Иранската полиција уапси 466 лица обвинети за онлајн активности насочени кон поткопување на националната безбедност, објавија државните медиуми.

Ова е една од најголемите безбедносни мерки од почетокот на американско-израелските напади врз Иран.

Во март уапсени се повеќе од илјада луѓе под обвинение за снимање на тајни објекти, споделување антивладина содржина на интернет или „соработка со непријателот“.

The post ВО ИРАН СЕ УАПСЕНИ 466 ЛУЃЕ ПОРАДИ ОБЈАВИ НА ИНТЕРНЕТ Се товарат за поткопување на националната безбедност appeared first on plusinfo.mk.

Јавното сообраќајно претпријатие Скопје ги демантира објавите во медиумите во врска со тројцата возрасни и дете заглавени на жичницата на Водно. Според ЈСП таков настан воопшто не е евидентиран.

Во продолжение е целосниот демант на јавното претпријатие.

„Во врска со бројните медиумски објави за наводен настан во кој биле „спасени“ тригодишно дете и тројца возрасни, наводно заглавени на жичницата на Водно, Јавното сообраќајно претпријатие Скопје Ве информира дека на денешен ден не е евидентиран таков настан, ниту настан од сличен карактер.

Категорично укажуваме дека содржината е објавена без соодветна проверка и ги доведува граѓаните во заблуда.

Начинот на кој е претставен настанот создава погрешна слика за актуелната состојба и непотребно предизвикува паника и несигурност кај јавноста. Ваквото пласирање на информации, без јасен контекст и без утврдени факти, претставува несериозен и неодговорен пристап.

Од медиумите очекуваме професионално и точно информирање, а не сензационализам и објавување содржини што ја нарушуваат довербата кај граѓаните“.

НЕВРЕМЕТО И ПРЕКИНОТ НА СТРУЈА ГИ ЗАРОБИ НА ВРВОТ Полицијата извлече дете, Германец и уште две лица од жичарницата

The post ЈСП ГИ ДЕМАНТИРА ОБЈАВИТЕ ЗА ЖИЧНИЦАТА Не се спасени, ниту биле заглавени тројца возрасни и дете appeared first on plusinfo.mk.

Пред да стане папа, првиот папа, кој е роден во САД, не се воздржуваше од критики кон претседателот Доналд Трамп и кон потпретседателот Џ.Д. Венс – коментари на социјалните мрежи кои вчера го вовлекоа во вртлогот на поделената американска политика, токму во моментот кога ја презеде улогата на поглавар на глобалната Католичка црква, објави Ројтерс.

Папата Лав 14, кој беше избран од кардиналите да го наследи покојниот папа Франциск, има неколку објави со критички тон за политиките на републиканските лидери на профилот на социјалната мрежа Икс на Роберт Прево, неговото световно име пред да стане папа.

Тие објави веднаш беа мета на остри критики од најтврдокорните приврзаници на Трамп, меѓу кои и активистката Лора Лумер, иако самиот Трамп изрази гордост што Американец е поставен на чело на Ватикан.

– Да имаме папа од САД – тоа е голема чест – изјави Трамп во Белата куќа.

На прашањето дали ќе се сретне со Лав, тој одговори: „Веќе се јавија“.

Белата куќа не коментираше за критиките, поврзани со профилот на Прево. Но, персоналот таму аплаудираше на изборот на првиот американски папа кога веста беше објавена на телевизија.

Новиот папа ги критикувал Трамп и Венс на Икс

Во февруари, Прево споделил напис со наслов „Џ.Д. Венс нема право: Исус не бара од нас да ја рангираме љубовта кон другите“.

Во април, кога Трамп се сретнал со претседателот на Ел Салвадор, Наиб Букеле, за да разговараат за користење затвор со сомнителни услови за притвор на осомничени членови на банди депортирани од САД, Прево споделил коментар кој гласел: „Не го гледате ли страдањето? Дали вашата совест не е вознемирена?“

Ројтерс не можеше веднаш да потврди кој го водел профилот, кој првата објава ја имал во 2011 година. Ројтерс се обрати до Ватикан, Римокатоличката бискупија на Чиклајо во Перу (каде што Прево престојувал долги години), како и до амбасадата на Перу при Светиот Престол за да ја потврди автентичноста на профилот @drprevost, кој содржи и објави со молитви за покојниот папа Франциск во последните месеци од неговиот живот.

Очекувањата се дека Папата Лав ќе го следи патот на Франциск кој беше застапник за сиромашните и за мигрантите и кој, исто така, имал несогласувања со администрацијата на Трамп.

Венс ги минимизираше тие разлики по средбата со Франциск во Ватикан, ден пред неговата смрт, иако тие биле суштински. Франциск ги нарече „срамни“ политиките на Трамп за мигрантите.

„Тој е анти-Трамп, анти-МАГА и е тотален марксист“

Поддржувачите на движењето „Да ја направиме Америка повторно голема“ со презир реагираа на изборот на Лав:

„Тој е анти-Трамп, анти-МАГА, за отворени граници и е тотален марксист како папата Франциск,“ напиша Лумер на Икс.

„Папата Лав XIV: регистриран републиканец од Чикаго и борец за живот или глобалист за отворени граници, инсталиран за да му се спротивстави на Трамп?“, праша десничарскиот активист Чарли Керк.

Венс, кој е католик, изјави дека е сигурен оти милиони американски католици и други христијани ќе се молат за успехот на Лав.

Политички разлики и сличности меѓу Лав 14 и Трамп

Новиот папа дели некои ставови со тимот на Трамп. Тој се противи на абортусот, како и Трамп и Венс.

Но, тој поддржува мерки за борба против климатските промени, што се гледа од негова објава со повик за потпишување на католичка петиција за климата. Трамп, пак, ги повлече САД од Парискиот климатски договор.

Лав 14 јавно се изјаснил и против расизмот. Во разгорениот период на протестите за расна правда во 2020 година, по полициското убиство на Џорџ Флојд, Прево споделил низа објави повикувајќи на искоренување на предрасудите и омразата.

„Потребни се повеќе гласови од црковните лидери кои ќе го отфрлат расизмот и ќе се борат за правда,“ напишал на 30 мај 2020 година.

Трамп ги укина политиките за разновидност, еднаквост и инклузија во федералната администрација и кај нејзините договорни партнери – алатки за кои поддржувачите велат дека служеле за справување со историјата на расна дискриминација во САД.

Вашингтон и Ватикан понекогаш имале усогласени политички ставови, а понекогаш и спротивставени.

Претседателот Роналд Реган и Папата Јован Павле II биле жестоки антикомунисти, иако имале несогласувања околу нуклеарното вооружување. Реган беше првиот американски претседател што воспостави целосни дипломатски односи со Светиот Престол.

Јован Павле II остро ја критикуваше поддршката на претседателот Бил Клинтон за правото на абортус, и силно се спротивстави на американската инвазија на Ирак во 2003 година за време на претседателот Џорџ Буш.

The post НОВИОТ ПАПА Е ПРОТИВ ТРАМП? Објавите на Лав 14 го вознемирија десничарскиот блок appeared first on plusinfo.mk.

Начелниот став на Општата седница, како што информираат бил, предложен од претседателката на Врховниот суд на Република Северна Македонија, Беса Адеми.

„Достапноста до судските одлуки е особено значајна за судската, стручната, медиумската и за граѓанската јавност. Со ова, преку конкретно решавање на правното прашање, се исполнуваат целите на транспарентноста, систематизирани во Уставот како највисок правен акт, во нормативната рамка на процесните и системските закони, Европската конвенција за заштита на човековите права и практиката на Европскиот суд за човекови права”, образложи претседателката на Врховниот суд“, се вели во соопштението.

Врховниот суд го донесе Начелниот став врз основа на член 37, став 1, алинеја 1 и 3 од Законот за судовите, според кои Општата седница утврдува начелни ставови и разгледува прашања во врска со работата на судовите. Исто така, Општата седница донесе Заклучок за поднесување Иницијатива до Министерството за правда за измени на одредбите од Законот за управување со движењето на предметите во судовите, информираат од Врховен суд.

The post СУДОВИТЕ ДА ГИ ОБЈАВУВААТ ПРЕСУДИТЕ НА СВОИТЕ ВЕБ-СТРАНИЦИ Врховен одлучи, достапноста до судските одлуки е клучна за јавноста appeared first on plusinfo.mk.

Првите проблеми се забележани околу 6:30 часот наутро и се пријавени преку „downdetector“ сајт посветен на следење на ваквите проблеми.

Is anyone else’s Facebook broken or have I been hacked. This is my entire feed pic.twitter.com/nQwvtLqRjT

— chris (@chrismearle) August 24, 2022

Замерките се дека на „newsfeed“ на ФБ ѕидот на корисниците им се појавуваат постови од непознати со кои тие ги поздравуваат светските музички и спортски ѕвезди како Еминем или Кристијано Роналдо.

Од компанијата на почетокот немаше објаснување за проблемот, но по повеќе од три часа агонија, корисниците известуваат дека повеќе немаат проблем со необични објави на славни личности кои се појавуваат на нивниот Фејсбук „ѕид“.

Why is my Facebook feed only random people posting on Taylor Swift’s wall? pic.twitter.com/niVk4jiyLl

— Gabrielle (@backhandology_) August 24, 2022

The post КОРИСНИЦИТЕ ПРИЈАВУВААТ ЧУДНИ ОБЈАВИ Решен проблемот на Фејсбук, причината сѐ уште непозната appeared first on plusinfo.mk.

Откако беше обвинет за ширење десничарска содржина, Фејсбук откри дека неговите најчитани објави го вклучуваат прашањето дали шеќерот оди со шпагети, пренесува Би-Би-Си.

Првиот извештај за содржината на вестите во САД се фокусира на тоа колку луѓе виделе одредена вест, наместо какво било друго мерење. Се покажа дека потрагата на зборови што ќе „ја откријат твојата реалност“, беше најпопуларна објава цели три месеци во 2021 година.

Слични, не многу сериозни објави, со огромен текст, спаѓаа во топ 20 најчитани објави.

Четвртото место, со 58,6 милиони прегледи и 3,8 милиони одговори, го зазема прашањето: „Ве молиме, решете ја оваа дебата, дали шеќерот оди со шпагети?“

Предизвикот „Јас сум стар, но изгледам младо“ го зазема првото место на најчитани објави.

Фејсбук страницата „Типична мајка“ се искачи на првото место како единствена која има две објави кои влегуваат во топ 20 најчитани: „Кажете ја вашата возраст со именување на концертот на кој сте присуствувале“ и „Што се случува во вашата глава кога на 24 ќе додадете 47?“.

Со овој извештај, се обидуваат да направат разлика меѓу она што е најгледано, детално опишано во извештајот и она кое луѓето го прават преку допаѓања, споделувања и коментирања. Овој начин докажува дека податоците кои се собрани со помош на алатката која Фејсбук ја има, за мерење на ангажманот кој сугерира дека про-десната политичка содржина доминира на Фејсбук.

Оваа информација излезе минатата година, а Фејсбук ги отфрли ваквите коментари со објаснување дека само 6 отсто од содржината која се чита и пребарува на Фејсбук е поврзана со политика.

Исто така, беа забележани две објави кои значително се разликуваат од другите топ 20: објава на Џо Бајден, 100 дена по неговото претседателствување, во која тој напиша дека „Америка се врати на вистинскиот пат“ и го зазема шестото место и видео за тоа како да се изгради мал базен за деца, кое се наоѓа на десеттото место.

Додека Јутјуб, Амазон и детската добротворна организација УНИЦЕФ беа трите најпосетувани страници, пет големи организации, Еј-Би-Си њуз, Дејли мејл, Ен-Би-Си њуз, Си-Ен-Ен и Си-Би-Ес њуз, влегоа во првите 20 домени.

The post ДАЛИ НАВИСТИНА ФЕЈСБУК ИМА ДЕСНИЧАРСКА СОДРЖИНА Кои се топ 20 најчитани објави? appeared first on plusinfo.mk.

Премиерот и лидер на СДСМ Зоран Заев во македонскиот блок е најактивен со повици за пописот, сепак владиниот партнер Али Ахмети го фрла во сенка кога станува збор за објави, апели и видеа за самопопишувањето на албанската дијаспора. Кај Заев има четири-пет објави за пописот, но нема ниту едно видео за регистрацијата на иселениците, додека Ахмети има постирано 7 видеа и неколку објави.

Последната објава на фејсбук страната на Заев со повик за попис на иселениците датира од 19 март, каде тој информира дека повеќе од 82.000 наши државјани од дијаспората ја искористиле можноста да се самопопишат со што придонесуваат во креирањето поквалитетни политики за подобра иднина на татковината.

„Ги повикувам сите од нашата дијаспора, од сите краеви на светот, да се приклучат кон овој патриотски чин и да помогнат да добиеме јасна слика за нашите луѓе во странство. Mакедонци, Албанци, Турци, Роми, Власи, Срби, Бошњаци и сите други без разлика на етникумот, сите кои имате македонско државјанство, попишете се! На тој начин ќе знаеме како да ги подобриме услугите на дипломатско-конзуларните претставништва, но и ќе можеме да го искористиме потенцијалот на дијаспората за развојот на Северна Македонија и за промоција на земјата во светот. Самопопишувањето е многу едноставно, а личните податоци се целосно и најстрого заштитени“, напиша во повикот Заев.

Најтазе објава од пред два дена има министерката за труд и социјала Јагода Шахпаска. Таа потенцира дека за прв пат од осамостојувањето на нашата земја, иселениците добиваат шанса да се попишат.

„За само 10 минути, преку едноставна апликација, можат да влијаат врз политиките кои ќе се креираат за наредните 10 години. Пописот е чиста статистичка операција од чии резултати ќе знаеме точно колку сме, каде сме и од каде сме. Од економски аспект, важно е да се знае дали нашите иселеници имаат некакви инвестиции во земјата, дали располагаат со имот во државата, дали имаат фамилии во татковината за кои тие се грижат и материјално ги помагаат“, напиша Шахпаска.

И таа ги повикува иселениците, целата дијаспора, сите на кои татковината им е важна, да се попишат и со тоа да придонесат за подобра иднина и поквалитетен живот на оние кои живеат во оваа земја.

Министерката за одбрана Радмила Шекеринска има објава, но дека се попишале припадниците на Армијата кои престојуваат на „Криволак“. Нема повик за попис на иселениците.

Апели за самопопишување на дијаспората нема на фејсбук страниците на министрите Оливер Спасовски, Никола Димитров,, Венко Филипче, Бојан Маричиќ, Благој Бочварски…

Но впечатливо е дека речиси сите министри на СДСМ упатија честитки на реизборот на Зоран Заев за лидер на партијата, објавија дека гласале и се пофалија дека успешно поминале првите директни внатрепартиски избори за претседател.

Интересно е и дека насловните страници на Фејсбук профилите на дел министри на СДСМ се токму за внатрепартиските избор, за разлика од министрите на ДУИ каде насловните страници се за пописот на иселениците.

Во ДУИ пак речиси и да нема министер кој на Фејсбук не повикува за самопопишување на иселениците. Од увидот што го направивме, министрите за финансии и за животна средина, Фатмир Бесими и Насер Нуредини не се занимаваат со пописот. Наспроти нив страниците на Фејсбук на Артан Груби и на Бујар Османи се преплавени со објави, видеа и повици за пипис на албанската дијаспора. Објави за пописот има и министерот за економија Крешник Бектеши.

„Нашата дијаспора историски се докажа во најважните процеси низ кои помина нашата земја, како што се докажува денес во процесот на попис на населението“, напиша Бектеши.

Кај лидерите на партиите ситуацијата е еднаква како кај министрите.

Заев од време на време потсетува дека во тек е попис на иселениците и повикува тие да се самопопишат. Лидерот на ВМРО-ДПМНЕ Христијан Мицкоски преку Фејсбук апелира на одложување на пописот поради екот на пандемијата на коронавирусот.

Наспроти нив, лидерите од албанскиот политички блок Али Ахмети, Билал Касами, Зијадин Села секојдневно повикуваат на попис на иселениците.

Насловната страница на фејсбук профилот на Ахмети е во знакот на пописот. Тој објавува видеа и повици за самопопишување. На едно од постираните видеа Ахмети пишува „Од кога сонцето ја грее оваа земја… Заедно сме повеќе, попиши се“.

Лидерот на владеачката Беса Билал Касами објави видео за пописот под кое напиша: Попишете се денес како бројка, за утре да да бидете достојни.

Во објава за пиписот Касами порачува:

„Почитувани сонародници, почитувана миграција, вие сте дел од нас. Во најважните историски моменти за процесите на родниот крај, покажавте храброст и пожртвуваност за нашиот роден крај. Вие сте нераскинлив дел од нас и духовно поврзан со сè што се случува во нашата земја. Затоа, не пропуштајте ја шансата што се нуди со попишувањето на интернет. Со попишувањето докажувате дека дијаспората не е само бројка туку била и ќе биде поентата на секој политички, економски, културен и развоен процес на нашата земја. Се попишувам, значи постојам!“

И опозиционерот Зијадин Села преку видео ги повикува иселениците да се попишат. Тој пишува: „Попишете се, бидете дел од вашиот роден крај затоа што се автохтони“.

Неговиот коалициски партнер од Алтернатива Африм Гаши порача, како ќе изгледа државата во иднина во многу ќе зависи од тоа дали иселениците ќе се попишат.

„Почитувани мигранти, сестри и браќа, на 1 март започна процесот на попис на населението за мигранти. Затоа, ве молам сериозно да го сфатите и да се регистрирате сите кои имате државјанство на Северна Македонија. Вашата регистрација за вкупниот број на население во нашата држава е од голема историска важност и сериозна политичка тежина. Како ќе изгледа нашата држава во иднина, тоа зависи многу од вашиот попис“, напиша Гаши.

И додека функционерите од македонскиот политички блок подзаспаа за пописот на иселениците, политичарите од албанскиот блок кампањата за самопопишување ја преселија и надвор од границите на Македонија, во Косово и во Албанија. Речиси сите битни политички фигури од Тирана и од Приштина повикаа да се попише албанската дијаспора. Во кампањата влегоа и познати новинари од Албанија како водителот на емисијата „Опиниони“ Бленд Февзиу. За самопопишување на иселениците повикува и Советот за координација на албанската дијаспора.

За пасивноста на министрите од македонскиот блок за пописот од Владата го повторија ставот дека секој повик за поддршка на пописот е плус придонес кон успешноста на оваа статистичка операција.

– Ги повикуваме сите политички чинители најгласно што можат да испратат порака за поддршка на пописот како сопствен највисок чин на одговорност и придонес кон оваа исклучително важна државна статистичка операција. Секој граѓанин треба да учествува во пописот и да придонесе кон неговата популаризација. Очекуваме пораката за задолжително попишување да ја испратат сите домашни политичари. Пописот е операција околу која треба сите да се обединиме за тој да биде спроведен успешно – повторија од Владата.

За неактивноста на министрите од СДСМ за пописот од партијата велат дека сме ја погрешиле адресата.

– Мислам дека е погрешна адресата за ова прашање. За бојкот и одложување на пописот работат ВМРО-ДПМНЕ и Левица, СДСМ силно го поддржува и го промовира – вели Костадин Костадинов, портпарол на СДСМ.

The post Ахмети го „тепа“ Заев 7:0 за пописот на дијаспората appeared first on plusinfo.mk.

Се истакнува дека за време на блискиот контакт, руските пилоти летале небезбедно и непрофесионално, неколкупати пресекувајќи ја траекторијата налетот на растојание од околу 100 фита од носовиот дел на Б-52 на една височина и при користење на млазно догорување на константа висина, со што се предизвикале турбуленции и ограничување на маневарските способности на Б-52.

Се вели дека ваквите акции се непотребни, ги зголемуваат ризиците од судир во воздух и не се соодветни со доброто воздушно мајсторство и меѓународните воздухопловни норми.

Министерството за одбрана на Русија вчера соопшти за пресретнување на американскиот стратешки бомбардер Б-52Х на воено воздушните сили на САД. Според министерството, руската армија го забележала американскиот авион на 28 август како летал над неутралните води на Балтичкото море (според Американците, инцидентот се случил над Црното Море). И дека за негова идентификација полетале два ловци Су-27 од дежурниот состав на балтичката флота за противвоздушна одбрана.

Пентагон објави видео од инцидентот од кое се гледа блискиот контакт на Су-27 со американскиот авион.

The post Пентагон објави како руски ловци го пресретнале американскиот бомбардер над Црното Море (ВИДЕО) appeared first on plusinfo.mk.

Врз основа на епидемиолошките податоци, репродукцискиот број Р, бројот на нови случаи, стапката на смртност на 100.000 жители, како и од рангирањето од Светската здравствена организација, 22 земји се во првата, а 14 земји во втората категорија.

Во првата категорија земји со ниска опасност се Австралија, Австрија, Хрватска Чешка, Данска, Естонија, Финска, Германија, Грција, Швајцарија, Јапонија, Унгарија, Исланд, Латвија, Лихтенштајн, Литванија, Луксембург, Малта, Норвешка, Словачка, Словенија и Јужна Кореа и за нив не се предвидени никакви рестрикции и не е потребен тест за Ковид-19.

Во втората група земји со „веројатно ниска опасност, но со зголемен сомнеж опасност во споредба со првата“, се Бугарија, Белгија,  Франција, Ирска, Израел, Италија, Либан, Јордан, Холандија, Шпанија, Полска, Романија, Србија, Обединети Арапски Емирати и задолжителна е потврда за негативен ПЦР тест  направен 72 часа пред патувањето.

Министерството за здравство на Кипар претходната листа ја објави пред 10 дена, а оттогаш промените се во однос на Бугарија и Србија.

Бугарските државјани се префрлени во втората категорија, во која сега, вклучени се и српските туристи, кои на претходната листа не фигурираа.

Странските туристи, пред да го посетат Кипар, задолжително е да достават барање за „Cyprus Flight Pass“ (https://cyprusflightpass.gov.cy/) 24 часа пред патувањето.

Паралелно, ќе се врши и тестирање по случаен избор на аеродромите за посетители, кои пристигнуваат со одредени летови.

The post Кипар објави за патници од кои земји е дозволено да допатуваат на островот appeared first on plusinfo.mk.

Како што пренесуваат странските агенции, компанијата е под притисок да ја ограничи содржина на својата платформа, вклучувајќи ги и објавите на американскиот претседател Доналд Трамп.

Основачот на „Фејсбук“, Марк Закерберг изјави дека компанијата ќе забрани реклами во кои се опишуваат различни групи врз основа на раса и имиграциски статус, како закана, пренесува Би-Би-Си.

Исто така ќе ја отстрани содржината, дури и ако е објавена од политичар, ако процени дека поттикнува насилство или врши притисок врз гласањето. 

The post Фејсбук ќе ги обележува штетните објави appeared first on plusinfo.mk.