДИДАТ За неколку недели ќе ја соопшти одлуката appeared first on plusinfo.mk.

Премиерот Христијан Мицкоски попладнево на собраниската седница посветена на пратенички прашања предложи веќе идната година да се спроведе вонреден електронски попис на населението, но го услови тоа со итно прифаќање на моделот за една изборна единица.

Ова го изјави во одговор на прашањето на пратеникот Халил Снопче од редовите на Алијансата на Албанците, кој побара објаснување дали Владата ќе ја повлече одлуката за бројот на советници во општините, по вчерашната одлука на Уставниот суд во врска со спроведувањето на пописот во 2021 година.

– Уставниот суд на вчерашната седница укина некои одредби од методологијата за спроведување на Пописот на населението во 2021 година. Уставниот суд оцени дека директорот на Државниот завод за статистика ги пречекорил своите надлежности и со подзаконски акт извршил категоризација на резидентно и нерезидентно население за што немал законско овластување – рече Снопче.

Пратеникот и координатор на пратеничката група на Алијансата за Албанците, Халил Снопче рече дека е убеден оти се обезбедени потребните гласови за реконструкција. Според него, следствено на одлуката на Уставниот суд, одлуката на Владата за намалување на бројот на советниците во општините е невалидна.

– Дали на следната седница на Владата ќе ја поништите претходната одлука и ќе се врати претходната одлука за бројот на советници? Логички, не може да се отстранат нерезидентите бидејќи нивната одлука има директно влијание врз изборот и бројот на советниците – праша Снопче.

Тој посочи дека уште пред пет месеци има поднесено барање за автентично толкување на оваа владина одлука, но досега немал добиено никаков одговор.

Во одговорот, премиерот Мицкоски нагласи дека кај нерезидентното население во последниот попис немало адреса, туку тоа било класифицирано како нерезидентно население. Како пример ја наведе Општина Гостивар, од каде што е пратеникот Снопче, каде што, според него, бројот на жители бил намален од 85 илјади на 59 илјади резидентно население. Во тие 59 илјади, како што додаде, имало и неколку илјади кои не се изјасниле што се, односно одбиле да се попишат.

– Често зборувам дека дијаспората е нераскинлив дел од унитарниот карактер на Македонија како држава, и затоа ве молам како политичка партија да поддржите една изборна единица во која што ќе овозможите дијаспората да гласа – изјави Мицкоски.

Тој додаде дека Уставниот суд не може да биде законодавец и дека не е негова улога да кажува како треба да се работи, туку да се произнесува по законски решенија.

– Но не може да наметне. Тоа сте вие, пратениците, и во одреден дел Владата. Уставниот суд вели дека не може да има графа „нерезидентно“ и графа „резидентно население“, за што зборувавме уште во време на пописот дека тоа не го препознава Евростат. Исто како што молевме, немојте да го правите ова со Францускиот предлог – рече Мицкоски.

Притоа, премиерот предложи идната 2026 година да се спроведе вонреден електронски попис.

– Ви гарантирам дека со вкрстување на базите 90 отсто од населението ќе го попишеме преку електронскиот попис, а само отприлика 10 проценти ќе треба теренски – изјави Мицкоски, додавајќи дека е подготвен како претседател на Владата да обезбеди средства во Буџетот за реализација на пописот уште следната година.

Во коментар на одговорот, пратеникот Снопче рече дека за да гласа дијаспората не е потребна една изборна единица, туку политичка волја на партиите.

УСТАВНИОТ СУД ГИ УКИНА ОДРЕДБИТЕ РЕЗИДЕНТНО И НЕРЕЗИДЕНТНО НАСЕЛЕНИЕ Оваа одлука нема да важи за пописот од 2021 година

The post ЕДНА ИЗБОРНА ЕДИНИЦА, ИНАКУ НЕМА ПОПИС Мицкоски предложи ново пребројување, но под еден услов appeared first on plusinfo.mk.

Ова  е можеби најтешкото лето во кариерата на српскиот кошаркарски ас Никола Јокиќ. Иако е на одмор во својот роден град Сомбор и беше на возење со сплав  по реката Тара, тој ќе мора да пресече дали да потпише тригодишен договор со Денвер за 212,5 милиони евра со кој ќе му се продолжи договорот до 2030 година, анализира Јаху Њуз.

Оваа сезона беше најкомплицирана за Јокиќ и кошаркарот јасно нагласи дека сака да види промени и да има играчи околу себе со кои може да освои титула. Според анализата на Јаху Њиз, ова е шанса токму за такви промени, бидејќи отфрлањето на нов договор би испратило уште посилна порака до сопственикот на тимот, Џош Кренке.

Дали Денвер веќе направи грешка? По одлуката да ги отпушти тренерот Мајкл Малоун и генералниот менаџер Келвин Бут, кои беа во тепачка, истиот ден, поминаа 76 дена додека Денвер повторно не го ангажираше „главниот и одговорен“ за засилувања.

На крајот, беше донесена неочекувана одлука да се ангажираат двајца потпретседатели за кошаркарски операции, што изненади многумина.

Што ако Јокиќ ја одбие понудата на Денвер?

„Несомнено, ако Јокиќ не го потпише ова продолжување на договорот, ќе се вклучи аларм во седиштето на Нагетсите, дури и ако никогаш јавно не го признаат тоа“, се вели во текстот.

Но, ако тимот не вклучи некое младо засилување на теренот, тогаш, заклучува Јаху Њуз, би било несериозно да се рече дека Јокиќ во иднина 100% ќе биде врзан со Нагетсите.

„Сите кои ги следат НБА и однесувањето на суперѕвездите во кошарката знаат дека во вакви ситуации секогаш постои макар и мала шанса за катастрофа“.

The post ЈОКИЌ ПОД ПРИТИСОК, СЛЕДИ НАЈВАЖНАТА ОДЛУКА Во јули ќе мора да реши дали останува во Денвер Нагетс appeared first on plusinfo.mk.

На свечена церемонија организирана во Владата на Република Македонија, премиерот Христијан Мицкоски и министерот за спорт, Борко Ристовски, доделија Национални признанија за врвни достигнувања во спортот на 19 истакнати спортисти од екипни спортови, чии успеси оставија длабока трага во македонската спортска историја.

– Денес не зборуваме само за спорт. Зборуваме за пожртвуваност, за истрајност, за достоинство и љубов кон татковината. Државата денес им се поклонува на своите најгорди амбасадори – спортистите кои со години ја носеа Македонија во срцето, на грбот и на терените, арените и подиумите ширум светот – изјави премиерот Христијан Мицкоски.

Тој нагласи дека Националното признание не е само формалност, туку длабок чин на искрена и заслужена почит.

– Ова е признание за животен подвиг на луѓе кои не барале ништо, а дале сѐ. Луѓе што ги претворија соништата во резултати, а резултатите во национална гордост – додаде Мицкоски.

На листата на одликувани се фудбалските легенди Горан Пандев, Дарко Панчев и Илија Најдоски, кошаркарите Петар Наумоски и Перо Антиќ, ракометарите што ја донесоа машката Лига на шампиони во Скопје со Вардар – Стојанче Стоилов, Петар Ангелов, Марко Мишевски, Марко Кизиќ, Владо Недановски и Мартин Поповски, како и „златните девојки“ од Кометал Ѓорче Петров – Елена Ѓоргиевска, Гордана Нацева, Мирјана Чупиќ, Милева Велкова, Анжела Платон, Лариса Кисељова, Елена Златановска Муратовска и Клара Боева – кои пред 23 години ја освоија женската Лига на шампиони.

Во име на наградените, со благодарност до Владата и Министерството за спорт се обратија Горан Пандев, Петар Наумоски и Гордана Нацева, изразувајќи чест и задоволство што нивната кариера е препознаена со ваков вид признание.

– Со оваа одлука, државата воспоставува нов принцип – врвниот спортски успех мора да се вреднува, не само во моменти на еуфорија туку и низ целиот живот. Овие признанија се доживотни – потенцираше премиерот Мицкоски.

Според последните измени во Законот за спорт, ова признание се доделува на македонски државјани кои имаат освоено златен медал или прво место на официјално европско или светско сениорско клупско првенство во екипни олимписки спортови, како и на оние што поставиле европски или светски рекорди на официјални меѓународни натпревари.

Ова признание претставува симбол на државната почит кон спортисти кои постигнале врвни резултати, особено оние чии достигнувања досега не беа институционално вреднувани.

The post ДРЖАВНИ ОДЛИКУВАЊА ЗА ПАНДЕВ, ПАНЧЕВ, НАУМОСКИ, АНТИЌ, „ЗЛАТНИТЕ“ ОД ВАРДАР И КОМЕТАЛ Владата ги награди хероите кои ни донесоа спортска слава appeared first on plusinfo.mk.

Основното јавно обвинителство Кавадарци поднесе обвинение против 43-годишен маж за тешко кривично дело – убиство, откако истрагата утврдила дека тој ја лишил од живот својата вонбрачна партнерка во нејзиниот дом на улицата Ѓуро Салај во Кавадарци.

Злосторството, според обвинителството, се случило во периодот помеѓу 20 и 22 јануари 2025 година. Обвинетиот, при извршување семејно насилство, ја задушил жртвата – 52-годишната С.С.С., свесно затворајќи ѝ го носот и устата и предизвикувајќи механичко задушување.

Телото било пронајдено од нејзината ќерка, која веднаш го пријавила случајот во полиција.

„По преземени мерки, полициски службеници од ОВР Кавадарци обезбедија материјални докази и дојдоа до сознание дека И.П. го сторил делото. Против него е поднесена кривична пријава, а судија на претходна постапка му одреди мерка притвор од 30 дена“, соопшти тогаш Министерството за внатрешни работи.

Осомничениот беше спроведен во Казнено-поправната установа Затвор Гевгелија. Обвинителството веќе поднесе и предлог за продолжување на притворот до завршување на судската постапка

The post Ѝ ГИ ЗАТВОРИЛ НОСОТ И УСТАТА И ЈА ЗАДУШИЛ Против 43-годишник поднесено обвинение за монструозно убиство appeared first on plusinfo.mk.