Јаник Синер штотуку освои 4,8 милиони долари со триумфот на Вимблдон… но нема да ги задржи сите. За оние што ги интересира финансиската страна на тенисот, ова е навистина впечатлив пример. Шампионот во машка конкуренција на Вимблдон добива чек од околу 4,8 милиони долари, но даноците веднаш одземаат значителен дел од таа сума.

Според проценките, доколку се примени највисоката даночна стапка во Обединетото Кралство, околу 2,2 милиони долари би можеле да завршат како данок, што би му оставило на Синер приближно 2,6 милиони долари по оданочувањето.

И тоа и понатаму е огромна заработка, но овој пример покажува дека наградниот фонд што играчите го добиваат „на хартија“ не е секогаш ист со износот што на крајот навистина им останува на сметката.

Сепак, конечната сума зависи од неговата целокупна даночна состојба, можните даночни олеснувања и меѓународните договори за избегнување двојно оданочување, па не може однапред да се каже дека токму толку ќе плати.

 

View this post on Instagram

 

A post shared by Unforgettable Tennis (@unforgettable.tennis)

The post СИНЕР ЗАРАБОТИ 4,8 МИЛИОНИ ДОЛАРИ, АМА КОЛКУ ЌЕ ЗАДРЖИ? Даночните власти здраво ќе го „заколат“ appeared first on plusinfo.mk.

Повеќе од 700 луѓе го преминале каналот Ламанш во понеделникот, во мали чамци на пат кон Обединетото Кралство, покажуваат најновите податоци.

Во Обединетото Кралство вчера пристигнале 710 луѓе за кои се претпоставува дека се мигранти, што е најголема бројка во еден ден досега оваа година. Претходно, во периодот меѓу 1 и 14 јуни, не беа забележани никакви преминувања.

Вкупниот кумулативен број на пристигнувања со мали чамци во 2026 година сега изнесува 9.852, според прелиминарните податоци на британското Министерство за внатрешни работи. Ова е за 40 отсто помалку во споредба со истиот период минатата година, кога вкупната бројка изнесуваше 16.317. Исто така, ова е за 14 проценти помалку од истиот период во 2024 година, кога вкупниот број беше 11.431.

Во понеделникот пристигнале единаесет чамци, што упатува на просек од околу 65 луѓе по чамец, пренесува ДПА.

Британската Влада во моментов има за цел да воведе повеќе мерки за сузбивање на преминувањата со мали чамци, вклучувајќи и чекори со кои би можеле да се конфискуваат личните работи на мигрантите за да се плати за нивното сместување во Обединетото Кралство.

The post ПОВЕЌЕ ОД 700 МИГРАНТИ ГО ПРЕМИНАА ЛАМАНШ ВО ЕДЕН ДЕН Тоа е рекорден број годинава appeared first on plusinfo.mk.

Двајца млади државјани на Обединетото Кралство биле учесници во сообраќајна несреќа што се случила на магистралниот пат Кичево – Охрид, при што 23-годишна девојка се здобила со тешки телесни повреди.

Несреќата се случила на 10 јуни околу 17:50 часот, кога патничко возило „ауди“ со скопски регистарски ознаки, управувано од К.У.К. (23) од Обединетото Кралство, удрило во метална заштитна ограда и излетало надвор од коловозот.

Во несреќата тешко била повредена неговата 23-годишна сопатничка Б.А., исто така државјанка на Обединетото Кралство. Повредите биле констатирани во Специјалната болница „Свети Еразмо“ во Охрид, каде што ѝ била укажана лекарска помош.

Увид на местото на несреќата извршила увидна екипа на СВР Охрид, а се утврдуваат сите околности под кои дошло до излетувањето на возилото.

The post УДРИЛЕ ВО ОГРАДА И ИЗЛЕТАЛЕ ОД ПАТОТ Несреќа на двајца Британци, тешко повредена 23-годишна девојка appeared first on plusinfo.mk.

Два руски борбени авиони „повеќепати и опасно“ пресретнале невооружен извидувачки авион на Кралското воено воздухопловство на Обединетото Кралство (РАФ) над Црното Море минатиот месец, соопшти во средата британското Министерство за одбрана.

Рускиот ловец Су-35 се приближил до извидувачкиот авион „Ривет Џоинт“ толку близу што се активирале неговите системи за итни случаи, што довело до исклучување на автопилотот.

Вториот авион, Су-27, извршил шест прелети пред британското летало, приближувајќи се на само шест метри од неговиот нос, пренесува Би-би-си.

Британскиот министер за одбрана Џон Хили го пофалил „исклучителниот професионализам“ на екипажот на Кралското воено воздухопловство за време на, како што навел, „неприфатливите“ руски прелети. Министерството за одбрана тврди дека станува збор за најопасниот руски потег од 2022 година, кога руски пилот испукал проектил кон авион „Ривет Џоинт“ над Црното Море.

Хили навел дека авионот „Ривет Џоинт“ извршувал рутински меѓународен лет со цел зајакнување на безбедноста на источното крило на НАТО.

Осудувајќи го пресретнувањето во воздух, Хили изјави:

– Овој инцидент е уште еден пример на опасно и неприфатливо однесување на руските пилоти кон невооружен авион кој дејствува во меѓународен воздушен простор. Таквите постапки создаваат сериозен ризик од несреќи и можна ескалација.

Министерот нагласи дека инцидентот нема да влијае врз британската посветеност на одбраната на НАТО, на сојузниците и на сопствената заштита од руската агресија.

Британското Министерство за одбрана и Министерството за надворешни работи ја повикале руската амбасада да го осуди инцидентот.

Од министерството наведуваат дека најновите пресретнувања се случуваат во период на зголемена руска активност во регионот, посочувајќи и на неодамнешни активности на руски подморници во близина на клучна британска подводна инфраструктура во Северното Море.

A @RoyalAirForce Rivet Joint aircraft operating in international airspace over the Black Sea was dangerously intercepted by Russian military jets – flying as close as six metres and triggering onboard emergency systems.

Despite these reckless manoeuvres, RAF crew completed their… pic.twitter.com/QyUP7dE4OJ

— Ministry of Defence (@DefenceHQ) May 20, 2026

The post ДРАМА ВО МЕЃУНАРОДНИОТ ВОЗДУШЕН ПРОСТОР НАД ЦРНОТО МОРЕ Руски Сухоу пресретнале невооружен британски воен авион appeared first on plusinfo.mk.

Австралиски знамиња по грешка беа развеани во Вашингтон, пред посета на кралот Чарлс – потег што многумина го оценија како комичен, почетнички кикс.

Низ главниот град беа поставени стотици национални знамиња за добредојде на британскиот монарх, меѓу кои британски и американски обележја. Но, некако меѓу нив се најдоа и 15 австралиски знамиња.

Фотографии покажуваат групи австралиски знамиња поставени на црни канделабри во близина на Белата куќа и зградата на Извршната канцеларија на Ајзенхауер.

Забуната најверојатно произлегла од самиот дизајн: австралиското знаме го има британското знаме „Јунион Џек“ во горниот лев агол, но се разликува по шесте бели ѕвезди на сина позадина.

Грешката била брзо исправена и знамињата биле отстранети, изјавил претставник на Одделот за транспорт на Ди-Си за Ројтерс.

Инцидентот предизвика бројни реакции на интернет, каде многумина се потсмеваа на забуната.
„Не можеле да одвојат ни 15 секунди да прогуглаат „знаме на Обединетото Кралство“?

Сепак, имаше и такви што посочија дека знамето од земјата „Даун андер“ (Австраија) и не би било толку несоодветно.

Кралот Чарлс пристигна во САД во понеделникот во четиридневна државна посета по повод 250-годишнината од потпишувањето на Декларацијата за независност. Заедно со сопругата, кралицата Камила, тој ги посети Вашингтон, Њујорк и Вирџинија.

The post КРАЛОТ ЧАРЛС ПРЕЧЕКАН СО АВСТРАЛИСКИ ЗНАМИЊА ВО ВАШИНГТОН? Грешката беше брзо исправена appeared first on plusinfo.mk.

Британскиот премиер Кир Стармер ги карактеризираше како „обичен шум“ изјавите на американскиот претседател Доналд Трамп дека размислува за повлекување на САД од НАТО, пренесува ДПА.

Трамп, кој исто така тврдеше дека Обединетото Кралство нема морнарица, ги нападна сојузниците дека не му се приклучиле во војната против Иран. Прашан од весникот „Телеграф“ дали ќе го преиспита членството во Алијансата, Трамп одговори: „О, да, би рекол дека тоа е веќе надвор од секакво преиспитување“. Тој додаде дека никогаш не бил импресиониран од НАТО, нарекувајќи го „тигар од хартија“, и додаде дека и рускиот претседател Владимир Путин го знае тоа.

Одговарајќи на овие коментари, Стармер денеска истакна дека НАТО е најефикасниот воен сојуз во историјата кој со децении ја одржува безбедноста и дека Британија останува целосно посветена на него.

– Без оглед на притисокот врз мене и другите, без оглед на ‘шумот’, јас ќе дејствувам во британскиот национален интерес во сите одлуки што ги носам. Затоа бев апсолутно јасен дека ова не е наша војна и нема да дозволиме да бидеме вовлечени во неа – изјави Стармер. Тој додаде дека Британија мора да има поблиски врски со Европа во сферата на одбраната и безбедноста, најавувајќи нов самит за оваа намена.

Во интервјуто, Трамп упати остри критики до сојузниците бидејќи одбиле да испратат воени бродови за повторно отворање на Ормуската Теснина, која Техеран ја држи под блокада со недели, предизвикувајќи скок на цените на енергенсите. Претседателот на САД изрази разочарување, нагласувајќи дека поддршката требало да биде автоматска, како што САД автоматски помогнале во случајот со Украина.

Трамп посебно ја прекори Велика Британија за неангажирањето во американско-израелската војна против Иран, сугерирајќи дека Кралската морнарица не е подготвена.

– Вие немате ни морнарица. Премногу сте стари и имавте носачи на авиони кои не работеа – рече Трамп. Тој исто така го критикуваше Стармер за неговата енергетска политика, тврдејќи дека премиерот е фокусиран на скапи ветерници кои ги покачуваат цените на струјата.

The post „НАТО Е НАЈЕФИКАСЕН ВОЕН СОЈУЗ, НО ОВА НЕ Е НАША ВОЈНА“ Кир Стармер ги нарече заканите на Трамп „обичен шум“ appeared first on plusinfo.mk.

Директорот за комуникации на британскиот премиер Кир Стармер, Тим Ален, поднесе оставка,

поради скандалозната врска меѓу Џефри Епстин и поранешниот британски амбасадор во САД, Питер Манделсон, објавија светските агенции.

Ова се смета за уште еден удар врз раководството на лабуристичката влада во Лондон, предводена од премиерот Стармер, откако пред несели 24 часа оставката поднесе и шефот на неговиот кабинет Морган Мек Свини.

МекСвини поднесе оставка поради неговата улога во назначувањето на Питер Манделсон за амбасадор во САД, и покрај јавните врски меѓу Џефри Епстин и Манделсон.

Ален, кој ја извршуваше функцијата околу пет месеци, им посака успех на премиерот и на неговиот тим.

„Одлучив да се повлечам за да се овозможи формирање нов тим на Даунинг стрит 10“, рече Ален во кратка изјава.

Во исто време, портпаролот на Стармер посочи дека премиерот нема намера да поднесе оставка од својата функција и е посветен на својата работа за донесување промени во земјата.

Стармер, исто така, треба да се сретне со пратениците на лабуристите подоцна вечерва, поради растечкиот притисок врз него од страна на партијата.

The post ПОРАДИ ЕПСТИН УШТЕ ЕДНА ОСТАВКА ВО БРИТАНСКАТА ВЛАДА Се осипува кабинетот на Кир Стармер appeared first on plusinfo.mk.

Американскиот претседател Доналд Трамп предупреди дека соработката со Кина може да биде опасна за Обединетото Кралство.

Реакцијата дојде додека британскиот премиер Кир Стармер ја завршува посетата на Пекинг и јавно турка кон зајакнување на економските врски со Кина.

Стармер се сретна со кинескиот претседател Си Џинпинг, залагајќи се за „пософистициран“ однос меѓу двете земји. На новинарско прашање за британско-кинеската економска соработка, Трамп реагираше остро.

– Па, многу е опасно за нив да го прават тоа, а мислам дека е уште поопасно за Канада да влегува во бизнис со Кина. Не може да се гледа на Кина како на одговор – додаде тој.

Трамп ја спомена и Канада, откако канадскиот премиер Марк Карни во јануари ја посети Кина. Двете земји тогаш разговараа за поблиски економски врски и намалување на царините за дел од стоките. Американскиот претседател подоцна и се закани на Отава со царина од 100 проценти доколку влезе во договор за слободна трговија со Пекинг.

Во меѓувреме, Стармер во Кина продолжува со средби со бизнисмени. Тој ги истакна финансиските придобивки од подобрените односи со Кина, која е клучен дел од глобалните синџири на снабдување. Пред Бизнис советот Велика Британија-Кина беше најавена и голема инвестиција на АстраЗенека од 100 милијарди јуани до 2030 година.

Посетата на Стармер е прва посета на британски премиер на Кина од 2018 година. Даунинг стрит ја остави отворена и можноста за идна посета на Си на Велика Британија.

The post МНОГУ Е ОПАСНО ЛОНДОН ДА ТРГУВА СО ПЕКИНГ, РЕАГИРА ТРАМП Уште поопасно е Канада да го прави тоа! appeared first on plusinfo.mk.

Министерката за внатрешни работи на Обединетото Кралство од лабуристичката партија, Шабана Махмуд, само неколку месеци по преземањето на функцијата, го претстави најобемниот план за реструктуирање на системот за азил во последните 40 години, а во неговиот центар се и околу 700 албански семејства чии барања за азил се одбиени, објави Топ чанел.

– Има околу 700 албански семејства чии барања за азил се одбиени, но нивното депортирање во моментов не се спроведува од страна на Министерството за внатрешни работи, и покрај тоа што Албанија има златен стандард за соработка со Обединетото Кралство за враќање и е потписничка на Европската конвенција за човекови права. Ќе започнеме консултации за процесот на депортирање на семејствата, вклучително и децата – изјави Махмуд во британскиот парламентот, додека ги презентирала драстичните измени во законот за имиграција.

Според Топ чанел, мерките предизвикале загриженост дури и во самата Лабуристичка партија, која признава дека депортацијата на деца и семејства се смета за „болна и политички деликатна“.

– И покрај тоа што од страна на Обединетото Кралство, Албанија се смета за сигурен партнер во враќањето на граѓаните, нашата земја се врати во центарот на британската дебата за миграцијата – констатира телевизијата.

Последните неколку години на британско тло илегално пристигнале над 20 илјади албански граѓани, главно од северниот дел на земјата.

The post БРИТАНЦИТЕ ЌЕ ДЕПОРТИРААТ 700 АЛБАНСКИ СЕМЕЈСТВА, СОСЕ ДЕЦА Toa ќе биде болна и политички деликатна акција appeared first on plusinfo.mk.

Во рамките на престојот во Лондон, премиерот Христијан Мицкоски оствари средба со неговото кралско височество, Кралот Чарлс III.

Премиерот информираше дека разговорот бил искрен и содржаен, а темите опфатија пријателството меѓу Македонија и Обединетото Кралство, стабилноста, развојот и заштитата на природата – области на кои Кралот Чарлс III со години посветува особено внимание.

„Разговаравме за пријателството помеѓу Македонија и Обединетото Кралство, за стабилноста, развојот и заштитата на природата, области на кои Кралот со години им посветува големо внимание. Оваа средба е признание и почит, но и поттик да продолжиме по патот на заедничките вредности, довербата и партнерството“, напиша Мицкоски на својот профил на Фејсбук.

Средбата се одржа во рамките на Самитот за Западен Балкан – Берлински процес, кој годинава се организира во Лондон под покровителство на британскиот премиер Кир Стармер.

Покрај Мицкоски, македонската владина делегација ја сочинуваат вицепремиерот и министер за транспорт Александар Николоски, министерот за надворешни работи и надворешна трговија Тимчо Муцунски, министерката за финансии Гордана Кочоска Димитриеска и министерот за евроинтеграции Орхан Муртезани.

– Главната цел на дводневната работна посета на Обединетото Кралство е Берлинскиот процес, односно средбите на највисоко ниво кои ќе се одржат во текот на денешниот ден. Берлинскиот процес го организира премиерот Кир Стармер и повторно ќе имаме чест, во краток период од само пет до шест месеци, премиерот Мицкоски да разговара со премиерот Стармер – изјави Николоски по средбата.

На самитот во Лондон ќе бидат сумирани постигнатите резултати и утврдени приоритетите за наредниот период во рамките на регионалната интеграција на Западен Балкан.

Берлинскиот процес започна во 2014 година, по иницијатива на тогашната германска канцеларка Ангела Меркел, со цел зајакнување на политичката, економската и инфраструктурната соработка меѓу земјите од Западен Балкан и нивно постепено приближување кон Европската Унија.

The post 📷 ИСТОРИСКИ МОМЕНТ ЗА МАКЕДОНИЈА Мицкоски се сретна со Кралот Чарлс III во Лондон appeared first on plusinfo.mk.