Семејството на Тоше Проески јавно се огласи по најавите за концертот „Тоше засекогаш – музика која живее“ (Toše Forever – Glazba Koja Živi), кој е закажан за октомври во Сплит, предупредувајќи ги обожавателите да не бидат доведени во заблуда.

Во соопштението, кое на социјалните мрежи го објави сестрата на Тоше, Дора Проеска, а го сподели и нејзиниот син Кристијан Ристески, се наведува дека семејството не стои зад овој настан и дека организаторите немаат нивна согласност.

„Јавно и недвосмислено сакаме да ве известиме дека оваа информација не е точна. Нема да настапат Кристијан, ниту придружниот бенд на Тоше. Организаторите немаат службена дозвола од нас за негово одржување, а ние сме единствените носители на правата“, се вели во објавата.

Семејството истакнува дека ги поддржува сите искрени настани посветени на ликот и делото на Тоше Проески, но дека нема да дозволи, како што наведува, „отворена манипулација со неговото име и неговата публика“.

Во обраќањето до фановите тие апелираат да не наседнуваат на, како што велат, „невистини и комерцијални манипулации“, додавајќи дека токму обожавателите секогаш биле најважниот дел од животот и кариерата на Тоше.

The post СЕМЕЈСТВОТО НА ТОШЕ СЕ ДИСТАНЦИРА ОД НАЈАВЕНИОТ КОНЦЕРТ ВО СПЛИТ Не учествува внукот на Тоше, ниту неговиот бенд, не наседнувајте на манипулации! appeared first on plusinfo.mk.

Трамп повторно го привлече вниманието на светската јавност со нова фотографија генерирана со вештачка интелигенција и објавена на неговата социјална мрежа Трут соушл. На сликата, американскиот претседател е прикажан како титан, кој ја носи планетата Земја на грбот, додека е огрнат со американското знаме.

Фотографијата брзо се прошири на социјалните мрежи и предизвика бројни реакции – од поддршка и восхит до критики и потсмев.

Ова не е првпат Трамп да објавува ВИ-содржини што предизвикуваат внимание. Претходно сподели видео во кое јава камила низ пустина, како и ВИ-снимка на американската војска во судир со иранските сили во Ормутскиот Теснец.

Една од неговите најконтроверзни објави беше таа на која беше прикажан како Исус Христос, која подоцна беше избришана по бурните реакции во јавноста. Трамп тогаш изјави дека ја објавил сликата мислејќи дека го претставува како „доктор“.

Новата ВИ-фотографија повторно отвори дебата за користењето на вештачката интелигенција во политичката комуникација и начинот на кој ваквите објави влијаат врз јавноста.

The post 📷 ЕДЕН Е ТРАМП, А СВЕТОТ Е ТЕЖОК! Американскиот претседаател со нова вирална објава appeared first on plusinfo.mk.

Нова книга епиграми „Римувани романи“ од авторот Миле Ѓорѓијоски излезе од печат. „Римувани романи (епиграми)“ од Миле Ѓорѓијоски е збирка кратки, римувани сатирични мисли – епиграми, во кои авторот преку духовитост и иронија го прикажува општеството, политиката и човековите слабости.

Епиграм е кратка лирска форма која збиено и јасно ни кажува некаква вистина што нè изненадува, но која веднаш ја чувствуваме како точна и умесна. Книгата на Ѓорѓијоски е со остар, но духовит јазик, во која низ оваа форма ги разобличува неправдите, апсурдите и секојдневните парадокси, нудејќи критички поглед кон реалноста, но и повод за размислување и насмевка.

Македонскиот современ афористичар и писател Миле Ѓорѓијоски досега има објавено голем број збирки афоримизми („Пет до дванаесет“, „Откоси“, „Нешто друго“, „Строго недоверливо“, „Низ иглени уши“, „Никој не сака да биде плашило“, „Три пати на ден“, „Илјада и еден афоризам“ и други), избор на афоризми („Сатирични мистерии“), сатирични приказни и комедии („Тоа е тоа“, „Некоректен мртовец“) како и книги со афоризми за деца, епиграми, алманаси и антологии на афоризми.

The post ИЗЛЕЗЕ ОД ПЕЧАТ „РИМУВАНИ РОМАНИ“ Книга со епиграми од Миле Ѓорѓијоски appeared first on plusinfo.mk.

Објавата на Белата куќа на заедничката изјава меѓу САД и Македонија за реципрочна трговија претставува јасен сигнал за продлабочување на стратешкото партнерство и потврда за силната поддршка што Македонија ја ужива од САД, напиша премиерот Христијан Мицкоски на својот профил на Фејсбук.

„Оваа изјава претставува јасен сигнал за продлабочување на стратешкото партнерство и потврда за силната поддршка што Македонија ја ужива од САД. Таа го трасира патот кон сеопфатен договор, кој ќе обезбеди тарифи не повисоки од 15 %, а за одредени производи и индустрии и до 0 %, отворајќи нови можности за извоз, инвестиции и економски раст. Со ваквите чекори ја зацврстуваме позицијата на Македонија како доверлив и предвидлив партнер, градиме економија со повисок стандард и ја унапредуваме нашата меѓународна позиција – пишува премиерот Мицкоски на „Фејсбук“.

Ова, додава тој, е политика на конкретни резултати, чекор по чекор, со јасна визија и стабилна поддршка од нашите стратешки сојузници.

Белата куќа на својата официјална веб-страница објави информација за договорот.

The post СИЛНА ПОДДРШКА ОД САД И НОВИ ЕКОНОМСКИ ПЕРСПЕКТИВИ ЗА МАКЕДОНИЈА Мицкоски за постигнатиот договор за реципрочна трговија appeared first on plusinfo.mk.

Претседателот на САД Доналд Трамп, денеска изјави дека милијардерот Џорџ Сорос и неговиот син треба да бидат обвинети според Законот за влијание и корупција во организациите (РИКО).

„Џорџ Сорос и неговиот прекрасен радикално левичарски син треба да бидат обвинети според законот РИКО поради поддршка на насилните протести и многу други работи низ цела Америка. Нема да им дозволиме на овие лудаци да ја уништат Америка, не давајќи ѝ шанса да „дише“ и да биде слободна“, наведе Трамп во објава на социјалната мрежа „Truth Social“.

Американскиот претседател додаде и дека Сорос и „неговата група психопати“ нанеле голема штета на Соединетите Држави, а дека во тоа се вклучени и „лудите пријатели на Сорос од Западниот брег“.

„Бидете внимателни, ве следиме“, додаде Трамп.

The post ТРАМП РАСПАЛИ ПО СОРОС И ПО СИНОТ НА МИЛИЈАРДЕРОТ ВО ОБЈАВА Ги обвини дека ги поддржувале насилните протести во САД appeared first on plusinfo.mk.

Претседателот на Република Српска Милорад Додик објави сцена од филмот „Нож“ обвинувајќи дека „специјалност на сараевската политика е препишувањето на историјата“. Во контроверзната објава тој напиша:

„Кој не ја знае историјата – е осуден да ја повторува. Ако сакате да си играте со историјата, бидете подготвени да се соочите со фактите. Прашањето е дали ќе ви се допадне она што го гледате кога ќе сфатите чие име го носите пред да го смените“.

Филмот од 1999 година е екранизација по романот на Вук Драшковиќ.

Бошњачката Партија на демократска акција (СДА) остро реагираше, обвинувајќи го Додик за ширење омраза и оживување на реториката од деведесеттите години.

Претходно, Додик рече дека „муслиманите во Босна и Херцеговина треба да се навратат на православието“.

Ко не зна историју – осуђен је да је прекраја, а то је постала специјалност сарајевске политике.
Али ако већ хоћете да се играте историје, онда бар будите спремни да погледате у лице њеним чињеницама.
Јер питање је да ли ће вам се свидjети оно што видите када схватите чије сте… pic.twitter.com/gvRKeU0VRT

— Милорад Додик (@MiloradDodik) April 29, 2025

The post 📽️ ДОДИК ШОКИРАШЕ СО ИЗЈАВАТА Објави извадок од филмот „Нож“ appeared first on plusinfo.mk.

Повеќе од 80 часа веќе трае студентската блокада на објекти на Радио-телевизија Србија во Белград. Од 14 април во 22 часот досега, блокирани се објекти на јавиот дифузер во центарот на Белград на улицата Таковска, и на Кошутњак, јави дописникот на МИА од Белград.

Според најавите на студентите, блокадата ќе трае се додека не се распише нов конкурс за членови на Советот на Регулаторното тело за електронски медиуми (РЕМ) или додека не се прекине емитувањето програма од РТС.
Пред централниот објект на РТС во центарот на Белград студенти во блоакда и граѓани со свирчиња и вувузели изразуваа незадоволство од работата на Јавниот сервис.

Програмската шема на РТС се емитува отежнато, уредништвото веќе неколкупати повика на прекин на блокадата.

Студентите во блокада синоќа најавија дека Велигден ќе го дочекаат пред Радио и телевизија на Србија и ги повикаа граѓаните да им се придружат во тоа.

„Овој празник го дочекуваме под ведро небо пред РТС, бидејќи сметаме дека борбата за вистината не смее да престане ниту за време на празниците. За сите овие денови на блокада, станавме семејство… И вие сте дел од тоа семејство, вие сте со нас. Нашиот Велигден е и ваш“, пишува во објавата на Студентите во блокада на нивниот Инстаграм профил.

Тие испратија писмо до Одборот за култура и информирање во кое ги известуваат дека блокадата и протестот пред РТС ќе продолжат се додека не објават јавен повик за избор на членови на Советот на РЕМ (регулаторно тело за електронски медиуми).

„Од понеделникот во 22 часот трае незаконската блокада на објектите на Радио и телевизија на Србија поради што вработените се оневозможени да влезат на своите работни места, РТС го прилагодува програмскиот распоред поради тешките услови за работа“, објавија од РТС на Х.

The post ЈАВНИОТ СЕРВИС 3 ДЕНА НЕ ЕМИТУВА ЕМИСИИ Студентите ја окупираа РТС повеќе од 80 часа appeared first on plusinfo.mk.

Маркетите, аптеките и продавниците за техника и мебел од петок ќе мора да ги објавуваат цените на своите производи на официјална веб-страница предвидени со измените на  Законот за заштита на потрошувачи и Правилникот за начинот на објавување на цените на стоките  што треба да се објавуваат од страна на мал, среден и голем трговец.

Според Правилникот, трговците дневно (до 10.00 часот) треба да ги објавуваат цените на стоките кои ги пласираат на пазарот на својата веб-страница на јасен и достапен начин, преку посебен дел на веб-страницата на трговецот посветен на цените (Ценовник).

Објавените цени треба да бидат достапни без потреба од регистрација или дополнителна најава, а се однесуваат на секој продажен објект.

Доколку од страна на трговецот се нудат промотивни цени или попусти, на веб страницата на трговецот треба да биде означена редовната цена, процентот или износот на намалувањето, како и времетраењето на промоцијата или попустот.

Во случај на ненамерна техничка грешка во ажурирањето на цените на стоките, трговецот треба да ја коригира грешката во рок од 24 часа.

Заменик министерот за економија и труд  Марјан Ристески минатата недела изјави дека со измените во Законот за заштита на потрошувачи  се обезбедува транспарентност на цените бидејќи малите, големите и средните маркети ќе мора да ги објавуваат на нивните веб страници.

– Тоа ќе им даде можност на купувачите да одлучат од каде ќе купуваат – рече Ристески во одговор на новинарско прашање.

Ристески нагласи дека тоа е израелски модел за контрола на цените на производите кој се применува во Израел, Италија, Хрватска.

Една од новите можности за контрола на цените, како што рече, е и промената во Законот за прекршоци каде покрај парична казна од 500 до 10.000 евра, во зависност од големината на маркетите, е воведена и поригорозна мерка затворање на маркетот од 15 дена.

The post ОД ПЕТОК ПРВО ПРОВЕРЕТЕ ГИ ЦЕНИТЕ ВО МАРКЕТИТЕ НА ИНТЕРНЕТ, ПА ТРГНЕТЕ ДА ПАЗАРИТЕ Стапува на сила обврската на маркетите да ги објавуваат цените appeared first on plusinfo.mk.

Дарко Стојанов, еден од преживеаните во катастрофалниот пожар во Кочани, се врати во Македонија по лекувањето во Клиничкиот центар во Белград. Тој е првиот пациент кој се вратил од странство, а неговото пристигнување во татковината го сподели со емотивна порака на социјалните мрежи.

„Со оваа објава пред сè сакам јавно да се заблагодарам за личната поддршка која ја добив од огромен дел од вас. Мојата здравствена состојба е добра и стабилна, но следува подолг процес на опоравување. Физичките рани ќе останат, но повеќе нема да крварат и нема да болат. Сепак, раната на душата ќе крвари во мене до крајот на животот“, напиша Стојанов.

Тој упати длабока благодарност до македонските и српските медицински работници, кои, како што истакна, му го спасиле животот.

„Дишам благодарение на брзата реакција на медицинскиот персонал во КАРИЛ. Не постојат зборови со кои можам да се заблагодарам на целиот персонал од Клиничкиот центар Србија. Моите деца сè уште имаат татко благодарение на докторите, неверојатните медицински сестри и техничари од клиниката. Тоа беа моите ангели чувари. Благодарам, српски народе!“, додаде тој.

Стојанов ја искористи можноста да испрати порака за солидарност и за важноста на семејството.

„Посакувам што побрзо закрепнување на сите кои се повредени и што побрзо да ги гушнат своите сакани. И се надевам дека оваа трагедија ќе нè обедини како народ и ќе ни ги отвори очите како луѓе. Гушнете ги најблиските, фамилијата, пријателите. Кажете им дека ги сакате. Никогаш не можете да знаете кога е тоа за последен пат“, вели Стојанов во својата објава.

ДАРКО СТОЈАНОВ ПРВ СЕ ВРАТИ ОД ЛЕКУВАЊЕ ВО СТРАНСТВО По испитувањата ќе биде пуштен дома

The post „ФИЗИЧКИТЕ РАНИ ЌЕ ЗАРАСНАТ, НО ДУШАТА КРВАВИ“ Дарко Стојанов по преживеаниот пекол во Кочани appeared first on plusinfo.mk.

Според измените на законот, трговците се должни во рок од 45 дена од денот на влегувањето во сила на овој закон да го усогласат своето работење со одредбите од овој закон. Законските измени влегуваат во сила со објавување во Службен весник. Во меѓувреме во период од 10 дена од донесување на измените ќе се донесат подзаконските акти со кои се регулира прашањето.

Трговците имаат обврска да ги ажурираат цените на дневна основа.

Пратениците од власта кои ги предложија измените на законот за потрошувачи по скратена постапка  очекуваат поголема транспарентност на цените во маркетите, подобрена конкуретност и намалување на цените.

– Граѓаните сега ќе можат да одберат каде ќе ги трошат нивните пари бидејќи не е нормално да имаме цени во маркети кои се највисоки на балканско ниво, цени повисоки отколку што имаат членки на ЕУ, не е нормално. Сигурни сме дека во наредниот период ќе има намалување на цените што ќе биде прифатливо и за македонските граѓани – изјави Бојан Стојановски од ВМРО-ДПМНЕ.

Пратеничката од ВМРО-ДПМНЕ Драгана Бојковска посочи дека овие законски измени ќе придонесат и за конкурентност меѓу самите трговци.

– Со овој закон со објавување на цените на сите поединечни производи на веб страната и на рафтовите од страна на трговците, потрошувачите ќе ги споредуваат цените и со тоа ќе бидат подобро информирани за тоа кој производ колку чини кај кој трговец. Овој закон се однесува на мали, средни и големи трговци, со што е исклучуваат микротрговците и трговците поединци- истакна Бојковска.

Според пратеникот од ВМРО-ДПМНЕ Тони Јаревски, со објавувањето на цените на веб страниците на маркетите ќе се зголеми транспарентноста, фер односот и заштитата на потрошувачите.

– Првична и основна цел на овие законски измени е заштита на потрошувачите и заштита на граѓаните. Со овие измени исто така се дава овластување на инспекторите да извршат проверки доколку видат неусогласеност на цените. Со ваквото зголемување на транспарентноста сметам дека трговците ќе имаат подобар однос кон потрошувачите – нагласи Јаревски.

Законот за заштита на потрошувачите претходно денеска беше разгледан и на собраниската Комисија за економски прашања.

Ваков закон за заштита на потрошувачи минатата недела беше донесен и во Хрватска, според кој трговците во Хрватска ќе бидат обврзани редовно да ги објавуваат и ажурираат цените на сите нивни производи на нивните веб-страници и да овозможат непречен пристап до дигитални алатки кои ќе им даде на клиентите можност да ги споредуваат цените во реално време. Во Хрватска со измените на законот се пропишува и ограничувања на цените за клучните производи и услуги, како и јасно означување на производите со ограничени цени.

The post ТРГОВЦИТЕ ИМААТ 45 ДЕНА ДА ГИ ОБЈАВАТ ЦЕНИТЕ НА ИНТЕРНЕТ Деталите како тоа ќе изгледа ќе бидат познати за 10 дена appeared first on plusinfo.mk.