Поранешна претседателка на Комисијата за проверка на условите за одгледување медицински канабис во Министерството за здравство заработи кривична пријава, откако полицијата утврдила дека не ги спроведувала законски предвидените контроли, поради што едно правно лице во Свети Николе произвело 56 килограми канабис повеќе од дозволеното.

Од Министерството за внатрешни работи соопштија дека Надворешната канцеларија за криминалистички работи Свети Николе поднела кривична пријава до Основното јавно обвинителство во Свети Николе против Д.П. (39) од Скопје, поради сомнение за кривично дело „несовесно работење во службата“.

Според полицијата, во периодот од 18 ноември 2022 до 21 август 2024 година, Д.П. како претседателка на Комисијата за оценување на исполнетоста на условите за простор, опрема и кадар за одгледување канабис за медицински цели при Министерството за здравство, не ги извршувала обврските што ги налага законот.

Од МВР велат дека Законот за контрола на опојни дроги и психотропни супстанции предвидува најмалку две контроли од моментот на сеење или садење до бербата, но тие не биле организирани кај компанија од Свети Николе која одгледувала медицински канабис.

Иако фирмата во текот на 2022 и 2023 година доставувала известувања до Комисијата, пријавената, според полицијата, не презела инспекциски контроли.

„Со таквото постапување му овозможила на правното лице да произведе вишок од 56 килограми канабис. Вишокот бил утврден при контрола извршена на 19 февруари 2025 година“, соопштија од МВР.

За случајот е известено Основното јавно обвинителство во Свети Николе, кое ќе ја води понатамошната постапка.

The post ЗАМИЖАЛА ЗА 56 КИЛОГРАМИ ПОВЕЌЕ КАНАБИС! Кривична пријава против поранешна претседателка на комисија appeared first on plusinfo.mk.

По спроведена истрага, јавен обвинител од Основното јавно обвинителство Скопје поднесе Обвинителен предлог против поранешен директор на владината Служба за општи и заеднички работи за продолжено кривично дело – Злоупотреба на службената положба и овластување од член 353 став 4 во врска со став 1, како и Фалсификување службена исправа од член 361 став 1 од Кривичниот законик.

Обвинетиот, во периодот од 03.07.2021 до март 2024 година го злоупотребил службеното својство како директор, ги пречекорил службените овластувања и без да постои основ за упатување на службен пат надвор од земјата, за себе и за повеќемина вработени во СОЗР потпишувал решенија и патни налози за патување. За приватни потреби и без да постои основ го користел владиниот авион Лирџет 60, а при патувањата од сметката на СОЗР се вршени плаќања по разни основи. Освен тоа, за хотелски и угостителски услуги обвинетиот неосновано користел средства од службената картичка издадена на негово име. На тој начин го оштетил Буџетот на СОЗР за значителен вкупен износ од 2.562.139 денари.

Во посоченот период директор на СОЗР е Пеце Мирчевски од СДСМ.

Во периодот од 27.10.2023 до 14.06.2024 година тој не ја извршил својата службена должност со намера да прибави имотна корист за друг, односно за пилотот вработен во СОЗР. Иако лично присуствувал на состанокот „Flight Safety Atlanta“ и бил информиран дека пилотот и со дополнителните обуки нема да ги исполни прифатливите стандарди потребни за летање со Лирџет 60, тој не го задолжил пилотот согласно Договорот за вработување да ги надомести трошоците за обуката и не го известил надлежниот сектор за да му го прекине работниот однос. Пилотот продолжил да зема плата за работно место капетан-водач на воздухоплов, а со оваа злоупотреба на службената положба обвинетиот предизвикал штета на Буџетот од 5.431.624 денари.

Кривичното дело Фалсификување службена исправа обвинетиот го извршил во постапките за јавни набавки за изнајмување на возила за превоз на делегации и за транспорт на цивилно население од Исламската Република Авганистан во земјава. Сите договори биле склучени со иста рент-а-кар фирма од Скопје, а во службените исправи – изјави за непостоење на судир на интереси, обвинетиот внел невистинити податоци дека нема приватен интерес при реализација на јавната набавка или каква било материјална или нематеријална корист. Наспроти ова, почнувајќи од периодот пред склучување на јавната набавка, за време и по престанокот на неговиот мандат, тој и неговата сопруга користеле возила без надомест од истата фирма за патувања во земјава и во странство.

Во овој дел истрага беше поведена и против сопственикот на правното лице за кривично дело – Давање поткуп од член 358 став 1 во врска со член 45 од Кривичниот законик. Но од доказите прибавени во истражната постапка јавниот обвинител не утврди дека кај него постоела умисла да издејствува поволност при одлучувањето во конкретните тендери преку давање возила без надомест на сега обвинетиот. Од тие причини јавниот обвинител за ова лице донесе Наредба за запирање на истражната постапка.

ДОДЕКА БИЛ ДИРЕКТОР НА ВЛАДИНАТА СЛУЖБА ПЕЦЕ МИРЧЕВСКИ ДОБИЛ ВОЗИЛО ОД ФИРМА ШТО ДОБИЛА ТЕНДЕР Од ВМРО-ДПМНЕ велат дека ревизорскиот извештај ја потврдил аздисаноста на СДСМ

The post ПОРАНЕШЕН ДИРЕКТОР НА СОЗР ГО ИЗНАЈМУВАЛ ВЛАДИНИОТ АВИОН ЗА ПРИВАТНА КОРИСТ!? Поднесен обвинителен предлог за Пеце Мирчевски appeared first on plusinfo.mk.

Основното јавно обвинителство Куманово поведе постапка против една 18-годишна девојка, а за две малолетнички на возраст од 15 и 14 години е поднесено барање за поведување подготвителна постапка до судијата за деца при Основниот суд во Куманово, бидејќи заедно учествувале во дејствија на кривично дело – Насилство согласно член 386 став 3 во врска со став 1 од Кривичниот законик.

На 13 март годинава тие повикале девојче кое тогаш имало 13 години да излезе од дома со нив и ја убедиле да влезе во запуштена просторија во близина на спортскиот центар „Соколана“. Таму жртвата грубо ја навредувале и физички ја нападнале, удирајќи ја по лицето и телото и ја кубеле за коса. Насилството го снимале со телефон, а на нападнатото девојче му се заканиле по живот доколку каже некому за настанот.

Јавното обвинителство, веднаш по објавата на видеото на социјалните мрежи презеде дејствија за обезбедување докази, а за полнолетната осомничена достави и предлог за определување мерки на претпазливост до надлежниот суд – задолжително јавување во судот, привремено одземање на патната исправа и забрана за приближување и воспоставување контакти со жртвата.

ЈА НАМАМИЛЕ, ЈА ПРЕТЕПАЛЕ И СÈ СНИМАЛЕ Расчистен случајот во Куманово, кривични за трите насилнички

The post ДВЕТЕ МАЛОЛЕТНИ НАСИЛНИЧКИ ОД КУМАНОВО ОДАТ ПРЕД СУДИЈА ЗА ДЕЦА За полнолетната предложени мерки за претпазливост appeared first on plusinfo.mk.

Јавен обвинител од Одделението за малолетници при Основното јавно обвинителство Скопје денеска поднесе Барање за поведување подготвителна постапка до судијата за деца во Основниот кривичен суд Скопје за 4 деца во судир со законот за кои постои основано сомнение дека презеле дејствија кои во Кривичниот законик се предвидени како кривично дело – Насилство од член 386 став 3 во врска со став 1, соопшти државното Јавно обвинителство.

Малолетничките, од кои една на возраст од 17 и три на возраст од 14 години, во два одвоени настани, учествувале во дејствија на насилство кон друго 13-годишно девојче и за нив постапката се води согласно Законот за правда за децата.

Имајќи ги предвид сите околности, тежината и начинот на сторување на делото, јавниот обвинител до судијата за деца достави и предлог за определување мерки на претпазливост за малолетничките.

Во меѓувреме, во врска со истите настани, до Основното јавно обвинителство Скопје вчера се доставени шест кривични пријави по член 201 од Кривичниот законик – Запуштање и малтретирање дете, против лица кои како родители ја запоставиле својата должност за грижа и воспитување, а како резултат на тоа малолетните деца на пријавените лица извршиле кривично дело Насилство, односно физички напад врз 13-годишната малолетничка во Ѓорче Петров. Пријавите се распоредени и по нив се постапува за обезбедување докази за проверка на наводите во редовна постапка, наведува Обвинителството.

The post НА НАСИЛНИЧКИТЕ ОД ЃОРЧЕ ЌЕ ИМ СУДИ СУДИЈА ЗА ДЕЦА Постапката ќе се води според Закон за правда за децата appeared first on plusinfo.mk.

Јавен обвинител од ОЈО ГОКК донесе наредби за спроведување на истражна постапка против две лица за кои постои основано сомневање дека сториле кривично дело Примање награда за противзаконито влијание.

Осомничените – судски полицаец и доставувач од Основниот кривичен суд Скопје, во периодот од август 2025 година до 07.04.2026 година директно примиле награда во паричен износ од 500 евра и 60.000 денари од сведок, за посредување на судскиот полицаец во повисоките судови со цел да издејствува ослободителна пресуда.

Сведокот, кој поднел жалба против првостепена пресуда со која бил огласен за виновен и осуден на казна затвор во траење од една година, преку сосед стапил во контакт со осомничениот доставувач, кој го упатил кај судскиот полицаец како лице што може да посредува.

Судскиот полицаец кој бил претставен како лице кое долги години работи во судот и има контакти со судиите во сите степени, при што може да ургира пресудата да биде заменета со ослободителна. Убеден во неговото влијание, сведокот во текот на 2025 година на доставувачот му предал 500 евра со цел истите преку судскиот полицаец да бидат предадени на судија од Апелациониот суд Скопје кој би донел ослободителна пресуда.

Во текот на 2026 година, сведокот на осомничениот судски полицаец му исплатил 30 000 денари како награда за посредувањето. Откако Апелациониот суд Скопје ја потврдил првостепената пресуда, сведокот преку својот бранител поднел вонреден правен лек пред Врховниот суд на РСМ. На 07.04.2026 година сведокот на осомничениот полицаец му исплатил уште 30.000 денари како награда за наводно посредување пред судиите на Врховниот суд кои треба да одлучуваат во постапката.

Ценејќи дека се исполнети законските услови за определување на мерка притвор, јавниот обвинител до судијата на претходна постапка достави предлог што беше делумно прифатен. Со решение на судот на осомничениот судски полицаец му е определена мерка притвор во траење од 30 дена, додека на доставувачот му е определен куќен притвор, за што предметниот обвинител незадоволен од одлуката на судијата достави жалба.

ПОТКУП ВО КРИВИЧНИОТ СУД, ДВАЈЦА ВРАБОТЕНИ СЕ ВО ПРИТВОР Едниот зад решетки, другиот дома

The post ЗЕЛЕ 500 ЕВРА И 60.000 ДЕНАРИ ЗА ОСЛОБОДИТЕЛНА ПРЕСУДА Истрагата со детали за полицаецот и за судскиот доставувач осомничени за поткуп appeared first on plusinfo.mk.

Основното јавно обвинителство Гостивар донесе Наредба за спроведување истражна постапка против едно лице осомничено дека извршило кривично дело – Убиство, од член 123 став 2 точка 2 од Кривичниот законик.

„При вршење семејно насилство во домот во гостиварската населба Дутлок осомничениот 33-годишник со умисла го лишил од живот сопствениот татко. Тие започнале расправија заради претходни меѓусебни недоразбирања, по што синот физички го нападнал таткото, удирајќи го со рака и тврди метални предмети се додека не му нанел тешки повреди од кои оштетениот починал.

Веднаш по настанот осомничениот ги прикрил трагите, а телото на починатиот го измил и го подготвувал за погреб. Меѓутоа настанот бил откриен преку пријава од анонимен граѓанин од странски телефонски број, по што полициски службеници излегле на лице место, а увид изврши и јавен обвинител и веднаш нареди обдукција.

Јавниот обвинител до судијата на претходна постапка од Основниот суд во Гостивар достави предлог за определување мерка притвор за осомничениот, поради ризикот од бегство, како и опасноста да влијае врз сведоците и да ги прикрива трагите“ – се вели во соопштението на Јавното обвинителство.

34-ГОДИШЕН ГОСТИВАРЕЦ ОСОМНИЧЕН ЗА УБИСТВО НА НЕГОВИОТ ТАТКО Уапсен е, тврди дека татко му се лизнал на када

The post ГО УБИЛ СВОЈОТ ТАТКО, ПА ГО ИЗБАЊАЛ КАКО ЗА ПОГРЕБ Обвинителството открива детаљи за грозоморниот настан во Гостивар appeared first on plusinfo.mk.

За помалку од две недели пред суд ќе се појави Стојанче Јовановски, кој е обвинет за наведување на самоубиство на неговата сопруга Ивана Јовановска, која загина со пад од зграда во скопската населба Тафталкџе заедно со нивната шестгодишна ќерка.

Првото рочиште во случајот е закажано за 30 март во Основниот кривичен суд Обвинителството го товари Јовановски за четири кривични дела – телесна повреда, продолжено семејно насилство, загрозување на сигурноста и наведување на самоубиство.

Според обвинението, на 2 март обвинетиот на повеќе локации во Скопје физички ја нападнал сопругата, удирајќи ја со шлаканици и тупаници, при што таа во еден момент ја изгубила свеста. Подоцна, на паркинг во близина на судот, ѝ упатил и сериозни закани по нејзиниот живот и безбедност, предизвикувајќи кај неа силен страв и чувство на несигурност.

Од Обвинителството наведуваат дека обвинетиот подолг период психички и физички ја малтретирал сопругата, која била во состојба на фактичка и егзистенцијална зависност од него. Кобниот ден, по нов бран насилство и закани, таа се вратила во станот за да се спакува и да замине, но, според обвинението, психичката состојба во која се наоѓала довела до трагичниот чин.

Жената скокнала од терасата на станот од шестиот кат заедно со детето.

Јавниот обвинител предложил продолжување на мерката притвор за обвинетиот поради опасност од бегство и можност да го повтори делото. Тој во моментов се наоѓа во притвор.

The post ПОЧНУВА СУДЕЊЕТО ЗА СМРТТА НА ИВАНА И НА КАТЈА Прво рочиште на 30 март во Кривичен appeared first on plusinfo.mk.

Полицијата во Битола, заедно со Одделот за криминалистичка полиција при Бирото за јавна безбедност, поднесе кривична пријава до Обвинителството во Битола против четири лица – В.П. (40) од селото Стење, ресенско, Г.М. (54) со престој во Скопје, едно засега непознато лице и В.М. (51) од Охрид.

Тројца од нив се товарат за измама, додека четвртата осомничена се сомничи за помагање во измамата.

Случајот се однесува на добро познатиот „телефонски трик“ со лажни сообраќајки и тешко повредени роднини.

На 5 февруари 2026 година, на улицата „Маврово“ во Битола, осомничените измамиле 72-годишна жена. Ја убедиле дека нејзината снаа е тешко повредена и дека итно се потребни пари и злато за операција. Исплашената жена му предала златен накит на првоосомничениот, кој подоцна го предал на второосомничениот. Штетата во овој случај изнесува околу 40.000 денари.

Само еден ден подоцна, на 6 февруари, кај Саат кулата во Битола, на ист начин биле измамени 76-годишна жена и нејзиниот сопруг. Од нив биле земени околу 430.000 денари.

Според истрагата, во периодот од ноември 2025 до 21 февруари 2026 година, второосомничениот и четвртоосомничената ги пренесувале парите добиени од измамите во Бугарија, односно во Софија, каде што ги предавале на третото лице. Дел од парите задржувале за себе.

Истражителите утврдиле дека групата со вакви измами во повеќе градови низ земјата прибавила противправна имотна корист од околу 3.700.000 денари.

Судија на претходна постапка при Основниот суд во Битола му одредил осумдневен притвор на Г.М., додека првоосомничениот веќе се наоѓа во притвор.

The post СО ЛАЖНИ СООБРАЌАЈКИ ИЗВЛЕКЛЕ 3,7 МИЛИОНИ ДЕНАРИ Кривични за четворица измамници, „мозокот“ бил во Софија appeared first on plusinfo.mk.

Основното јавно обвинителство Свети Николе итно ги презеде сите дејствија за обезбедување докази и поднесе обвинение против 21-годишник за нанесување телесна повреда при семејно насилство, што е кривично дело според член 130 став 2 во врска со став 1, како и за противправно лишување од слобода според член 140 став 2 во врска со став 1 од Кривичниот законик.

Обвинетиот на 19 и 20 февруари, во семејната куќа во Свети Николе, извршил семејно насилство, така што ја ограничил слободата на движење и телесно ја повредил неговата бремена девојка, се вели во информацијата од ЈО.

Ја навредувал оштетената со која живееле во семејна заедница, а потоа започнал да ја удира со тупаници. Кога девојката се онесвестила од ударите, ја однел во бањата каде ја освестил со ладна вода, по што почнал да ја влече за коса и повторно да ја удира со боксови по главата и телото. Оштетената од ударите се здобила со повеќе телесни повреди, а кога се обидела да избега обвинетиот и го одзел мобилниот телефон и ја заклучил во спалната соба, каде ја држел 15 часа спротивно на нејзината волја.

Јавниот обвинител, заедно со обвинението, поднесе и предлог за определување мерка притвор за обвинетиот. Во меѓувреме се вршат проверки и во однос на наводи и сомненија за други дејствија на злоупотреби од ова лице кон истата оштетена, кои произлегуваат од нејзиниот исказ даден пред јавниот обвинител.

The post УЖАС ВО СВЕТИ НИКОЛЕ, 21-ГОДИШНИК КРВНИЧКИ ЈА ТЕПАЛ СВОЈАТА БРЕМЕНА ДЕВОЈКА Се изживувал 15 часа во заклучена соба! appeared first on plusinfo.mk.

Јавното Обвинителство во Македонија има оформено предмет во врска со запленетите пет тони марихуана во Србија, за којашто српските медиуми првично информираа дека била набавена од македонска територија.

„Обвинителството има оформено предмет и веќе се преземаат конкретни, насочени и координирани дејствија за целосно утврдување на сите факти и околности за поврзаноста на Република Северна Македонија со овој случај, со цел обезбедување целосна кривично-правна одговорност“, одговориле од Обвинителството за Радио Слободна Европа.

Македонското јавно обвинителство било навремено и целосно информирано за акцијата во Србија и било во постојана комуникација со надлежните српски институции, а исто така и МВР.

Петте тони марихуана беа запленети на 29 јануари во регионот на селото Коњух кај Крушевац, централна Србија. Меѓу опфатените во истрагата е и лице со иницијали И.Д., кое, како што беше посочено во медиумските извештаи, е косопственик на компанијата „Алфафарм“ во скопскиот регион, која е регистрирана за производство и преработка на медицински канабис.

The post ВО МАКЕДОНИЈА ОТВОРЕН ПРЕДМЕТ ЗА ЗАПЛЕНЕТИТЕ ПЕТ ТОНА МАРИХУАНА ВО СРБИЈА Еден од уапсените има лиценца за производство на канабис во Македонија appeared first on plusinfo.mk.