По спроведена сеопфатна истражна постапка, јавен обвинител од Основното јавно обвинителство за гонење организиран криминал и корупција до Основниот кривичен суд поднесе обвинителен акт против адвокатот и поранешен државен правобранител, Фехми Стафа, за кривичното дело Примање награда за противзаконито влијание.

Стафа во декември беше уапсен додека прима 50.000 евра, кои требало да му ги даде на судија од скопска Апелација.

„Според обвинителниот акт, обвинетиот во периодот од октомври до 13 декември 2025 година, со намера да прибави противправна имотна корист, примил вкупен износ од 50.000 евра за да посредува и да го искористи своето реално влијание со цел да интервенира кај судија во Апелациониот суд Скопје и преку давање поткуп да влијае за да се изврши службено дејствие што не би смеело да се изврши“, пишува во соопштението од ОЈО ГОКК.

Стафа му беше адвокат на Љупчо Пецов-Ѓаволот, а парите со кои беше фатен Стафа наводно треало да му бидат исплатени на судијата од Скопскиот апелациски суд, Ѓоко Ристов. Судијата Ристов беше уапсен во јануари, кога истражителите открија 350.000 евра соѕидани во ѕид од кујната во куќата на неговите родители. Тој беше испратен во куќен притвор, а Стафа по апсењето е во ефективен притвор и ОЈО ГОКК бара продолжување на мерката. Во домашен притвор е и Ѓаволот ком му се суди за предметот „Синџир“.

СЀ ТРГНАЛО НАОПАКУ КОГА СЕ ПОЈАВИЛ ЃАВОЛОТ Соѕиданите 350.000 евра засега не се поврзани со конкретен поткуп

The post ОБВИНЕНИЕ ЗА АДВОКАТОТ СТАФА КОЈ БЕШЕ ФАТЕН СО МИТО Ѓаволот му пратил 50.000 евра за да го спаси од притвор appeared first on plusinfo.mk.