Управата за хидрометеоролошки работи издаде портокалов метероаларм за утре за обилен дожд во источна Македонија, како и жолт аларм за дожд, снег и за грмотевици за останатиот дел од земјата.

„Под влијание на циклонска активност кон крајот утре (27 март) ќе има повремени врнежи од дожд. Локално врнежите ќе бидат пообилни, над 20 литри на квадратен метар, а ќе има и услови за појава на ретки грмежи. На некои од повисоките места врнежите од дожд ќе преминуваат во врнежи од снег, а на планините врнежите ќе бидат од снег и ќе се формира нова снежна покривка“, се вели во предупредувањето.

Утре ќе дува слаб до умерен ветер од променлив правец.

Најстудено ќе биде во Маврово, со утринска температура до минус 1 степен, а најтопло во Гевгелија и во Демир Капија со максимална дневна температура до 15 степени Целзиусови.

Во Скопје времето ќе биде променливо облачно со повремени врнежи од дожд и со услови за појава на ретки грмежи. Ќе дува слаб до умерен променлив ветер.

Поради најавените врнежи УХМР издаде и хидролошка информацција.

„Се очекуваат врнежи од дожд кои ќе ја зафатат целата територија на земјата. Иако на места се прогнозираат пообилни количини, поголемите реки се очекува да можат да ги прифатат овие врнежи без излевање на водата надвор од нивните речни корита и без предизвикување на поплави. Единствено, доколку врнежите бидат интензивни и со пороен карактер, можно е да дојде до брзо зголемување на водостојот на суводолиците и на помалите реки (со помали сливни површини). Исто така, поради можноста од појава на невреме можни се локални проблеми во дел од населените урбани места. На планините особено во западните делови врнежите се очекува да бидат од снег и да се зголеми снежната покривка што позитивно ќе влијае на хидролошката состојба во наредниот период. Поради очекуваниот повремено силен ветер од јужен правец можна е појава на високи бранови на Охридското Езеро во Охрид каде водостојот на езерото е прилично висок. На места каде врнежите локално ќе бидат поројни и интензивни предупредуваме на внимателно движење покрај суводолиците и помалите реки“, соопшти УХМР.

Потоа, во деновите од викендот времето ќе биде променливо облачно и посвежо со повремени врнежи со послаб интензитет. Ќе дува умерен, повремено засилен ветер од северен правец, поизразен долж Повардарието.

Во понеделник ќе има преодно стабилизирање на времето, а нови врнежи повторно се очекуваат од вторник.

The post НЕМА ОПАСНОСТ ОД ПОПЛАВИ, МОЖНИ СЕ ВИСОКИ БРАНОВИ НА ОХРИДСКОТО ЕЗЕРО Доаѓа невреме со обилен дожд, силен ветер и со грмотевици appeared first on plusinfo.mk.

Под влијание на силен ладен циклон со центар над Џеновскиот залив, вечерва, во текот на ноќта  и утре претпладне петок 27-ми март 2026 во Македонија ќе имаме пообилни врнежи од дожд проследени со засилен до силен ветер од јужен и од југоисточен правец (повремено и локално со брзина од над 60 км/час) а ќе има појава и на ретки грмежи. Локално ќе наврне позначително количество на воден талог особено во западните предели (над 25 литри на метар квадратен дожд).

Метеопрогнозерот Славчо Поповски вели дека поради продор на ладен воздух од север на повисоките места  и на планините над 1000 метри надморска височина и особено во западните и во северозападните предели од Македонија ќе има врнежи од снег и ќе се формира нова снежна покривка од над 10 до 15 сантиметри.

Целата прогноза на Попоски може да ја прочитате на следниот ЛИНК.

The post ЛАДНИОТ ЦИКЛОН ДОАЃА ВО МАКЕДОНИЈА Почнува со обилен дожд, снег и со силен ветер appeared first on plusinfo.mk.

Времето утре ќе биде променливо облачно со сончеви периоди, најави Управата за хидрометеоролошки работи.

Ќе дува слаб до умерен ветер претежно од северен правец.

Најстудено ќе биде во Берово, каде утринската температура ќе се спушти до минус 3 степени, а најтопло во Скопје и во Гевгелија, со температура до 19 степени Целзиусови.

Во Скопје утре времето ќе променливо облачно. Ќе дува слаб до умерен ветер од северен правец. Температурата ќе се движи од 3 степени наутро, до 19 степени преку денот.

Во четврток преку денот времето ќе биде стабилно, суво и потопло. Ќе дува умерен до засилен, а наместа повремено силен ветер од јужен правец.

Од вечерните часови Македонија ќе потпадне под влијание на циклонска активност која ќе услови период на нестабилно и постудено време со локални врнежи од дожд.

Пообилни врнежи ќе има во петок, кога ќе има и услови за појава на ретки грмежи.

Поради продор на постудена воздушна маса, на планините и некои од повисоките места врнежите од дожд ќе преминуваат во врнежи од снег.

The post ПРОЛЕТТА ЌЕ ПАУЗИРА, ЦИКЛОН ЌЕ ДОНЕСЕ ОБИЛЕН ДОЖД И СНЕГ ПРЕД ВИКЕНДОТ Ќе дува северец, па силен јужен ветер appeared first on plusinfo.mk.

Времето утре ќе биде променливо облачно со повремени локални врнежи од дожд, кои наместа ќе бидат пообилни, најави Управата за хидрометеоролошки работи.

Ќе дува слаб до умерен ветер од југоисточен правец, кој ќе биде поизразен долж Повардарието.

Најстудено ќе биде во Берово, со утринска температура до минус 1 степен. Најтопло ќе биде во Гевгелија со температура до 15 стешени Целзиусови.

Во Скопје времето претпладне ќе биде облачно, а попладне со услови за слаби врнежи од дожд. Ќе дува слаб до умерен ветер од југоисточен правец. Температурата ќе се движи од 4 степени наутро, до максимална дневна до 13 степени.

Во следните неколку денови времето ќе биде променливо облачно со повремени локални врнежи од дожд, кои во западните делови ќе бидат пообилни. Поради спуштање на ладна воздушна маса на некои од повисоките места ќе има услови врнежите да поминуваат во дожд и снег, а на планините од снег.

Во среда во источните делови ќе дува умерен ветер претежно од јужен правец, а во западните делови од западен правец.

Од четврток ветерот ќе го смени правецот во северен. Дневната температура ќе има тенденција на опаѓање.

Во Скопје, во следните денови времето ќе биде променливо облачно и посвежо со повремени врнежи од дожд. До среда ќе дува јужен, а во четврток и петок умерен до засилен северен ветер.

Дневната температура ќе има тенденција на опаѓање.

The post СЛЕДУВА ЗАЛАДУВАЊЕ И КОЧАН СТУДЕНИ УТРА СО ТЕМПЕРАТУРИ ДО МИНУС 5 Пролетта оди на пауза, ќе врне, ќе вее и ќе дува appeared first on plusinfo.mk.

Силен северен ветер ќе донесе заладување и снег во Македонија.

Управата за хидрометеоролошки работи издаде жолт метеоаларм за утре за целата територија на државата поради засилен и силен северен ветер.

„Денес кон крајот на денот, во текот на ноќта и утре ќе има заладување на времето, со нови пообилни врнежи, кои на планините и на повисоките места ќе бидат од снег. На планините ќе се зголеми висината на снежната покривка, а нова се очекува да се формира и во некои од повисоките места. Потоа во следните два дена ќе се задржи претежно стабилно време, а во петок повторно ќе има врнежи од дожд и снег. Утре претпладне ќе дува засилен, повремено силен ветер од јужен, а попладне од северен правец. Локално брзината на ветерот ќе надминува 60 километри на час“, информира УХМР.

Во источните делови на Македонија ќе има услови за ретки грмежи.

Алармите за предупредување на населението од временски непогоди се издаваат во жолта, портокалова и во црвена боја и се дел од системот за метеопредупредувања во Европа. Жолт аларм значи умерена опасност од временските прилики, со можност за умерени последици по околината, портокалов значи дека опасноста е голема, а црвениот аларм предупредува за екстремна опасност, со можност за катастрофални последици по луѓето, нивните имоти и по околината.

Алармите се издаваат за различни временски прилики и појави: за ветер, дожд, горештина, студ, снег, мраз, грмотевици, крајбрежни настани, шумски пожари, лавини, поплави, порои, опасности на море и за суша.

The post ВНИМАВАЈТЕ, ЌЕ ДУВА СИЛЕН СЕВЕРЕН ВЕТЕР СО БРЗИНА НАД 60 КИЛОМЕТРИ НА ЧАС Следуваат обилни дождови, заладување и снег на повисоките места appeared first on plusinfo.mk.

Под влијание на длабок циклонски систем со центар над Џеновски Залив, викендов во Македонија повторно ќе има голема промена на времето.

Особено денес попладне и навечер, како и во текот на ноќта кон недела и во недела, насекаде ќе има врнежи од дожд кои на повеќе места ќе бидат обилни и проследени со силен ветер од јужен и југоисточен правец. Локално, брзината на ветерот може да надмине 60 километри на час.

Во одделни региони се очекува нестабилно време со поројни врнежи, силен ветер и појава на грмежи во форма на невреме.

За време на овој бран на врнежи, локално се прогнозира да наврнат повеќе од 30 литри дожд на метар квадратен.

Целата прогноза на Попоски може да ја прочитате на следниов ЛИНК.

The post ЦИКЛОН ОД ЏЕНОВСКИОТ ЗАЛИВ НОСИ НЕВРЕМЕ Викендов обилни врнежи и силен ветер appeared first on plusinfo.mk.

Најниска температура изутринава во 7 часот е измерена во Попова Шапка, минус 4 степени, каде има снежна покривка од 31 сантиметар, информира Управата за хидрометеоролошки работи.

Најмногу дожд во изминатите 24 часа наврна во Крушево, 55 литри на метар квадратен, по што следуваат Охрид со 52 литри на квадрат, Претор 48, Маврови Анови 39, Пожаране 35, Крива Паланка 34, Битола 32, Тетово 31,  Прилеп 23 итн. Во Скопје наврнаа 12 литри на квадратен метар.

Времето денеска ќе биде променливо облачно со повремени локални врнежи од снег, а во пониските места од дожд и снег. Ќе дува умерен, наместа повремено засилен ветер од северозападен правец со брзина над 60 километри на час.

The post НА ПОПОВА ШАПКА СНЕЖНА ПОКРИВКА ОД 31 САНТИМЕТАР Најмногу дожд наврна во Крушево appeared first on plusinfo.mk.

Како последица на врнежите од дожд во текот на денов, зголемување има на водостојот на скоро сите водотеци низ Македонија, информира Управата за хидрометеоролошки работи.

„Согласно расположливите податоци од хидролошките станици низ земјава, значително е висок водостојот во горниот дел од сливот на река Вардар, во Гостиварскиот и во Плошкиот регион. Значително е висок водостојот на река Сатеска и на река Радика, заедно со нивните притоки), а висок е и водостојот на река Треска, вклучително и на помалите реки и притоките во нејзиниот слив. Брза реакција на врнежите од дожд покажуваат и поголем број од помалите реки и суводолници, пред сè во западниот дел на Македонија“, соопшти УХМР.

На истокот од Македонија зголемен водостој се бележи на река Струмица и во горниот дел од сливот на река Брегалница, се додава во соопштението.

„До крајот на денот како и за време на ноќта се очекува врнежите да продолжат да паѓаат посебно во западните делови на земјата и водостојот во посочените сливни подрачја да остане да биде висок, при што останува можност за локални излевања на помалите реки и суводолници, како и на делови од каналската мрежа за наводнување и одводнување. Исто така, има можност и за појава на одрони и свлечишта. Предупредуваме за претпазливо движење покрај реките и суводолниците во текот на вечерните часови и за време на претстојната ноќ“, предупредува Управата.

The post ВИСОК Е ВОДОСТОЈОТ НА ВАРДАР, РАДИКА, ТРЕСКА, САТЕСКА И НА СТРУМИЦА Бидете внимателни, можни се поплави, предупредува УХМР appeared first on plusinfo.mk.

Врремето утре ќе биде облачно со повремени локални врнежи од дожд, а на планините од снег, најавува Управата за хидрометеоролошки работи.

Наместа во источните делови од Македонија врнежите ќе бидат пообилни, во количина над 25 литри на квадратен метар во период од 24 часа. Ќе дува слаб до умерен ветер од јужен правец.

Утринските температури секаде ќе бидат над 0 степени. Најстудено ќе биде во Берово, каде ќе се спушти до 1 степен, а најтопло во Гевгелија и во Демир Капија, каде ќе се искачи до 9 степени.

Во Скопје времето утре ќе биде облачно, со повремени врнежи од дожд. Ќе дува слаб до умерен ветер од југоисточен правец. Температурата ќе се движи од 3 до 6 степени.

Под влијание на влажен бран во следните два дена ќе има повремени локални врнежи од дожд, кои наместа ќе бидат пообилни (над 25 л/м2 за 24 часа). На планините врнежите ќе бидат од снег и ќе се формира снежна покривка до 15 сантиметри.

Поради спуштање на постуден воздух од север, во четврток врнежите од дожд ќе преминуваат во снег и на некои од повисоките места.

Од петок времето ќе се стабилизира.

The post ЗИМСКИ ДЕН БЕЗ МИНУСНИ ТЕМПЕРАТУРИ Обилен дожд во Источна Македонија, 15 сантиметри снег на планините appeared first on plusinfo.mk.

Времето утре ќе биде променливо облачно, најавува Управата за хидрометеоролошки работи.

Претпладне по одделни котлини ќе има појава на магла. Попладне и во текот на ноќта ќе има повремени локални врнежи од дожд. На планините врнежите ќе преминуваат во снег. Ќе дува слаб до умерен ветер од југоисточен правец.

Утринската температура ќе се спушти до минус 3 во Берово. Најтопло ќе биде во Гевгелија, со температура до 12 степени Целзиусови.

Во Скопје времето утре ќе биде променливо облачно и тивко со појава на магла. Кон крајот на денот и во текот на ноќта ќе има повремени врнежи од дожд. Температурата преку денот ќе се искачи до 7 степени,

Под влијание на влажни воздушни бранови од утре кон крајот на денот и во следните два дена ќе има повремени локални врнежи од дожд, кои наместа ќе бидат пообилни, со количина над 25 литри на квадратен метар во период од 24 часа.

На планините врнежите ќе бидат од снег при што ќе се формира снежна покривка од 5 до 10 сантиметри. Поради спуштање на постуден воздух од север, врнежите ќе преминуваат во снег и на некои од повисоките места. Од петок ќе има стабилизирање на времето.

И во Скопје од утре кон крајот на денот и во среда и во четврток се очекуваат обилни врнежи од дожд.

The post МАГЛА, ОБИЛЕН ДОЖД И ЈУЖЕН ВЕТАР Планините ќе забелат од снег appeared first on plusinfo.mk.