Сега е време за Европа со две брзини, изјави германскиот министер за финансии Ларс Клингбајл на собир одржан денеска во Берлин, во организација на германскиот весник „Ди Велт“.

Министрите за финансии на Германија и на Франција сакаат да ја зајакнат конкурентноста во рамки на Европската Унија преку воведување нов формат што би ги опфатил шесте водечки економии во Унијата, се наведува во писмо на Клингбајл во кое увид имаше агенцијата Ројтерс.

Во писмото, германскиот министер ги повикува партнерите од Франција, Полска, Шпанија, Италија и од Холандија на видеоконференциска средба, со цел изработка на „амбициозна и конкретна програма“ за зајакнување на суверенитетот, отпорноста и конкурентноста на Европа.

Економиите на ЕУ настојуваат да ја намалат зависноста од увоз на критични суровини од земји како Кина, како и да ги ублажат стравувањата дека царините и фрагментацијата на глобалните пазари би можеле да го поткопаат економскиот раст и инвестициите.

„За да опстане во сè понепредвидливата геополитичка ситуација, Европа мора да стане посилна и поотпорна“, напиша Клингбајл во писмото од понеделникот, додавајќи дека статус-кво состојбата не може да биде опција.

Средбата закажана за среда треба да биде само „почеток“, по што се планираат и средби во живо на маргините на следната седница на Еврогрупата.

Писмото содржи план во 4 точки, кој опфаќа унапредување на унијата на пазарите на капитал, зајакнување на еврото, координација на инвестициите во одбраната и заедничка набавка на суровини.

Според Клингбајл, коалицијата мора побрзо да воспостави унија на штедење и инвестиции, за да обезбеди подобри услови за финансирање на европските компании, особено на стартапите и брзорастечките фирми – таканаречените „скалап“ компании.

Еврото, пак, треба да има улога на безбедно засолниште на меѓународната сцена, врз основа на предвидливост и владеење на правото, смета германскиот министер, кој повика на намалување на бирократијата и зајакнување на суверенитетот во платежниот сектор.

Членките, според него, треба подобро да соработуваат и во трошоците за одбраната и да го потврдат нејзиниот приоритет во новиот повеќегодишен буџет на ЕУ.

„Одбраната треба да стане мотор на растот“, нагласи Клингбајл.

Со цел обезбедување стратешки резерви на ретки земни метали, тој предлага засилени напори за јакнење на отпорноста на синџирите на снабдување и поголем стратешки ангажман со меѓународни партнери.

Идејата за „Европа со две брзини“ беше актуелна и во 2017 година, кога тогашниот француски претседател Франсоа Оланд ги повика лидерите на Италија, Германија и на Шпанија на самит во Версај поради миграциската криза, но тогаш наиде на скепса кај поновите членки на Унијата.

The post ГЕРМАНИЈА ПОВИКУВА НА ЕВРОПА СО ДВЕ БРЗИНИ Шесте најбогати држави треба да ги зајакнат отпорноста и конкурентноста на ЕУ appeared first on plusinfo.mk.

Според француски дипломатски извори, меѓу учесниците на денешната средба се шефови на држави и влади од Грција, Финска, Романија, Шведска, Белгија, Чешка, од балтичките земји, Норвешка и од Канада, а некои лидери ќе се приклучат преку видео врска, вклучително и грчкиот премиер. Се очекува Макрон да се консултира со сите лидери на ЕУ до крајот на неделата.

На вчерашниот мини самит учествуваа германскиот канцелар Олаф Шолц, полскиот премиер Доналд Туск, данската премиерка Мете Фредериксен, шпанскиот премиер Педро Санчез, холандскиот премиер Дик Схоф, британскиот премиер Кир Стармер, италијанската премиерка Џорџа Мелони, претседателката на Европската комисија, Урсула фон дер Лајен, претседателот на Европскиот совет Антонио Кошта и генералниот секретар на НАТО, Марк Руте.

Во интервју за неколку француски регионални медиуми, Макрон оцени дека американскиот претседател Доналд Трамп може „да иницира корисен дијалог со рускиот претседател Владимир Путин, но истовремено создава стратешка двосмисленост, што му овозможува на Путин да ја искористи неизвесноста за вршење притисок“.

Францускиот претседател истакна дека е подготвен да разговара со Путин „кога ќе биде соодветно време во рамките на идните преговори“.

– Во овој момент, Европа не е способна да ја обезбеди својата одбрана без САД. Денес ова е уште поизразено отколку пред 3 години. Мораме да го забрзаме процесот и во наредните 3 до 5 години да преземеме конкретни чекори. Главен приоритет на САД е Кина, додека Русија претставува егзистенцијална закана за Европа – изјави Макрон.

Тој додаде дека Франција не се подготвува да испрати копнени сили на украинскиот фронт.

Како можност за обезбедување безбедносни гаранции за Киев во рамките на потенцијален мировен договор со Москва, Макрон спомена испраќање воени експерти или ограничен број сили кои би биле надвор од зоните на конфликт, со цел да се зајакне довербата кај украинските власти.

Исто така, откри дека Франција и Велика Британија разгледуваат договор за солидарност со Украина, кој би овозможил испраќање експерти или ограничени контингенти сили. Друга можност што ја спомена е воспоставување мировна мисија под мандат на ОН долж линијата на фронтот.

The post ЕВРОПА НЕ МОЖЕ ДА СЕ ОДБРАНИ БЕЗ ПОМОШ НА САД Макрон свика втор состанок за Украина appeared first on plusinfo.mk.