На прашање да даде коментар на изјавата на американскиот помошник државен секретар за Европа и Евроазија, Џејмс О’Брајан, дадена во интервју за МИА во која се препознава опозицијата, а се однесува на тоа дека во претстојните процеси е особено важно да се прашаат кандидатите каков им е планот за во иднина и дека постои пат што не е опишан и реално е прашањето дали воопшто постои или само претставува погоден начин за да се избегне да се каже дека всушност нема пат, Мицкоски упати на случувањата во М-НАВ во кои, како што рече, се вмешани високи функционери на ДУИ, и на редиците за промена на патните исправи.

– И правата и втората изјава на господинот О`Брајан внимателно ги слушав и анализирав, исто како што внимателно ги анализирам и изјавите на другите претставници на меѓународната заедница и дојдов до заклучок, а тој е дека кога О`Брајан слета на Скопскиот аеродром, на отприлика 500 метри од пистата, високи активисти на ДУИ неколку недели претходно делеа шамари. И се обидов неговата изјава во контекст на тие што имаат план за Европа да ја ставам во овој контекст, каде активистите на ДУИ меѓу кои и претседател на огранок, влетаа и направија упад на стратешки објект – рече Мицкоски  на телевизија Телма.

Тој посочи дека не може да се стави знак на равенство на „вакво однесување во М-НАВ и како треба европски да ја развиваме земјата“.

Потоа Мицкоски беше прашан повторно дали ВМРО-ДПМНЕ ќе ги гласа уставните иземени, бидејќи директни се и пораките од меѓународната заедница, меѓу кои и изјавата на американскиот дипломат Габриел Ескобар дека САД ги бираат за партнери на Балканот оние кои што го приближуваат регионот поблиску до Европа“.

– И на едниот и на другиот подиректно од ова не можам да го кажам.  Кажано им е од моја страна дека вакви какви што се уставните измени ВМРО-ДПМНЕ никогаш нема да ги гласа додека сум јас претседател –  Никогаш, рече Мицкоски.

Тој порача дека е време меѓународната заедница да почне да испорачува, бидејќи, како што рече, Македонија и македонскиот народ за тој пат кон ЕУ дадоа многу – име, презиме, знаме, банкноти, устави, како ниту еден народ во Европа.

Во коментар за изјавата на евроамбасадорот Дејвид Гир, каде се посочува на уставните измени како услов кој земјата треба да го исполни за продолжување на евроинтеграцијата, и дека нема промена на францускиот предлог ниту на преговарачката рамка, Мицкоски вели дека меѓународната заедница е таа која сега треба да испорача.

– Тие што ја претставувале Македонија прифатиле нешто што не може да испорачаат, зошто не не вклучија во процесот и ќе им беше јасно дека ова не може да помине, ќе излезеше француски предлог плус каде ќе бевме убедени дека има предвидливост дека меѓународната заедница, имајќи го предвид геостратешкиот контекст, ќе и дозволи на Македонија да тргне на патот кон ЕУ, но тоа не се случи. Мислеа дека ќе стават потпис и ќе останат на власт, а Македонија не доби ништо со европскиот пат, нагласи Мицкоски изразувајќи увереност дека и покрај ваквите ставови тие ќе ја формираат идната влада, а народот е тој што ќе ја избере.

The post МИЦКОСКИ ВЕЛИ ДЕКА ВНИМАТЕЛНО ЈА СЛУШАЛ ИЗЈАВАТА НА О’ БРАЈАН Вакви уставни измени нема да изгласаме додека јас сум претседател appeared first on plusinfo.mk.

Синоќа, откако поранешниот претседател Трамп решително го победи својот последен преостанат ривал за номинацијата на Републиканската партија во Њу Хемпшир, претседателот Бајден, откако заклучи дека „сега е јасно дека Доналд Трамп ќе биде републикански кандидат“, предупреди дека „влогот не може да биде поголем“, велејќи дека американската „демократија“, „личните слободи“ и американската економија „сите се во прашање“.

На домашен (македонски) фронт, неговиот пратеник, помошникот секретар Џим О’Брајан, со неговите изјави, се надевам ненамерно, ги охрабри високите претставници на владејачките партии, СДСМ и ДУИ (Артан Груби, Бојан Маричиќ, Димитар Ковачевски), да сеат раздор и да го плашат електоратот пред претстојните претседателски и општи избори оваа пролет, со гадна реторика од Студената војна.

Овие гестови не ѝ служат на демократијата и може да го трујат политичкиот и социјалниот амбиент кај нас.

Ве молам запрете ја оваа грда пропаганда пред да биде предоцна!

𝐒𝐜𝐚𝐫𝐞𝐦𝐨𝐧𝐠𝐞𝐫𝐢𝐧𝐠! 𝐇𝐨𝐩𝐞𝐟𝐮𝐥𝐥𝐲, 𝐧𝐨𝐭 𝐟𝐨𝐫 𝐦𝐮𝐜𝐡 𝐥𝐨𝐧𝐠𝐞𝐫.

It seems that it is the US Democrats’ blood to threaten and scare the electorate, both home and abroad, during the pre-election period.

Last night, after the former President Trump had… pic.twitter.com/UN1Tbxx4jP

— Trajko Slaveski (@TSlaveski) January 24, 2024

The post О’БРАЈАН ОХРАБРУВА ЗАСТРАШУВАЊЕ НА ИЗБИРАЧИТЕ СО РЕТОРИКА ОД СТУДЕНАТА ВОЈНА Запрете ја оваа пропаганда дури не е предоцна, апелира Трајко Славески appeared first on plusinfo.mk.

– Важно е за граѓаните да чујат дека имаме конкретен план како да ги зајакнеме нашите економии, да го подобриме животниот стандард на граѓаните, да обезбедиме стабилен и развиен регион. Важно е да чујат дека имаме конкретна поддршка на европскиот пат. Планот за раст е досега најсериозната политичка потврда од Европската Унија дека тие имаат конкретен план за ефикасна европска интеграција на Западен Балкан. Со неговата реализацијата којашто зависи и од ЕУ но пред сè од нас, земјите од Западен Балкан, бруто-домашниот производ по глава на жител треба да се удвои – рече премиерот Ковачевски.

Помошникот државен секретар О’Брајaн рече дека САД очекуваат да се задоволат интересите на граѓаните на Западен Балкан и владите да имаат поблиска интеграција со Европа и испрати силна порака на поддршка – евроинтеграцискиот процес да продолжи до целосно членство во ЕУ.

– Северна Македонија и САД ќе продолжат да работат заедно на траекторијата на земјата кон Европа. Луѓето на оваа земја ќе имаат јасен избор во претстојните месеци, помеѓу визијата за движење кон Европа и нешто сосема друго. Ќе зависи од граѓаните да одлучат. Од гледна точна на САД, ние сакаме да ја видиме Северна Македонија да стане дел од Европа колку што е тоа можно побрзо – порача високиот американски претставник.

Прашан за постоењето на „нон пејпер“ на албанските политички партии, со кој тие ќе се обвразат да не коалициираат со партија што нема да се обврзе дека во следните шест месеци по изборите ќе спроведе уставни измени, О’Брајaн рече дека не знае ништо за тоа.

– Останувам на тоа што го кажав во ноември, а и тоа што го кажав денеска. Сметаме дека зависи од граѓаните на Северна Македонија да решаваат за патот понатаму. Сметам дека една партија предлага пат напред и прифаќа критики затоа што на некои луѓе им се допаѓа или не им се допаѓа таа насока. Друга партија ветува дека ќе смисли начин со којшто ќе се придвижат напред и мислам дека е правично граѓаните на државата да ја прашат таа партија за овој нон-пејпер и тие да одлучат помеѓу визијата што ја знаат и помеѓу она што се дава како ветување – изјави О’Брајaн.

The post САД И ЕУ СМЕТААТ НА ПРОЕВРОПСКИТЕ ДРЖАВНИ ЛИДЕРСТВА О’Брајан не знае ништо за некаков нон-пејпр appeared first on plusinfo.mk.

„О’Брајан потенцираше дека САД силно го поддржува патот на Северна Македонија кон членството во ЕУ, како и важната улога што сите политички партии во земјата треба да ја имаат за поддршка на овој процес, се вели во објавата на „Фејсбук“.

Претходно, за средбата информираше и ВМРО-ДПМНЕ.

И ЕВРОПСКА ИНТЕГРАЦИЈА И ЗАШТИТА НА ИДЕНТИТЕТОТ Мицкоски ги изложи стратешките приоритети на средба со висок претставник на САД

The post ШТО МУ КАЖАЛ ЏЕЈМС О’БРАЈАН НА МИЦКОСКИ? Американската амбасада информира за средбата со ВМРО-ДПМНЕ appeared first on plusinfo.mk.

На средбата Мицковски бил придружуван од потпретседателите на ВМРО-ДПМНЕ Тимчо Муцунски и Владо Мисајловски.

„На средбата соговорниците ги потврдија добрите односи и потребата за ползување на придобивките од стратешкото партнерство на САД со Македонија. Воедно Мицкоски истакна дека стратешки интерес на Македонија, освен членството во Европската Унија, е и заштита на националните и идентитетски обележја на македонскиот народ и Македонија.

Од страна на Мицкоски беше афирмирана потребата за сериозна борба против корупцијата и криминалот како голем проблем на граѓаните, и неопходноста од системски реформи кои ќе го подобрат стандардот на државата. Соговорниците се осврнаа на повеќе прашања од регионално значење како и идните политики во однос на тие теми и области“ – се вели во соопштението на партијата.

The post И ЕВРОПСКА ИНТЕГРАЦИЈА И ЗАШТИТА НА ИДЕНТИТЕТОТ Мицкоски ги изложи стратешките приоритети на средба со висок претставник на САД appeared first on plusinfo.mk.