– Поради огромно незадоволство и жалби на родители и наставници дека не им е блиска концепцијата и како се применува, одлучивме дека дел од концепцијата треба да се промени и одлучивме да го задржиме она што наставниците и учениците сметаат дека е добро, а да направиме измени каде што сметаме дека не е добро – рече министерката за образование и наука Весна Јаневска во интервју за „Топ тема“ на ТВ Телма.

Ќе останат изборните предмети од кои има задоволство, рече, како што е на пример Медиумска писменост. Министерката рече дека преодот од шесто во седмо нема да предизвика „дупки во знаењето“ и пропуштени резултати во учењето и на состаноци со БРО ја утврдиле целта: „да не направиме штета на децата односно да овозможиме континуитет во учењето“.

– Со БРО утврдивме дека нема значителни разлики во наставната програма по која ќе учат. Оваа година ќе ја поминеме така, следната година БРО почнува со нова наставна програма која се базира на забелешки на наставниците и родителите, за што на сајтот на МОН е отворена јавна расправа за тоа што не им се допаѓа или сметаат дека предизвикува тешкотии, за од септември да можеме да правиме програма што ќе дава резултати – рече Јаневска.

Континуирано ќе има, рече, и програма за осмо одделение со јавна расправа, а потоа и за деветто одделение. -И тоа да го оставиме десет години за да ги видиме резултатите од тоа што се имплементира, додаде Јаневска. Притоа соопшти дека на денот на преземање на функцијата ниту еден учебник за седмо одделение по новата концепција не бил даден на печатење иако МОН соопштувало дека сите учебници ќе стигнат на 1 септември.

За дигитализацијата на учебниците рече ќе продолжи „но тоа ќе биде добро испланирано“. За дигитални учебници од прво до трето одделение ќе се консултираат стручни лица зашто се работи за мали деца на кои, рече таа, треба да им се развива моториката, нивната концентрација да пишуваат и читаат, а за горните одделенија ќе зависи од буџетските можности.

Во однос на планот за оптимизација на училиштата рече дека се предвидува затворање на подрачни училишта во кои има по неколку ученици и тие да се префрлат во централни училишта.

– Има училишта само за седум или 15 деца. Тие деца се изолирани, живеат во своето село. Немаат контакт со другарчињата во градот и за да се социјализираат и имаат компетитивна средина треба да се префрлат во централни училишта каде наставата ќе биде поорганизирана, со подобра опрема и услови… Имаме училишта кои се на два до пет километри до овие училишта, а имаат паралелки со по две деца, во прво, во второ одделение, или мешани паралелки со деца од различни одделенија што не треба да постои и не е во ред ако сакаме подобар квалитет на образование – рече Јаневска.

Анализа на МОН ќе покаже и во кои училишта може да се спроведе планот за работа во една смена. Како што рече, некои имаат услови за едносменска настава, а работат во две смени. Од анализата ќе се знае дали и каде треба да се доградат простории, притоа посочувајќи дека во општина Аеродром има училиште што работи во три смени што, рече, е недозволиво.

Се работи и на нова формула за распределба на средства и соодветно решение на финансирање на општините во образованието коишто блок-дотациите од МОН сега ги користат само за плати.

Јаневска посочи дека „премиерот најави поголема сума за развој на општините“, но и ги пофали директорите на училиштата кои сами се залагаат за подобри услови во училиштата, а „не чекаат се од државата“.

Се осврна и на идејата за документ – стратегија или декларација која ќе ја одреди насоката на образовниот систем и нема да зависи од секој следен министер и за која ќе има консензус од сите политички субјекти.

The post НЕМА СПОЕНИ ПРЕДМЕТИ ОД СЕПТЕМВРИ Догодина ќе се сменат и наставните програми според забелешките, најави Јаневска appeared first on plusinfo.mk.

Четириесет и тригодишен Србин бил приведен вчера наутро на скопскиот аеродром.

„На 29.04.2024 во 05.00 часот на Граничниот премин Меѓународен аеродром Скопје, полициски службеници го лишиле од слобода Д.С.(43) од Република Србија, затоа што во терминалната зграда го оштетил стаклото на заштитната врата“, информираат од МВР.

Тој бил предаден на полициски службеници од Полициското одделение Петровец за понатамошна постапка.

The post СРБИН КРШЕЛ НА СКОПСКИОТ АЕРОДРОМ Полицијата го приведе нервозниот патник appeared first on plusinfo.mk.

Министерот за образование Јетон Шаќири неодамна изјави дека дел од учебниците доцнат поради графичко-техничката подготовка, поради неможноста да се најдат автори, но и рецензенти на ракописите. Шаќири најави дека учебниците по „Историја и општество“ за петто и за шесто одделение ќе доцни – нема кој да го рецензира.

Комисијата за спречување и заштита од дискриминација (КСЗД), донесе одлука да поднесе тужба за заштита од дискриминација од јавен интерес против МОН поради тоа што недостасуваат учебници во основното образование.

Весна Јаневска од ВМРО-ДПМНЕ во утринска емисија на Алфа телевизија рече дека во моментот „се случува хаос во образованието“.

– Родителите кажуваат дека мора да копираат книги, а образованието е бесплатно по закон, значи државата го крши законот. Наставниците се принудени да подготвуваат материјали кои треба веќе да им се подготвени и направени и би предупредила дека ако изборите бидат во мај, тоа значи дека уште сега треба да ги подготвуваат учебниците за да има готови учебници за на 1 септември следната година – изјави Јаневска која е претседателка на комисијата за образование во рамки на партијата.

The post УЧЕНИЦИТЕ УЧАТ СО ДИКТИРАЊЕ ЗАТОА ШТО НЕМААТ УЧЕБНИЦИ Ова им создава дополнителна тензија appeared first on plusinfo.mk.

Тетовската полиција поднесе кривична пријава против Б.Ј.(36) од Тетово поради постоење основи на сомнение за сторено кривично дело „малтретирање во вршење на службата“.

Пријавениот додека одржувал настава во клас на деветто одделение, физички нападнал 13- годишен ученик, велат од полицијата.

The post НА СРЕДЕ ЧАС НАПАДНАЛ УЧЕНИК Наставник удрил деветтоодделенец appeared first on plusinfo.mk.

Компјутер, проектор, дигитални уреди (фотоапарат, телефон, телевизор, ЦД уред), но и сложувалки, логички плочки, игра „Не лути се човече“, градинарски алат, прибор за лична хигиена и хигиена во домот. Ова е само дел од опремата и средствата кои ќе им бидат потребни од септември на второодделенците во училиштата низ државата, за да можат наставниците да ја реализираат наставната програма по предметот Општество, согласно новата Концепција за основно образование. Бирото за развој на образованието неодамна ги објави наставните програми за предметите во второ и петто одделение, а во меѓувреме се чека Министерството за образование и наука да ги испечати новите учебници за овие предмети.

Новите правила на учење започнаа да се применуваат лани, кога беа воведени само во прво и во четврто одделение. Мета.мк веќе објави дека анализата на советниците во Бирото (кои лани согледуваа како тече процесот), покажа дека во прво и во четврто одделение сѐ уште има недоволно опремени училници со потребната опрема, средства и материјали за соодветна реализација на новите наставни програми, а од друга страна, таа анализа покажа дека задачите кои ги даваат наставниците, најчесто за учениците се предизвик, со што го поттикнуваат критичкото размислување и анализа на дадени ситуации.

Наставните програми за второ и за петто одделение, содржат низа новини. Така, во онаа за предметот Општество за второ одделение, во подрачјата Дигитална писменост, Личен и социјален развој, Техника и технологија, наведено е дека ученикот ќе треба да знае и умее да процени кога и на кој начин за решавање на некоја задача/проблем, е потребно и ефективно користење на ИКT. Потоа, треба да знае да определи какви информации му/ѝ се потребни, да најде, избере и преземе дигитални податоци, информации и содржини.

„Ученикот треба да ги идентификува различните компоненти на сопствениот идентитет кој се гради врз основа на припадноста на различни социјални групи (на пример: родов, етнички и национален идентитет) и на различните улоги кои ги има во животот (на пример: ученик, син/ќерка). Да прави процена на сопствените способности и постигања (вклучувајќи ги силните и слабите страни) и врз основа на тоа да ги определува приоритетите кои ќе му/ѝ овозможат развој и напредување. Да ги препознава емоциите кај себе и кај другите, да ги согледа последиците од сопствените емоционални реакции во различни ситуации и да користи соодветни стратегии за справување со емоциите“, наведено е во наставната програма по предметот Општество за второ одделение.

Споени предмети во петто

Она што е ново, е што од следната учебна година, петтоодделенците ќе имаат нови предмети, кои, според она што е наведено во наставната програма, е спој од два предмети. Така, нов предмет им е Историја и општество, како и Техничко образование и информатика. По Историја и општество ќе учат за поединецот и општеството, за населението и континентите, како и за праисторијата и историјата. За тоа, на часовите ќе користат дигитални паметни (смарт) уреди, учебник, енциклопедии, речници, географски атлас, физичко-географска карта на светот, политичко-географска карта на светот, визуелни прикази за карактеристиките на населението на континентите (боја на кожа, традиција), сложувалки со слики од главните градови на поголемите држави во светот и други прикази и нагледни средства.

Во подрачјето Општество и демократска култура, наведено е дека „ученикот треба да знае да ги идентификува и почитува сите национални симболи на државата Република Северна Македонија и да манифестира чувство на припадност кон државата“.

„Ученикот треба да ги идентификува географските карактеристики на континентите, регионите и државите во светот и да ги поврзува со нивниот општествен развој. Да ја објаснува важноста на демократските процеси во општеството и да ги применува принципите на демократско учество во рамките на училиштето. Да ги анализира и дискутира одговорностите на извршната, законодавната и судската власт во правната држава и улогата на државата во заштитата на човековите права. Да идентификува ситуации во кои граѓаните можат да влијаат врз животот во заедницата и да се ангажира за подобрување на состојбите. Да препознава ситуации на злоупотреба на моќта, да го објаснува штетното влијание на корупцијата врз единката, групата и општеството и да се спротивставува на ваквите појави во опкружувањето“, наведено е во документот.

Наставникот обезбедува инклузивност

Наставникот обезбедува инклузивност преку вклучување на сите ученици во сите активности за време на часот, пишува во наставната програма по Историја и општество за петто одделение.

„Притоа, овозможува секое дете да биде когнитивно и емоционално ангажирано преку користење на соодветни приоди (индивидуализација, диференцијација, тимска работа, соученичка поддршка). При работата со учениците со попреченост применува индивидуален образовен план (со прилагодени резултати од учење и стандарди за оценување) и секогаш кога е можно користи дополнителна поддршка од други лица (лични и образовни асистенти, образовни медијатори, тутори волонтери и професионалци од училиштата со ресурсен центар). Редовно ги следи сите ученици, особено оние од ранливите групи, за да може навремено да ги идентификува тешкотиите во учењето, да ги поттикнува и поддржува во постигнувањето на резултатите од учењето“, наведено е во документот.

Во него стои дека додека ги реализира активностите, наставникот еднакво ги третира и момчињата и девојчињата, при што води грижа да не им доделува родово стереотипни улоги.

„При формирање на групите за работа настојува да обезбеди баланс во однос на полот. При избор на дополнителни материјали во наставата користи илустрации и примери кои се родово и етнички/културно сензитивни и поттикнуваат родова рамноправност, односно промовираат интеркултурализам“, се додава во програмата.

Оценката – склоп од целокупниот труд 

За да овозможи учениците да ги постигнат очекуваните стандарди за оценување, наставникот континуирано ги следи активностите на учениците и нивното учество за време на поучувањето и учењето и прибира информации за напредокот и постигањата на учениците.

„Наставникот ги следи и оценува усните одговори на прашања, придонесот во групните активности, учеството во истражувањата, изработката на проектите, одговорите на квизови кои се дел од поучувањето, придонесот во изведување на заклучоците, работните листови, домашните задачи, практичните изведби. На крајот од учебната година ученикот добива бројчана оценка“, наведено е во програмите за петто одделение.

Смарт табла, пијано, звучници во кабинетите по музичко

Клавир, пијанино или електрично пијано, смарт табла, телевизор, компјутер со пристап до Интернет, квалитетни звучници, ЦД и ДВД уред, ЛЦД проектор, се само дел од уредите кои треба да ги има во специјализираната училница (кабинет) по музичко за петто одделение, пишува во наставната програма.

„Освен тоа, треба да има и детски ритмички инструменти – тапани во различни големини, тропалки, ритмички стапчиња, кастањети, гонг, чинели, ксилофон, триангл, маракас, дајре. Потоа, печатени материјали (прирачници, магазини, весници), дводимензионални отпечатоци − непроектирани (слики, фотографии, постери, илустрации)“, наведено е во документот.

Не се малку на број и реквизитите кои мора да ги има и во спортските сали во државата, наменети за часовите по Физичко и здравствено образование. Така, наведено е дека треба да има гимнастички душеци, атлетски сталки, атлетски душек, школски стартни блокови, ниски препони. Потоа, помали и поголеми топки, тениски топчиња и топки за спортски игри (ракометни, кошаркарски, одбојкарски и фудбалски − прилагодени на возраста). Медицинки од 1 кг, 2 кг и 3 кг, како и обрачи, јажиња, ниски и високи чуневи – маркери за подлога, конусни маркери, справи од спортска гимнастика (вратило, разбој, двовисински разбој, алки), но и шведски сандак, рипстоли, шведска клупа, координациски скали, ниска греда, мал „јарец“, отскочна даска, морнарски скали, шведски скали, висечки јажиња, јаже за влечење. Неопходно е да има и ниски кошови, мали и големи ракометни голови и ниска одбојкарска мрежа, како и штоперица, сантиметарска пантлика, вага со висинометар.

извор: Мета

The post ИСТОРИЈА И ОПШТЕСТВО СЕ СПОЈУВААТ ВО ПЕТТО Во второ одделение „Не лути се човече“ appeared first on plusinfo.mk.

Овие тутори ќе работат со децата со попреченост од прво и второ одделение кои се стипендисти на проектот. Во рамки на нивните работни задачи туторите директно ќе работат со децата со попреченост во насока на стекнување на работни навики и прилагодување кон барањата на наставниот односно предметно-часовниот систем. Тие ќе им помагаат на децата за остварување на целите на индивидуалниот образовен план, преку повторување на инструкциите, увежбување на зададените задачи и стекнување на бараните знаења и вештини по дадени напатствија и во соработка со наставникот и инклузивниот тим за ученикот. Освен тоа, туторите ќе им помагаат на децата и во развивање на социјалните вештини и комуникацијата со соучениците, наставниците и другиот персонал.

Пред почетокот на нивниот ангажман туторите поминаа обука наменета за развивање на вештините потребни за успешна работа со ученици со попреченост инклудирани во редовни училишта.

Проектот „Биди ИН, биди ИНклузивен, биди ИНклудиран“ го реализира Фондацијата за образовни и културни иницијативи „Чекор по чекор“ заедно со своите партнери Здружението за промоција и развој на инклузивно општество „Инклузива“ и Здружението за давање услуги на лицата со попреченост „Хендимак“. Проектот се реализира во соработка со Министерството за образование и наука и Бирото за развој на образованието, а финансиски е поддржан од Европската Унија.

The post Избрани тутори за децата со попреченост од прво и второ одделение appeared first on plusinfo.mk.

Како што објаснува инфектологот Мирјана Крстеска, раководител на инфективното одделение, во моментов имаат можност за хоспитализација и нега на пациентите.

– Во моментов се хоспитализирани 106, се примаат нови и бројката е до 110, а на располагање се 140 болнички кревети. Заедно со новиот Ковид-центар кој е на гинеколошкото одделение, сосема одвоено од акушерскиот оддел. Со тоа малку се разлабави работата за да може да примаме пациенти. Во моментов имаме 30 слободни кревети. Може да примаме пациенти без некои ограничувања – изјави Крстеска.

Нема проблем со персонал во моментов, особено со медицински сестри и со болничари и негуватели. На помош пристинуваат матични лекари-волонтери, а досега се четворица.

– Со пероналот сега сме многу подобри. Доаѓаат и од други места. Лекари немаме многу, да признаеме, но имаме доволно медицински сестри и болничари. Имаме волонтери матични лекари. Еден веќе цел месец волонтира, и со други тројца, сега имаме вкупно четворица матични лекари кои волонтираат. Помлади се, но многу добро се снаоѓаат во работата – вели инфектологот Крстеска.

Има доволно и антибиотска терапија, а новите лекови ќе пристигнат откако ќе бидат достапни на Инфективната клиника во Скопје.

Според епидемиолозите, последната недела е иста со претходната. За една недела има 425 новозаразени, активни се 965 случаи. Од речиси 110 хоспитализирани, 53 се на кислородна поддршка. Од почетокот на епидемијата во земјава, повеќе од 2 600 се заразени и 114 починати. Само во последната недела починале 18 лица.

The post Во прилепската болница има 30-ина слободни кревети и доволно персонал, стигнуваат волонтери матични лекари appeared first on plusinfo.mk.

– Наставничката нè информираше дека првин родителот на ученикот бил тестиран во петокот, пред продолжениот викенд, покажан е позитивен резултат, потоа, за време на викендот се појавиле благи симптоми кај ученикот, било извршено тестирање, резултатот стигнал ден подоцна и се покажал позитивен. Во координација со Центарот за јавно здравје Куманово, известени сме дека превентивно, одделенскиот наставник и учениците од тоа одделение ќе мора да заминат во изолација. Наставата ќе ја продолжат онлајн – изјави директорот на „Крсте Мисирков“, Александар Јовановиќ.

Во ова одделение настава следеле 30 ученици, поделени во две групи по 15 првоодделенчиња. Наставата се следела со соодветни мерки, меѓу учениците имало и плексиглас паравани, но, превентивно по насоките на епидемиолозите и двете групи и наставничката морале да заминат во изолација од денеска.

– Би апелирал до родителите, до наставниците, до граѓаните, да внимаваме сите, учениците не се 24 часа на училиште, максимално да ги почитуваме мерките, здравјето на најмалите е на прво место – порача Јовановиќ.

The post Прваче од кумановското училиште „Крсте Мирисков“ позитивно на коронавирус, цело одделение и учителката во изолација appeared first on plusinfo.mk.

Во моментот сѐ уште заседава Кризниот штаб каде расправаат за предлог мерката.

Министерот за образование, Арбер Адеми, вчера изјави дека е можно да се пролонгира почетокот на новата учебна година, бидејќи ќе треба д Со денешниот предлог најверојатно учебната година нема да почне на 1-ви септември бидејќи е неопходно да се донесат и измени на законите за основно и средно образование.

The post Во клупи учениците до трето одделение, другите да учат онлајн, предложила Комисијата appeared first on plusinfo.mk.

Патем, новата учебна година во Берлин почна во понеделникот.

– Бидејќи заразениот ученик го испративме дома по еден час, и добро ја вентилиравме училницата, ризикот од инфекција е мал, но сепак постои –  објаснуваат од училиштето во Берлин-Целендорф и додаваат дека целата паралелка е во домашна изолација.

Во писмото до родителите се вели дека училишната администрација е во контакт со надлежната здравствени власти, кои ќе го повика секое засегнато семејство и дека треба да бидат во близина на телефон заради повик.

Укажуваат е дека е важно децата дотогаш да немаат контакт со други лица, но не е наведено за кој период е валиден и дали ќе бидат потребни тестови.

Во едно училиште во Берлин-Ноуклин, кај родител на ученик кој се вратил од одмор во странство е пронајдено присуство на вирусот.

Тој родител, како што беше најавено, помогнал во подготовките за новата учебна година и за време на нив имал контакт со осум други лица, наставници и домарот. Сите тие луѓе сега се во карантин, соопштија од училиштето.

The post Заразен ученик испрати во изолација цело одделение во Берлин, а учебната година само што започна appeared first on plusinfo.mk.