Видеолотарија Касинос Австрија како членка на Европската и на Светската асоцијација на лотарии, и годинава безрезервно ја поддржа кампањата за одговорно дарување.

– Со оваа кампања и ние како одговорна компанија за приредување електронски игри на среќа, се приклучивме кон зголемувањето на јавната свест за ризикот од прекумерното играње. Кампањата за одговорно дарување ја организираа Националниот совет за проблеми со коцкање (NCPG) и Meѓународниот центар за младински проблеми со компулсивно играње и проблематични навики на Универзитетот Мек Гил – велат од компанијата.

Видеолотарија Касинос Австрија како одговорна компанија, континуирано работи на едукација на играчите за опасностите кои ги предизвикува комплусивното играње. Во 2019 година е формиран СОС тим, прв од ваков вид во нашата земја. Активирана беше СОС линијата со вклучена телефонска поддршка и деск верзија преку мејл. Зад СОС линија стои екипа од стручни лица од областа на психологија и психијатрија. Во рамки на проектот „Играј одговорно“, на 11 ноември 2025 година, во Домот на хуманитарни организации „Даре Џамбаз“ во Скопје, се одржа едукативнo предавање, со цел подигнување на свесноста кај младите за ризиците и опасностите од прекумерно играње игри на среќа.

Бројни истражувања укажуваат дека изложеноста на игри на среќа во најрана возраст, може да ја зголеми веројатноста од развивање проблематична страст кон коцкање. Изложеноста во периодот на детството најчесто е можна преку различни продукти подарени од возрасните, несвесни за можниот ризик. Лотариските производи не се соодветни подароци за децата, во ниеден случај.

– Со приклучување на кампањата, ДВЛМ учествува во процесите на едукација на заедницата за ризиците од коцкањето кај младите, промовирање одговорни практики за игри на среќа за време на празничната сезона, поддршка на напорите за спречување на проблемите со коцкање – додаваат од компанијата.

Видеолотарија Касинос Австрија секогаш нагласува дека во игрите на среќа, право на учество имаат лица над 18 години, согласно правилата за одговорно приредување игри на среќа.

The post ПРЕМЛАДИ ЗА ИГРИ НА СРЕЌА Видеолотарија Касинос Австрија развива јавна свесност за ризиците на малолетните играчи appeared first on plusinfo.mk.