Македонски Телеком информира дека ги добила предлозите на владата за нови членови на Одборот на директори.

Како што е наведено на официјалната страница на Македонската берза предложени се: Сашо Димитријоски, Иван Митровски, Марин Алексов, Даниела Кржовска, Нусрет Зиба и Сеад Арслани. Сите членови предложени од владата се неизвршни членови на Одборот на директори. Еден од нив, според статутот на компанијата се бира за претседател на Одборот на директори.

Димитријоски е Магистер по телекомуникациски системи и технологии. Членува во повеќе професионални меѓународни организации и тела. Тој е основач на компанијата „Гран Фондо“, која обезбедува најсовремени решенија и услуги за мерење на време на спортски настани.

Митровски е заменик градоначалник на општина Кисела Вода и магистер по Бизнис и администрација.

Алексов има завршено Факултет за безбедност и безбедносни науки. Тој е актуелен член на Надзорниот одбор во Државна лотарија.

Кржовска е електротехнички инженер и има 22-годишно искуство во областа на маркетинг, развој на бизнисот и ИТ на телекомуникациските услуги. Вработена е во Телеком и била раководител за маркетинг на производи – Македонски Телеком.

Зиба е професор по англиски јазик, но има и приватна фирма.

Сеад Арслани има завршено Економски факултет – отсек финансии и маркетинг и е актуелен советник во општина Бутел. Работел во повеќе јавни установи и министерства.

Тие ќе ги заменат досегашните владини претставници во Телеком: Игор Милев, Нина Ангеловска, Бардул Насуфи, Шкодране Дарлишта и Аќиф Медиу.

Изборот на новите членови и отповикувањето на старите членови на Одборот на директори предложени од владата ќе се изврши на 30 мај.

Мандатот на членовите на Одборот на директори е четири години.

Одборот на директори управува со Друштвото и се состои од 14  членови, од кои 13 се неизвршни членови, 1 е извршен член кој го носи називот Главен извршен директор и 4 од неизвршните членови се независни членови на Одборот на директори. Владата предлага 6 неизвршни членови од кои се избира претседател на Одборот на директори.

Владата поседува 34,81% од акциите на компанијата, вклучително и таканаречената златна акција со право на вето.

The post СЕ ИЗБИРА НОВ СОСТАВ НА ОДБОРОТ НА ДИРЕКТОРИ НА ТЕЛЕКОМ Кои се предлозите на владата? appeared first on plusinfo.mk.

Тој доаѓа на местото на Бајрам Реџепи кој беше долгогодишен директор на Номагас и претходно на МЕР.

Во Нормагас е избран и нов петчлен  Одбор на директори во чиј состав покај Емлази како извршен член се и Крсте Миладинов кој е избран за претседател на Одборот на директори. Тој е поранешен  директор на Македонски енергетски ресурси (МЕР) од кого произлезе Номагас.

Останати членови на Одборот се  Огнен Димитров неизвршен независен член, Бошко Стефановски, неизвршен член и Хајриз Бучи, неизвршен член.

The post МУХАМЕД ЕЛМАЗИ Е НОВ ДИРЕКТОР НА НОМАГАС Претседател на Одбор на директори е Миладинов, поранешен директор на МЕР appeared first on plusinfo.mk.

Според податоците од Извештајот кој е на дневен ред на Собранието на акционери кое треба да се одржи на 29 мај, Игор Милев, која на местото претседател на Одбор на директори дојде по Зоран Китанов, првиот месец зел надоместок во износ од 372.000 денари колку што земаше неговиот претходник Китанов, а потоа до крајот на годината добивал нето надоместок од 155.000 денари. Тој пријавил и адвокатска плата од 50.000 денари.

Садула Дураки како заменик-претседател на Одбор на директори 93.000 денари нето. Тој не пријавил други приходи.

Нина Ангеловска лани земала надоместок од 62.000 денари нето. Таа пријавила и плата која ја зема од Македонската асоцијација е – комерц од 98.000 денари и 30.035 денари плата.

Бардул Насуфи исто така добивал надоместок од 62.000 денари. Тој ја пријавил и плата од 49.470 денари во општина Струга.

По 62.000 денари во Телеком зеле и Шкодране Дарлишта и Аќиф Медиу. Дарлишта пријавила и плата од 45.000 денари во јавна здравствена установа, а Медиу нема пријавено други примања.

Иако се неизвршни членови на Одборот на директори, владините претставници биле редовни на седниците а Одборот на директори кои во 2023 година биле вкупно 8, од кои 4 редовни состаноци и 4 вонредни состаноци.

Така Игор Милев како претседател на Одборот на директори присуствувал на 4 состаноци, бидејќи претходно на неговата позиција беше Зоран Китанов кој присуствувал на 4 состаноци.

Садула Дураки и Нина Ангеловска и Аќиф Медиу присуствувале на 8 состаноци, додека Шкодране Дарлишта присуствувала на 7 средби на Одборот на директори.

Владата кој поседува 34,81 отсто во компанијата и златна акција поставува 6 членови на Одборот на директори во Македонски телеком.

Овој состав на Одборот на директори владата го назначи во 2020 година, освен Игор Милев кој е назначен во јуни 2023 година, по заминувањето на Зоран Китанов.

The post КOЛКАВИ НАДОМЕСТОЦИ ЗЕМААТ ВЛАДИНИТЕ ПРЕТСТАВНИЦИ ВО ОДБОРОТ НА ДИРЕКТОРИ НА ТЕЛЕКОМ? Објавени се податоците за надоместоците на Милев, Дураки, Ангеловска… appeared first on plusinfo.mk.

„Алкалоид“ е членка на Американската стопанска комора од 2000 година и еден од нејзините патрони од 2013 година. Компанијата активно учествува во многу комитети и работни групи на „AmCham“, меѓу кои Комитетот за здравствена заштита, Комитетот за корпоративна општествена одговорност, Работната група за донации и за спонзорства, Работната група за правата од интелектуална сопственост, Комитетот за развој на работна сила и многу други поврзани со работењето на „Алкалоид“.

Заедно со „AmCham“ „Алкалоид“ има поддржаше и учествуваше на многу значајни настани во земјава, како што се Скопскиот економски и финансиски форум (СЕФФ) во 2022 и во 2023 година, информативните сесии за можностите за финансирање компании, трговските мисии, Б2Б-активностите со меѓународни делегации и други.

За „Алкалоид“, кој важи за еден од најголемите македонски извозници, соработката со регионални и со меѓународни платформи е од огромно значење.

– За мене членството во Одборот на директори на ’AmCham’ претставува нова можност да придонесам за иницирање и за промовирање позитивни промени во непосредното деловно опкружување, но и за да поттикнам подобрување на деловната клима и унапредување на условите за одржлив развој – изјави Мукаетов.

Во Одборот на директори на „AmCham“ на денешното годишно собрание избрани се и Иван Костиќ, Генерален директор на „Филип Морис Тутунски комбинат Прилеп“; Александра Ивановска, Генерален директор на „Рош Македонија“, и Душан Митрев, Генерален директор на „Пивара Скопје“.

Работата на Одборот на директори на Американската стопанска комора е фокусирана на унапредување на регионалната соработка, како и на соработката со клучните владини институции и со Амбасадата на САД, а еден од суштинските аспекти на овој одбор е мотивирање и охрабрување на членките на „AmCham“ да бидат гласот на прогресивниот бизнис-сектор. Мрежата на „AmCham“ низ Европа брои 46 подружници.

The post ЖИВКО МУКАЕТОВ СТАНА ЧЛЕН НА ОДБОРОТ НА ДИРЕКТОРИ НА „АМЧАМ“ За директорот на „Алкалоид“ тоа е можност да работи на подобрување на бизнис климата appeared first on plusinfo.mk.

Китанов деновиве поднесе оставка од функцијата која треба да биде разгледана и усвоена од собранието на акционери на компанијата што треба да се одржи на 30 мај. Нема детали за причините поради кои китанов поднесува оставка на позицијата.

На претседателската позаиција во Одборот на директори во Македонски телеком Китанов беше од декември 2020 година.

На негово место Владата го предложи адвокатот Игор Милев. Тој на позицицјата во Телеком доаѓа од советничкото место на директорот на Царинската управа.

Милев бил и член на Државната изборна комисија, како и раководител на правната служба на акционерското друштво „Јака 80“ од Радовиш.

Како што се наведува во неговата биографија може да работи на компјутер, а има и основни познавања од Англискиот јазик.

The post КИТАНОВ СИ ОДИ ОД ОДБОРОТ НА ДИРЕКТОРИ НА МАКЕДОНСКИ ТЕЛЕКОМ Владата го заменува со адвокатот Игор Милев appeared first on plusinfo.mk.

Според податоците објавени во Годишниот извештај за работењето на Македонски Телеком во 2022 година за кој во мај треба да гласа Собранието на акционери, Зоран Китанов, кој е претседател на Одборот на директори и неизвршен член примал надомест во нето-износ од 372.000 денари. Тој според податоците работи во компанијата К-Пауер Скопје специјализирана за проектирање, изградба и одржување на фотоволтаични системи за производство на електрична енергија каде што има редовна плата од 30.000 денари.

Според податоците од Извештајот, Китанов во текот на 2022 година присуствувал на 9 состаноци на Одборот на директори на кои требало да ги брани интересите на државата која има удел од 34,81% во компанијата.

Неговиот заменик и исто така неизвршен член на Одборот на директори Садула Дураки примал по 93.000 денари. Тој присуствувал на 7 состаноци на Одборот на директори.

Поранешната министерка за финансии Нина Ангеловска која е неизвршен член на Одборот на директори добивала по 62.000 денари месечно. Таа е член и во Асоцијацијата за е-трговија на Македонија, каде што од јануари до октомври добивала надомест од 84.939, а потоа па до крајот на годината по 98.000 денари. Ангеловска е вработена на Универзитет за туризам и менаџмент со плата од 30.035 денари. Таа присуствувала на 8 состаноци на Одборот на директори.

Исто толкав износ на пари (62.000 денари) месечно како надоместок добивал и Бардул Насуфи, кој работи во Општина Струга за плата од 42.839 денари. Насуфи бил редовен на состаноците и присуствувал на сите 9 видувања на Одборот на директори.

На Шкодране Дарлишта како независен член на Одборот телекомот месечно ѝ исплаќал по 62.000 денари. Таа според податоците на компанијата работи во јавна установа од областа на здравството каде што зема плата од 40.000 денари. Таа присуствувала на 8 состаноци а Одборот на директори на Македонски телеком.

Ист износ лани му бил исплаќан и на Аќиф Медиу како независен член на Одборот на директори. Медиу присуствувал на 9 состаноци на Одборот на директори.

На овие членови на Одборот на директори на Македонки телеком им се исплаќани и други пари и тоа за краткорочни користи за вработените (вклучувајќи ги поврзаните даноци) – 71.094.000 денари; законски пензиски придонеси за краткорочните користи 10.964.000; останати законски придонеси за краткорочните користи 4.345.000; користи поради прекин на вработувањето 12.941.000; долгорочни програми за стимулација 44.487.000; останати плаќања 1.884.000“, по што се доаѓа до вкупниот износ од 145.715.000, или 2,36 милиони евра.

Најголем акционер во компанијата е Дојче Телеком, кој поседува 51% од акциите преку локалната компанија „Каменимост“ што во денари изнесува 4.887.778 денари, македонската влада има удел од 34,81% или 3.336.497 во капиталот, Меѓународната финансиска корпорација ИФЦ поседува 1,06% од акциите, Друштвото Македонски телеком поседува и 10 отсто од сопствените акции, додека, пак, останатите акционери поседуваат 3,13% од акциите.

Акционерскиот капитал се состои од една златна акција со номинална вредност од МКД 9.733 која ја поседува македонската влада и 95.838.780 обични акции со номинална вредност од МКД 100 по акција.

Владата назначува 6 членови во Одборот на директори во Македонски телеком. Последното назначување владата го направи во  2020 година.

Одбор на директори на Македонски Телеком го сочинуваат:

Зоран Китанов, неизвршен член и претседател

Садула Дураки, неизвршен член и заменик претседател

Никола Љушев, извршен член и ГИД

Андреас Маиерхофер, неизвршен член

Диана Анамариа Варкоњи, неизвршен член

Лубор Жатко, неизвршен член

Борче Сиљаноски, неизвршен член

Владимир Ивановски, неизвршен член

Нина Ангеловска, неизвршен член

Бардул Насуфи, неизвршен член

Петер Фаил, независен член

Мартин Ренер, независен член

Шкодране Дарлишта, независен член

Аќиф Медиу, независен член

The post КОЛКУ ПАРИ ЗАРАБОТИЈА ВЛАДИНИТЕ ПРЕТСТАВНИЦИ ВО ТЕЛЕКОМ? Објавени се податоците за надоместоците на Китанов, Дураки, Ангеловска… appeared first on plusinfo.mk.

Карин Кнајсл стана светски позната откако го покани Путин на нејзината венчавка во 2018 година кога русија беше ставена во изолација поради анексирањето на украинскиот полуостров Крим.

Тогаш, слики од нејзиниот танц со рускиот лидер во Гамлиц во  Штаерска го обиколија светот, а австриската влада тогаш доби критики од партнерите во ЕУ.

Путин, по се изгледи не ја заборави услугата на Кнајсл за излегување од изолација, па и врати со членство во управниот одбор на една од најсилните светски компании за нафта.

Покрај Карин Кнајсл, кој е  член во Надзорниорт одбор на „Роснефт“ се уште и Ханс-Георг Рудлоф (претседател на Комитетот) и Матијас Варниг.

Претседател, пак, на Одборот на директори на компанијата е  екс-германскиот канцелар Герхард Шредер.

The post Австриската министерка која на венчавката играше со Путин стана член на Одборот на директори на „Роснефт“ appeared first on plusinfo.mk.

Според извештајот за работа на компанијата во 2020 година, на Зоран Китанов, кој е неизвршен член и претседател на Одборот на директори од 15 декември лани му се исплаќа месечен надоместок во износ од 145.000 денари од Македонски телеком. Инаку, тој пријавил дека е редовно вработен во „КИЕМ дооел Скопје“ од каде што зема плата од 33.000 денари.

Надоместокот на Садула Дураки, кој е заменик претседател на Одборот на директори, изнесува 47.000 денари. Тој инаку е пријавен како невработен.

Нина Ангеловска од Телеком зема надоместок од 33.000 денари нето. Таа пријавила дека е вработена во Асоцијацијата за е-трговија на Македонија каде што зема плата од 42.000 денари и бонус од 12.300 денари.

Надоместокот кој за членство во Одборот на директори на Телеком му се исплаќа на Бардул Насуфи изнесува 33.000 денари. Тој нема пријавено вработување.

Шкодране Дарлишта исто така зема надоместок за членство во Одборот од 33.000 денари, но таа приавила дека работи во Завод и ургентен центар Скопје од каде што зема плата од 39.000 денари.

Ист износ на надоместок за членство во Одборот на Директори на Телеком зема и Аќиф Медиу, но тој не пријавил никаково друго вработување.

За разлика од новите членови на Одборот на директори на Македонски телеком предложени од Владата, старите членови чиј мандат заврши на 15 декември лани земале далеку повисоки надоместоци.

Назим Буши кој беше неизвршен член и претседател на Одборот на директори добивал месечен надоместок од 310.000 денари, Сашо Велески како заменик-претседател на Одборот на директори 93.000 денари месечно, Сашо Симјановски 62.000 денари, Мирослав Вујиќ 62.000 денари колку што добивала и Дивна Јовковска – Ефтимоска и Замир Мехмед.

Буши пријавил и плата од Општина Чаир каде што работел до август лани во износ од 22.000 денари и Министерство за внатрешни работи каде што работи од август лани со плата од 70.000 денари. Покрај него, вработување и плата пријавиле и Сашо Велески кој е вработен Микрон Прилеп со плата од 31.000 денари, Сашо Симјановски кој земал плата од 57.000 денари во ТТК Банка, како и адвокатот Мирослав Вујиќ кој имал месечни примања за плата од 30.000 денари.

За членовите на Одборот на директори од странство или се вработени во Телеком, според законот, не се објавени надоместоците и платите.

The post Телеком му плаќа на Китанов половина од надоместокот што го добиваше Буши appeared first on plusinfo.mk.

Како што е соопштено владата му препорача на Собранието на акционери на Македонски Телеком, да ги отповика од должноста членови на Одборот на директори: Сашо Велевски од неизвршен член, Замир Мехмети од неизвршен независен член, Дивна Ефтимовска од неизвршен независен член, Мирослав Вујиќ од неизвршен член и Сашо Симјановски од неизвршен член на Одборот на директори.

За членови на Одборот на директори да ги избере:
– Шкодране Зенуни Дарлишта – неизвршен член
– Бардул Насуфи – неизвршен член
– Зоран Китанов – извршен член
– Нина Ангеловска – неизвршен независен член
– Садула Дураку – неизвршен независен член, и
– Аќиф Мехдиу – неизвршен член

The post Нина Ангеловска и Садула Дураку одат во Одборот на директори на Македонски Телеком appeared first on plusinfo.mk.

Тие, како што е соопштено од компанијата преку Македонска берза, ќе бидат неизвршни членови со мандат од 4 години.

Телекомот соопшти и дека собранието на акционери треба да го реизбере Карој Швејнингер, како неизвршен член на Одборот на директори.

Од одборот на диркетори на телекомуникацискиот оператор заминуваат Јанош Тремел и Давид Коприва. Нивното заминување треба да го констатира Собранието.

Во Одборот на директори на Македонски телеком  покрај новоизбраните Лубор Жатко и Мартин Ренер  кои ќе бидат неизвршни членови остануваат:

Назим Буши – неизвршен член и Претседател

Сашо Велески- неизвршен член и Заменик Претседател

Никола Љушев  – извршен член и ГИД

Андреас Маиерхофер – неизвршен член

Карој Швејнингер – неизвршен член

Борче Сиљаноски – неизвршен член

Владимир Ивановски – неизвршен член

Мирослав Вујиќ – неизвршен член

Сашо Симјановски – неизвршен член

Петер Фаил – независен член

Замир Мехмед – независен член

Дивна Јовковска – Ефтимоска – независен член

The post Македонски телеком го обновува Одборот на директори appeared first on plusinfo.mk.