Претседателот на Владата, Христијан Мицкоски во интервју во Тема на денот во Дневникот на Сител телевизија потенцираше дека пари во буџетот има, дека буџетот е стабилен и во одлична кондиција, додека датумот 15 декември не значеше затворање на трезорот, туку иницијатива за правните субјекти да бидат поодговорни во испраќањето на налози, за да не биде сè, како што рече во 5 до 12.

– Кога зборуваме за трезорот сакаме едноставно да има ред, тоа значи дека минатата година се случи во 5 до 12 многу налози да дојдат и да не може тие да се обработат, се случуваше доверителите да не добијат навремено, да влеземе во друга фискална година, затоа рековме нека биде 15 декември последниот датум, да се обидеме сите да бидеме дисциплинирани. Се разбира дека и на 25 и на 31 декември ако дојде налог истиот ќе биде процесуиран, но вие не можете секогаш во 5 до 12 да ги завршуваме работите, ајде еднаш да бидеме дисциплинирани и навремено да ги завршуваме работите, ете тоа беше иницијативата – истакна премиерот Мицкоски.

Во однос на обвинувањата на СДСМ дека недостасувале 60 милијарди денари, премиерот Мицкоски нагласи дека тоа е невистина, односно апсолутно буџетот е во одлична кондиција.

– Веќе во првите 10 дена од овој месец се собраа 15 милијарди, да не заборавиме дека 25 во месецот се плаќа ДДВ и слично, но тоа што тие го гледаат како податок на сајтот на Министерство за финансии не ги вклучува сопствените приходи на институциите, затоа што сите тие имаат буџетска и сопствена сметка. Кога сето тоа ќе се вклопи, односно кога ќе влезе во базенот, доаѓаме до оние 350-60 милијарди денари кои треба да ги собереме, но исто така треба да знаеме дека и расходите процентуално ги пратат приходите, односно расходите се во истиот процент како и приходите, тоа значи дека буџетскиот дефицит се намалува, а тоа е разликата помеѓу расходната и приходната страна – појасни премиерот Мицкоски.

Премиерот Мицкоски категорично ги отфрли наводите дека имало доцнење со исплати надвор од разумен рок од неколку дена.

– Сите средства се исплаќаат навремено, може да има некој ден доцнење, од проста причина што прераспределбата во буџетот помина сега во рамките на Собранието, и сега треба да се потпише, да излезе во Службен весник и тој процес да помине низ институциите и тие да ги префрлат тие средства до граѓаните и крајните корисници – рече премиерот Мицкоски.

Во однос на буџетскиот дефицит премиерот Мицкоски појасни дека тој се финансира на три начини еден е преку државните хартии од вредност, вториот преку екстерни извори односно договор со комерцијална банка откако претходно ќе се направи локален натпревар на понуди, и третиот преку еврообврзница потсетувајќи дека владата врати, еврообврзница, а не издаде нова.

– Јас ќе ги потсетам граѓаните дека оваа година ние не издадовме еврообврзница, а вративме еврообврзница од половина милијарда евра на 19 јануари. Ние вративме половина милијарда евра, а не издадовме. Буџетскиот дефицит оваа година ќе биде под 4% од номиналниот БДП, а номиналниот БДП ќе биде поголем од проектираниот на почеток на годината, ова се макроекономски параметри кои што гарантираат стабилност. Да сумирам состојбата е стабилна, но мора да се научиме на ред и дисциплина, не може стихијно да се трошат парите и не може преку лажни фактури и лажни баратели да се цица буџетот – изјави премиерот Мицкоски.

The post РОКОТ ЗА НАЛОЗИ Е ДАДЕН ЗАШТО ЛАНИ СÈ БЕШЕ ВО 5 ЗА 12 Мицкоски уверува дека има пари во буџетот appeared first on plusinfo.mk.

– Каде е претседателот на Советот за македонски јазик, Људмил Спасов, наследникот на Блаже Конески на предметот Историја на македонскиот јазик да му каже на Зоран Заев и неговото избрано друштво дека македонскиот јазик и бугарскиот јазик не се исти јазици. Дека македонскиот си има свој сопствен историски развој со свои воочливи специфичности уште во средниот век, признати и потврдени во трудовите на светски слависти, како: Андре Вајан, Реџиналд де Бреј, Хорас Лант, Самуил Борисович Бернштејн, Збигњев Голомб, Виктор Фридман и многу други – велат од опозициската партија.

Оттаму прашуваат каде е директорката на Институтот за македонски јазик, Елена Јованова-Грујоска, да му каже на својот шеф дека со постапката што ја прави го обесмислува и самото постоење на Институтот за македонски јазик во основните постулати врз кои е формиран тој и дека работи врз негово уништување!

– Каде е деканката на Филолошкиот факултет „Блаже Конески“, Анета Дучевска, и самата изнедрена од Катедрата за македонски јазик чиј основач е Блаже Конески, да му каже на премиерот дека со ваквиот поданички однос спрема Бугарија го доведува во прашање опстанокот на Катедрата за македонски јазик која, главно, произведува наставници по македонски јазик. Каде е директорот на Институтот за национална историја, Драги Ѓоргиев, да му каже на својот сограѓанин дека историјата не е вреќа пиперки за продажба по пазарите? – велат од ВМРО-ДПМНЕ.

Каде е директорката на Семинарот за македонски јазик, литература и култура, Весна Мојсова-Чепишевска, да му каже на Зоран Заев дека со неговиот предлог ги отвора ширум вратите на бугарските лингвисти кои со децении систематски работат на уништувањето на одвај преживеаните 5-6 лекторати по македонски јазик во светот, како и на одвраќање на туѓите слависти од изучување на македонскиот јазик.

– За министерките за култура и за образование и наука, Ирена Стефоска и Мила Царовска не прашуваме! Знаеме дека немаат што да ви кажат зашто толку знаат што е држава и што се национални интереси; тие заедно со Зоран Заев работат на разнебитувањето на сè македонско. Ветуваме дека многу наскоро сите заедно ќе одговараат за молкот, немоста и соучесништвото при велепредавството на Македонија! – стои во нивното соопштение.

The post ВМРО-ДПМНЕ: Каде се челните луѓе на институциите задолжени за изучување на македонскиот јазик appeared first on plusinfo.mk.

Според Комората, одговорни за однесувањето и дисциплината на луѓето треба да бидат органите за одржување на редот, а не бизнисите, односно нивните сопственици или директори.

–  Обврската според член 3 од уредбата со законска сила за компаниите да се грижат за однесувањето на граѓаните во однос на носење заштитни маски, е дополнителен товар што ниту еден бизнис не може да го носи, а во тој случај се загрозени сите бизниси, особено микро и малите, кои се уште повеќе загрозени во овој период на пандемија. Горенаведената уредба со законска сила предвидува глоба од 2.000 евра за правните субјекти и глоба од 500 евра за одговорното лице на деловниот простоp, во случај ако постапат спротивно на одредбите од членот 3, со тоа што му дозволуваат на потрошувачот без заштитна опрема влез во нивните деловни простории. Ова е двоен проблем зашто ја враќа претходната практика на казнување на компаниите, што оваа Влада презеде одговорност за да престане и да не ги повторува тие практики. Притоа, единствените сектори кои се ликвидни во овој период на глобалната криза се повеќе изложени на можни казни од страна на разни службеници, кои дури можат потенцијално да ја злоупотребат службената позиција, наведува СКСЗМ.

Комората повикува на усогласеност со член 4 од Уредбата – обврската за надгледување на спроведувањето на одредбите од овој акт да спаѓа во надлежност на Министерството за внатрешни работи, а не на товар на компаниите за да се минимизира можноста за казнување фирми што се единствениот извор на приходи на државата во овој период на криза.

– Секогаш ќе ги поддржуваме иницијативите за зголемување на нивото на безбедност и зголемување на нивото на колективната социјална одговорност, но мора да се внимава да не се стори тоа на штета или на товар на економските субјекти, а најмалку во овој период кога малку економски сектори се рентабилни и ликвидни. Апелираме до релевантните институции пред да се донесе каква било одлука, однапред да се консултираат претставниците на бизнисот, односно стопанските комори, со цел да се обезбеди разумност на тие одлуки и практично спроведување на истите, како и да се избегнат евентуалните колатерални штети што може доаѓаат како резултат на нивното донесување, стои во соопштението на СКСЗМ.

The post Полицајците да се одговорни за носење заштита на лицето, а не компаниите appeared first on plusinfo.mk.