Надворешната канцеларија за криминалистички работи Берово поднесе кривична пријава против М.У.(46) од Берово поради постоење основи за сомнение за сторено кривично дело „загрозување на сигурноста”.

На 10.05.2026, пријавениот испратил смс пораки со заканувачка содржина на јавен обвинител при Основното јавно обвинителство Берово, соопшти МВР во дневниот билтен.

The post СО СМС-ПОРАКИ МУ СЕ ЗАКАНУВАЛ НА ЈАВЕН ОБВИНИТЕЛ Уапсен беровчанец appeared first on plusinfo.mk.

Правдата во Македонија уште еднаш е ставена во служба на СДСМ и ДУИ. Не за џабе за време на седумгодишниот период на власт, правосудниот систем го наполнија со нивни кадри и послушници кои во даден момент, како овој, наместо по слово на законот, тие носат одлуки во корист на поединци од СДСМ и ДУИ, се вели во соопштение од ВМРО-ДПМНЕ.

„Скандалозна е последната одлука на ЈО ГОКК, под раководство на соседот на Али Ахмети од Зајас, Ислам Абази, да ја стопира постапката за предметот за сторен криминал тежок 167 милиони евра, при набавка на мазут за ТЕЦ Неготино, што постоеја и сомнежи за перење пари и нанесување штета на животната средина.

Во случајот во кој цела јавност виде сериозни индиции за тежок криминал, Абази не виде докази и од кривична одговорност ги спаси Васко Ковачевски од СДСМ и Асмир Јахоски, син на пратеник од ДУИ и нивните партнери.

Ова не е случајна одлука, туку доказ за големото влијание коешто Венко Филипче, Али Ахмети и Зоран Заев сè уште го имаат кај поединци во обвинителството и судството.

Ислам Абази лаже кога тврди дека не вршел никакво влијание врз ниеден обвинител, да се донесе ваква одлука за запирање на гонењето на овој сомнеж за криминал од 167 милиони евра. Затоа што, како шеф на ЈО ГОКК, надлежен е еднаш неделно да добива брифинг од подредениот обвинител, за ваквите крупни случаи, а исто така овластен е доколку некој понизок обвинител реши дека не сака, или смета, дека нема основ ваков случај да се води, тој да одлучи случајот да продолжи да се гони, или да го предаде во надлежност на друг обвинител.

Наместо да биде обвинител којшто ќе гони организиран криминал и корупција, Ислам Абази си ја препишал улогата на судија и дал согласност да се затвори случајот тежок 167 милиони евра, пред истиот да влезе во судска постапка.

Ова е прв случај, ваков тежок криминал од восок јавен интерес, да се затвори пред да биде доставен во судот и затоа сметаме дека одлуката за затворање на случајот мазут Абази ја донел врз основа на лукративно политички основи, а не на правни или обвинителски аргументи

Со вакво постапување, Ислам Абази ќе го претвори ЈО ГОКК во обвинителство за обесштетување на осомничените и притворените за тежок криминал, кое нема да го плати ниту Абази, ниту неговите поддржувачи и спонзори Филипче, Заев и Ахмети туку народот од државниот буџет.

А, од друга страна, чесните обвинители кои доследно си ја вршат работата, ќе го носат товарот на недовербата и статистичката грешка од 2%, која се поизвесно по последните постапки да падне и на 1%.

ВМРО-ДПМНЕ не се откажува од доследното спроведување на правдата и законот да важи еднакво за сите, затоа го повикуваме Ислам Абази да поднесе оставка, за да се ослободи системот од таквите како него, кои наместо правда носат неправда и го разградуваат правосудниот систем“ – се вели во соопштенито на ВМРО-ДПМНЕ. 

The post АБАЗИ ЛАЖЕ, ВЕДНАШ ДА ПОДНЕСЕ ОСТАВКА! Запре постапка за криминал од 167 милиони евра во интерес на СДСМ и на ДУИ appeared first on plusinfo.mk.

Ѝ порачуваме на Ленче Ристоска, десната рака на Катица Јанева, за која многумина веројатно оправдано сметаат дека беспоговорно реализираше агенди на Заев и други фактори, да не глуми жртва, вели ВМРО-ДПМНЕ во соопштение, со кое реагира на нејзината оставка и на нејзиното образложение за таа одлука.

„Додека со Јанева делеа и множеа, и палеа и гасеа, и додека одеа по облаци, каде едната од нив во раката имаше ташна од Луј Витон, и откако после повеќе од 10 години таа не заврши ниеден од споменатите случаи, кокетирајќи со кого ќе ѝ дојде на ум, праќајќи абери и до ВМРО-ДПМНЕ, сега сфаќа дека правда во оваа држава ќе има, и мора да има, без разлика дали на Заев му се допаѓа тоа или не. И без разлика на нејзината лојалност кон било кого.

Не навлегувајќи во нејзината реакција и процедурите во обвинителството кои се нивна работа и одлука, сепак не можеме да споменеме една дилема која ни се јавува додека ја гледаме како мисли дека народот заборавил на Катица Јанева и трите грации од кои очекуваа правда и наместо правда добија Луј Витон афера, но ако беше Ленче Ристоска обвинител со вредности и критериуми и личност која не е врзана со СДСМ и Заев ќе имаше бар еден случај со кој ќе го докажеше тоа. Ќе имаше бар еден случај со кој ќе докажеше дека сака правда или ако ништо друго ќе се обидеше да провери барем една од стотиците наши индиции за сторен криминал на претходната влада на СДСМ и ДУИ.

Наместо да ги амнестира оние кои ја направија обвинител во СЈО, СДСМ и ДУИ, и да глуми жртва апелираме до нејзе да сфати дека моралот не е само збор туку е во својата суштина однесување и делување. Дела, а не зборови. Нејзините зборови ќе имаа поголема смисла ако зад нив имаше дела.

Иако според она што е образложено предметите Талир се предадени на обвинител кој е од обвинителство кое има стварна надлежност над нив, наместо да се заради било каква, а веројатно и партиска подобност држени надвор од секоја логика кај Ристова, како што обвинителството под контрола на СДСМ и ДУИ ги држеа кај нејзе со години, за да го држи уценето ВМРО-ДПМНЕ со ненормално долги постапки. На пример постапките за Талир траат 10 години и ако правдата функционираше досега ќе имаа епилог, било каков. Ние не навлегуваме во епилогот туку дека требаше да го има. Ако има вина пресуда, ако нема ослободување. Но не. Нема епилог, туку се добива впечаток дека Ристоска ги држеше кај себе за ВМРО-ДПМНЕ да биде уценето.

ВМРО-ДПМНЕ исто како и целиот народ очекува правда, владеење на правото и бескомпромисна борба против корупцијата без разлика на функција, партиска, етничка или било каква друга припадност. Кој згрешил, кој прекрши закон мора да одговара. Затоа овие обиди на Ристоска да глуми жртва ги сметаме за нејзиното дополнително одработување против правдата во Македонија и во заштита и обид за дефокусирање на темата од криминалите на СДСМ и ДУИ и обид да се продолжи перцепциската пресметка против ВМРО-ДПМНЕ и да се продолжи со праксата за перцепциска вина на партијата, кои СДСМ и ДУИ го правеа со години, за да ги кријат своите криминали и за да ги прават предавствата на народот и државата. Ова фрлање пердуви, иако и самата знае дека не е аргументирано и не е правно и праведно, е само уште еден доказ за нејзините намери и цели.

Заврши времето на политички агенди и инструментализација на правдата. Да беше Ристоска со вредности како што кажува, ќе си одеше од СЈО кога се делеа награди, кога лапаа награди, покачувања, дополнителни плати кои ги делеа сите таму и кога шетаа Луј Витон торбици. Таа не само што остана таму туку продолжи да биде десна рака на Катица Јанева. За сега да глуми жртва и борец за вредности. Народот памети се. И среќа нема кратка меморија како што Ристоска, исто како и Заев сметаат.

За крај не сакаме да навлегуваме во детали за нејзините обиди за лобирање кај ВМРО-ДПМНЕ, и неуспешната амбиција да оди во странство, кое ако успееше сигурно Ристова немаше вака да реагира и ќе ѝ беше сеедно дали Талир или било кој предмет е кај нејзе или не е.

Ја познаваме добро Ристоска, а некои од нашите членови и предобро, и оваа глума не проаѓа. А не проаѓа ни кај народот кој сака правда кој е свесен за улогата на СЈО и изневерените очекувања, и за предавствата и криминалите кои се случуваа со години во државата, додека Ристова беше обвинител, не ги забележуваше, и со прст не мрдна да ги спречи и санкционира“, се вели во соопштението на ВМРО-ДПМНЕ.

The post СДСМ ЈА БРАНИ РИСТОСКА, ОЧЕКУВАНО, ТАА БЕШЕ НИВЕН ИГРАЧ И ПИОН Предметите за ВМРО-ДПМНЕ ги држеше кај себе, за да бидеме уценети, обвинува партијата appeared first on plusinfo.mk.

Обвинителката Ленче Ристоска мора да е свесна дека има јасни критериуми за позицијата државен јавен обвинител и дека ако таа е навикната подобноста да е еден од нив, како што тоа беше во Специјалното јавно обвинителство каде таа беше десна рака на Катица Јанева, тоа овој пат не е случај, одговори ВМРО-ДПМНЕ на реакцијата на Ристоска.

„Ова се други времиња и потребни се интегритет, професионалност и одговорност. Дури и во „Мамас“ како фирма примале лица со повисоки критериуми од критериумите кои ги практикувале при прием на кадри во СЈО. Чудно е од друга страна, пак, што ист човек во својата приватна фирма („Мамас“) да прима луѓе по одредени критериуми, а кога бирал за државно обвинителство примал луѓе кои беспоговорно го слушаат и без никакви критериуми. Инаку, мора да сме искрени, подобноста е најсилниот атрибут и особина на Ристоска и нејзиниот неизбор е токму сигнал дека тоа овде не е пресудно, туку далеку поразлични и побитни критериуми“, се вели во реакцијата на ВМРО-ДПМНЕ.

И за крај, се додава, порачуваме барем да биде реална и искрена и додека говори јавно за подобност и за критериуми, и глуми, барем да престане да лобира кај функционери на ВМРО-ДПМНЕ.

„Не е ова СДСМ и СЈО. Тоа време помина“, соопшти ВМРО-ДПМНЕ.

Синоќа премиерот Христијан Мицкоски изјави дека обвинителката Ристоска не е на листата на обвинители од кои Владата ќе предложи државен обвинител до Собранието.

На оваа изјава денеска реагираше обвинителката Ристоска:

„Кога кандидат однапред се исклучува без анализа на неговата програма и професионален пат, тоа отвора прашања за природата на критериумите што се применуваат. Уверена сум дека избор од вакво значење мора да биде заснован на квалитет, а не на подобност. Професионалците во системот мора да знаат дека нивниот труд и стручност се единствената валута што треба да одлучува. Во спротивно, ризикуваме да испратиме порака дека без разлика на компетентноста, подобноста е примарна — а тоа не е патот по кој треба да се движи едно демократско општество“, вели Ристоска.

ЛЕНЧЕ РИСТОСКА ОТПАДНА ОД КОНКУРЕНЦИЈА Нема да биде државен јавен обвинител

The post РИСТОСКА Е НАВИКНАТА НА ПОДОБНОСТА ОД ВРЕМЕТО НА СЈО И во „Мамас“ имале подобри критериуми за избор на кадар, отколку во Специјалното обвинителство, реагира ВМРО-ДПМНЕ appeared first on plusinfo.mk.

Противпожарниот тим ја примил дојавата за пожар во дискотеката „Пулс“ во Кочани во 2:35 часот, а бил изгаснат околу 4 часот. Пожарникарот Благој Паунов, кој со уште еден колега пристигнале како прво противпожарно возило, на денешното судење за пожарот во дискотеката „Пулс“ во Кочани, сведочеше дека кога пристигнале на местото на настанот пет минути по дојавата имало многу заглавени лица и само малку чад како излегува од над влезната врата, и не можеле да го видат огнот, по што согласно процедура, започнале да ги извлекуваат, нагласувајќи дека работеле во мешани тимови од пожарникари, полицајци, обезбедување и цивили, бидејќи секој сам ништо не можел да направи, а за извлекување на едно лице биле потребни најмалку двајца или тројца.

Пожарникарите пристигнаа за пет минути

Паунов, кој бил дежурен таа вечер, изјави пред судот дека дојава за пожарот примиле во 2:35 часот, по што за пет минути биле на местото на настанот како прво возило со колегата Дејан Георгиев, и почнале со извлекување на заглавените лица во дискотеката. Потоа како второ возило пристигнал и сменскиот командир и уште еден колега, а по нив и останатите колеги со уште две возила.

– По пристигнување на местото бевме упатени од полициски службеници и ни направија место да се паркираме непосредно до дискотеката. Кога излеговме, на самиот паркинг имаше многу луѓе, од кои и доста паднати. Паднати имаше и на скалите, а на влезната врата имаше и заглавени повеќе лица кои бараа помош – изјави пожарникарот Паунов.

Кога пристигнавме на местото, вели, имаше само малку чад како излегува од влезната врата, ние не можевме да го видиме огнот. Од искуство мислам дека бил пригушен и поради немање кислород не можел да се шири огнот.

Не гледавме пламен, моравме да ги вадиме децата

– Но нашата стандардна процедура е најголем приоритет спасување човечки животи. Ние не гледавме пламен, моравме да ги извадиме лицата. И кога дојде и вториот тим и тие извлекуваа прво, зошто не можеа да пуштат линија. Веднаш пристапивме кон извлекување на лицата заглавени на влезната врата. Кога извадивме едно лице моравме да побараме помош од полицијата и двете лица од обезбедувањето и цивилни лица. И така во мешовити тимови почнавме да ги извлекуваме децата. Послабите полесно, а покрупните потешко. И секој различно реагираше. Некои беа избезумени, во шок и грч и моравме да ги носиме до паркинг. Други, пак од паника газеа врз нас и врз други деца за да излезат. Кога го поднамаливме бројот, во тој момент веќе приметив дека пристигна брзата помош како и повеќе цивили и дека почнале да ги носат до болница – изјави сведокот.

Повеќе од десет заглавени во билетарата, не даваа знаци

По укажување дека и во билетарата има заглавени лица, пожарникарот кажа дека се пробил и во билетарата затекнал над десет лица кои веќе лежеле и не давале никави знаци.

– Излегов и побарав помош. Откако ги извлековме сите имаше друга врата, помала во која имаше многу деца заглавени. Кога излеговме веќе приметив дека се пристигнати сите мои колеги и пуштени сите линии и почнато со гасење – изјави сведокот.

Потоа влегол внатре, бидејќи им кажале дека има заглавени и кај тоалетот, и од таму почнал да извлекува заглавени лица.

– Потоа веќе бев изнемоштен и не можев повеќе да извлекувам лица и побарав замена и земав да гасам. На крајот од интервенцијата мислам дека беа извлечени уште две или три тела кои беа изгорени – изјави сведокот.

Пожарникарот рече дека не видел лично на часовник, но пожарот, од разговорот со колегите бил изгаснат во 4 часот.

Адвокатите побараа укинување на некои притвори

Обвинителството, пред почетокот на денешното рочиште, се произнесе во однос на предлогот за обвинетиот Беким Хаџиу, предлагајќи му на Судот, доколку има доволно медицинска документација, бидејќи тие немаат, тогаш да направи замена на мерката со поблага.

Судот по ова, најави дека ќе се произнесе дополнително.

На крајот на минатото рочиште, бранителката на обвинетиот службеник во Министерството за економија, Беким Хаџиу, адвокатката, Софија Лаличиќ, побара на нејзиниот клиент да му биде укината мерка притвор.

Според Лаличиќ, Хаџиу е единствениот од Министерството за економија во притвор и во повеќе наврати изминатите 10 месеци била нудена гаранција. Последен пат била понудена гаранција од еден милион и 260 илјади евра во недвижности, за кои наглсеи, ги дале семејството и пријателите на Хаџиу.

Бранителката на газда Деко против атмосферата на јавен линч

Адвокатката Ивана Коцевска, бранителка на првообвинетиот газдата на дискотеката Пулс Дејан Јованов Деко, реагираше пред Судот на тоа што се случи на минатото рочиште кога, како што рече, била направен директен притисок врз сведокот од страна на Обвинителството, што потоа предизвикало небулозни изјави, јавен линч и страв кај секој еден сведок што доаѓа да сведочи во иднина.

Случајот го води судијката Дијана Груевска Илиевски и се наоѓа во доказна постапка со сослушување на сведоци предложени од Обвинителството.

За денешното рочиште, како што е најавено, треба да бидат сослушани уште четворица сведоци.

Кој молчел, а кој не спречил да се случи трагедијата?

На почетокот на процесот, во воведното излагање, обвинителот Борче Јанев истакна дека судењето е чекор кон утврдување на лична и институционална одговорност, нагласувајќи дека општеството мора да се соочи со вистината – кој дозволил, кој молчел и кој не спречил да се случи трагедијата во „Пулс“. Тој порача дека не е важно само кој го запалил огнот, туку и кој имал можност да го спречи, посочувајќи дека трагедијата не е резултат само на пиротехниката, туку на долгогодишни системски пропусти, институционален молк и недостиг на контрола што ја претвориле дискотеката во „смртоносна стапица“.

Јанев нагласи дека се бара правда, не како одмазда, туку како последица на незаконитост и занемарена должност. Повеќемина обвинети, преку своите адвокати, ја оспорија основаноста на обвинението. Нивните одбрани тврдат дека обвинетите не презеле дејствија што би можеле да доведат до пожарот, дека поседувале валидна документација и дека трагедијата е резултат на институционални пропусти, а не на индивидуална вина. Одбраната најави изведување докази и сведоци што, според нив, ќе ја потврдат оваа теза.

Синот на газда Деко неосновано обвинет?

Во воведен збор, одбраната на првообвинетиот сопственик на дискотеката „Пулс“, Дејан Јованов, истакна дека и по девет месеци притвор не може да поверува во трагедијата и дека како родител никогаш не би дозволил небезбедни услови во клубот. Неговиот син, третообвинетиот Михаил Јованов, преку одбраната тврди дека против него нема ниту еден доказ и дека е обвинет само затоа што е член на семејството Јованови.

Сите останати обвинети изјавија дека не чувствуваат вина за делото што им се става на товар.

На 16 март 2025 година, за време на настап на групата „ДНК“ во дискотеката „Пулс“ во Кочани, избувна пожар во кој загинаа 63 лица, а над 200 беа повредени. Во објектот имало над дозволениот број посетители, меѓу кои и малолетници, а пиротехнички средства биле активирани без дозвола. Објектот работел незаконски повеќе од една деценија, без минимално-технички услови, со реконструкции без дозволи и без систем за противпожарна заштита.

The post НЕКОИ ВО ПАНИКА ГАЗЕА ВРЗ НАС И ВРЗ ДРУГИТЕ ДЕЦА ЗА ДА ИЗЛЕЗАТ Пожарникар сведочеше за драматичните моменти на извлекување на луѓето од кобната дискотека appeared first on plusinfo.mk.

Поранешниот виш јавен обвинител Мустафа Хајрулахи, кој неодамна побара престанок на функцијата во Вишото јавно обвинителство, изнесе сериозни обвинувања за состојбите во Обвинителството, посочувајќи дека под раководството на Љупчо Коцевски предметите намерно се развлекуваат и се водат без јасна цел да се дојде до судска пресуда.

– Ете, Коцевски поднесе оставка – тоа е неговиот карактер. Тој е човек лажго, без ниту грам морални вредности. За мене беше необјасниво како еден таков профил на човек, неписмен и човек кој недоволно го познава македонскиот јазик, може да стаса до оваа позиција. Тој е склон кон секакви наредби дадени од политичките партии. Кога виде дека му се стеснува обрачот, поднесе оставка – изјави Хајрулахи за Мкд.мк.

Тој наведува дека барањето за престанок на функцијата го поднел по повеќе од една година суспензија која ја доби од Коцевски, и тоа, како што вели, под контрола и по налог од поранешните обвинители од СЈО.

The post КОЦЕВСКИ Е НЕПИСМЕН ЛАЖГО БЕЗ ГРАМ МОРАЛНИ ВРЕДНОСТИ Хајрулахи со остри зборови за државниот јавен обвинител во заминување appeared first on plusinfo.mk.

Со месеци СДСМ лицемерно глумеа различни страни со главниот обвинител Коцевски, сè додека не дојде на ред неговата фотеља, па мораа да запрат со глумата и да го спасат, за тој да продолжи да ги штити нив, реагираше Бране Петрушевски од ВМРО-ДПМНЕ.

– Додека СДСМ лажно го напаѓаше главниот обвинител Коцевски, сакајќи да направи привид дека тој работи по закон, тој им ги штитеше функционерите кои беа потонати до гуша во криминал. Повеќе од година дена главниот обвинител Коцевски релативизираше за СДСМ и нивните функционери. Ниту еден човек функционер до Заев или Филипче не завршил во затвор, за сите или има спогодби или обвинителството прогледува низ десет прсти кога ги пишува обвиненијата. И сега кога се демаскирани, молчи СДСМ, молчи главниот обвинител Коцевски, ги нема збор да изустат, но важно им е дека сè си тече, Коцевски ќе си седи уште некое време во фотеља, а луѓето на Заев и Филипче ќе останат да бидат заштитени. Овој однос на СДСМ го урива правниот систем и за тоа се директно одговорни. Казната за ваквото држење во заробеништво на правдата ќе дојде на избори. Народот памти и не заборава – порача Петрушевски.

The post КАДЕ Е СДСМ СЕГА ДА ГО НАПАДНЕ ОБВИНИТЕЛОТ КОЦЕВСКИ? Ги нема да постават прашање за некоја истрага, забележува Петрушевски appeared first on plusinfo.mk.

Израелскиот јавен обвинител во петокот го одби барањето на израелскиот премиер Бенјамин Нетанјаху да се одложи неговото судење за корупција за 2 недели, објави Анадолија.

Нетанјаху побара од Окружниот суд во Ерусалим одложување на рочиштето, тврдејќи дека мора да се фокусира на други приоритети по израелската агресија врз Иран, вклучувајќи ја и темата за враќање на израелските заробеници од Газа.

Сепак, јавниот обвинител го одби неговото барање, а според израелскиот јавен сервис КАН, судењето треба да продолжи во понеделник, пренесува Анадолија.

– Општите причини наведени во барањето не можат да бидат основа за откажување на две недели судски рочишта – изјавил обвинителот.

Во изминатите неколку месеци, Нетанјаху двапати неделно се појавуваше пред судот за да одговара на обвиненијата против него, но рочиштата беа прекинати за време на неодамнешната војна меѓу Израел и Иран, која започна на 13 јуни и траеше 12 дена.

Во четвртокот, Нетанјаху јавно му се заблагодари на американскиот претседател Доналд Трамп за неговиот повик да се откаже судскиот процес против него – потег кој предизвика големи реакции и поделби во Израел. Поддржувачите на Нетанјаху го поздравија, додека, пак, опозицијата побара од Трамп да не се меша во израелскиот правосуден систем.

• ТРАМП ОД ИЗРАЕЛ БАРА АМНЕСТИЈА ЗА „БИБИ“ Вели дека Нетанјаху направил многу за својата држава

Нетанјаху се соочува со обвиненија за поткуп, измама и за злоупотреба на довербата, за кои доколку бидат докажани, може да доведат до затворска казна.

Во јануари тој започна испитувања поврзани со Случаите 1.000, 2.000 и 4.000, кои тој целосно ги негира. Обвинителството поднесе обвинителен акт за овие случаи кон крајот на ноември 2019 година.

Случајот 1.000 се однесува на прием на скапи подароци од богати бизнисмени за возвратни услуги за Нетанјаху и за неговото семејство.

Случајот 2.000 вклучува наводни преговори со Арнон Мозес, издавачот на израелскиот дневен весник „Једиот Ахронот“, за добивање позитивно медиумско покривање.

Случајот 4.000, кој се смета за најсериозен, се однесува на поволности дадени на Шаул Елович, поранешен сопственик на порталот „Вала“ и на телекомуникациската компанија „Безек“, во замена за поволно известување.

И покрај меѓународните повици за прекин на огнот, израелската армија спроведува брутална офанзива врз Појасот Газа од октомври 2023 година, при што беа убиени речиси 56.300 Палестинци, главно жени и деца.

Во ноември, Меѓународниот кривичен суд издаде налог за апсење на Нетанјаху и поранешниот министер за одбрана Јоав Галант, поради воени злосторства и злосторства против човештвото во Газа.

Израел се соочува и со тужба за геноцид пред Меѓународниот суд на правдата поради својата војна во енклавата.

ВОДАМ ВОЈНА, НЕ МОЖАМ НА СУД Нетанјаху со ново барање одложување на судењето за скандалот со корупција

The post НЕМА ОДМОР ЗА ОБВИНЕТИОТ НЕТАНЈАХУ Обвинителството го одби барањето на премиерот за двонеделна пауза во судењето за корупција appeared first on plusinfo.mk.

За пет месеци од денеска ќе почне кампањата за локалните избори и граѓаните ќе кажат чија кариера завршува, а чија почнува. Тоа што играте на картата на кратко помнење, ве советувам дека нема да добиете политички поени, рече премиерот Христијан Мицкоски на денешната седница на која одговараше на прашање од пратеникот Митко Трајчулески од СДСМ за одговорноста на дел од министрите и Владата за трагедијата во Кочани.

Мицкоски нагласи дека истрагата ја води јавниот обвинител, а не тој или Владата.

– ВМРО-ДПМНЕ сѐ уште е под прогон на обвинители од времето кога СДСМ ги бираше. Ако обвинителот одлучи дека треба да одам во затвор, ќе одам. Никому ништо. Не треба да се плашиме. И затвор е за луѓе. Обвинителот треба да го прашате дали се штитат високи владини функционери. На крајот од денот, еден пример е дека еден член на Владата е во притвор. Сето тоа по налог на Обвинителството. Не по мој повик. Ќе постапуваме по налог на Обвинителството во координација со судот. Актуелен градоначалник е притворен… Во ваше време, тоа беше невозможна мисија – не успеавте да се доближите ниту до подалечниот периметар. Затоа господине Трајчулески, кога зборуваме за морал, најмалку вие имате право. Можеби немаме ни ние, но ќе кажат граѓаните наскоро на избори – рече Мицкоски.

Трајчулески од говорницата рече дека не постои чувство на морална одговорност кај Владата и дека се води селективна истрага за да се заштитат сегашни носители на високи позиции во МВР, Пазарниот инспекторат.

Пратеникот го праша Мицкоски дали разводнувањето на истрагата е за да се заштитат функционери.

– Најмалку вие имате право да зборувате за морал, можеби немаме ни ние, ќе кажат граѓаните за неколку месеци, но најмалку имате вие. Мој совет, да ги оставиме семејствата. На мене да удират секој ден, дехидрирајте од плукање, нормално е тоа. Логично е, измислувајте. Граѓаните се тие кои кажуваат дали вашето е вистина или она што ние го кажуваме. Да ги оставиме семејствата оти болката и тагата се огромни – одговори Мицкоски.

The post „АКО ОБВИНИТЕЛОТ РЕШИ ДА ОДАМ ВО ЗАТВОР, ЌЕ ОДАМ“ Мицкоски им кажа на пратениците од СДСМ да го прашаат Коцевски дали штити владини функционери appeared first on plusinfo.mk.

Ниту еден јавен обвинител не се повлекол од истрагата за пожарот во Кочани поради наводни притисоци и несогласување со правната квалификација на кривичните дела за осомничените, реагира Јавното обвинителство на наводите што ги изнесе опозициската ДУИ.

„Обвинителскиот тим постапува целосно синхронизирано и непрекинато презема дејствија“, соопшти Обвинителството.

Оттаму посочуваат дека не се повлекол обвинител ниту од тимот обвинители од основните јавни обвинителства што ги истражуваат причините за пожарот, ниту од ОЈО за гонење организиран криминал и корупција  кое врши истрага за полициските службеници.

ДУИ утрово со драматично соопштение предупреди за политички притисок во истрагата за пожарот во дискотеката „Пулс“ во Кочани. Всушност, на опозициската партија најголем проблем ѝ е што нејзиниот член Крешник Бектеши, кој е осомнилен во истрагата, и натаму останува во притвор.

„ДУИ со сериозна загриженост ги следи случувањата поврзани со трагичниот настан во Кочани и начинот на кој институциите на правдата го водат процесот – под јасен политички притисок и со намера вината да се префрли кај други, за да се заштитат сопствените луѓе на власта. Информациите дека еден јавен обвинител кој бил дел од предметот се повлекол поради несогласувања околу квалификацијата на делото и особено поради политички притисоци од страна на партии во Владата, во нормална држава, би бил аларм за целото општество. Вчера беше донесена одлука речиси сите приведени да бидат пуштени, освен Крешник Бекташи, кој и понатаму останува во притвор – личност која одамна е цел на политичка одмазда. Ова не е веќе индивидуален случај – туку опасен модел на селективна правда, која станува алатка за политички притисок и елиминација“, соопшти ДУИ.

Тимот на обвинители кои постапуваат во истрагата за трагичниот пожар во Кочани е составен од 11 јавни обвинители.

Во пожарот во дискотеката „Пулс“ во Кочани на 16 март загинаа 61 лице, а околу 200 беа повредени.

The post ЛАГА Е ДЕКА ОБВИНИТЕЛ СЕ ПОВЛЕКОЛ ОД ИСТРАГАТА ВО КОЧАНИ Обвинителството ја демантира ДУИ appeared first on plusinfo.mk.