Претседателот Доналд Трамп објавил видео генерирано со вештачка интелигенција на својата мрежа „Truth Social“, во кое поранешниот претседател Барак Обама и неговата сопруга Мишел Обама се прикажани како мајмуни во џунгла. Кадрите се појавуваат кратко, околу една секунда, но доволно долго за да предизвикаат жестоки реакции.

На снимката се пласираат врдења дека американската софтверска компанија „Dominion Voting Systems“, дел од мрежата на Демократската партија зад која стоел Обама, наводно помогнала Џо Бајден да ја украде победата на претседателските избори во 2020 година. 

Објавата предизвика остри осуди од истакнати демократи. Канцеларијата на гувернерот на Калифорнија, Гевин Њусом, реагирала јавно на Икс.

Trump posted this on Truth Social of Barack and Michelle Obama pic.twitter.com/JTty6DTGz4

— Aryan (@chinchat09) February 6, 2026

„Одвратно однесување од страна на претседателот. Секој републиканец мора да го осуди ова. Веднаш“.

Со силна критика се јави и Бен Роудс, поранешен висок советник за национална безбедност и близок соработник на Обама.

„Нека Трамп и неговите расистички следбеници бидат прогонувани од фактот дека идните Американци ќе го прифатат Обама како сакана историска личност, додека го проучуваат како дамка во нашата историја“.

Не му е првпат на Трамп да објавува сатирични и понекогаш контроверзни фотомонтажи направени со вештачка ингелигенција.

Минатата година Трамп објави и АИ-видео во кое Обама беше прикажан како уапсен во Овалната соба и потоа зад решетки во портокалово затворско одело. Подоцна Трамп сподели и видео со лидерот на малцинството во Претставничкиот дом, Хаким Џефрис, прикажан со лажни мустаќи и сомбреро.

Џефрис тогаш го нарекол постот расистички.

The post 📽️ТРАМП СО АИ ГО ПРЕТВОРИ ОБАМА ВО МАЈМУН Дали изборите во 2020 година беа украдени? appeared first on plusinfo.mk.

По минатонеделното убиство на конзервативниот активист Чарли Кирк поранешниот американски претседател Барак Обама излезе во јавноста со остро предупредување за , како што наведе, „политичка криза каква што никогаш порано не сме виделе“.

Зборувајќи вчера во Пенсилванија, Обама истакна дека, иако не го познавал Кирк и не се согласувал со многу од неговите ставови, неговото убиство го смета за „ужасно и трагично“, пишува Би-Би-Си.

Кирк (31) почина пред една недела од прострелна рана во вратот додека држел говор на Универзитетот Јута Вејли во Орем.

Вчера, 22-годишниот Тајлер Робинсон беше формално обвинет за убиството на Кирк, а се соочува и со обвиненија за кривични дела поврзани со поседување и употреба на неовластено оружје. Обвинителите објавија дека ќе бараат смртна казна.

Окружниот обвинител на Јута, Џефри Греј, откри дека Робинсон наводно испратил СМС-пораки во кои признава дека пукал во Кирк затоа што „му било досадено од неговата омраза“.

Пред апсењето на Робинсон, клучните сојузници на Доналд Трамп ги обвинија левичарските активисти и реториката на демократските политичари и нивните поддржувачи за убиството. Државната обвинителјам Пам Бонди најави сузбивање на „говорот на омраза“, иако во САД не постои конкретен закон за ова.

Потпретседателот Џ.Д. Венс ги предводеше повиците за разоткривање на оние кои го славеа или го оправдуваа убиството на Кирк.

– Прозивајте ги, и по ѓаволите, повикајте ги нивните работодавци – рече Венс синоќа во гостувањето во подкастот на Кирк.

Во својот говор во Ери, Пенсилванија, Обама нагласи дека во моменти на голема тензија, „дел од работата на претседателот е да ги зближува луѓето“. Тој ги повика Американците да „почитуваат правото на другите луѓе да кажуваат работи со кои длабоко не се согласуваме“.

Тој ја пофали реакцијата на гувернерот на Јута, Спенсер Кокс, конзервативен републиканец, кој, според Обама, покажа „дека е можно да не се согласуваш, а сепак да се придржуваш до основниот кодекс на јавна дебата“.

Тој, исто така, го поддржа одговорот на гувернерот на Пенсилванија, Џош Шапиро, демократ, чија резиденција беше нападната со молотови коктели претходно оваа година.

Поранешниот претседател ги спореди тие реакции со коментарите од Трамп и неговите сојузници. Тој потсети како не го искористил крвавиот напад од бел расист во црна црква во Јужна Каролина во 2015 година за да ги нападне политичките противници.

Тој, исто така, истакна дека по нападите од 11 септември 2001 година, претседателот Џорџ В. Буш „направил експлицитен напор да каже: „Ние не сме во војна против исламот“.

„И така, кога ги слушам не само нашиот сегашен претседател, туку и неговите помошници, кои имаат историја на нарекување на политичките противници „штетници“, непријатели кои треба да бидат „гаѓани“, тоа зборува за поширок проблем што го имаме токму сега“, рече Обама.

Во изјава за Би-Би-Си, портпаролот на Белата куќа ги отфрли обвинувањата и го нарече Обама „архитект на модерната политичка поделба“.

– Обама ја искористи секоја можност да посее поделба и да ги спротивстави Американците едни против други – рече портпаролот. Неговата поделба инспирираше генерации демократи да ги оцрнуваат своите противници како „негодници“ или „фашисти“ или „нацисти“.

Иако поранешните американски претседатели генерално избегнуваат да ги критикуваат своите наследници, Обама стана погласен во последните месеци, критикувајќи ги потезите на Трамп против универзитетите и судиите, како и лидерите на неговата Демократска партија за, како што верува, недоволно силниот отпор кон политиките на Белата куќа.

The post „АМЕРИКА СЕ СООЧУВА СО НЕВИДЕНА ПОЛИТИЧКА КРИЗА“ Што кажа Обама по убиството на Кирк? appeared first on plusinfo.mk.

Поранешниот претседател на САД, Барaк Обама, го прекина молкот во врска со повиците од Доналд Трамп за негово гонење, цврсто отфрлајќи ги обвинувањата на својот наследник дека наводно се обидел да организира „државен удар“ по победата на Трамп на изборите во 2016 година, преку „измислување“ докази за руско мешање, објави британски Гардијан.

Канцеларијата на Обама презеде невообичаен чекор со остро демантирање, откако Трамп изјави пред новинарите дека неговиот претходник се обидел да предводи државен удар против него и дека бил виновен за велепредавство поради разузнавачките извештаи според кои Русија интервенирала за да му помогне на Трамп да ја победи Хилари Клинтон.

„Од почит кон институцијата на претседателството, нашата канцеларија обично не реагира на постојаните глупости и дезинформации што доаѓаат од оваа Белата куќа. Но, овие тврдења се доволно скандалозни за да заслужат одговор. Овие бизарни обвинувања се апсурдни и слаба игра за одвлекување на вниманието“, се вели во соопштението.

Во соопштението понатаму се критикуваат наводите содржани во 11-страничен документ, објавен минатата недела од директорката на националната разузнавачка служба, Талси Габард, која тврди дека доставила „докази за велепредавничка завера“ меѓу луѓе од тимот за национална безбедност на Обама до Министерството за правда и препорачала нивно гонење.

„Ништо во документот, објавен минатата недела, не ги поткопува широко прифатените заклучоци дека Русија се обидела да влијае врз претседателските избори во 2016 година, но не успеала да манипулира со самото гласање. Овие наоди беа потврдени и во извештајот на двопартиската сенатска комисија за разузнавање од 2020 година, под водство на тогашниот претседател Марко Рубио“, се наведува во реакцијата.

Реакцијата на Обама дојде откако Трамп упати низа обвинувања од Белата куќа додека се сретнуваше со претседателот на Филипини, Фердинанд Маркос Млад, син на поранешниот автократски лидер, симнат од власт во народната револуција во 1986 година.

На прашање кој треба да биде главна цел на кривичната истрага препорачана во извештајот на Габард, Трамп изјави:
– Според она што го прочитав, а го прочитав речиси истото што и вие, тоа би бил претседателот Обама. Тој го започна сето тоа и Бајден беше со него. И Коми беше таму, и Клапер, целата таа група. Тоа беа и тие, но водачот на таа банда беше претседателот Обама, Барак Хусеин Обама. Сте чуле ли за него? Ова не е некаков доказ. Ова е нешто што личи на апсолутен, неоспорлив доказ дека Обама бил предавник, дека се обидел да изведе државен удар – со Хилари Клинтон, со сите други. Но, Обама го водел тоа. Тој е виновен. Ова беше велепредавство. Ова беше сѐ што можете да замислите. Сакаа да ги украдат изборите. Сакаа да ги замаглат резултатите. Направија работи што никој досега не ги замислил.

Трамп додаде дека Габард му кажала дека „има уште илјадници документи на пат“.

– Тоа е најневеројатна работа што сум ја прочитал. Па, видете го тоа, и престанете да зборувате за глупости – рече тој.

ТРАМП СО СНИМКА ГО НАЈАВИ ОБВИНЕНИЕТО ЗА ОБАМА Екс-шефот на САД фабрикувал факти за изборите во 2016 година?

The post „ОБИЧНО НЕ РЕАГИРАМ НА ГЛУПОСТИТЕ ОД БЕЛАТА КУЌА, НО ОВА ЗАСЛУЖУВА ОДГОВОР“ Обама му возврати на Трамп за обвинувањата за велепредавство appeared first on plusinfo.mk.

Американскиот претседател Доналд Трамп објави монтирана видео-снимка направена со вештачка интелигенција на која се гледа како агенти на ФБИ го апсат поранешниот американски претседател Барак Обама во Овалната соба, додека Трамп задоволно се смее.

Објавата на снимката доаѓа во време кога директорката на Националната разузнавачка служба на САД, Талси Габард, најави кривична пријава против Обама, истакнувајќи дека располага со докази дека администрацијата на Обама во 2016 година фабрикувала докази за руско мешање на изборите на кои победи Трамп.

– Имаме докази за кривично гонење на одговорните – изјави Габард за телевизијата „Фокс њуз“, најавувајќи дека следната недела ќе бидат објавени нови документи поврзани со наводна координација за преувеличување на руската вмешаност во тогашната претседателска трка.

Donald J. Trump Truth Social 07.20.25 06:47 PM EST pic.twitter.com/Xf5LYzkZiI

— Fan Donald J. Trump Posts From Truth Social (@TrumpDailyPosts) July 20, 2025

Некои американски медиуми како Индепендент и Дејли Бист коментираа дека Трамп се обидува да го сврти вниманието на јавноста од скандалот поврзан со бизнисменот и педофил Џефри Епштајн. Јавноста во САД, вклучително и дел од поддржувачите на Трамп и пратеници од Републиканците побараа објавување на дополнителни докуметтни шпекулациите дека Трамп е вмешан.

„Министерството за правда и ФБИ демантираат дека постои некаков таен список со клиенти на Епштајн кој би ги инкриминирал Трамп или други политичари“, соопштија официјално институциите.

Во меѓувреме, снимката која ја објави Трамп со Обама веќе наголемо се споделува на социјалните мрежи. На снимката е прикажано и како Обама во портокалова затворска облека држи натпис „Никој не е над законот“.

Трамп го освои својот прв претседателски мандат против Хилари Клинтон на изборите во 2016 година. Истата година започнала истрага на ФИ за наводните врски на штабот на Трамп со Русија. Подоцна, случајот како независна истрага го водеше специјалниот обвинител Џон Дарем.

Според најновата изјава на Талси Габард, со јавноста во САД наскоро ќе добие појасна слика за улогата на тогашната влада на Обама во иницирањето на истрагата за Трамп.

The post 📽️ ТРАМП СО СНИМКА ГО НАЈАВИ ОБВИНЕНИЕТО ЗА ОБАМА Екс-шефот на САД фабрикувал факти за изборите во 2016 година? appeared first on plusinfo.mk.

Бакнежот на Џенифер Анистон и Барак Обама ги вжешти мрежите, а коментарите продолжуваат да се слеваат.

Гласините дека Џенифер Анистон и Барак Обама се забавуваат одекна во светските медиуми, што дополнително ги подгреа сомнежите дека бракот на поранешниот американски претседател и Мишел Обама е на работ на колапс.

Со оглед на тоа што се појавија вакви приказни, се очекуваше дека наскоро ќе следат и вакви снимки.

На видеото се гледаат неколку бакнежи меѓу Џенифер Анистон и Барак Обама. Сепак, јасно е дека ова видео е резултат на вештачка интелигенција, а јасно е и дека истоименото видео налути многумина, особено оние кои не ја поддржуваат наводната врска помеѓу поранешниот американски претседател и актерката, чиј портпарол ги демантираше натписите за љубовта помеѓу Анистон и Барак.

 

View this post on Instagram

 

A post shared by Jon Cover (@jonpopmemes)

The post 📽️ ЏЕНИФЕР АНИСТОН И БАРАК ОБАМА СЕ БАКНАА Гласините за нивната романса продолжуваат да ги вжештуваат мрежите appeared first on plusinfo.mk.

На државниот погреб на поранешниот американски претседател Џими Картер, кој се одржа денеска, присуствуваа сите пет живи претседатели на САД: актуелниот претседател Џо Бајден, како и неговите претходници Доналд Трамп, Барак Обама, Џорџ Буш помладиот и Бил Клинтон.

Настанот се одржа во Националната катедрала во Вашингтон, што е традиционално место за последни почести на истакнати американски државници.

Џо Бајден, кој ја предводеше церемонијата, одржа емотивен говор во кој ја истакна хуманоста, посветеноста на мирот и лидерството на Картер.

– Пријателството со Џими Картер и неговиот живот ме научија дека силата на карактерот е повеќе од титулата или моќта што ја имаме. Сила е да се разбере дека сите луѓе треба да бидат третирани со достоинство, почит и дека секој заслужува еднаква можност – изјави Бајден.

President-elect Trump arrives at the funeral of President Jimmy Carter, followed by former Presidents Obama, Bush and Clinton. pic.twitter.com/GTort2M4NT

— CSPAN (@cspan) January 9, 2025

The post 🎥 СИТЕ ЖИВИ АМЕРИКАНСКИ ПРЕТСЕДАТЕЛИ НА ЕДНО МЕСТО Обама и Трамп расположени за муабет, Клинтон на дистанца appeared first on plusinfo.mk.

Поранешниот претседател, кој сега е номиниран од Републиканската партија, ја праша публиката собрана во Музејот на авијацијата и Куќата на славните во Северна Каролина дали ги гледале говорите на поранешниот претседател Обама и поранешната прва дама Мишел Обама во вторникот навечер, пишува Гардијан.

– Тие го напаѓаа вашиот претседател. Исто така и Мишел. Знаете, секогаш ми велат: „Господине, држете се до политиката. Не станувајте лични“. А сепак, тие цела ноќ беа лични – рече тој, прашувајќи дали сè уште треба да се држи до политиката.

Трамп, кој се соочува со Харис на изборите во ноември откако Бајден се повлече, зборуваше зад говорница опкружена со панели од непробојно стакло кои формираа заштитен ѕид на сцената — дел од зголемените безбедносни мерки наменети за негова заштита по обидот за убиство од страна на напаѓач од Пенсилванија на 13 јули.

Околу периметарот беа поставени контејнери за складирање за да се создадат дополнителни ѕидови и да се блокира видливоста. Снајперисти беа позиционирани на покривите на местото на настанот каде што зад говорницата беа поставени стари авиони, а големо американско знаме беше закачено на кранови.

Настанот, кој беше најавен како фокусиран на прашањата за националната безбедност, беше дел од еднонеделната серија настани на Трамп во контракампања за време на Демократската национална конвенција, која се одржува во Чикаго. Поддржувачите го повикуваат да се фокусира на политиката наместо на лични напади против Харис, додека се обидува да се прилагоди на откажувањето на Бајден од трката.

Втората вечер на демократската конвенција во вторникот беше високо енергична, со говори од Мишел и Барак Обама, кои жестоко го нападнаа Трамп. – Неговото ограничено и тесноградо гледање на светот го натера да се чувствува загрозен од постоењето на двајца вредни, високообразовани и успешни луѓе кои случајно се црни, рече Мишел Обама.

Барак Обама ја исмејуваше опсесијата на Трамп со бројот на публика на неговите митинзи и го нарече „78-годишен милијардер кој не престана да се жали на своите проблеми откако се симна по неговиот златен ескалатор пред девет години“. – Тоа е постојана река од поплаки и забелешки, што всушност се влоши сега кога е исплашен дека ќе загуби од Камала, рече поранешниот претседател.

Во своите забелешки, Трамп ја опиша Харис како „најрадикалната личност од левицата која некогаш се кандидирала за висока политичка функција во нашата земја,“ и рече дека жената која сега ја нарекува „другарка Камала“ ќе ја уништи земјата ако биде избрана за претседател на САД.

Иако Трамп признава дека трката е поблиска отколку што беше пред Бајден да се повлече, неговите соработници веруваат дека Харис останува релативно непозната и дека обидите да се истакнат нејзините претходни изјави и позициите што ги заземала во претходните трки ќе ги одбијат неопределените гласачи откако ќе помине нејзиниот „меден месец“.

Трамп постојано го спомнуваше повлекувањето на администрацијата на Бајден од Авганистан и рече дека, ако победи, ќе побара оставка од секој висок воен функционер кој бил вклучен.

Тој вети дека ќе ја „извади критичката расна теорија и трансродовото лудило од вооружените сили на САД“. За време на неговата администрација, тој воведе политика во Пентагон која во голема мера ги спречуваше трансродовите лица да служат војска, што Бајден ја укина.

Трамп, исто така, вети големи инвестиции во вооружените сили и рече дека ќе го лансира најголемиот регрутен потфат во мирновременска историја на нацијата.

Ќе биде толку жешко што јас ќе посакам да поднесам оставка и да се приклучам на војската, рече Трамп, кој добил серија одложувања за служење војска, вклучувајќи и едно добиено со писмо од лекар во кое се наведува дека страда од шилци во неговите стапала, поради што не бил подобен за војска.

The post 📽 СНАЈПЕРИСТИ ПОЗИЦИОНИРАНИ НА ПОКРИВИТЕ Доналд Трамп држеше говор зад непробојно стакло appeared first on plusinfo.mk.

Поранешниот претседател на САД, Барак Обама, го исмеа републиканскиот претседателски кандидат, Доналд Трамп, во текот на својот говор на Демократската национална конвенција.

– Трамп е опседнат со големина – рече Барак Обама.

Обама ја потенцираше „невообичаената опседнатост на Трамп со големината на (публиката)“, при што гестикулирајќи со рацете тој ја инсинуираше големината на нешто друго, пренесува Форбс.

Обама зборувајќи за опседнатоста на Трамп со големината, ги оддалечи рацете една од друга, а потоа ги доближи, пред да го спушти својот поглед, глумејќи дека е изненаден од овој гест, што предизвика насмевки кај публиката а ги шокираше корисниците на социјалните мрежи.

Поранешниот претседател зборуваше за некои од најчестите забелешки на Трамп, вклучувајќи ги неговите „детски прекари“, „лудите теории на заговор“ и „оваа невообичаена опседнатост со големината на публиката“.

Инаку, Трамп порано овој месец, во една од неговите објави, лажно тврдеше дека потпретседателката и демократска кандидатка за претседател на САД, Камала Харис, користела вештачка интелигенција за да го зголеми бројот на присутни на нејзините собири во рамките на претседателската кампања.

Barack Obama explains why Donald Trump is so obsessed with “Crowd Sizes”. #TinyTrump #NoDickDonald #StormyKnows#MAGA #TrumpIsDone #MAGAIsOver #HarrisWalz2024 #VetsAgainstTrump #DNC #VoteBlue pic.twitter.com/CzCNWeqGtd

— Web Godfather (@NickLongo) August 21, 2024

The post 📽 ОПСЕДНАТ Е СО ГОЛЕМИНАТА НА… Обама го исмеа Трамп со гестикулација appeared first on plusinfo.mk.

Поранешниот претседател на САД, Барак Обама, наводно изразил загриженост за шансите за реизбор на Џо Бајден, објави Телеграф.

Обама и Ненси Пелоси, една од највисоките демократи во Конгресот, рекоа дека поразувањето на Доналд Трамп стана многу потешко и ниеден од нив не е сигурен каква акција да преземе.

Тоа се случува откако Бајден на самитот на НАТО во Вашингтон го претстави Володимир Зеленски како „претседателот Путин“. Во последователен гаф на прес-конференцијата по самитот, Бајден ја нарече својата потпретседателка, Камала Харис, „потпретседателот Трамп“.

Се шпекулира дека Обама не сака да излезе јавно со својата загриженост за да избегне зајакнување на репутацијата на Трамп.

Скептицизмот на Обама за шансите на Бајден да биде реизбран наводно е „една од најлошо чуваните тајни во Вашингтон“, пишува Телеграф кој се повикува на Си-Ен-Ен.

Тимот на Бајден верува дека Обама можеби имал улога во авторски текст на „Њујорк Тајмс“, на кој автор е Џорџ Клуни, во кој се повикува Бајден да се повлече.

The post ОБАМА Е ЗАГРИЖЕН ЗА БАЈДЕН Барак имал улога во текстот на Клуни? appeared first on plusinfo.mk.

Според странските медиуми, покрај солзавец, полицијата пукала и врз демонстрантите кои се обиделе да упаднат во зградата на парламентот. Загинале најмалку десет демонстранти. Десетици луѓе беа повредени, а делови од зградата на парламентот беа опожарени додека пратениците го гласаа законот за зголемување на даноците.

Законот сè уште треба да го одобри претседателот Вилијам Руто.

– Тука сум затоа што, гледаш што се случува. Младите Кенијци протестираат за своите права. Тие протестираат со знамиња и транспаренти. Не можам веќе ни да гледам. Фрлија солзавец – изјави Аума Обама за Си-Ен-Ен.

.@LarryMadowo is live on scene as protests over a controversial financial bill escalate in the Kenyan capital of Nairobi.

He’s been speaking to protesters on the ground, including Auma Obama – Barack Obama’s sister: pic.twitter.com/12TOW2iR7e

— CNN International PR (@cnnipr) June 25, 2024

Демонстрант зад неа носеше транспарент на кој пишуваше „Колонијализмот во Кенија никогаш не престанал“, додека друг извикувал: „Ова е нашата земја. Ова е нашата нација“.

BREAKING: Protesters storm Parliament Buildings pic.twitter.com/ywke8bv4lV

— Citizen TV Kenya (@citizentvkenya) June 25, 2024

– Сакаме да го затвориме парламентот и секој пратеник да си замине и да си поднесе оставка. Ќе имаме нова влада – рече еден демонстрант по име Дејвис Тафари.

Кенијците се борат да се справат со неколку економски шокови предизвикани од долготрајното влијание на пандемијата на ковид, војната во Украина, две последователни години суша и депресијација на валутата.

pic.twitter.com/lyzabdR59z

— Auma Obama (@AumaObama) June 25, 2024

Кабинетот на поранешниот претседател Обама не одговори на барањето за коментар по инцидентот.

Минатата недела во масовните протести низ земјата беа повредени најмалку 200 лица, додека едно лице загина. Уапсени се повеќе од 100 луѓе.

The post 📽️ МАСОВНИ ПРОТЕСТИ ВО КЕНИЈА Полусестрата на Обама е меѓу погодените со солзавец appeared first on plusinfo.mk.