Сите закони од Реформската агенда се подготвени, а некои се во завршна фаза на усвојување, откри министерот за правда Игор Филков на денешната прес-конференција.

– Законите се тука, подготвени, доставени, транспарентно објавени. Ние нема да дозволиме реформите да бидат жртва на дневна политика или бирократска инертност. Затоа ќе повторам: реформите не се желба, туку одговорност. И Министерството за правда таа одговорност ја носи до крај – потенцираше министерот.

На новинарско прашање поврзано со препораките на Мисијата на ОБСЕ/ОДИХР кои се однесуваат на измени во Изборниот законик најмалку шест месеци пред одржување на изборите, Филков изрази надеж дека во наредните две недели политичките чинители ќе имаат волја и расположение да седнат на маса.

– Мислам дека има време во наредните две недели да седнеме доколку има расположение и политичка волја од страна на сите политички чинители. Можам да говорам во мојот дел како министер за правда и во дел на политичката партија која ја претставувам – рече Филков.

Филков беше прашан и за тоа дали Министерството за правда ќе ја чека одлуката на Уставен за оценка на уставноста на одредбата од еден отсто од запишаните избирачи за кандидатура на независни советници и градоначалници или ќе се интервенира во Изборниот законик конкретно за таа одредба, за што тој кусо одговори дека ќе се чека одлуката на Уставен.

За тоа дали со измените е опфатена промена за земјава да стане една изборна единица, министерот рече дека досега тоа не било предмет на разговори.

Законите од Реформската агенда кои се подготвени се: Предлог Закон за судски совет, Предлог Закон за јавно обвинителство,  Предлог Закон за платите на јавните обвинители, Кривичен законик, Предлог Закон за кривична постапка и Предлог Законот за судска служба, беше објаснето на прес-конференцијата.

Во план и подготовка се и Предлог Законот за судски буџет, Предлог Законот за Советот на јавни обвинители, Предлог Законот за јавнообвинителска служба, Измени на Изборниот законик, со поддршка на ОДИХР, Закони со кои се регулираат платите на судиите, јавните обвинители, и јавно обвинителската служба, Закон за слободен пристап до информации од јавен карактер, акон за помилување, Закон за вештачење, Закон за нотаријат, Закон за извршување, Закон за пробација, Закон за извршување на санкции, Закон за конфискација на имот во граѓанска постапка, Закон за заштита на лични податоци.

The post СИТЕ ЗАКОНИ ОД РЕФОРМСКАТА АГЕНДА СЕ ПОДГОТВЕНИ Меѓу нив и законот за судски совет и за јавно обвинителство appeared first on plusinfo.mk.

– За жал, Изборниот законик неодамна беше изменет во недоволно транспарентна забрзана постапка и без консултации со јавноста што не е во согласност со меѓународните стандарди и заложбите на ОБСЕ. Иако во измените беа вклучени некои од претходните препораки на ОДИХР и технички предлози на ДИК, тие во голема мера не ги зедоа предвид препораките на меѓуагенциската работна група задолжена за изборните реформи. Голем број на клучни препораки на ОДИХР и на Венецијанската комисија при Советот на Европа, останаа нерешени вклучувајќи ги и оние за системско ревидирање на Изборниот законик, за обезбедување еднаков пристап до медиумите во изборните кампањи и за зголемување на отчетноста и интегритетот на финансирањето на кампањата – истакна шефицата на набљудувачката мисија на ОБСЕ/ОДИХР, Џилјиан Стирк.

Таа нагласи дека опсежното и плуралистичко покривање на кампањата во медиумите им даде можност на гласачите да направат информиран избор, но негативната реторика и националистичките слогани го нарушиле инаку стабилниот предизборен период.

Во контекст на родовата рамноправност во извештајот се нагласува дека со забележителниот исклучок на една жена претседателски кандидат во вториот круг во кампањата, генерално биле вклучени малку жени политичарки.

Во контекст на транспарентноста и отчетноста во финанансањето на кампањата се посочува дека тие биле ослабени поради минималните обврски за финансиско известување и ограничениот капацитет на надзорните органи вклучувајќи и за следење на злоупотребата на административните ресурси.

Властите вклучувајќи ја ДИК и Уставниот суд, не секогаш адекватно ги решаваа приговорите поврзани со изборите на навремен и транспарентен начин со што, како што оценува, била ограничена ефективноста на правните лекови.

Изборите беа организирани ефективно, но, се посочува, честите наводи за купување гласови во предизборниот период пред гласањето влијаеле на довербата во процесот.

За самиот изборен процес, се наведува дека во набљудуваните избирачки места процесот на гласање бил уреден, транспарентен и позитивно оценет. Но се забележува, во неколку случаи избирачките одбори не се придржувале целосно до пропишаните процедури при пребројувањето на гласовите.

Учесниците во Меѓународната набљудувачка мисија набљудувале вкупно 1340 избирачки места при што позитивно ги оцениле процедурите за гласање во огромно мнозинство од нив. Сепак се посочува дека биле забележани некои случаи на групно и семејно гласање.

Меѓународната набљудувачка мисија на денот на изборите имала распоредено 344 набљудувачи од 42 земји. Во мисијата беа вклучени претствници од ОБСЕ/ОДИХР, од Парламентарното собрание на ОБСЕ, од Парламентарното собрание на Советот на Европа и од Европскиот парламент. На самиот ден на изборите биле набљудувани 123 избирачки места, а гласањето на 1340 избирачки места. Пребројувањето пак, било набљудувано на 106 избирачки места, а сумирањето на гласовите во 66 општински изборни комисии.

Финалниот извештај, вклучувајќи и препораки за можни подобрувања за првиот и вториот круг за претседателските како и за параментарните избори ОБСЕ/ОДИХР најави дека ќе го објави за два до три месеци по завршување на изборниот процес.

The post ИЗБОРИТЕ КОНКУРЕНТНИ И ЕФЕКТИВНИ Меѓународните набљудувачи имаат забелешка на „дупките“ во законите appeared first on plusinfo.mk.

Според портпаролот на Вреди, Орхан Муртезани, основа за сомнеж е извештајот на ОДИХР пред изборите, кој не бил позитивен за земјава.

– Врз основа на народната поговорка дека давеникот се фаќа за сламка, земајќи го предвид извештајот на ОДИХР кој предвидува можна нестабилност и неизвесни избори, имаме право да се сомневаме дека ДУИ е подготвена да предизвика политичка криза за да не го прифати сигурниот пораз кој доаѓа. Не смееме да го занемариме фактот дека кандидатот за претседател на ДУИ до вчера беше претседавач со ОБСЕ и имаше или требаше да има пристап и да учествува во изработката на овој извештај – рече Муртезани.

ОБСЕ-ОДИХР пред два дена објави извештај за предизборниот амбиент во земјава. Денот на гласање ОДИХР сака да го следи со 24 долгорочни и со 300 краткорочни набљудувачи.

„Медиумското покривање на изборната кампања е фрагментирано и поларизирано, има значително зголемување на националистичката реторика што може да резултира со зголемени немири и тензии, забележан е пораст на нетолерантна и насилна реторика која може да се толкува и како говор на омраза, вклучително и против етнички малцинства”, наведено е во извештајот.

ОДИХР ги набљудува и оценува сите изборни процеси во земјата повеќе од една деценија.

The post ДУИ МОЖЕ ДА ПРЕДИЗВИКА НЕМИРИ НА ИЗБОРИТЕ Извештајот на ОБСЕ-ОДИХР е класично предупредување, соопшти албанската опозиција appeared first on plusinfo.mk.

Според тоа што го дознавме од контактот со партиите, поканата на Тупанчевски сè уште не пристигнала. Во ВМРО-ДПМНЕ размислуваат да зедат активно учество во изготвувањето на новиот изборен законик, но порачуваат дека најнапред ќе треба заедно со владејачкото мнозинство да се изгласа предлогот за една изборна единица.

– До сега не сме биле контактирани ниту пак сме имало било каква комуникација на министерството за правда или владата со ВМРО-ДПМНЕ на темата работни групи. Предлогот на ВМРО-ДПМНЕ е ајде утре, еве привремено да ја тргнеме блокадата и да изгласаме сите заедно во парламентот една изборна единица, да не бидат шест, другиот ден веќе ќе ги добие Тупанчевски тимовите кои ќе работат на измените на изборниот законик согласно препораките ОБСЕ – вели нашиот извор во ВМРО-ДПМНЕ.

И од Левица се надеваат дека власта ќе изнајде сили да пронајде консензус во сопствените редови, за да биде изгласана една изборна единица, како вовед во донесувањето на новиот Закон за избори.

– Како што изминува времето, нè радува тоа што експертската јавност во целост, а сега и политичките партии, ја согледуваат неопходноста од измени во изборниот законик. Уште не знаеме во која насока измените ќе се движат, но, се надеваме дека политичките партии ќе имаат слух за потребата од воведување на една изборна единица. Прво, на тој начин ќе придонесеме за демократизација на општеството, и позитивно стимулирање на политичката култура преку диверсификација на политичките претставници на граѓаните. Ние, веќе поднесовме предлог законско решение, а со оглед на тоа дека постојат повеќе модели и рамки на кои во процесот можеме да се повикаме и да ги евалуираме, сметаме дека можеме заедно со останатите политички партии преку работните групи да стигнеме до консензус – вели портпаролот на Левица, Амар Мециновиќ.

Во изјавата дадена за Плусинфо, Мециновиќ додава и дека е крајно време да се сменат актуелните законски решенија, кога е во прашање изборниот процес во Македонија.

– Нема да го повлечеме предложеното законско решение, туку, отворени сме за амандманско дополнување и изменување, со заклучоци кои ќе бидат прифатливи за сите. Како и министерот кој ги најави овие измени, така и ние сметаме дека е крајно време за овие измени, за да може да се отклучат стегите врз демократските капацитети на земјата, и посебно ќе очекуваме поддршка за овие измени од номинално про-европските партии. Несомнено, не можеме да очекуваме дека процесот може да се реши брзо, но можеме да посочиме дека брзото решавање е од императивно значење. Особено кога сегашната Влада нема изборен легитимитет – додава Мециновиќ.

Една изборна единица е желба и на помалите партии од владината коалиција, а лидерот на Демократски сојуз, Павле Трајанов, неколкупати се закани со преминување во опозиција доколку не биде усвоен неговиот предлог.

Од СДСМ пред неколку дена повторија дека го прифаќаат предлогот за една изборна единица, нешто што долго време е дел од нивните заложби. Сепак, главен кочничар на реформите е партијата на Али Ахмети, ДУИ.

– Ова е нов, стар став, како и да го наречеме бидејќи сегашната законска рамка осудува таков модел, затоа не можеме да се водиме од потребите или желбите на разни политички партии кои зависно од околностите ги менуваат и ставовите. Нашиот став е конзистентен, непроменет до ден денес. Каков модел и да сакаме да воведеме, ќе биде потребен меѓупартиски консензус – посочи пред неколку дена Арбр Адеми од ДУИ.

Од Алијансата на Албанците се согласни да го менуваат Законот за избори, но наместо една изборна единица, тие предлагаат осум. Ова дополнително ја усложнува ситуацијата, односно консензусот го прави недостижен.

Министерот Тупанчевски појасни дека новиот закон ќе мора да биде донесен најдоцна шест месеци пред наредните избори.

The post АЈДЕ ДА ИЗГЛАСАМЕ ЕДНА ИЗБОРНА ЕДИНИЦА! Опозицијата постави услов, на власта ѝ фали консензус appeared first on plusinfo.mk.

Изборната кампања почнува 20 дена пред денот на изборите, а тоа значи дека за овие локални избори, чиј прв круг ќе се одржи  на 17 октомври, кампањата почнува на 27 септември и ќе трае до полноќ на 15 октомври.

Според тоа, формално-правно, Зоран Заев е во право кога вели дека во овој момент нема предвремена кампања и дека „никој не може да преземе никаква санкција или да поведе постапка, бидејќи кампањата не е почната“.

Дрвениот правник Заев уште и се фали: „Генерално, законот јасно опишува кога е дозволено, кога не е дозволено. Ние го почитуваме законот“. Дрвениот психолог Заев додава: „Сакаме да им предочиме на граѓаните нешто позитивно, затоа што психолошката траума од пандемијата влијае врз сите нас, а ние мора да димензионираме нова реалност со која димензионираме да живееме“.

Ова се „аргументите“ со кои власта повторно води валкана предвремена изборна кампања, со секојдневна очигледна злоупотреба на јавните фондови и со нова, фатална идентификација на владејачката партија со државата. Инаку, нема ништо ново во таа „нова реалност“ за која зборува Заев, имено нема ништо реално во неа. Глеаме само едно ново „димензионирање“, или, подобро речено, предимензионирање, на овој најнов удар врз демократскиот изборен процес.

Но ете, заевци, баш како и груевци своевремено, ги знаат сите дупки во законот. Знаат што смеат да прават, за никој да не може да ги казни, за странските посматрачи, на чело со пословично индолентната мисија на ОБСЕ/ОДИХР, пак да ја одмолчат оваа компромитација на изборниот процес, оваа катадневна променада на премиерот, на министрите, на кандидатите за градоначалници и на партиските апаратчици „на теренот“, таму каде што свечено се отвораат нови објекти чие завршување е темпирано пред формалниот почеток на кампањата, но се промовираат и нови почетоци и нови ветувања. Таму каде што се купуваат душите и гласовите на избирачите.

Предвремената, или подобро речено, неформалната кампања, е во полн ек. Таа ќе се засилува до официјалниот старт на изборната кампања. И сето тоа е „согласно устав и закон“, иако сите знаеме дека е целосно надвор од етичката димензија на изборниот процес, која наложува изборите во целина да бидат демократски и фер.

Останува граѓаните да ги препознаат манипулациите и да ги казнат манипулаторите. Без оглед дали се од власта или од опозицијата. Никој друг тоа нема да го стори. Во спротивно, самите избирачи ќе бидат казнети за својата наивност, со која ги голтаат лагите на дневните политиканти.

Казната за тие што не гледаат што им се случува пред носот, или се опседнати со навивачките страсти поради кои изгубиле контакт со реалноста па веруваат во приказните за некоја „нова реалност“ што се раѓа, е позната – уште четири години лошо владеење, стагнација, незадоволство, разочарувања, апатија.

Така било секогаш, така е и сега. Помилување за недоветните, едноставно, нема.

The post Заевци сега како груевци порано – сите дупки во законот ги научиле appeared first on plusinfo.mk.

– Тоа е штетно за македонската демократија и го доведува под прашање кредибилитетот на изборниот процес како и неговата легалност и легитимитет – рече на денешната прес-конверенција  Александар Николоски, потпретседател на ВМРО-ДПМНЕ.

Тој појасни дека во разговорите коишто се реализираа меѓу партиите околу измените на Изборниот законик ВМРО – ДПМНЕ имал две барања.

– Тие барања беа да се применат дословно препораките на ОБСЕ и на ОДХР со цел гаранција на фер и демократски избори и второ избор на градоначалник во еден круг, односно изборот на градоначалници да се стави во иста линија со изборот на советници во еден круг затоа што главните манипулации, притисоци и недемократски средства се случуваат помеѓу двата круга – информира Николоски.

Тој додаде дека барањето за избор на градоначалници во еден круг, било одбиено од власта, а за примена на препораките на ОБСЕ и ОДИХР не се случи под разни изговори на владејачките партии.

-Доколку се изменеше изборниот законик, согласно препораките на ОБСЕ и ОДИХР ќе се постигнеа многу цели: ќе се зголемеше отчетноста, транспарентноста и контролата на државните ресурси со новите препораки каде што комплетно ќе требаше ДКСК да е информирана за целокупното користење на државни ресурси, потоа ќе се дадеше право на граѓаните кои со судска одлука имаат одземена деловна способност доколку имаат услови да гласаат односно да ја изразат својата воља. Се прецизира и доуредува користењето на симболите на политичките партии на гласачкото ливче со цел да нема манипулации. По препораката на ОБСЕ ќе се утврдеше и унифицираше начинот на постапка и бројот на потребни потписи за собирање и предлагање на независни кандидатски листи, нешто за што настана голема дебата во јавност – рече Николоски.

Според него, со вградувањето на препораките на ОБСЕ ќе се овозможело сите партии или подносители на независни листи да можат да ги повлечат листите во рок од 48 часа а не како досега да не можат да го направат тоа.

– По препорака на ОБСЕ се дефинира, појаснува и прецизира изборната кампања со што се овозможува подобро следење од страна на надлежните институции , на евентуално предвремено почнување на изборна кампања и прекршување на правилата на истата, се појаснува начинот на распределба на времето за рекламирање на политичките партии и кандидатите, се уредуваат роковите, содржината и постапката за доставување на финансиските извештаи на партиите до надлежните институции за контрола на истите како што се Државниот Завод за Ревизија, ДКСК и Агенцијата за медиумски услуги. Ќе се овозможеше на гласачите чија важност на документот за лични идентификации истекла до моментот на распишување на избори да можат да го остварат гласачкото право, нешто што сега како проблем се соочуваат 30 илјади граѓани заради неспособноста на власта да извади лични карти – дополни тој.

Тој рече дека со тоа, за прв пат ќе се овозможело запишување на гласач во избирачки список по усвоен приговор за заштита на лично избирачко право, а исто така би се усогласиле и роковите со Државната изборна комисија и постапувањето на Управниот суд.

Николоски информира дека ВМРО-ДПМНЕ во знак на добра волја, но и за да се постигне консензус, била подготвена да ги прифати таканаречени отворени листи за избор на советници и да ги прифати препораките на ОБСЕ за собирање на потписи за независни кандидати за градоначалници и советнички листи кои велат до еден процент на вкупниот број на запишани избирачи.

ВМРО-ДПМНЕ, како што рече Николоски е и за решавање на прашањето за регулација на финансирањето на спонзорираните објави на социјалните медиуми и социјалните платформи.

– Сето ова што го споменав е причината зошто не се донесе изборниот законик во македонското собрание, иако имаше добра волја од стана на ВМРО-ДПМНЕ како најголема опозициска партија. Се направија многу обиди и во месец јуни и во месец јули, а бевме спремни тоа да го направиме и во август, но за жал од владеачките партии такво расположение немаше – рече Николоски.

The post НИКОЛОСКИ ЗА ИГРИТЕ ОКОЛУ ИЗМЕНИТЕ НА ИЗБОРНИОТ ЗАКОНИК Штета за демократијата е што ќе имаме избори без прифатени препораки на ОБСЕ И ОДИХР appeared first on plusinfo.mk.

На прес – конференцијата за првичните наоди и заклучоци во врска со изборниот процес ќе говорат Лаима Андрикиене, шеф на ОДИХР специјалната мисија за проценка на изборите и Дариа Паприцка, заменик шеф на ОДИХР специјалната мисија.

Мисијата ги следеше сите аспекти на изборниот процес. Основниот тим на ОДИХР го сочинуваа девет члена од девет земји-учеснички во ОБСЕ, а на денот на изборите имаа акредитирано 26 набљудувачи, во кои спаѓаат меѓународните експерти и националниот персонал за поддршка.

Конечен извештај со заклучоци и потенцијални препораки, како што најави во предизборното интервју за МИА, шефицата на Мисијата, Андрикиене, ќе биде објавен околу осум недели по денот на изборите. 

The post ОБСЕ/ОДИХР ќе ја даде првичната оценка на изборите appeared first on plusinfo.mk.

Вчерашните парламентарни избори во Србија се одржаа без учество на опозициските партии кои поради тоа нема да бидат дел од новиот законодавен дом. И покрај силните критики на граѓанското општество во Србија и на дел од европската јавност Европската Унија го прифати исходот на овие избори, иако е свесна за пропустите во процесот.

– И покрај тоа што учесници во парламентарните избори во Србија имаа можност да водат кампања и темелните вредности се почитуваа, изборот на гласачите беше ограничен поради огромната предност на владејачката партија и промоцијата на владините политики од страна на повеќето главни медиумски куќи – стои во заедничката реакција на шефот на европската дипломатија, Јосеп Борел и еврокомесарот за проширување, Оливер Вархеји.

Реакцијата на ЕУ се заснова врз извештајот на мисијата на ОБСЕ/ОДИХР која поради пандемијата со коронавирусот имаше помалку надлежности отколку во нормални услови. Мисијата треба во наредните недели да објави комплетен извештај.

Дотогаш Европската Унија очекува од властите во Белград да се посветат на “инклузивен“ политички дијалог со сите политички чинители и институции за да се коригираат изборните слабости, кои се одамна предмет на критика.

-Го охрабруваме новиот парламент да продолжи да се посвети на меѓупартискиот дијалог предводен од Европскиот Парламент, со цел градење на широк меѓупартиски консензус за реформите поврзани со ЕУ, кои се витални за напредокот на земјата на европскиот пат. Го охрабруваме српското лидерство да се ангажира во искрен дијалог со целиот политичкиот спектар за да се напредува во реформите поврзани за владеењето на правото, борбата против организираниот криминал и корупцијата, стои во ставот на Европската Унија.

Попладнево европските социјалдемократи во Европскиот Парламент побараа од Европската kомисија да не отвора нови преговарачки поглавја со Белград додека не биде реализиран напредок во овие клучни области.

Европската Комисија одговори дека очекува од новата влада во Србија да се посвети на реформите за членство во ЕУ.

-Ова посебно се однесува на владеењето на правото кое е во срцето на пристапниот процес и треба да биде на врвот на политичките приоритети на идната влада, како и социоекономските реформи, клучно за периодот пост-ковид19 – вели ЕУ.

Од Србија се очекува и посветеност кон дијалогот со Косово.т

The post ЕУ: Изборот на гласачите во Србија беше ограничен поради владејачката партија appeared first on plusinfo.mk.

– Имајќи го предвид тоа, ДИК истакна дека доследно ќе работи согласно законската рамка, со сите донесени акти од страна на Комисијата, кои ги опфаќаат сите изменувања и дополнувања на Изборниот законик, како и согласно мерките и препораките донесени од Владата на Република Северна Македонија и протоколите донесени од Комисијата за заразни болести при Министерството за здравство – се наведува во соопштението од ДИК објавено на нивната веб-страна.

Претседателот на ДИК Оливер Деркоски ги информираше претставниците на Мисијата на ОБСЕ/ОДИХР, дека е донесен Ревидиран роковник за продолжување на изборните дејствија за спроведување на предвремените избори, како и дека се продолжени активностите за ажурирање на Избирачкиот список. Тој ги информирал преставниците на ОБСЕ/ОДИХР дека гласањето ќе трае три дена, односно започнува на 13 јули 2020 година, кога ќе гласаат лицата во домашен карантин поради позитивен тест на Ковид-19 и лицата кои со решение издадено од Државниот здравствен и санитарен инспекторат кои ќе бидат во домашна самоизолација. За спроведување на гласањето на 13 јули 2020 година, ДИК ќе формира посебни избирачки одбори составени од здравствени работници предложени од Министерството за здравство и лица предложени од политичките партии. На 14 јули 2020 година ќе гласаат болни и немоќни лица, како и хронично болните лица. На 15 јули 2020 година ќе се спроведе гласањето кое ќе трае до 21:00 часот. Лицата кои после 8 јули 2020 година се тестирани и позитивни на Ковид-19 нема да можат да го остварат правото на глас, информирал претседателот на ДИК.

За оваа цел ДИК врши проверка на избирачките места, како би се обезбедиле поголеми простории за денот на гласањето, онаму каде што постои можност, а таму каде што не постои таа можност да се обезбедат услови согласно мерките, препораките и протоколите, за заштита од коронавирусот. Продолжува задолжителната обука на изборната администрација.

На средбата, како што се наведува во соопштението од ДИК, се разговараше и за прашањето за начинот на распределба и користење на финансиските средства за платено политичко рекламирање, обезбедени од Буџетот на Република Северна Македонија, за радиодифузерите, печатените медиуми и електронските поратли односно интернет порталите што ќе обезбедуваат платено политичко рекламирање за учесниците во изборната капмања.

Претставниците на Набљудувачката мисија на ОБСЕ/ОДИХР, укажале дека нивна задача е набљудување на изборите и оти на овие избори ќе работат согласно мерките и препораките за заштита од коронавирусот. Набљудувачката мисија на ОБСЕ/ОДИХР ќе биде присутна до 27 јули 2020 година кога ќе дадат извештај и следни препораки за понатамошните избори.

Претставниците на ОБСЕ/ОДИХР, укажале дека нивна задача е набљудување на изборите и оти на овие избори ќе работат согласно мерките и препораките за заштита од коронавирусот. Набљудувачката мисија на ОБСЕ/ОДИХР ќе биде присутна до 27 јули 2020 година кога ќе дадат извештај и следни препораки за понатамошните избори.

– Отворената соработа помеѓу двете страни останува и понатаму. ДИК ги покани претставниците на Набљудувачката мисија на ОБСЕ/ОДИХР да учествуваат во сите активности што Комисијата ќе ги презема, за согласно законите, прописите, протоколите и транспарентноста оваа соработка да обезбеди успешен изборен процес – се посочува во соопштението од ДИК.

The post Андрикине: ОБСЕ/ОДИХР ќе ги набљудува изборите согласно препораките за заштита од ковид-19 appeared first on plusinfo.mk.

ОБСЕ/ОДИХР распиша конкурс за експерти кои треба да ги следат предвремените парламентарни избори во Северна Македонија на 5 јули годинава. Во соопштение објавено денеска на интернет-страницата на институцијата, се наведува дека е прифатена поканата на македонската влада за следење на изборите.

„По официјалната покана да се набљудуваат предвремените парламентарни избори во Северна Македонија на 5 јули, и во согласност со својот мандат, ОДИХР се подготвува да испрати Специјална мисија за проценка на изборите“, се наведува во соопштението.

Во отворениот конкурс кој завршува на 16 јули, ОДИХР бара шеф и заменик на шефот на мисијата во Северна Македонија, политички аналитичар, изборен аналитичар, аналитичар за регистрација на гласачи, правен и медиумски советник.

Мисијата ќе биде во траење од три недели, а сите кандидати треба да бидат на располагање за извршување на задачите уште од 19 јуни.

The post ОБСЕ/ОДИХР на конкурс бара експерти за следење на изборите на 5 јули appeared first on plusinfo.mk.