На свечена церемонија организирана во Владата на Република Македонија, премиерот Христијан Мицкоски и министерот за спорт, Борко Ристовски, доделија Национални признанија за врвни достигнувања во спортот на 19 истакнати спортисти од екипни спортови, чии успеси оставија длабока трага во македонската спортска историја.

– Денес не зборуваме само за спорт. Зборуваме за пожртвуваност, за истрајност, за достоинство и љубов кон татковината. Државата денес им се поклонува на своите најгорди амбасадори – спортистите кои со години ја носеа Македонија во срцето, на грбот и на терените, арените и подиумите ширум светот – изјави премиерот Христијан Мицкоски.

Тој нагласи дека Националното признание не е само формалност, туку длабок чин на искрена и заслужена почит.

– Ова е признание за животен подвиг на луѓе кои не барале ништо, а дале сѐ. Луѓе што ги претворија соништата во резултати, а резултатите во национална гордост – додаде Мицкоски.

На листата на одликувани се фудбалските легенди Горан Пандев, Дарко Панчев и Илија Најдоски, кошаркарите Петар Наумоски и Перо Антиќ, ракометарите што ја донесоа машката Лига на шампиони во Скопје со Вардар – Стојанче Стоилов, Петар Ангелов, Марко Мишевски, Марко Кизиќ, Владо Недановски и Мартин Поповски, како и „златните девојки“ од Кометал Ѓорче Петров – Елена Ѓоргиевска, Гордана Нацева, Мирјана Чупиќ, Милева Велкова, Анжела Платон, Лариса Кисељова, Елена Златановска Муратовска и Клара Боева – кои пред 23 години ја освоија женската Лига на шампиони.

Во име на наградените, со благодарност до Владата и Министерството за спорт се обратија Горан Пандев, Петар Наумоски и Гордана Нацева, изразувајќи чест и задоволство што нивната кариера е препознаена со ваков вид признание.

– Со оваа одлука, државата воспоставува нов принцип – врвниот спортски успех мора да се вреднува, не само во моменти на еуфорија туку и низ целиот живот. Овие признанија се доживотни – потенцираше премиерот Мицкоски.

Според последните измени во Законот за спорт, ова признание се доделува на македонски државјани кои имаат освоено златен медал или прво место на официјално европско или светско сениорско клупско првенство во екипни олимписки спортови, како и на оние што поставиле европски или светски рекорди на официјални меѓународни натпревари.

Ова признание претставува симбол на државната почит кон спортисти кои постигнале врвни резултати, особено оние чии достигнувања досега не беа институционално вреднувани.

The post ДРЖАВНИ ОДЛИКУВАЊА ЗА ПАНДЕВ, ПАНЧЕВ, НАУМОСКИ, АНТИЌ, „ЗЛАТНИТЕ“ ОД ВАРДАР И КОМЕТАЛ Владата ги награди хероите кои ни донесоа спортска слава appeared first on plusinfo.mk.

На манифестацијата ќе се обрати претседателот Пендаровски, а ќе бидат доделени одликувањата Орден на Република Северна Македонија, Орден за воени заслуги и Медал за храброст.

– Со Орден на Република Северна Македонија, постхумно ќе биде одликуван Крсте Црвенковски, за својот особен, стратешки, долготраен и неповторлив придонес во втемелувањето и во развојот на македонската држава и на македонското општество. Со Орден за воени заслуги, постхумно ќе биде одликувана Невена Николова Георгиева – Дуња, за извонредната храброст, пожртвуваноста, непоколебливоста и за лидерската улога во антифашистичката борба во работничките и во синдикалните движења, коишто се застапувале за социјална правда, со што ја задолжи нашата држава со своето херојско дело и со својот пример за посветеност на заедничката цел и на заедничката борба за подобар и поправеден свет – соопштуваат од кабинетот на Пендаровски.

Со Медал за храброст, пак, ќе бидат одликувани: Никола Стојановски, Јован Величковски, Трајанка Аврамовска (постхумно), Илија Дуновски, Никола Николоски, Цветко Цветкоски, Кадрија Џафери и Дaфинка Богоева.

– Осуммината се одликуваат за пожртвуваноста, за истрајната борбеност и за животната посветеност на високите цели на заедницата, како и за целокупниот влог во Народноослободителната борба, што се согледува низ нивните карактеристики, а и низ карактеристиките на голем број генерации борци, кои не ги штедеа своите животи за слободата, втемелувајќи ги основните насоки за градење на државата – велат од кабинетот на шефот на државата.

Според програмата, предвидено е претседателот Пендаровски да положи цвеќе на Споменикот на паднатите борци од НОБ во Алејата на великаните на градските гробишта во Бутел и да се поклони на гробовите на првиот претседател Киро Глигоров, на генерал Михајло Апостолски, и на претседателот Борис Трајковски.

Делегации од Кабинетот на претседателот Пендаровски по повод празникот ќе положат цвеќе на повеќе споменици. Во Скопје, делегација од Кабинетот, предводена од генералниот секретар Миле Бошњаковски, ќе положи цвеќе на споменикот на АСНОМ во паркот „Жена-борец“, на споменикот на Никола Карев пред Собранието на Република Северна Македонија, и на споменикот на Методија Андонов – Ченто на плоштад „Македонија“.

Во Крушево, делегација од Кабинетот на претседателот ќе положи цвеќе на гробот на Никола Карев, на споменикот на хероите на месноста „Слива“ и на Мечкин Камен.

Во Пелинце, делегација од Кабинетот на претседателот ќе положи цвеќе пред Меморијалниот центар на АСНОМ.

Во Смилево, делегација ќе положи цвеќе на Могилата на Даме Груев, на споменикот на смилевските илинденци и на спомен-плочата на партизанскиот одред „Даме Груев“.

The post ОРДЕНИ ЗА КРСТЕ ЦРВЕНКОВСКИ И ЗА НЕВЕНА ГЕОРГИЕВА-ДУЊА Пендаровски за Илинден ќе одликува и ќе се поклони пред гробовите на Глигоров и на Трајковски appeared first on plusinfo.mk.

– Поради покажаните извонредни успеси во организирањето и командувањето со безбедносните сили на Република Северна Македонија, успешна и ефикасна одбрана на независноста, безбедноста и територијалниот интегритет на државата, сето тоа во текот на вооружените дејствија во 2001 година, предлагаме со „Орден за воени заслуги” да се одликуваат починатиот генерал-полковник Панде Петровски, починатиот бригаден генерал Јосиф Бошевски и починатиот полициски генерал Ристо Галевски – изјави претседателот на партијата Достоинство Стојанче Ангелов.

Претседателот на партијата нагласи дека припадниците треба да бидат одликувани затоа што учествувале во вооружените дејствија против вооружени екстремистички и паравоени групации, со цел одбрана на независноста, територијата, интегритетот и суверенитетот на Република Северна Македонија.

Ангелов се повика и на законот за посебните права на припадниците на безбедносните сили на РСМ и на членовите на нивните семејства во кој е дадена законска дефиниција, како и на членот 19 во кој е предвидено Претседателот на Републиката да доделува одликувања.

– Во членот два на овој закон е предвидено дека припадниците на безбедносните сили на Републлика Севена Македонија, во смисла на закон, се војник на отслужување на воениот рок, професионален војник, воен старешина и цивилно лице на служба во постојаниот состав на Армијата на Република Северна Македонија, униформирано лице во Министерството внатрешни работи, како и лице со посебни должности и овластувања вработено во Министерството за одбрана и во Министерството за внатрешни работи и воен обврзник во реервниот дел на Армијата и Министерството за внатрешни работи кои организирано учествувале во одбраната на незаависноста на територијалниот интегритет и суверенитет на Републиката, а денеска претседателот Пендаровски, формално поднесе иницијативата за одликување на починати генерали – истакна Ангелов.

Според него во вооружените дејствија во 2001 година учествувале голем број на припадници на безбедносните сили од сите законски наведени категории.

– Околу 65 загинаа, неколку починаа подоцна како последица на повредите стекнати во текот на вооружените дејствија, околу 300 беа потешко или полесноранети и повредени, најголем дел останаа неповредени, но одреден дел од нив доживеаја силни трауми кои во одредени случаи кај некои од припадниците на безбедносните сили предизвикуваа пострауматско психичко растројство – рече Ангелов.

Додаде дека се уште не е познат точниот број на припадници на безбедносните сили кои учествувале во вооружените дејствија во војната.

Од партијата сметаат дека е неспорно оти сите предложени генерали постигнале извонредни успеси во организирањето и командувањето со вооружените сили за време на војна и мир, во изградбата и јакнењето на одбранбената способност на државава, во командувањето и раководењето со безбедносните сили и воените единици.

Ангелов заклучи дека ваквиот потег ќе влијае на зајакнување на довербата помеѓу припадниците на безбедносните сили , но и дека ќе постават параметри за идните генерации.

Тој на крај се осврна и на нивниот изработен предлог закон за посебните права на припадниците на безбедносните сили во 2008 година, кој бил одбиен од тогашната власт.

– Во 2008 година беше изработен предлог закон за посебни права на припадниците на безбедносните сили кој што беше продлабочен и содржеше неколку права повеќе, за жал не наидовме на разбирање кај тогашната владејачка гарнитура, од страна на тогашните пратеници. Законот не беше изгласан, иако ние покренавме граѓанска иницијатива, собравме 32.000 граѓански потписи и истиот го предадовме во Собранието, да потсетам дека тоа беше само неколку години после војната, денеска 20 години подоцна според мене тоа е невозможна мисија затоа што имаме прво голема временска дистанца, а второ нашиот непријател од воениот конфликт во 2001 година сега е дел од Собранието и дел од Владата и за да се донесе било каков закон треба и тие да бидат согласни – рече Ангелов.

The post Достоинство со иницијатива до Пендаровски за одликување на починатите генерали Петровски, Бошевски и Галевски, учесници во војната во 2001 година appeared first on plusinfo.mk.