Од државни институции и од општини, водени од ВМРО-ДПМНЕ, семејна фирма на директорот на владината Служба за општи и заеднички работи (СОЗР) Ивица Томовски, која го сменила името, добила неверојатни 5.360.000 евра или вкупно 161 тендер – обвини денеска на прес-конференција Александар Саша Димитријевиќ, член на Централниот одбор на СДСМ .

– Со доаѓањето на ВМРО-ДПМНЕ на власт, бизнисот на фамилијата Томовски експлодирал. Семејната фирма на Томовски ја зголемила својата деловна дејност за 306%, и тоа само во 2024 година. Случајно, им тргнало чистењето на буџетот? Во тековната 2025 година, истата фирма веќе добила нови 10 тендери од речиси половина милион евра.

Сопственик на Сити логистик, во моментот кога е основана е Витомир Томовски од Струга, татко на Ивица Томовски, а управител Слободан Кутановски, нивни близок роднина. Потоа се менува името на фирмата во Сити аутсорсинг. Иста адреса, ист единствен матичен број на субјект, само со друго име – тврди Димитријевиќ.

Тој рече дека Антикорупцискиот тим на СДСМ ќе објави и други, како што ги нарече, „бомби“.

– Ние само што почнавме, а нашата нова сила, нашиот АКТ работи со полна пареа. Граѓаните нè поддржуваат, сите се дел од еден тим, еден фронт. Сите ние, граѓаните на оваа земја, сме против корупцијата. Работата не е завршена – нагласи Александар Саша Димитријевиќ.

The post СДСМ ОБВИНИ ДЕКА СЕМЕЈНА ФИРМА НА ИВИЦА ТОМОВСКИ „ГО ЧИСТИ БУЏЕТОТ“ Сити логистик или Сити аутсорсинг добила 161 тендер или 5.3 милиони евра appeared first on plusinfo.mk.

Во емотивен пост на Инстаграм, 27-годишната шпанско-американска пејачка и кантавторка, Викторија Канал, откри дека пред околу осум години, како 19-годишна девојка на почетокот од својата музичка кариера, била манипулирана и заведувана за подоцна да биде искористена и сексуално злоупотребена од „моќен, значително постар маж“ во индустријата, кој ѝ ветил дека ќе ѝ даде професионална можност — но под услов да молчи.

Со тоа, таа ја освои симпатијата на многу следбеници како „храброст и чин на ослободување“ од долгогодишното молчење.
Пејачката опишала како била убедувана дека ако проговори, тоа ќе ја уништи нејзината кариера — и така била тивка целиот период, сѐ до нејзиниот 27-ми роденден, кога рекла: „ја избирам своја слобода“ и решила да ја сподели вистината.

Веднаш по објавата, медиумите почнаа да шпекулираат дека тој „моќен маж“ е музичарот Мајкл Франти. Појавувањето на овие шпекулации доведе до реакција и по повлекувањето на неколку уметници, беше откажано музичкото крстарење „Soulshine at Sea“, чиј главен изведувач беше Франти. Организаторите—Sixthman—потврдија дека целиот настан е откажан, а билетарите добија опција за враќање на средствата.

Франти официјално одговорил на обвинувањата во обемна изјава, признавајќи дека имал романтична врска со младата пејачка пред неколку години — но, како што рекол, тоа била „взаемна и консензуална одлука“, иако признал дека постоел „моќен дисбаланс“ заради неговата позиција и разликата во години. Тој изразил жалење што дозволил тоа да се случи, но го отфрлил тврдењето дека имало злоупотреба.
Канал, пак, ја оценила неговата реакција како „манипулативна“. Таа потврдила дека не бара одмазда — туку само слобода и поддршка за други млади жени во музичката индустрија.

The post ШПАНСКО-АМЕРИКАНСКА ПЕЈАЧКА ОБВИНИ ПОВОЗРАСЕН ЧОВЕК ЗА СЕКСУАЛНА ЗЛОУПОТРЕБА Емотивно признание на Викторија Канал на Инстаграм appeared first on plusinfo.mk.

Средбата помеѓу Доналд Трамп и јужноафриканскиот претседател Сирил Рамафоса во Белата куќа заврши со остри тензии, откако поранешниот американски претседател го обвини Јужна Африка за наводен „бел геноцид“.

Иако состанокот започна со пријателски тон, во кој Трамп ги пофали јужноафриканските голфери, а Рамафоса посочи дека сака да разговара за критични минерали и трговија, ситуацијата брзо ескалираше. Трамп пушти видео кое, според него, докажува масовни убиства на бели фармери во Јужна Африка. На снимките, како што тврдеше Трамп, се гледале гробови на илјадници жртви.

– Фармерите не се црнци – одговори Трамп, откако Рамафоса му објасни дека стапката на убиства во земјата е висока, но дека огромното мнозинство жртви се црнци.

Трамп му покажа и печатени написи кои наводно документираат убиства на бели Јужноафриканци, а го нападна и судскиот случај што Јужна Африка го покрена против Израел, како и реформите за земјиште во земјата, со кои властите се обидуваат да ги исправат историските неправди од времето на апартхејдот.

Како реакција, Трамп ја откажа американската помош за Јужна Африка, го протера нејзиниот амбасадор во САД и најави можност за доделување на бегалски статус за припадници на белото малцинство Африканери – потег заснован врз непотврдени обвинувања за дискриминација.

Јужноафриканските власти ги отфрлија обвинувањата на Трамп, истакнувајќи дека не постојат докази за системско насилство врз белците и дека таквите тврдења претставуваат дезинформација.

The post 📽️ „ФАРМЕРИТЕ НЕ СЕ ЦРНЦИ“ – ИЗЈАВА КОЈА ГО ШОКИРАШЕ РАМАФОСА Трамп пушти видео со гробови на бели Јужноафриканци appeared first on plusinfo.mk.

Партијата Левица остро ги демантира наводите на премиерот Христијан Мицкоски за наводни нерегуларности поврзани со купопродажбата на нејзините партиски простории. Според Левица, изјавите на Мицкоски се „паушални обвинувања“ чија цел е да се прикрие „катастрофалното работење“ на владата.

„Премиерот се обидува да направи сензација од непостоечка тема, мислејќи дека криминалот кој неговата партија го има воспоставено ќе се преслика и на другите политички субјекти. Ја информираме јавноста дека Левица преку хипотекарен кредит ги обезбеди своите први простории, кои се купени во руинирана состојба и се под залог“, велат од партијата.

Од Левица нагласуваат дека немаат никаква деловна соработка со банката што ги продала просториите, освен фактот што имотот бил под стечај две години пред да биде купен.

„Документите за купопродажба се јавно достапни во Катастарот на недвижности, иако премиерот на собраниската говорница се обидуваше да ги прикаже како службена тајна“, додаваат од партијата.

Од Левица исто така укажуваат дека поголема загриженост за јавноста треба да биде „вмешаноста на високи владини функционери во излевање на државни тајни кон картели преку своето обезбедување“, за што, како што наведуваат, допрва треба да се утврди одговорност.

The post ЛЕВИЦА ГИ ОТФРЛА НАВОДИТЕ НА ВЛАСТА Купивме подрумски простории со кредит, не се работи за афера appeared first on plusinfo.mk.

Во една статија за Psychology Today, психологот Џефри Бернштајн се осврнува на емоционалната исцрпеност на многу родители кои се соочуваат со неправедни обвинувања од нивните возрасни деца. Родителите често се чувствуваат фатени помеѓу потребата да се бранат и да ја апсорбираат вината што им е припишана.

Бернштајн нагласува дека целта не е да се оправдаат родителските грешки или да се игнорира болката на детето, туку да се преусмери разговорот од конфликт на поврзаност.

Тој сугерира дека родителите се гледаат себеси како емоционални тренери на нивните возрасни деца.
Оваа перспектива им помага на родителите да не ги земаат при срце навредливите коментари, со што можат да одговорат со разбирање наместо со одбранбеност.

Во својата книга 10 Days to a Less Defiant Child (10 дена за помалку пркосно дете), Бернштајн препорачува да се користат фрази како „Се грижам за тебе и сакам да разберам!“ за да се пренасочи разговорот од обвинувања кон поврзаност. Иако ова не може веднаш да ја ублажи фрустрацијата на возрасното дете, помага да се создаде поконструктивен дијалог.

Прочитајте повеќе на „Мајка и дете“.

The post „ТИ СИ ВИНОВНА ЗА СЀ!“ Што да направите кога вашето возрасно дете ве обвинува? appeared first on plusinfo.mk.

Имено, како што изјави таа, има некои нелогичности во нејзиното сеќавање на настаните од забавата по доделувањето на МТВ Видео Музички Награди.

– Направив некои грешки додека се присеќавав на таа ноќ. Јасно е што ми се случи, лицата не ми се толку јасни. Можеби некои погрешно ги идентификував – рекла неименуваната жена која во моментот на нападот имала 13 години. И покрај тоа, таа нагласи дека сѐ уште стои зад своите обвинувања.

Според извештаите, пријател ја возел од Рочестер, Њујорк, до Менхетен, возење што траело околу 5 часа. По пристигнувањето во Менхетен, таа рече дека налетала на возачот на Диди, кој рекол дека таа е „токму она што Диди го барал“.

– Мислев дека тој само мислеше дека сум убава – рекла неименуваната мајка од Алабама.

Таа тврди дека ја донеле во бела куќа каде, како што вели, разговарала со музичарот Бенџи Маден од групата Good Charlotte и со неговиот брат. Нивниот претставник, сепак, рече дека браќата во тоа време биле на турнеја.

Во тужбата жената рекла дека од бензинската пумпа се јавила на нејзиниот татко кој ја зел и ја одвел дома. Но, нејзиниот татко тврди дека воопшто не се сеќава дека отишол да ја земе, додека таа, пак, вели дека татко ѝ тешко се сеќава на настани од тој период.

– Има многу работи и тоа е нешто за што секогаш се караме, нешто што тој го правел или го кажал во Њујорк во тој период, а на што не се сеќава. Тоа всушност предизвикува многу расправии во нашето семејство – истакна жената.

Адвокатот Тони Базби во поднесената тужба рече дека тужителот се согласил и на тест за детектор на лаги за време на сослушувањето.

– Ова беше исклучително стресно за неа, до тој степен што имаше напади и мораше да побара лекарска помош поради стресот – рече Базби.

За потсетување, во тужбата жената изјавила дека по пристигнувањето на забавата испила пијалок од кој ѝ се вртело. Таа отишла да се одмори во друга соба, во која набргу ѝ се придружиле Џеј Зи, Диди и уште една славна личност. Музичарите наводно ја силувале еден по друг, додека славната жена гледала.

Набргу потоа беше објавен скриншот од веста дека Џеј Зи е обвинет за силување, што наводно не ѝ се допаднало на мајката на Бијонсе, Тина Ноулс. Таа, пак, рече дека тоа не е вистина и дека била хакирана. Еден ден подоцна, таа им се придружи на Бијонсе, Џеј Зи и на нивната ќерка Блу Ајви на премиерата на „Кралот лав“. Блу Ајви го позајми гласот на Киара, ќерката на Симба и Нала, додека, пак, Бијонсе на Нала.

The post СЕ ПРЕМИСЛИ ЖЕНАТА КОЈА ГО ОБВИНИ ЏЕЈ ЗИ ДЕКА ЈА СИЛУВАЛ Направила некои грешки кога се присетувала на таа ноќ appeared first on plusinfo.mk.

– Наместо да ја преземе одговорноста за светскиот мир и безбедност како постојана членка на Советот за безбедност на ОН, Кина се спротивставува на нашите основни европски интереси со својата економска и вооружена помош за Русија – рече Бербок во изјавата пред нејзината посета на Пекинг.

Бербок истакна дека „бруталната агресивна војна на Путин против Украина е директна закана“ за мирот.

– Ако Северна Кореја испрати војници и оружје против Украина, додека Русија ја поддржува нуклеарната програма на Пјонгјанг, тоа го загрозува мирот и овде и на Индо-Пацификот – нагласи Бербок.

Бербок, исто така, рече дека, како најголема економија во Европа, Германија се залага за своите интереси на ист начин како што Кина ги брани своите.

– Во економската, климатската и безбедносната политика важи следново: соработка каде што е можно, независност каде што е потребно – рече шефицата на германската дипломатија, додавајќи дека Германија нема да ја сврти главата кога другите ги прекршуваат меѓународните правила на штета на германската и европската индустрија.

The post ГЕРМАНИЈА СО ОСТРИ ОБВИНУВАЊА Кина ѝ дава оружје на Русија и го поткопува меѓународниот мир appeared first on plusinfo.mk.

Во соопштението, ВМРО-ДПМНЕ истакнува дека СДСМ првично се трудела да ја спои Македонија со Албанија, а потоа да ја изолира земјата од Европската Унија. Како резултат на овие политики, довербата во судството е сведена на само 2%, а здравството и образованието се девастирани, сметаат од ВМРО-ДПМНЕ.

„СДСМ ликува на тоа што Македонија е заглавена. Нивната радост нема да трае долго. Со доаѓањето на ВМРО-ДПМНЕ на власт, ќе следува економска трансформација, владеење на право и просперитет“, се наведува во соопштението.

ВМРО-ДПМНЕ ги обвинува социјалдемократите дека со своите политики ја разградиле државата и ја оддалечиле од европските интеграции. Партијата најавува дека ќе работи на тоа да ја врати Македонија на патот кон Европската Унија и да обезбеди подобар живот за сите граѓани.

СДСМ денеска остро одговори и го критикуваше ВМРО-ДПМНЕ, обвинувајќи ја партијата за раздвојувањето на Македонија од Албанија и загубата на европската перспектива. Според СДСМ, штетните политики и недржавничкото однесување на ВМРО-ДПМНЕ, особено во последните години, се главниот причинител за сегашната состојба.

„Мицкоски и ВМРО-ДПМНЕ се најдиректно одговорни за тоа што веќе немаме европска перспектива. Нивните блокади, опструкции и деструктивни политики ја закочија европската иднина на Македонија“, се наведува во соопштението на СДСМ.

Социјалдемократите истакнуваат дека додека Албанија напредува кон Европската унија, Македонија останува последна на Балканот токму поради неразумните одлуки и изјави на лидерот на ВМРО-ДПМНЕ, како што е познатата фраза „не благодарам“ упатена кон Европската Унија.

„ВМРО-ДПМНЕ сега се обидува да ги направи граѓаните будали и да ја префрли одговорноста за своите пропусти. Но, народот гледа и знае кој е виновен за оваа состојба“, додаваат од СДСМ.

Според социјалдемократите, СДСМ е единствената партија која се залага за европската интеграција на Македонија и која презема конкретни чекори во таа насока. Тие нагласуваат дека СДСМ ги реши отворените спорови со соседите, обезбеди членство во НАТО и ја донесе Македонија пред прагот на ЕУ.

„Последниот чекор којшто требаше да се направи, а кој ВМРО-ДПМНЕ го блокираше, е само заради одлуките и бизнис интересите на Мицкоски и неговите соработници“, се наведува во соопштението.

СДСМ ги повикува граѓаните да не се залажуваат од манипулациите на ВМРО-ДПМНЕ и да не дозволат никој да ги прави жртви на своите политички игри.

The post КОЈ Е ВИНОВЕН ЗА ЗАГЛАВУВАЊЕТО НА МАКЕДОНИЈА? Продолжуваат обвинувањата на СДСМ и на ВМРО-ДПМНЕ за европскиот пат на земјата appeared first on plusinfo.mk.

Повеќе од 20 жени обвиниja дека биле сексуално нападнати, а некои и силувани, од страна на Мохамед Ал-Фајед, поранешниот сопственик на прочуената лондонска стоковна куќа Харoдс, кој почина минатата година на 94-годишна возраст, јави Би-Би-Си.

Во документарецот „Ал-Фајед: Предатор во Хародс“, биле собрани докази дека компанијата помагала да се прикријат овие обвинувања.

Некои од нападите се случиле во канцелариите на Хародс, во неговиот стан во Лондон или на патувања, особено во хотелот Риц во Париз, кој бил негово сопствеништво.

Неколку жени одлучиле да проговорат само по неговата смрт, а 14 од нив поднеле граѓански тужби против Хародс.

Имаше неколку обиди да се разоткрие Фајед пред неговата смрт, особено од списанието Vanity Fair во 1995 година, со напис во кој се наведува расизам, надзор на персоналот и сексуално недолично однесување, што предизвика тужба за клевета.

Една од жените во истрагата на Би-Би-Си, под псевдонимот Ели, имала 15 години во 2008 година кога го пријавила нападот во полиција. Нејзиното обвинение се најде на насловните страници, но не резултираше со никакви обвиненија.

Дури сега, една година по смртта на Фајед, многу жени одлучија јавно да проговорат за силување и обид за силување.

Четиринаесет жени интервјуирани од Би-Би-Си неодамна поднесоа граѓански барања против Хародс за отштета.

Претприемачката кариера на Фајед започна на улиците на Александрија, Египет, каде што продаваше газирани пијалоци на минувачите. Но, неговиот брак со сестрата на милионер, саудиски трговец со оружје, му помогна да создаде нови врски и да изгради деловна империја.

Тој се пресели во Велика Британија во 1974 година и веќе беше добро позната јавна личност кога го презеде Хародс во 1985 година. Во 1990-тите и 2000-тите, тој редовно се појавуваше како гостин во познати телевизиски емисии.

Во меѓувреме, Фајед, чиј син Доди загина во сообраќајна несреќа заедно со принцезата од Велс, Дијана, во 1997 година, ѝ стана познат на новата генерација преку серијата „Круната“.

The post СИНОТ ЗАГИНА СО ПРИНЦЕЗАТА ДИЈАНА, ТАТКОТО ОБВИНЕТ ЗА СИЛУВАЊА Дури по смртта повеќе од 20 жени го обвинија за сексуални напади appeared first on plusinfo.mk.

Општина Центар остро ги демантира наводите и шпекулациите дека санацијата на потпорниот ѕид на Клинички Центар и улица Белградска се во надлежност на општината. Претходно Град Скопје „топката“ за урнатиот ѕид ја префрли на Министерството за здравство, а улицата дека е под надлежност на Општина Центар.

„За тоа постојат законски акти и одлуки. Со одлука на Совет и Договорот, склучен меѓу Град Скопје и Општина Центар, на 5.8.2019 година, градските власти ја преземаат обврската за проектирање, изградба, користење, заштита и одржување на следниве улици на подрачејто на Општина Центар:  Белградска, Востаничка, Св. Кирил и Методиј, Димитрие Чуповски, Лазар Личеновски, Македонија, Митрополит Теодосиј Гологанов, кеј Димитар Влахов, Пролет, Васил Ѓоргов и Самоилова“, информираат од Општина Центар.

Оттаму велат дека во договорот децидно стои:,,Општина Центар се обврзува да не презема активности кои би ги попречиле или нарушиле проектирањето, изградбата, користењето, заштитата и одржувањето на наведените сообраќајници во Општината“.

– Овој проблем се провлекува со години и постојано одговорот е ист, безбедноста и функционалноста на Белградска не е наша надлежност. ЦУК и пред две години алармираше за состојбата со потпорниот ѕид кај Универзитетската клиника за детски болести и безбедноста на улицата Белградска. На нивна иницијатива, Министерството за здравство посочи дека за санацијата е потребна координирана активност на јавните претпријатија на Град Скопје. И тогаш, Општина Центар, на 30.12.2022, децидно одговори дека безбедноста и одржувањето на Белградска согласно Договорот од 05.08.2019, е обврска на Град Скопје. Да беше до нас, проблемот одамна ќе се решеше – дециден е градоначалникот Герасимовски.

Согласно договорот за меѓуопштинска соработка меѓу Градот и Општината, сите обврски за одржување на функционалноста на улица Белградска, што подразбира и градежни активности ако е потребно, е одговорност и обврска на Град Скопје, а Општина Центар не смее да презема активности во тој домен.

Од Општината го доставија на увид Договорот склучен помеѓу Град Скопје и Општина Центар, Одлуката на Советот и другата документација на увид.

По уривањето на потпорниот ѕид, Град Скопје и градоначалничката Данела Аросовска се оградија од одговорноста и ги демантираат информациите објавени во медиумите.

„Поврзано со дезинформациите во јавноста а во врска со срушениот ѕид и ограда на Клиничкиот центар, Град Скопје ја известува јавноста дека нема законска надлежност за постапување во овој случај, односно согласно законските и подзаконски акти истото е во надлежност на Министерството за здравство на Македонија“, пишува во реакцијата од Град Скопје.

Оттаму велат дека попрецизно улицата Белградска е улица во надлежност и сопственост на општина Центар, за истата донесена е одлука на Совет за одржување од страна на Град Скопје, кое во ниту еден случај не значи изградба на улица ниту друг вид градежни активности врз нејзини делови. Изградба на општински улици е во надлежност на општините додека на Градот Скопје се надлежност булеварите и сообраќајниците кои се опфатени во ГУП.

The post ДОГОВОР ПОТПИШАН ОД ШИЛЕГОВ НЕ ВАЖИ ЗА ДАНЕЛА Герасимовски ја обвини Арсовска за паднатниот ѕид над Детската клиника appeared first on plusinfo.mk.