– Според нас, претседателката имаше доста инспиративен говор. Таа се држеше до своите уставни и законски надлежности, од една страна, но ги исполни и очекувањата на јавноста и упати критика кон општествата. Во таа смисла, високо ги цениме нејзините ставови, особено нејзиниот поглед за модернизација и одржување на македонската Армија и за грижа за припадниците на безбедносните сили – рече Карапејовски.

Тој изрази верување дека потребата од внатрешен консензус, која Сиљановска Давкова ја истакна во говорот, е на линија со заложбите на ЗНАМ за фомирање на Национална платформа за македонско национално единство.

– Особен акцент во нејзиниот говор, таа стави на надворешната политика, особено на потребата од внатрешен консензус кога се работи за надворешната политика, за сите неправди кои што ѝ се случуваа на Македонија на тој пат, така што, се надеваме дека нејзиниот говор е на линија на нашите претходни заложби за Национална платформа за македонско национално единство. Таа е на линија за остварување на внатрешен општествен консензус, од времето на Мисирков преку 8 Септември. Може сега е време да направиме нов општествен договор, нашиот предлог за Национална платформа мислам дека е добар предлог за да се постигне тоа нејзино верување, рече Карапејовски.

The post ВРЕМЕ Е ДА НАПРАВИМЕ НОВ ОПШТЕСТВЕН ДОГОВОР Претседателката одржа инспиративен говор appeared first on plusinfo.mk.

Тој рече дека очекувал многу теми во општеството да бидат дел од денешното обраќање на Сиљановска Давкова во Собранието.

– Морам да кажам дека два дела во обраќањето, кога зборува за Армијата, поддршката на Армијата и поддршката на сите политики што би значеле унапредување на состојбата во Армијата и подобрување на животниот стандард на сите воени и цивилни лица во Армијата, се нешто за што ќе добие поддршка од нас. И второ, поддршката на еднаквите можности, вметнувањето на жените во политиките и така натаму, декларативно е добро како став на претседател на држава. Меѓутоа, очекувам дека таа декларативност ќе биде преточена во политики – рече Спасовски.

• „ВРЕМЕ Е ЗА ХРАБАР ЕУ ИСЧЕКОР“ Претседателката Сиљановска Давкова го имаше своето прво обраќање во Собранието

Тој рече дека очекувал таа јавно да го осуди носењето на законот за јавни набавки, со што, додаде, се руши транспарентноста. Спасовски ја повика Сиљановска Давкова да не го потпише указот за вој закон.

– Доколку постои каков било предлог за унапредување на евроинтегративните процеси на државата, тој предлог да биде споделен и со парламентарната опозиција и на основа на тоа, заеднички да разговараме, да заземеме соодветни ставови и заеднички да им помогнеме на граѓаните и на државата – нагласи, меѓу другото, Спасовски.

Тој очекувал претседателката да зборова и за состојбата на економски план за тоа што се случува во моментов и да биде упатена порака и да се предложи начин за решавање на проблемите.

Пратеникот на Левица, Амар Мециновиќ смета дека годишното обраќање на претседателката Гордана Сиљановска Давкова било протоколарно и само со флоскули, наместо со она што јавноста сака да го чуе после трансферот на власта.

– Се чини дека претседателката е потполно втурната во сенка на извршната власт и мора да се искоментира дека таа во својот професионален ангажман, во својата кариера има докажано дека е врвен професор, беше добар пратеник, но, сега е сведена во функција на министерство за култура во сенката на Христијан Мицкоски – рече тој.

• МЕ НАВРЕДУВА ПРАШАЊЕТО „ДАЛИ ЌЕ ГО СМЕНИТЕ УСТАВОТ?“ Со Мицкоски и со Муцунски настапуваме како хармонично трио

Во врска со надворешната политика, Меџиновиќ рече дека нема идејност како ќе се постапува понатаму и дека во наредните извештаи на Европската комисија ќе стојат истите оценки за земјава.

– Претседателката на Република Македонија повика на консензус меѓу политичките елити, кои, да потсетиме, го амортизираа незадоволството на граѓаните кое се изрази во 2022 година со протестите против францускиот предлог. Од друга страна, во надворешната политика, тоа што можеме да го заклучиме е дека нема идејност како ќе постапиме понатаму. За тоа што го претставуваат како интерес на граѓаните на Република Македонија и тоа што повеќето граѓани го сметаат за свој интерес, а тоа е влегувањето и членувањето во Европската унија, сметаме дека и оваа Влада, и овој претседател на Републиката, нема да придонесе ништо позитивно и дека во наредните европски извештаи ќе ги гледаме истите оценки за пристапувањето на Македонија кон ЕУ – рече тој.

Според пратеникот на „Европски фронт“, Ељми Азири, говорот на претседателката Гордана Сиљановска Давкова во Собранието беше повеќе теоретски отколку прагматичен.

– На претседателката на државата тешко ѝ е да излезе од својата базична професија – професорската. Недостасуваше прагматичкиот дел, односно недостасуваше нејзината уставна улога како лидер на државата во давање на насоки како треба да се решаваат одредени проблеми во општеството и во државата во целина. Таа се наврати на неколку димензии во неколку сегменти на општествено-политичкикот живот, но, за жал, по наше мислење, таа не даде ниедна насока, односно не даде ниедна шанса во насока на реализирање на уставните измени во нашата држава, кои се предуслов за започнување на преговорите со ЕУ. Дури во нејзиниот говор таа повеќе пати се осврна кон потребата за реформи внатре во ЕУ, што мислам дека не е нејзина задача, нашата држава не е членка на ЕУ – рече Азири.

Тој ги повика челниците на државата да преземаат одговорност и посочи што е можно побрзо како држава да ги реализираме обврските кон ЕУ, за што побрзо да почнат преговорите со Унијата.

Според Незири, претседателката не се осврнала воопшто на одредени случувања кои, како што рече, се однесуваат на внатрешната кохезија и меѓуетничките односи.

– Некои одлуки што ги зазема Уставниот суд коишто допрва треба да се донесат во март или во мај, сметам дека значително ќе влијаат врз меѓуетничките односи и врз внатрешната кохезија. Исто така, претседателката не се осврна воопшто и кон непочитувањето на Законот за употреба на јазиците, почнувајќи од Собранието, каде што претседателката на државата пред неколку месеци беше и сама пратеник – рече тој.

Според Азири, обврска на државата е да ги донесе уставните измени, бидејќи европските претставници укажуваат дека преговарачката рамка нема да се менува.

– Претседатлеката треба да се издигне над политичките партии, над институциите и да заземе одговорност. Би сакале сите предлози што излегуваат од нашите институции, да се прифатат во Брисел, но за жал, од сите можни претставници од Брисел гледаме дека преговарачката рамка не се менува и дека обврска на Македонија се уставните измени – рече пратеникот Азири.

The post НА ОПОЗИЦИЈАТА НЕ Ѝ СЕ ДОПАДНА ОБРАЌАЊЕТО НА ПРЕТСЕДАТЕЛКАТА Било без визија за понатамошнте чекори за влез во ЕУ appeared first on plusinfo.mk.