Владата на денешната седница донесе низа значајни и суштински одлуки кои јасно ја потврдуваат нашата определба и конкретната посветеност кон исполнување на обврските од процесот на пристапување во Европската Унија, но и кон заштита на јавниот интерес и демократските вредности, соопшти владината портпатолка Марија Митева.

„Владата направи уште еден силен и долгоочекуван чекор во насока на заштита на слободата на изразување и јавниот интерес. Формиравме работна група за воспоставување механизам за заштита од злоупотребата на т.н. стратешки тужби против јавното учество, тема за која со години зборуваат и бараат новинарите и медиумската заедница. Ова е јасен сигнал дека оваа Влада има слух, храброст и проактивност да се соочи со суштински прашања“, соопшти Митева.

Дополнително, со усвојувањето на Законот за органско земјоделско производство правиме важен исчекор во поддршката на малите земјоделци, додаде таа.

„Овој закон овозможува олеснета сертификација преку намалување на трошоците за инспекција и за сертификација, што директно придонесува за поконкурентен пласман на органските производи на пазарот.
Истовремено, се унапредува и правната рамка со појасни, попрецизни и применливи одредби, усогласени со европските стандарди. Со ова, исполнуваме уште една обврска која произлегува од процесот на пристапување во ЕУ. Делата зборуваат погласно од зборовите. Ние продолжуваме да носиме одлуки кои значат напредок и за граѓаните, и за демократијата, и за европската иднина на државата“, вели Митева.

The post ВЛАДАТА ЌЕ ГО ИСПОЛНИ БАРАЊЕТО НА НОВИНАРИТЕ Ќе се воспостави механизам за заштита од злоупотреба на стратешките тужби против јавното учество appeared first on plusinfo.mk.

Вицепремиерот и министер за транспорт  Александар Николоски денеска соопшти дека радарот на скопскиот аеродром е ставен во функција и најави дека следната недела владата ќе  донесе одлука да се монтира новиот радар кој не бил монтиран бидејќи претходната влада не донела одлука за тоа.

Николоски рече дека за три дена е решен проблемот, но во тој период не била доведена во прашање безбедноста на авиосообраќајот за што, како што рече, говори и тоа што ниту една авиокомпанија не ги откажала летовите.

-Утрово радарот е ставен во функција, и проблемот е решен. Би сакал да кажам дека успеавме проблемот да го решиме во рекордно време од само три дена и уште повеќе да детектираме една работа која што не беше позната на јавноста, а тоа е дека и досега, седум години наназад овој радар работел само со еден канал. Во овие три дена, со заедничка координација на повеќе ресори од Владата, благодарност до сите, како и на премиерот, но и благодарение на активната работа на раководството на МНАВ, на сите стручни лица во МНАВ, како и во пријателска соработка со неколку странски држави успеавме да најдеме решение и сега во функција се двата канала –  рече Николоски.

Тој се заблагодари за помошта на контролата на летање од Бугарија и на италијанската Влада.

Николоски ја повика опозицијата да биде многу внимателна кога изнесува информации во јавност кои се од безбедносен карактер за да не се создава паника кај населението.

– Сите безбедносни протоколи беа испочитувани овие три дена, и гледате најнормално полетуваа и слетуваа на аеродромот во Скопје авиони од сите авиокомпании, ниедна не откажа, затоа што сите безбедносни протоколи беа испочитувани и така ќе продолжи да биде и во иднина – рече Николоски.

Според него, суштинското прашање е зошто радарот кој  е стар 27 години не бил заменет иако имало набавено нов.

-За него престанале да се произведуваат делови пред седум години, односно на 20-тата година од инсталирањето на радарот веќе не се произведуваат резервни делови и навистина е чудо како успеавме да најдеме резервни делови. Во исто време сакам да прашам зошто претходната влада на СДСМ не го инсталираше, не го монтираше целосно новиот радар којшто е пристигнат во Скопје од компанијата Леонардо? – рече Николоски.

Тој најави дека на следната седница на Влада во вторник биде донесена одлука за монтирање на радарот.

Николоски ја потврди дека е безбедно слетувањето и полетувањето на авионите и со тоа што тој денеска пристигнал на аеродромот од Грција.

-Јас денеска слетав на скопскиот аеродром. Така што и тоа е една гаранција за безбедност, што сум решил и јас да го користам скопскиот аеродром – рече Николоски. 

The post ВО ФУНКЦИЈА Е РАДАРОТ НА СКОПСКИОТ АЕРОДРОМ Николоски откри дека нов радар се чувал неотворен, а се работело со стар за кој нема резервни делови appeared first on plusinfo.mk.

Владата донесе две одлуки за набавка на пченица и оризова арпа од домашното производство, согласно последните измени на Законот за стокови резерви.

На вчерашната владина седница донесена е одлука за набавка на 9.000 тони меркантилна пченица од реколта 2025 година по цена од 13 денари без ддв. Количината ќе може да се откупи од секој регистриран производител поединечно од минимум 5 до максимум 30 тона.

Владата донесе одлука и за набавка на 2.400 тони оризова арпа од реколта 2024 по цена од 37 денари без пресметан ддв. Набавката ќе се врши од сите регистрирани производители и количината која ќе се откупи од секој регистриран производител поединечно ќе биде минимум 3 до максимум 20 тони.

Од Владата велат дека со овој потег го штитат домашното производство.

– Оваа година имаме зголемени површини под пченица, од кои очекуваме просекот да биде многу поголем од претходни години. Согласно евиденцијата на Министерство за земјоделство, шумарство и водостопанство, оваа година жетвата ќе се изврши на 70.000 хектари што би значело дека се очекува да ги задоволиме потребите од нашето производство – се наведува во соопштението од Владата.

The post ГОДИНАВА ИМАМЕ ДОВОЛНО ПЧЕНИЦА ОД ДОМАШНО ПРОИЗВОДСТВО Ќе се жнеат 70.000 хектари appeared first on plusinfo.mk.

– Ги повикуваме да ја повлечат оваа катастрофална одлука/препорака која е во интерес на работодавачите, но не и на работниците. Сведоци сме дека прекувремената работа, работата на празник и во ден на неделен одмор, не се плаќа од мнозинството приватни фирми. Оваа последна одлука е врв на нелогичност, на непочитување на работникот да биде за најголемите празници дома со семејството, да има право на одмор. Ова не ги одразува социјалдемократските вредности, напротив, како и многу пати до сега, да го бранат суровиот капитализам пред работничките права и работничкото достоинство – вели Ампева.

Таа додава дека до организацијата стигнеле голем број на поплаки од работници од трговијата.

The post ВЛАДАТА ДА ЈА ПОВЛЕЧЕ ОДЛУКАТА ЗА РАБОТА НА ПРОДАВНИЦИТЕ ЗА ПРАЗНИЦИТЕ „Глесен текстилец“ бара да се почитуваат правата на работниците во трговијата appeared first on plusinfo.mk.

Како што информираат од Влада, целта е заштита на граѓаните од манипулации со цените.

-Владата на Република Северна Македонија, на денешната 185 седница, на предлог на Министерството за економија, донесе одлука со која се забранува на трговците кои вршат трговија на мало на земјоделски и прехранбени производи да (акција) и (промоција), со исклучок на Оваа одлука е донесена согласно членот 29 став 1 алинеја 3 од Законот за трговија, за нарушување на домашниот пазар. Одлуката е донесена со цел да се спречи злоупотреба во прометот на одделни производи и стоки, информираат од Влада.

Соопштуваат дека со оваа одлука ќе се намалат можни манипулации при ваквиот вид на продажба на земјоделски и прехранбени производи, но дека исто така ќе се намали и ќе се спречи нарушување на домашниот пазар заради злоупотреба во прометот на одделни производи и стоки.

-Одлуката е со цел граѓаните да ја знаат точната и реална цена на производот, и да не се доведуваат во заблуда со цените на прехранбените производи. Одлуката ќе се применува до 30 ноември 2023 година, се наведува во соопштението.

The post НЕМА ВЕЌЕ ПОЕВТИНИ ПРОИЗВОДИ НА АКЦИЈА Владата забрани акции и промоции на прехранбени и земјоделски производи appeared first on plusinfo.mk.

Бектеши веднаш по враќањето од САД се обрати пред новинарите за случајот со рудникот Иловица. Според него,  Министерството за економија само го почитувало законот и насоките дадени од Управниот суд.

Во презентацијата на целиот процес за добивање две концесии за рудникот Иловица, министерот за економија нагласи дека за првата концесија, постапката започнала во 2005 година, а завршила со потпис на концесија од тогашниот министер Зоран Ставревски во 2012 година. Но, откако фирмата во 2016 год побарала дозвола за експлоатација, министерството за економија во 2019 во време на Бектеши како министер, ја одбиле фирмата со образложение дека документацијата е некомплетна.

За втората концесија, иницијативата била отпочната во 2009 год, ги поминала исто така сите фази и позитивни мислења од  сите надлежни министерства како и од Општините Босилево и Ново Село и одлуката за давање на концесија била потпишана од тогашниот премиер Никола Груевски во 2015 година. Кога повторно во Министерството за економија било побарана дозвола за експлоатација, во 2019 год било донесено решение дека документацијата е некомплетна.

Бектеши соопшти дека фирмата два пати побарала да се спојат двете концесии и тоа во 2018 и во 2019, но по предлогот за спојување немало одлуки и токму тоа е причина поради која  Управниот суд  сега донел одлука дека мора да се одлучува по барањето за спојување на двете концесии.

На прашањето зошто како министер инсистирал за итно носење на одлуката за спојување на двете концесии за рудникот Иловица, Бектеши рече дека итноста била заради другите предмети што ги имале во моментот.

-Не успеав да се слушнам со колегите, но целосно ги отфрлам сите тврдења кои деновиве ги видов во медиумите. Во сите документи имаа увид преку системот е-влада, ден претходно. Со никој од нив не сум во нарушени односи и во вторник на седница се ќе им презентирам, и додатно ќе им ја доставам хронологијата за тоа како е дојдено до концесии. Итноста на точката е заради други предмети кои ги имаме во моментов, а се наоѓаат пред меѓународна арбитража, но не можам да откривам детали за да не наштетам на постапките, рече Бектеши.

На седницата што се одржа на 27 јуни, Владата гласаше двете концесии да бидат споени, едната концесија за експлоатација на бакар и злато на локалитетот „с.Иловица“ во општина Босилово, а другата исто така на локалитетот „Иловица“, но која опфаќа дел и во општина Ново Село. Владината одлука за рудникот Иловица предизвика многу реакции во јавноста, најголем дел против отворањето на рудникот.

The post УШТЕ 100 ПАТИ ДА РЕШАВАМЕ, ИСТО БИ ОДЛУЧИЛЕ Бектеши со јасен став за спојувањето на концесиите за рудникот Иловица appeared first on plusinfo.mk.

Трговците кои продаваат овошје и зеленчук да прибавуваат и продаваат 70 проценти од количините што ги продале во јануари и февруари. Ова е Одлуката што ја донесе Владата на попладневната седница по предлог на Министерството за економија.

Како што соопшти Министерството за економија, оваа Одлука која следи по Одлуката за замрзнување на цените на определени видови овошје и зеленчук, е предвидено да важи до крајот на април.

– Владината одлука е донесена по координативниот состанок на премиерот Димитар Ковачевски со колегите министри од ресорните министерства и претставници на надлежни институции во врска со предметното прашање – вели министерот Крешник Бектеши.

Бектеши денеска на прес-конференција јавно ги повика увозниците на овошје и зеленчук да присуствуваат на координативната средба и повтори дека законите мора да се почитуваат.

The post ВЛАДАТА ДОНЕСЕ ОДЛУКА Трговците со овошје и зеленчук ќе мора да обезбедат 70 отсто од потребните количини appeared first on plusinfo.mk.

– Ова е заклучок донесен на денешната владина седница. Секој граѓанин ќе потпише изјава дека 3 месеци нема да се врати во државата. Апелирам до сите да ги одложат патувањата. Да не пркосат на борбата против вирусот, туку да се приклучат. Мора да имаме ситуација во која никој не може да биде комотен. Ако сакаме комодитет, сите треба да ги почитуваат мерките. Ние велиме одложете ги патувањата, а некои граѓани си тргнале на пат пред 3-4 дена зашто што имале карти за патување  – рече Спасовски.

The post Секој што сега ќе излезе од земјава нема да се врати 3 месеци appeared first on plusinfo.mk.