Гладот меѓу Палестинците во опколениот Појас Газа се влошува, соопштија хуманитарните агенции, додека Генералното собрание на Обединетите нации се подготвува денеска да гласа за итен хуманитарен прекин на огнот во двомесечниот конфликт меѓу Израел и Хамас.

Стотици цивили се убиени во израелскиот напад врз Газа откако САД во петокот ставија вето на резолуцијата на Советот за безбедност со која се повикува на прекин на огнот. Повеќето од 2,3 милиони жители на Газа се протерани од своите домови, а жителите велат дека е невозможно да се најде засолниште или храна во густо населената крајбрежна енклава.

Светската програма за храна на ОН соопшти дека половина од населението во Газа гладува.

„Гладот ​​им се заканува на сите“ – објави на  УНРВА, тело на ОН одговорно за палестинските бегалци, на социјалната платформа X.

Жителите на Газа велат дека луѓето, принудени да бегаат, умираат од глад и студ, како и од бомбардирања, опишувајќи го грабежот на хуманитарни камиони и вртоглаво високите цени.

Израел вели дека неговите упатства до луѓето да се преселат се меѓу мерките што ги презема за заштита на цивилите додека се обидува да ги искорени милитантите на Хамас кои убија 1.200 луѓе и зедоа 240 заложници во нападот врз Израел на 7 октомври. Оттогаш, околу 100 заложници се ослободени.

Во израелските одмазднички напади врз Газа загинаа 18.205 луѓе, а беа ранети речиси 50.000, според податоците ид Министерството за здравство на Газа.

Генералното собрание на ОН од 193 члена, денеска најверојатно ќе усвои резолуција што е слична на онаа што САД ја блокираа во 15-члениот Совет за безбедност минатата недела.

Резолуциите на Генералното собрание не се обврзувачки, но имаат политичка тежина и одразуваат глобални погледи. Некои дипломати и набљудувачи предвидуваат дека гласањето ќе добие поголема поддршка од повикот на Собранието на ОН во октомври за „непосреден, постојан и одржлив хуманитарен прекин на огнот“.

The post НАСЕЛЕНИЕТО ВО ГАЗА ГЛАДУВА Итна седница на ОН, ќе се гласа за хуманитарен прекин на огнот appeared first on plusinfo.mk.

„Украина ги повика земјите-членки на ОН да ја лишат Руската Федерација од нејзиниот статус на постојана членка на Советот за безбедност на ОН и целосно да ја исклучат од ОН”, се вели во соопштението на украинското Министерство за надворешни работи.

Како што е наведено, Русија незаконски го држи седиштето на Советскиот Сојуз во Советот за безбедност на ОН од 1991 година и неговото распаѓање во 15 нови земји.

„Русија го узурпира местото на СССР во Обединетите нации”, се додава во соопштението.

„Тоа се три децении незаконско присуство во ОН, кои беа обележани со војни и окупација на територии на други земји, принудни промени на меѓународно признатите граници и обиди да ги исполни своите нео-империјални амбиции”, наведува Киев.

Украинскиот министер за надворешни работи Дмитри Кулеба во порака на Твитер вели дека „присуството на Русија во Советот за безбедност и во целост во Обединетите нации е нелегитимно”.

The post УКРАИНА БАРА ИСКЛУЧУВАЊЕ НА РУСИЈА ОД ОН Москва го узурпира местото на СССР appeared first on plusinfo.mk.

Средбата ќе следи по двомесечните протести во Иран предизвикани од смртта на 22-годишната Махса Амини, откако таа беше уапсена за наводно кршење на строгите правила за облекување за жените врз основа на исламскиот шеријатски закон. Најмалку 378 луѓе, вклучително и 47 деца, се убиени во задушувањето на протестите, според податоците на норвешката група за човекови права ИХР.

Демонстрациите се проширија низ целата земја и прераснаа во широко движење против теократијата што владее со Иран од падот на шахот во 1979 година. Илјадници мирни демонстранти се исто така уапсени, според експертите за права при ОН, меѓу кои и многу жени, деца и новинари, а досега шест лица се осудени на смрт поради протестите.

За време на седницата в четврток, дипломатите ќе ја разгледаат нацрт-резолуцијата претставена од Германија и Исланд со која се повикува Советот да започне меѓународна истрага за да ги разгледа сите наводни прекршувања поврзани со протестите во Иран. Независната меѓународна мисија за утврдување факти треба да ги вклучи „родовите димензии на таквите прекршувања” во својата истрага, се вели во текстот.

Нацрт-резолуцијата, која сепак може да биде изменета, ги повикува истражителите да „соберат, консолидираат и анализираат докази за таквите прекршувања и да ги зачуваат доказите”, со цел идно кривично гонење. Германската министерка за надворешни работи Аналена Бербок, која ќе биде присутна на седницата, неодамна на Твитер нагласи дека таквата истрага е клучна бидејќи „знаеме колку е важно за жртвите одговорните да одговараат”. Во нацрт-текстот Техеран се повикува на „целосна соработка” со истражителите, кои треба да поднесат извештај во март 2024 година. Групите за заштита на човекови права го поздравија одржувањето специјална седница.

The post ПОЛИЦИСКАТА БРУТАЛНОСТ ВО ИРАН ГИ ВОЗНЕМИРИ ОБЕДИНЕТИТЕ НАЦИИ Досега се убиени најмалку 378 луѓе, од кои 47 деца appeared first on plusinfo.mk.

The post ПРИСТИГНАА УШТЕ 131 БЕГАЛЕЦ ОД АВГАНИСТАН Привремено ќе бидат сместени во Скопје appeared first on plusinfo.mk.

Генералниот секретар на Обединетите нации Антонио Гутереш денеска повика на глобално примирје за да може светот да се фокусира на борбата против пандемијата на новиот коронавирус.

– Време е да се стави крај на вооружените конфликти и заедно да се фокусираме на вистинската борба за нашите животи, рече Гутереш во видео обраќање.

Тој истакна дека вирусот не бира националност или етничка припадност, фракција или религија.

– Тој ги напаѓа сите немилосрдно. Во меѓувреме, вооружените конфликти беснеат низ целиот свет. Најранливите – жени и деца, лица со посебни потреби, маргинализирани и раселени – плаќаат највисока цена. Тие се со најголем ризик, заклучи Гутереш.

Во исто време, генералниот секретар на Обединетите нации предупреди дека здравствените системи во земјите погодени од војни се распаднати и во нив останале само малкумина здравствени работници.

– Ставете крај на болеста на војната и борете се против болеста што го пустоши нашиот свет. Сè започнува со запирање на борбите насекаде. Сега. Тоа му е потребно на нашето човечко семејство, сега повеќе од кога било, рече Гутереш.

The post Гутереш: Запрете ги војните, да се бориме против вирусот appeared first on plusinfo.mk.