Американскиот претседател Доналд Трамп купил корпоративни обврзници во вредност од најмалку 82 милиони долари од крајот на август до почетокот на октомври, вклучувајќи нови инвестиции во сектори што имаат корист од неговите политики, покажуваат финансиските пријави.

Според извештај објавен од Канцеларијата за владина етика на САД, Трамп од 28 август до 2 октомври направил повеќе од 175 финансиски купувања. Извештај објавен на барање поднесено согласно Законот за транспарентност од 1978 година, наречен Ethics in Government Act, не ги наведува точните износи за секое купување, туку даваат само широк опсег. Максималната вкупна вредност на купените обврзници надминува 337 милиони долари, според документите.

Поголемиот дел од средствата наведени во пријавите од саботата се состојат од обврзници издадени од општини, сојузни држави, окрузи, училишни окрузи и други субјекти поврзани со јавни агенции.

Новите инвестиции на Трамп во обврзници опфаќаат неколку индустрии, вклучувајќи сектори кои веќе имаат корист или моментално имаат корист од промените во политиката на неговата администрација, како што е финансиската дерегулација.

Корпоративните обврзници што ги купил Трамп вклучуваат обврзници од производители на чипови како што се „Бродком“ и „Квалком“, технолошки компании како што се „Мета Платформс“, трговци на мало како што се „Хоум Депо“ и „ЦВС Хелт“, и банки од Волстрит како што се „Голдман Сакс“ и „Морган Стенли“.

Купувањата на долгови од инвестициските банки кон крајот на август вклучуваа обврзници од „Џеј-Пи Морган“. Трамп во петокот побара од Министерството за правда на САД да го истражи „Џеј-Пи Морган“ поради неговите врски со починатиот финансиер и осуден сексуален престапник Џефри Епстин. Банката соопшти дека жали за своите минати врски со Епстин и оти не му помогнала да изврши „грозоморни дела“.

Трамп, исто така, купил обврзници на Интел откако владата на САД, под водство на Трамп, купи удел во компанијата.

Трамп, кој го стекна своето богатство во недвижности пред да влезе во политиката, претходно изјави дека ги ставил своите компании во фонд што го надгледуваат неговите деца.

Пријавата поднесена во август покажала дека Трамп купил обврзници во вредност од повеќе од 100 милиони долари откако се вратил на функцијата на 20 јануари. Трамп, исто така, поднел годишна даночна пријава во јуни, која покажала дека приходите од неговите различни потфати сепак завршуваат кај него, што предизвика загриженост за потенцијални судири на интереси.

Во таа годишна пријава, која ја опфаќала календарската 2024 година, Трамп пријавил повеќе од 600 милиони долари приходи од криптовалути, голф објекти, лиценци и други потфати. Исто така, покажа дека неговото влегување во криптовалути значително го зголемило неговото богатство.

The post ТРАМП КУПИЛ ОБВРЗНИЦИ И АКЦИИ ВО ВРЕДНОСТ ОД 337 МИЛИОНИ ДОЛАРИ Инвестира во гранки кои неговата администрација ги поддржува appeared first on plusinfo.mk.

Македонија е единствена земја која не е членка на Европската унија, а сепак потпиша Меморандум за соработка за развој на пазарите на капитал заедно со уште седум земји членки на ЕУ, кажа министерката за финансии Гордана Димитриеска-Кочоска во Дневникот на ТВ Сител.

– Тоа е еден од најзначајните исчекори на Министерството за финансии во последниот период, особено затоа што е насочен кон приватниот сектор. Зошто ова е важно? Кога зборуваме за пазар на капитал, обично се мисли само на берзата како место за купопродажба на акции. Но, суштината на овој Меморандум е многу поголема – тој овозможува формирање пазар на кој ќе може да се тргува и со новоиздадени хартии од вредност, не само со акции, туку и со обврзници. Тоа отвора огромна можност за македонските компании кои тешко обезбедуваат финансирање од банките – сега ќе имаат алтернатива да издадат сопствени обврзници или акции – кажа Димитриеска-Кочоска.

Како што појасни министерката во исто време се проширува и пазарот, осносно хартиите од вредност на македонските компании ќе можат да ги купуваат и граѓаните од другите седум земји членки на ЕУ, а нашите граѓани ќе имаат можност да инвестираат во нивните компании.

– На тој начин се создава интегриран пазар на капитал – нешто што одамна функционира во САД, но во Европа сè уште е ограничено. Оваа иницијатива, која ја покрена Министерството за финансии на Хрватска, е навистина голем чекор за сите осум земји. Следува процес на усогласување на законите и правилниците, а очекуваме за една до две години првите компании да започнат да издаваат хартии од вредност, а инвеститорите – и домашни и странски – да можат да инвестираат во нив – потенцираше Димитриеска-Кочоска и дополни дека е горда што што Македонија е дел од оваа иницијатива, бидејќи таа е пред сè насочена кон тоа да им помогне на компаниите полесно да дојдат до финансиски средства и да создадеме подинамичен пазар на капитал.

Министерката за финансии Гордана Димитриеска-Кочоска заедно со министрите за финансии и економија на Бугарија, Хрватска, Унгарија, Полска, Романија, Словачка и Словенија во понеделникот во Загреб го потпишаа Меморандумот за разбирање за соработка во развојот на пазарите на капитал.

The post СЕ ОТВОРА ГОЛЕМА МОЖНОСТ ЗА МАКЕДОНСКИТЕ КОМПАНИИ Државата потпиша клучен меморандум со 7 земји од ЕУ appeared first on plusinfo.mk.

Извршниот директор на „Џеј Пи Морган Чејс“, Џејми Дајмон, предупреди дека пазарот на државни обврзници во САД може да доживее сериозен колапс поради зголемувањето на јавниот долг.

Зборувајќи на Економскиот форум „Роналд Реган“ во Калифорнија, тој рече дека ситуацијата може да ескалира и да предизвика паника.

– Ќе видите пукнатина на пазарот на обврзници. Ви велам дека тоа ќе се случи. И сите ќе паничите. Јас нема да паничам. Ќе бидеме добро –  рече Дајмон.

Тој рече и дека веќе ги предупредил регулаторите за тоа што доаѓа.

Според Дајмон, „тектонските плочи на светската економија се поместуваат“ под влијание на геополитичките тензии, трговските војни и растечкиот долг, не само во САД, туку и глобално.

– Не можам да кажам дали кризата ќе се случи за 6 месеци или 6 години, но ако не го промениме курсот, таа ќе дојде – рече тој.

Дајмон ја повика владата итно да се движи кон поодржлив пат, а регулаторите да ги олеснат правилата за банките за да можат да играат поголема улога на пазарот на обврзници.

Неговите изјави се совпаѓаат со предупредувањата на шефот на „Голдман Сакс“, Џон Валдрон, кој го нарече дефицитот на САД „загрижувачки“ и оцени дека неговото влијание врз пазарот на обврзници е „најголемиот макроекономски ризик во моментов“.

Овие предупредувања доаѓаат во време кога Конгресот на САД го разгледува новиот предлог за буџет на администрацијата на Доналд Трамп, кој се очекува дополнително да го зголеми буџетскиот дефицит.

Канцеларијата за буџет на Конгресот процени дека долгот на САД како процент од БДП наскоро ќе ги надмине нивоата од 1940-тите.

Пазарот на обврзници во САД силно расте во последните години – од околу 5 трилиони долари во 2008 година, до дури 29 трилиони долари денес.

Сепак, како што се зголемува долгот, интересот на инвеститорите се намалува. Странските инвеститори сè повеќе ги избегнуваат американските државни обврзници, посебно поради трговската политика на Доналд Трамп.

Агенцијата „Мудис“ неодамна го одзеде највисокиот кредитен рејтинг на САД – ААА.

The post МУ СЕ ЗАКАНУВА КОЛАПС НА АМЕРИКАНСКИОТ ПАЗАР Застрашувачко предупредување на директорот на најголемата американска банка appeared first on plusinfo.mk.

Управата за јавни приходи ги потсетува даночните обврзници дека крајниот рок за проверка и потврда на годишната даночна пријава за 2024 година истекува утре 31 мај 2025 година.

„Со оглед на тоа што редовниот рок за потврдување или корекција на ГДП пријавата е во неработен ден, краен рок за потврда или корекција на остварените приходи за минатата година ќе се смета 2 јуни 2025 година. Ова значи дека граѓаните кои оствариле приходи во 2024 година треба најдоцна до 2 јуни 2025 година – понеделник да извршат увид во своите даночни пријави преку системот „е-Даночни услуги“ и да ги потврдат или коригираат доколку има потреба.

По овој рок сите пријави кои се непотврдени ќе се сметаат за конечни, додека коригираните ќе бидат предмет на одобрување од службено лице на Управата за јавни приходи. Кај даночните обврзници каде постои обврска за доплата на данок, ќе биде издаден налог за доплата, додека оние со повеќе платен данок можат да побараат враќање на средствата

Управата за јавни приходи во законскиот рок заврши со генерирање на Годишните даночни пријави (ДЛД-ГДП) за 2024 година. Изгенерирани се вкупно 841.671 даночна пријава за 2024 година, што претставува раст од 6%, односно 47.947 повеќе даночни пријави споредено со 2023 година, кога беа генерирани 793.724 пријави.

Даночните обврзници кои имаат потреба од дополнителни информации можат да се обратат на info@ujp.gov.mk или на телефонските броеви 02 3253 200 и 0800 33 000 (само од фиксни оператори)“, велат од Управата за јавни приходи.

The post ПРОВЕРЕТЕ ГИ СВОИТЕ ДАНОЧНИ ПРИЈАВИ ДО 2 ЈУНИ Управата за јавни приходи ги потсетува граѓаните appeared first on plusinfo.mk.

Кина продаде рекордни 53,3 милијарди американски државни обврзници и други хартии од вредност во првиот квартал во обид да се диверзифицира од американските средства, покажуваат најновите податоци на американското Министерство за финансии.

Кинеските инвестиции во САД повторно го привлекуваат вниманието на инвеститорите поради знаците дека тензиите меѓу најголемите светски економии може да се влошат.

– Со оглед на тоа што Кина ги продава и двете и покрај фактот дека сме поблиску до циклусот на намалување на каматните стапки на ФЕД, треба да има јасна намера да се диверзифицира од американскиот долар – изајви Стивен Чиу, главен Азија ФХ и стратег за каматни стапки за Блумберг.

Според него, кинеската продажба на американски хартии од вредност може да се забрза бидејќи трговската војна меѓу САД и Кина продолжува, особено ако Трамп повторно биде избран за претседател.

Американскиот претседател Џозеф Бајден воведе големи зголемувања на царините за низа кинески увозни производи, додека неговиот претходник Доналд Трамп рече дека би можел да воведе царини од повеќе од 60% за кинески стоки доколку биде избран.

Кина ги зголеми државните резерви  во злата. Учеството златото во резервите во април порасна на 4,9%, што е највисоко според податоците на централната банка од 2015 година.

The post КИНА СЕ ОСЛОБОДУВА ОД ДОЛАРОТ И КУПУВА ЗЛАТО Продаде државни обврзници на САД вредни 53,3 милијарди долари appeared first on plusinfo.mk.

Оваа информација ја соопшти Македонска берза.

„Ве известуваме дека согласно поднесено барање од страна на Министерството за финансии за котација на државни обврзници, почнувајќи од 17.05.2024 година на Официјалниот пазар на подсегментот берзанска котација ќе бидат примени на котација државните обврзници“, се наведува во соопштението објавено на веб страната на берзата.

Емисијата на првата, двегодишна државна обврзница е со вредност од 1,104 милијарди денари, или 17,9 милиони евра. Номиналната вредност е 10.000 денари, а издадени се 110.442 хартии од вредност од овој вид. Каматната стапка е 3,85%, а рокот на доспевање е 10 мај 2026 година.

Втората е петнаесетгодишна обврзница и достасува на 10 мај 2039 година. Издадени се 103.730, хартии од вредност со номинална вредност од 10.000 денари. Вредноста на емисијата е 1,037 милијарди денари (16,8 милиони евра). За нив е предвидена каматна стапка од 5,60 %.

The post НА ЗАМИНУВАЊЕ ВЛАДАТА НЀ ЗАДОЛЖИ СО УШТЕ 35 МИЛИОНИ ЕВРА На берзата се понудени државни обврзници со рок на враќање од 2 и од 15 години appeared first on plusinfo.mk.

Македонска берза соопшти дека од денеска на официјалниот пазар се два вида на државни обврзници издадени од Министерството за финансии со рок на враќање од 15 години.

Првата емисија на обврзници е без девизна клаузула со вредност од 2.466.400.000 денари повеќе од 40 милиони евра). Издадени се 246.640 хартии од вредност со номинална вредност од 10.000 денари. За нив ќе се пресметува каматна стапка од 5,6 %, а датумот на достасување е 12 април 2039 година.

Втората емисија на обврзници е со девизна клаузула. Издадени 57.929 хартии од вредност, а вредноста на целата емисија е 579.290.000 денари (повеќе од 9,4 милиони евра). И овие државни обврзници доспеваат на 12 април 2039 година, а се со каматна стапка од 5,35%.  Номинална вредност на една акција е 10.000 денари.

Вообичаено државните обврзници ги купуваат комерцијалните банки, фондовите и пензиските и осигурителните друштва.

Котирањето на државните обврзници на Македонска берза започна од почетокот на 2019 година. Од оваа година досега има 61 котација на државни обврзници со рочност од 15 години и 8  котации на обврзници со рок на доспевање од 30 години.

Од почеток на годинава на берзата два пати се  котирани и државни обврзници со рок на враќање од 5 години, а има 4 котации на државни обврзници со рочност од 15 години.

The post ДРЖАВАТА СЕ ЗАДОЛЖИ СО 50 МИЛИОНИ ЕВРА НА ДОМАШЕН ПАЗАР Две емисии на државни обврзници од денеска котираат на берзата appeared first on plusinfo.mk.

„Ови предизборни задолжувања ќе ги пополнат буџетски дупки и ќе послужат за предизборен поткуп. Обезбедувањето на сигурни гласови нема цена повеќе од три децении и затоа власта со нови долгови доделува помош на пензионери, млади, социјално ранливи категории, земјоделци, лица со попреченост или самохрани родители, како и на компании.

Јавниот долг во Македонија достигна 8,5 милијарди евра во 2023 година, меѓутоа задолжувањата не стивнуваат. Покрај овие задолжувања, власта во континуитет нè задолжува со разни заеми и кредити на меѓународниот финансисики пазар. СДСМ и ДУИ трошат народни пари за да ги купат гласовите на избирачите и да си обезбедат уште еден мандат.

Владата, сметајќи на солидарноста на идните генерации, наместо да ги намали и рационализира трошоците, ќе го продолжи трендот на иселување, не само на младите, туку и на цели семејства – се вели во соопштението на Левица.

The post САМО ЗА ДВА МЕСЕЦА НОВИ ЗАДОЛЖУВАЊА ОД 394 МИЛИОНИ ЕВРА! Оваа влада ги задолжи и неродените деца, реагира Левица appeared first on plusinfo.mk.

– Соработуваме и со многу меѓународни партнери бидејќи сè во однос на овој случај е поврзано со странски банки, странска фирма и странски државјанин. Единствено е што обврзниците се лоцирани на наша територија и оттука секоја меѓународна помош е добредојдена, затоа што сè подлежи на детални и сериозни проверки. Контактирани се повеќе институции од коишто очекуваме да ни помогнат и сериозно да се вклучат – истакна Богоев.

Тој потенцира дека должност на Царинската управа е детално да провери дали се работи за обид за измама, обид за перење пари или финансирање нелегални активности. Тоа е во насока на расветлување на случајот.

– Замислете каква би била реакцијата доколку некој патник вака се прошета и потоа во Германија, Франција, Италија, Шпанија се случи нешто што не треба. Да почне истрагата и од таму да се врати наназад и да произлезе дека патникот поминал на скопскиот аеродром без контрола. Наша обврска е целосно и детално да извршиме проверка. Јас сум задоволен како досега Царинската управа ја водеше постапката и повторно се заблагодарувам на царинските службеници и шефот на царинска испостава Аеродром Скопје за успешно завршената работа – нагласи Богоев.

Тој објаснува дека патниците кои поминуваат на зелен канал, значи дека немаат ништо за пријавување. Притоа нивниот багаж поминува низ скенер при што детално се гледа што имаат во куферите. Во конкретниот случај тоа биле 184 обврзници со поединечна вредност од 500 000 долари или вкупно 92 милиони евра. Дополнително сомнително било што лицето давало конфузни изјави и не било конзистентно во одговорите на прашањата од царинските службеници и инспекторите од Секторот за контрола и истраги.

Богоев вели дека Царинската управа во континуитет ќе продолжи да ја информира јавноста за тоа што може да се пренесе преку граница, што граѓаните можат да носат со себе и што мора да пријават.

The post ЗАМИСЛЕТЕ ШТО ЌЕ БЕШЕ ДА НЕ ГО ФАТЕВМЕ! Богоев вели дека запленетите обврзници може да откријат меѓународен криминал appeared first on plusinfo.mk.

Како што соопшти денеска директорот на Управата, Стефан Богоев, обврзниците се пронајдени кај турски државјанин кој пристигнал во земјава со лет од Истанбул.

Обврзниците се наоѓале во црна рачна торба, а биле детектирани при контрола со скенер и дополнителна детална контрола.

Со одлука на Основниот суд – Скопје обврзниците се одземени и ќе бидат предадени на Агенцијата за управување со одземен имот.

– Царинските службеници од царинската испостава „Аеродром“ – Скопје на 28 јули 2023 година на влез во државата запленија 184 обврзници со поединечна номинална вредност од 500.000 долари или со вкупна вредност од 92 милиона долари. Обврзниците се пронајдени кај патник, турски државјанин, кој пристигнал со редовен лет од Истанбул и се определил да помине на „зелен канал“, како да нема стока за пријавување. Но, при контрола со скенер и дополнителна детална контрола обврзниците се пронајдени во четири папки во црна рачна торба. Секторот за контрола и истраги веднаш почна со истражни дејствија, односно извршени се службени разговори, прибирање на дополнителни докази, како и известувања и консултации со релевантни национални и меѓународни институции, вклучително Интерпол и Селек – информира Богоев на прес-конференција.

Согласно одредбите од Законот за царинска управа и Законот за прекршоци, Царинската управа, информира директорот, поднела соодветна пријава до надлежниот суд.

– По завршената судска постапка, денеска, Основниот суд Скопје донесе пресуда со која се одземени обврзниците, а на лицето му е изречена парична казна – глоба врз основа на Законот за девизно работење. Обврзниците се одземени и ќе бидат предадени на Агенцијата за управување со одземен имот. Истрагата од страна на Царинската управа продолжува со отворање финансиска истрага во соработка со сите релевантни тела и институции на национално и меѓународно ниво со цел расветлување на случајот во насока на докажување на евентуален обид за измама или спречување на перење пари. На овој случај пристапуваме со особено внимание и посветеност, земајќи го предвид постоечкиот тренд во светот на злоупотреба на обврзниците како инструмент за перење на пари – рече Богоев.

Тој дополни и дека Царинската управа останува цврсто посветена на борбата против криминалот и спречувањето на нелегалната трговија.

The post СЛЕТАЛ ВО СКОПЈЕ БЕЗ ДА ГИ ПРИЈАВИ ОБВРЗНИЦИТЕ Турчин сакал да внесе 92 милиони долари во земјава appeared first on plusinfo.mk.