-Кога велиме ограбена држава, мислиме на десетици и стотици милиони евра кои од владата на СДСМ и ДУИ завршиле кај ним блиски фирми и лица, наместо во проекти од општо добро и значење. Нашите тврдења сега се поткрепени и од Државниот ревизор, со ревизијата завршена во мај 2023 година, која точно посочува како се трошеле стотици милиони евра народни пари. Во извештајот се констатира дека преку владината потпрограма мерки за справување со ковид-19 кризата, исплатени се средства во износ од над 6 милијарди денари без утврдени критериуми во однос на избор на институции и износот на одобрените неповратни финансиски средства. Тоа се цели 100 милиони евра – рече Митева.
За да може да разбереме колкава штета е направена, додаде таа, ќе нотираме дека изградбата на нов Клинички центар во Скопје со оставен проект во 2017 година ќе чинеше 120 милиони евра.

-Значи, Владата на СДСМ и ДУИ за една година на сомнителен начин поделила пари колку за еден нов Клинички центар во Скопје. Се разбира никој не знае како се поделени истите, ниту што е ефектот. Кога се прашуваме зошто власта на СДС и ДУИ за 7 години не направи нов Клинички центар, а иако имаа готов проект, еве го одговорот – рече Митева.
Според пратеничката, наодите на ревизијата се уште пострашни затоа што при поделбата на овие 100 милиони евра, 33 отсто од примателите на парите не ѝ доставиле извештај за реализираните активности на Владата.

– Тоа во буквален превод значи дека Владата воопшто немала претстава каде завршиле цели 33 милиони евра од 100 милиони кои ги делела без јасно утврдени критериуми. Ова е само еден дел од злоупотребите констатирани од ДЗР за само една буџетска година. Деновиве ќе продолжиме со изнесување детали од истиот извештај за други неправилности. Одговорност мора да има – рече портпаролката на владејачката ВМРО-ДПМНЕ.

The post 100 МИЛИОНИ ЕВРА ФРЛЕНИ ВО ВЕТЕР Владата на СДСМ и ДУИ делела пари наоколу за ковид-кризата, а не барала отчет, обвини Митева appeared first on plusinfo.mk.

Власта прави се трaгедијата со автобусот на „Беса транс“ во која животите ги изгубија 45 лица, да се заташка. Веќе станува очигледно дека власта се обидува да сокрие и некого да спаси од одговорност, реагира ВМРО-ДПМНЕ.

Партијата бара одговорност од првите луѓе на Царинската управа, МВР, Министерството за транспорт и од Државниот инспекторат за транспорт.

– Оваа трагедија однесе 45 млади животи заради низа на системски пропусти на институции. Најпрво Автобусот кој патувал немал извод за лиценца за меѓународоен транспорт. Автобусот на кобното патување користел туѓи документи и таблички, а патем не бил регистриран во ситемот на Царината. Возачите на автобусот воопшто не биле вработени во компанијата, а автобусот бил репариран и наместо фабричките 49 имал 54 седишта. Сите овие работи говорат дека Царината, МВР, Министерството за транспорт, Државниот инспекторат за транспорт се дебело одговорни за овој немил настан – велат од ВМРО-ДПМНЕ.

Оттаму потсетуваат дека институциите по повеќе од две недели немаат направено контрола на компанијата затоа што никој не им отвора, а сопственикот е надвор од државата.

– Ова не е ни систем, а камо ли правен систем. Затоа власта и институциите играат пинг понг со одговорноста. Затоа прават театри со други теми, за јавноста да заборави и никој да не бара одгoворност од системот. Но одговорност мора да има. Затоа што трагедиите станаа секојдневие. Не може власта секогаш да наоѓа вина во „продолжни кабли“ за да избега од вината на институциите поради кои народот плаќа со своите животи – велат ов ВМРО-ДПМНЕ.

The post КОЈ КОГО СПАСУВА СО ЗАТАШКУВАЊЕ НА СЛУЧАЈОТ „БЕСА ТРАНС“? ВМРО-ДПМНЕ бара одговорност од институциите appeared first on plusinfo.mk.