Безживотно тело беше извлечено од реката Вардар кај селото Уланци во општина Градско, откако вчера попладне, околу 14:30 часот, жител пријавил дека забележал труп во водата. Екипа од Територијалната противпожарна единица Велес веднаш излегла на терен и го извадила телото на брегот.

Трупот бил предаден на надлежните служби за понатамошна постапка, а случајот веднаш бил преземен од обвинителството.

Јавната обвинителка од ОЈО Велес, Цветанка Богоевска за медиумите потврди дека се сите истражни дејства за да се утврдат причините за смртта и идентитетот на лицето, телото ќе биде испратено на обдукција во Институтот за судска медицина во Скопје.

Истражните органи работат на утврдување на околностите под кои телото завршило во реката.

The post ТРУП ИСПЛИВА ОД ВАРДАР КАЈ УЛАНЦИ Судска медицина ќе го утврдува идентитетот на изваденото тело appeared first on plusinfo.mk.

Основното јавно обвинителство Велес донесе наредба за спроведување истражна постапка против 25-годишникот од Виничани за кого постои основано сомнение дека со умисла лишил од живот едно лице, со што сторил кривично дело – Убиство од член 123 став 1 од Кривичниот законик.

Како што информира ОЈО, на 19 јули годинава настанала вербална расправија за водоводна цевка во селото меѓу таткото на осомничениот и жртвата, по што осомничениот заминал дома, го зел автомобилот „фиат панда“, сопственост на неговиот татко и со многу голема брзина се упатил директно кон оштетениот, намерно удирајќи го со возилото.

При ударот, оштетениот со глава удрил во ветробранското стакло на автомобилот, излетал во воздух и се закачил на жичана ограда од двор, по што паднал на земјата, здобивајќи се со многу тешки телесни повреди од кои починал на лице место.

Надлежниот јавен обвинител до судијата на претходна постапка достави предлог за определување мерка притвор за осомниченото лице, бидејќи постојат околности кои укажуваат на опасност од бегство, можност да влијае врз сведоците на настанот, но и веројатност дека би можел да го повтори или да стори ново кривично дело.

The post ОБВИНЕТ ЗА УБИСТВО СО УМИСЛА Притвор за 25-годишникот од Виничани што прегази сожител по расправија за водоводна цевка appeared first on plusinfo.mk.

Против трите лица е покрената истражна постапка за кривично дело – Неовластено производство и пуштање во промет наркотични дроги, психотропни супстанции и прекурсори од член 215 од Кривичниот законик, наведува ОЈО Велес.

„На 29 октомври, 30-годишна жена неовластено заради продажба држела наркотична дрога – марихуана во количина од 978,6 грама и хероин во количина од 0,31 грама. На тоа со умисла ја поттикнал второосомничениот – нејзиниот сопруг кој се наоѓал на издржување на казна затвор, а за да ја набави дрогата и помогнал третоосомничениот, ставајќи ѝ на располагање средства за извршување на кривичното дело“ – се вели во информацијата од ОЈО Велес.

Сопругот телефонски ја известил осомничената дека треба да оди во Скопје за од таму да ја преземе дрогата која потоа требало да му ја предаде нему во затворот. Таа го ангажирала третоосомничениот со неговото такси-возило да ја превезе. Во близина на Катланово, оштетената излегла од такси-возилото, па ја купила дрогата од непознато лице за сума од 1.800 евра и се вратила во возилото, каде му кажала на таксистот дека ја набавила дрогата. Со автомобилот се упатиле кон Велес, но на наплатната станица Сопот, полициски службеници од СВР Велес извршиле контрола, ја пронашле и ја одзеле наркотичната дрога.

Јавниот обвинител до судијата на претходна постапка на Основен суд Велес достави предлог за определување мерка притвор против првоосомничената и третоосомничениот.

The post КУПУВАЛА ДРОГА ЗА СОПРУГОТ ВО ЗАТВОР, ЈА ЧЕКА ПРИТВОР Велешанка фатена со марихуана и хероин вредни 1.800 евра appeared first on plusinfo.mk.

Обвинетиот, како што е соопштено од Обвинителството, на 20.10.2020 година во Градско извршил полови дејствија врз девојче на возраст од 13 години.

„Детето отишло во куќата на својот чичко каде се одржувала забава на која бил присутен и обвинетиот. Тој видел дека девојчето се упатило кон дома и незабележано тргнал по него. Кога стигнале во близина на оградата која ги раздвојувала куќите на родителите на оштетеното дете и на нејзиниот чичко, обвинетиот од зад грб со една рака и ја затворил устата и почнал да ја влече. Потоа ја свртел кон себе и додека со едната рака и ја држел устата затворена, со другата рака ја допирал по телото. Потоа и ја ослободил устата, обидувајќи се да ја бакне, но оштетената тоа не му го дозволила и се обидела да повика помош. Туркајќи го, оштетената успеала да земе дрвен стап и го удрила обвинетиот по ногата. Тој паднал на земја и таа побегнала во својот дом“, се појаснува во соопштението.

Јавниот обвинител оцени дека сѐ уште постои опасност обвинетиот да се даде во бегство, па до судот достави предлог за продолжување на претходно определената мерка притвор.​​

The post МАЛОЛЕТНИЧКА ЕДВАЈ СЕ СПАСИ ОД ПРИЛЕПСКИ НАПАСНИК Ја пипкал и се обидел да ја бакне, а таа го удрила со стап и побегнала appeared first on plusinfo.mk.