„Ај честито и злато си, частам ручек“, „Со 93,33 ти е положен“. Ова е само дел од писмената комуникација што денеска беше презентирана во судницата на рочиштето против поранешната претседателка на Државната комисија за спречување на корупцијата (ДКСК), Татјана Димитровска, која се товари за одdавање службена тајна и компјутерски фалсификат.

Обвинителството за гонење на организиран криминал и корупција пред судот ги читаше пораките кои Димитровска си ги разменувала со ревизорот Миле Столевски, на денот кога, според обвинението, тој наместо неа го полагал тестот за добивање безбедносен сертификат.

Првата порака што обвинителот Фатон Азизи ја презентираше на видеобим беше од 22.08.2023 година и беше со прикачен документ, каде што Димитровск му праќа принтскрин со код, име, лозинка и е-пошта, за пристап во електронскиот систем на Дирекцијата за безбедност на класифицираните информации (ДБКИ) за следење на обуката.

Столевски две години по ред со овие лозинки се вклучувал онлајн на обуките како „Татјана Димитровска“, слушал, полагал и добивал сертификат во нејзино име.

Обвинителството пред судот ги презентираше пораките екстрахирани од телефонот на Димитровска, со кои ја товари за компјутерски фалсификат.

Во пораките од 22 август 2024 година, Димитровска му пишува на Столевски: „Фала Миле, частам ручек“, по што тој ѝ испраќа ПДФ-формат од сертификат и одговара: „Се шалам, не частиш ништо“. Потоа следува: „Со 93,33 ти е положен“.

На прашањето „А новиот?“, Столевски одговара дека „веќе е невалиден“ и ѝ нуди: „Да ти полагам на ново?“, на што Димитровска возвраќа: „Мислам, да“. Потоа следи комуникација во која тој најавува дека ќе го полага тестот, а подоцна испраќа нов сертификат издаден од Агенцијата за безбедност на класифицирани податоци.

На крајот од разговорот, Димитровска му пишува: „Па ај нека ни е, злато си“.

Обвинителството е децидно дека токму овие пораки ја докажуваат вината.

На денешното рочиште беа презентирани и пораки од друга обвинета во предметот, Билјана Петровска-Мандева, вработена во ТЕЦ Неготино. Обвинителството тврди дека таа преку пораки го известувала поранешниот директор на ТЕЦ Неготино, Небојша Стојановиќ (обвинет во случајот „Адитив“), дека е отворена истрага за набавката на мазут. Како доказ беше посочено дека таа му ја фотографирала наредба од Бирото за јавна безбедност (БЈБ) која пристигнала во компанијата.

И покрај презентираните докази, Димитровска, Столевски и Мантева се изјаснија дека не се чувствуваат виновни.

The post „МИЛЕ, ЗЛАТО СИ, ЧЕСТАМ РУЧЕК“, „ПОЛОЖЕН ТИ Е СО 93,33“ Објавени пораките меѓу ексдиректорката на Антикорупциска и ревизорот appeared first on plusinfo.mk.

Кривични пријави се поднесени против двајца службеници од безбедносниот и шумарскиот сектор поради сомневања дека оддавале службени информации, не постапувале по законските обврски и дозволиле нелегална сеча на шуми во источниот дел на државата.

Станува збор за М.А. (42) од Струмица, вработен во Министерството за земјоделство, шумарство и водостопанство – Сектор за шумска полиција, и В.П. (52) од Берово, вработен во МВР во Регионалниот центар за гранични работи Исток.

Според информациите, тие во текот на 2025 година не реагирале на нелегални активности поврзани со пустошење на шуми, иако за тоа имале информации и службена обврска да постапат. Наместо тоа, според сомневањата, не преземале мерки за спречување на сечата.

Дополнително, се наведува дека оддавале податоци за движење на полициски и шумски патроли во подрачјата на Берово и Струмица на лица поврзани со организирани активности за нелегална експлоатација на дрвна маса.

Со тоа, според истрагата, им било овозможено на организатори на нелегална сеча да продолжат со активности и да остварат значителна противправна имотна корист.

Од надлежните истражни служби велат дека со нивното постапување е овозможено продолжено уништување на шумски фонд, и покрај тоа што биле должни да реагираат и да ги спречат ваквите активности.

Случајот е доставен до Основното јавно обвинителство за гонење на организиран криминал и корупција.

The post ЗАМИЖАЛЕ ПРИ НЕЛЕГАЛНА СЕЧА И „ПУШТАЛЕ“ ИНФОРМАЦИИ ЗА ПАТРОЛИ Полицаец и шумар не спречиле пустошење на шуми appeared first on plusinfo.mk.

Полициски службеник од скопската општина Ѓорче Петров е под истрага откако, според сомнежите, доверлив видеозапис од безбедносни камери завршил таму каде што најмалку требало – на Инстаграм и кај лице кое издржува затворска казна.

Станува збор за снимка поврзана со кривични дела „оштетување на туѓи предмети“ и „изнуда“, пријавени од управител на угостителски објект во Скопје. Видеото, наместо да остане во рамките на полициската постапка, било споделено преку социјалната мрежа Инстаграм со лице кое се наоѓа во КПД „Затвор Прилеп“ – истото лице кое било пријавено и за изнуда.

Според информациите од Министерството за внатрешни работи, управителот на локалот на 20 декември 2025 година пријавил оштетување на инвентарот, по што му доставил видеоснимка од безбедносните камери на полицискиот службеник кој постапувал по случајот. Наместо снимката да се користи исклучиво за истрагата, таа била споделена со трето лице – и тоа затвореник.

Поради ваквото постапување, против полицискиот службеник е поднесена кривична пријава за оддавање на службена тајна. Паралелно со кривичната постапка, Одделот за внатрешна контрола при МВР започнува и дисциплинска постапка.

На полицаецот привремено ќе му бидат одземени службеното оружје и муницијата, ќе биде испратен на психолошки и психијатриски преглед, а најавена е и суспензија од работа додека трае постапката.

The post ОДДАЛ СЛУЖБЕНА ТАЈНА НА ИНСТАГРАМ Полицаец под истрага откако снимка завршила кај затвореник appeared first on plusinfo.mk.

Полицајка при Секторот за внатрешни работи Штип се најде во центарот на истрага поради сомнеж дека открила службена тајна.

Одделот за внатрешна контрола, криминалистички истраги и професионални стандарди при МВР поднесе кривична пријава против В.М., која работи како приправник во полицијата, откако утврдено е дека на 10 јули 2025 година ја открила операцијата со дрон за едно лице користејќи го телефонскиот број на својот брат. Операцијата била службена тајна, а тајноста е клучна за безбедноста и успешноста на полициските акции.

„Со ваквото постапување, кое може да предизвика штетни последици за службата, пријавената сторила кривично дело оддавање службена тајна. Истовремено, против неа ќе биде поведена и дисциплинска постапка“, стои во соопштението од Одделот за внатрешна контрола.

МВР додава дека ваквите дејства можат да го загрозат оперативното работење на полицијата и безбедноста на службите, поради што институциите го преземаат целосниот законски процес за утврдување на одговорноста.

The post ПОЛИЦАЈКА САБОТИРАЛА ОПЕРАЦИЈА Приправничка откри службена тајна и сега е пријавена appeared first on plusinfo.mk.

На поранешната претседателка на Антикорупциската комисија Татјана Димитровска ќе ѝ се суди во одделна судска постапка од останатите над 30 обвинети во случајот „Адитив“.

Судечкиот совет во Кривичниот суд денеска го одби предлогот на Обвинителството за спојување на постапките во случајот „Адитив“, кој се однесува на злоупотреби во државната компанија ЕСМ и фиктивни тендери вредни милиони евра. Според судот, спојувањето би довело до непотребно одолговлекување  на постапката и би ги ставило обвинетите во потешка положба.

Согласно одлуката, судењето за „Адитив“ ќе се води преку две одвоени постапки.

Првиот предмет опфаќа над 30 физички и правни лица, меѓу кои и поранешни директори и функционери, обвинети за злосторничко здружување, злоупотреба на службена положба, перење пари и оддавање службена тајна.

Вториот предмет во кој е и поранешната антикорупционерка Татјана Димитровска, е оформен како продолжение на истрагата, со обвинителен акт против едно лице (Б.Н.) и обвинителен предлог против Димитриевска и уште двајца (Б.П.М. и М.С.) за кривичното дело оддавање службена тајна.

Одлучувајќи по денешниот предлог на Обвинителството за спојување на постапките, Судот оцени дека предметите се различно оформени, со различен број обвинети и степен на подготвеност, што не дозволува нивно спојување, без да се наруши економичноста и правата на обвинетите.

– Не постојат услови за спојување на постапката, токму поради тоа обвинетите за кои е поднесен обвинителен предлог да не бидат изложени на долготрајно судење – рече судијката Лидија Петровска.

Обвинителството, пак, го бранеше предлогот за спојување со аргумент дека постои меѓусебна врска меѓу кривичните дела и заеднички докази, но, Судот остана на ставот дека раздвоените постапки се поцелисходни.

Судењето за предметот „Адитив“ продолжува на 15 септември, а за вториот предмет датумот ќе биде дополнително утврден.

The post ОДДЕЛНО ЌЕ Ѝ СЕ СУДИ НА ПОРАНЕШНАТА АНТИКОРУПЦИОНЕРКА ДИМИТРОВСКА Предметот „Адитив“ ќе се суди во две одвоени постапки appeared first on plusinfo.mk.

• ПРЕТСЕДАТЕЛКАТА НА АНТИКОРУПЦИСКА СПОДЕЛУВАЛА СЛУЖБЕНИ ТАЈНИ ПРЕКУ ВИБЕР Осомничени уште три лица во предметот „Адитив“

The post СУДОТ Ѝ ГО ОДЗЕДЕ ПАСОШОТ НА ПРЕТСЕДАТЕЛКАТА НА АНТИКОРУПЦИСКАТА КОМИСИЈА Притвор за првоосомничениот во продолжената акција „Адитив“ appeared first on plusinfo.mk.