Републичкиот совет за безбедност на сообраќајот на патиштата (РСБСП) ви ги честита празниците и упатува апел за внимателно и совесно учество во сообраќајот.

Со цел зачувување на безбедноста на секој учесник во сообраќајот РСБСП советува:

почитувајте ги сообраќајните правила и прописи и поставената сообраќајна сигнализација,
користете сигурносен појас,

возете одморени и правете почести паузи, особено кога патувате на подолги дестинации,

не управувајте со моторно возило доколку сте под дејство на алкохол,

возете со технички исправно возило,

прилагодете ја брзината според условите на патот и одржувајте безбедно растојание од другите возила,

не зборувајте на мобилен телефон додека возите,

внимавајте на секој учесник во сообраќајот.

Возете внимателно и одговорно! Безбедноста на секој учесник во сообраќајот е заедничка грижа. СРЕЌНИ ПРАЗНИЦИ!

The post ВОЗЕТЕ ВНИМАТЕЛНО И ОДГОВОРНО ЗА ПРАЗНИЦИТЕ Од РСБСП излегоа со неколку препораки appeared first on plusinfo.mk.

Ова во писмено соопштение, денеска го наведе Републичкиот совет за безбедност во сообраќајот на патиштата, од каде посочуваат дека кога паркирањето не е регулирано, може да предизвика низа неповолности за возачите.

– зголемен стрес кај возачите,

– продолжено време за пристигнување на посакуваната дестинација,

– зголемени трошоци,

– нарушување на просторот наменет за пешаци,

– узурпирање на зелени површини,

– запирање и паркирање на места наменети за инвалидизирани лица,

– повреди на законските регулативи,

– можни казни за возачите и сл.

Заради унапредување на состојбата со паркирањето и зголемување на безбедноста на сообраќајот, РСБСП повикува:

– паркирајте го возилото на места означени за тоа,

– не користете мобилен телефон додека паркирате,

– во паркинг просторот возете забавено и внимавајте на другите возила и пешаците,

– внимавајте на сообраќајните знаци кои се однесуваат на паркирањето,

– не паркирајте на места обележани за паркирање на возила на лица со попреченост,

– не паркирајте преку обележаните ленти за паркирање – почитувајте го просторот за секое возило, и др.

РСБСП упатува апел: „ПАРКИРАЈТЕ СОВЕСНО И ОДГОВОРНО“ заради унапредување на вашата и безбедноста на другите учесници во сообраќајот на патиштата.

The post КАМПАЊА „ПАРКИРАЈ СОВЕСНО И ОДГОВОРНО“ Време е за подигнување на јавната свест за одговорно учество во сообраќајот appeared first on plusinfo.mk.

Овој ден се одбележува од 1993 год., а во 2005 година ООН го прогласи за светски ден кој се одбележува секогаш во недела во третата седмица од месецот ноември. Многу релевантни институции и организации од целиот свет работат напорно на подигнување на свеста кај учесниците во сообраќајот за последиците од сообраќајните незгоди со цел да се намали бројот на загинати и повредени.

Во Република Северна Македонија, минатата година, 116 лица го загубија животот во сообраќајни незгоди.

Жртвите и повредите на патиштата се ненадејни и трауматски настани чие влијание е долготрајно. Годишно, во светот, околу 1,3 милиони луѓе го губат животот во сообраќајни незгоди, а околу 50 милиони лица се здобиваат со повреди. Покрај ова, последиците од ваквите незгоди дополнително директно влијаат врз животите на уште најмалку четворица од околината на секоја жртва во сообраќајна незгода.

Оттаму, овој ден има за цел да ја потсети јавноста на лицата кои настрадале во сообраќајни незгоди, да им се даде помен на истите, но и да се допре до свеста на сите учесници во сообраќајот со цел тие да размислат за сопствената одговорност, како и за последиците од сообраќајните незгоди.

Затоа РСБСП упатува апел: „Да ја поттикнеме свеста на учесниците во сообраќајот за почитување на правилата и прописите во сообраќајот, а со тоа и за намалување на сообраќајните незгоди, со што ќе се намали и бројот на загинати и повредени лица! СТОП ЗА СМРТТА НА ПАТИШТАТА!“

The post СТОП ЗА СМРТТА НА ПАТИШТАТА Светскиот ден на сеќавање на жртвите од сообраќајни незгоди appeared first on plusinfo.mk.

Сообраќаен метеж, узурпирани тротоари, пешачки и велосипедски патеки, непроодни пешачки премини и зафатени паркинг места за лицата со попреченост. На тротоарите – автомобили, а на коловозот – деца, мајки со детски колички, лица со ограничени можности е нашата за жал, секојдневна глетка.
Причината за ваквата состојба може да ја бараме на повеќе места, но секако дека една од главните причини е неодговорно и несовесното паркирање.

Неправилното паркирање е причина за голем број на сообраќајни незгоди во кои страдаат децата, пешаците и велосипедистите. Водејки се од тоа, РСБСП со потсетување до возачите на кои места не е дозволено да се паркира:

• Возачот, односно сопственикот на возилото не смее да го запре или паркира возилото на место на кое тоа би ја загрозувало безбедноста на другите учесници во сообраќајот или би претставувало пречка за нормално одвивање на сообраќајот или за движењето на пешаците и велосипедистите.
• Возачот, односно сопственикот на возилото не смее да запре или паркира возило :
– на обележан пешачки премин, како и на премин на велосипедска патека преку коловозот и на оддалеченост помала од десет метри од тие премини,
– на крстосница и на оддалеченост помала од десет метри од најблискиот раб на напречниот коловоз,
– на мостови, во подвозници, на надвозници како и на растојание помало од петнаесет метри од мостови, тунели, подвозници и надвозници,
– на дел од јавен пат во близина на врв од преслап и во кривина, каде што прегледноста на патот е недоволна и каде што обиколување на возилото не би можело да се изврши без опасност,
– на место на кое возилото би го засолнувало поставениот сообраќаен знак или уредот за давање светлосни сообраќајни знаци,
– на велосипедска патека, односно лента,
– на тротоар, односно пешачка патека
– на дел од јавен пат, односно на оддалеченост помала од 15 метри од премин на патот преку железничка пруга во исто ниво
– на дел од коловозот, кој како стојалиште за возила на јавниот сообраќај е обележан со ознаки на коловозот
– на оддалеченост помала од 15 метри пред и зад знакот со кој е обележано стојалиште за возилата за јавен сообраќај,
– пред влез во објект, двор или гаража,
– на хортикултурно уредени зелени површини, градски зеленила и паркови,
– над приклучок на водоводната мрежа или влез во канализација или друга мрежа на комуналните претпријатија,
– на места предвидени за движење и паркирање на лица со посебни потреби,
– на место каде паркираното возило би го оневозможило пристапот на друго возило, заради паркирање или излегување на веќе паркирано возило,
– на плоштад, пешачка зона и противпожарен пат,
– на паркинг место кое со дополнителна табла, сообраќаен знак или ознака на коловозот е обележано место за паркирање на возила за лица со посебни потреби.

Статичкиот сообраќај, односно паркирањето значително влијае на текот и на безбедното одвивање на сообраќајот.

Затоа РСБСП со апел: Безбедноста во сообраќајот нека биде ваш приоритет! Без изговори и без оправдувања! За непречено движење на сите учесници во сообраќајот – ПАРКИРАЈ СОВЕСНО И ОДГОВОРНО!

The post РСБСП: Паркирајте совесно и одговорно! appeared first on plusinfo.mk.

Не купувајте лекови непотребно, односно не правете непотребни залихи на лекови во вашите домови, посочува Филипче и додава дека лекови на рецепт на товар на Фондот за здравствено осигурување има во доволни количини, во промет одобрен од Агенцијата за лекови и медицински средства.

– Да се однесуваме сите одговорно и без паника со што ќе го заштитиме нашиот здравствен систем, а со тоа и сите нас како граѓани на Македонија, истакнува Филипче на својот ФБ профил.

The post Филипче: Да се однесуваме одговорно и без паника appeared first on plusinfo.mk.