Еве го целиот напис до јавноста:

„Цементарница УСЈЕ е дел од загадувачката индустрија во Македонија што согорува отпад како „алтернативно гориво”. Неодамна медиумите беа преплавени со апологиите на лобисти од индустријата кои бараат укинување на забраната за увоз на отпад за горење, затоа што тоа било единствениот начин за да станат поконкурентни на пазарот.

Активистичките групи кои се членки на ЗЕЛЕН ХУМАН ГРАД со години повторуваат дека индустријата во Македонија е крајно неконтролирана и дека не постојат прецизни и објективни податоци за степенот на аерозагадување што го предизвикува. Со последниот „инспекциски надзор” над УСЈЕ тоа многу пластично се покажа.

Во обид да ја покажат својата „транспарентност” и „посветеност”, Министерството за животна средина и просторно планирање и Државниот инспекторат за животна средина деновиве објавија низа документи и информации во врска со инспекцискиот надзор спроведен над УСЈЕ во периоди на високо аерозагадување.

Тие документи и информации уште повеќе ги продлабочија сомнежите и ја разоткрија трулоста на системот кој ревносно ги штити големите загадувачи за сметка на јавното здравје.

Ова се фактите кои по спроведената анализа на сите јавно достапни документи и информации досега ги воочи ЗЕЛЕН ХУМАН ГРАД:

Вонредниот инспекциски надзор над УСЈЕ беше најавен.

Со отпочнувањето прекршочна наместо кривична постапка, инспекторот од Државниот инспекторат за животна средина потенцијално спречил кривичен прогон на УСЈЕ во склад со начелото Ne bis in idem.

Инспекторите мереле емисии на само 3 од вкупно 12 оџаци во УСЈЕ. Според закон и А-интегрираната дозвола, тие се обврзани да ги мерат емисиите од сите 12 оџаци.

Според А-дозволата, од 12 оџаци, обврската е континуирано (секојдневно) да се мерат емисии на 10 оџаци (2 ротирачки печки, 2 ладилника за клинкер, 4 мелници за цемент и 2 мелници за цврсто гориво), а двапати годишно да се мерат емисиите на 2 оџака (1 парен котел на мазут и 1 парен котел на гас).

Никаде не се јавно достапни дневните извештаи од континуирано мерење на 10 оџаци во УСЈЕ, што повторно е неисполнета обврска од дозволата.

Никаде не се јавно објавени резултатите од 24-часовното мерење на ПМ10 честици во кругот на фабриката што се реализирало за време на вонредниот надзор.

Во објавениот извештај од мерењата спроведени од лабораторијата ЕУРОМАК-КОНТРОЛ недостасува табела со број 7.2.6. Дали таа ги содржи податоците со мерењата на ПМ10 честиците и намерно е испуштена?

Во извештајот од ротирачката печка бр. 3 од автоматски мониторинг на 28 декември 2022 г. недостасуваат податоци за дури 10 часа, а според Правилникот за методологијата, начините, постапките, методите и средствата за мерење на емисиите од стационарните извори, член 15 став (2) Вредностите од мерењата на автоматскиот систем ќе се оценуваат врз основа на правилото според кое најмалку две третини од вредностите треба да бидат валидизирани за да се смета мерењето како веродостојно.

Во записниците и извештаите од мерењата се забележани огромни пропусти. УСЈЕ до Државниот инспекторат за животна средина доставува месечни извештаи. Во тие извештаи не може да се видат аномалиите кои се видливи во дневните извештаи. За да бидат веродостојни дневните мерења, во 24 часа мора да постојат податоци од мерења за минимум 16 часа. Ако не постојат мерења за минимум 16 часа, мерењата од тој ден се сметаат за невалидни. За да бидат веродостојни месечните мерења, не смее повеќе од 10 дена да има невалидни мерења. Нејасно е кој и дали воопшто некој ги валидира мерењата на дневна основа. Нејасно е како инспекторот кој го контролирал извештајот од автоматски мониторинг не го оспорил бидејќи тој содржи податоци за само 14 часа?!

Инсистираме Државниот инспекторат за животна средина и Министерството за животна средина и просторно планирање да одговорат на жителите на Скопје колку години и УСЈЕ и останати индустриски капацитети се толерирани и никој не покренал кривични постапки иако сте забележале огромни недостатоци во мерењата како во случајот со последниот спроведен надзор?

Министерот за животна средина и просторно планирање во своето последно гостување во Дневникот на Сител покажа загрижувачко непознавање на состојбите – не знаеше дека вонредниот надзор во УСЈЕ бил најавен; не знае дека и сега има обврска да ги објавува јавно податоците од континуираните мерења, а не да чека нов Закон за индустриски емисии; не знае дека министерството кое го води прво има должност да ги отпочнува кривичните постапки против загадувачи, а не да ја префрла топката кај некои други институции.

Потсетуваме дека директорот на Државниот инспекторат за животна средина на 5 јануари, ден по спроведениот најавен надзор на УСЈЕ, изјави дека фабриките не загадуваат, туку домаќинствата.

Маглата од загаденост во која нѐ држат институциите на системот ќе ја снема кога секој корумпиран службеник ќе го снема од работното место и ќе биде затворен за своите злодела“, се вели во соопштението на Зелен Хуман Град.

The post МЕРЕНИ БИЛЕ ЕМИСИИ ОД САМО ТРИ ОЏАЦИ, ВОНРЕДНИОТ НАДЗОР БИЛ НАЈАВЕН? Зелен Хуман град обвини за неправилности во инспекцијата во „Усје“ appeared first on plusinfo.mk.

Скопјанката Весна како и пред стартот на секоја грејна сезона, која за затоплување на својот дом користи дрва, така и оваа, контактираше една од скопските фирми кои се занимава со чистење оџаци, но била изненадена од терминот кој го добила, за кој треба да чека речиси две недели.

– Претходните години кога ги повикувавме оџачарите да дојдат, максимум за 3-4 дена добивавме термин за извршување на услугата. Но сега се изненадив кога ми рекоа дека термин ќе имам дури на 3-ти следниот месец. Кога ги прашав зошто толку многу се чека, ми одговорија дека се пребукирани и дека немаат ништо слободно пред тој датум – вели Весна за Плусинфо.

Плусинфо стапи во контакт со една од најстарите компании во градот за чистење оџаци за одржување котларски системи, „Оџаци“ која е во сопственост на браќата Благоја и Ѓуро Поповиќ, а е формирана во 1991 година.

Ѓуро Поповиќ истакна дека поради енергетската и економска криза во која во моментов се наоѓа земјава, кај нив е забележано значително зголемување на работата, дури до 30 проценти.

– Има премногу работа, имаме три екипи кои дневно интервенираат во просек на шест оџаци, а тоа значи дека тоа се вкупно 18 интервенции. Во принцип овој период отсекогаш имаме работа, но мислам дека кризата ги принуди скопјани повторно да ги исчистат оџаците и да имаат уште еден резервен начин на греење или повторно да се вратат на претходниот начин на затоплување на домовите, а тоа е со дрва или јаглен – ни изјави Поповиќ.

И покрај предупредувањето дека оџаците треба да се проверуваат во текот на летото, многумина оваа обврска ја оставија за последен момент. Затоа Поповиќ вели дека доаѓањето на оџачарите во Скопје трае и повеќе денови. Тој додава дека штом ќе залади, бројот на повици се зголемува.

– Има многу запуштени оџаци, бидејќи не се користени долги години. Имаше дел од граѓаните кои се префрлија на затоплување на домовите со инвертер клима-уреди, па поради субвенциите им беше забрането да користат други вид затоплување на домовите, но сега и тие повторно се активираат, бидејќи неизвесноста ги принудува да бараат и друга опција, доколку има рестрикции со струјата, домот да им биде затоплен во зимските денови – додава Поповиќ.

Како што спомена во разговорот сопственикот на „Оџаци“, граѓаните се еснафи луѓе и навремено ги извршуваат своите обврски, затоа што знаат дека со чистењето на оџакот спречуваат опожарување и други несакани последици, енергетското гориво се штеди и преку 20 проценти, испораката на топлотна енергија е поголема, се зачувуваат димоводните уреди за подолг временски период, како и заштитата на животната средина преку намалување на штетните гасови во воздухот.

Но проблемот, според него, е кај сите јавни институции кои користат мазут како гориво за затоплување, бидејќи нередовно се чистат котларските системи, а со тоа тие дополнително придонесуваат за загадување на животната средина.

– Правните субјекти и јавните институции (болници, училишта, градинки и други) кои имаат сопствено централно греење, може да се каже дека се најголеми загадувачи, а се законски регулирани за редовно одржување на котларниците и оџаците. Меѓутоа, дали 2 проценти од нив се придржуваат на законот. Доколку тие се придржуваат на законската регулатива ќе има значително намалување на загадениот воздух, затоа што не може да се каже дека само домаќинствата загадуваат, бидејќи тие дури и по два пати ги чистат оџаците, тоа се луѓе домаќини и знаат дека мора да го прават тоа – вели Поповиќ.

Како што нѐ информираше сопственикот на оваа семејна компанија, за чистење на оџак во куќа која е само со приземје нивната услуга чини 1.500 денари, а за секој нареден кат се доплатува плус 500 денари. Или за прв кат 2.000, за втор кат 2.500 денари, но со потврда од кај нив скопјани може да си повратат дел од средствата од субвенциите на Град Скопје кои се одвоени токму за оваа намена.

Како што е веќе познато Град Скопје оваа година го објави повикот за субвенции за одржување на оџаците на домовите, а почна од 22. 6. 2022 година, вклучувајќи ги реализираните активности за чистење оџаци од 1. 1. 2022 година заклучно со 30. 11. 2022 година, односно до искористување на средствата предвидени за оваа намена со буџетот на Град Скопје за 2022 година.

Субвенциите се однесуваат на жителите на град Скопје (општини Аеродром, Гази Баба, Кисела Вода, Карпош, Чаир, Шуто Оризари, Центар, Ѓорче Петров, Бутел и Сарај), а се валидни за чистење на оџакот на истата адреса по личната карта.

Максималниот износ на субвенцијата изнесува 1.200 денари, а персоналниот данок на доход е на товар на Град Скопје, а пријавувањето трае до крајот на следниот месец.

The post КРИЗАТА ГИ ВРАЌА ЌУМБИЊАТА Скопските оџачари не можат да постигнат од нарачки appeared first on plusinfo.mk.

– Со оваа мерка Градот Скопје ќе надомести дел од трошоците на домаќинства и на други субјекти за чистење на оџаците, во нето износ најмногу до 1.200 денари, а за субвенции можат да достават барање физички и правни лица чие живеалиште, односно седиште е на подрачјето на Град Скопје. Субвенциите важат и за исчистени оџаци од 01.01.2021 година, a Јавниот повик трае заклучно со 30.11.2021 година, и ќе биде реализиран по принципот „прв дојден прв услужен“, односно до исцрпување  на средствата во износ од  милион денари предвидени за оваа намена со Буџетот на Град Скопје за 2021 година – информира Градот.

Повеќе информации за јавниот повик можете да добиете на следната интернет врска – https://skopje.gov.mk/media/6729/javen-povik-cistenje-odzaci-2021.pdf

Целта на овој проект што Град Скопје континурано го реализира е намалување на загаденоста на амбиенталниот воздух во градот, особено со партикуларните честички (ПМ10 и ПМ2,5). Една од поголемите причини за емисија на овие честички е затоплувањето на објектите кои не се приклучени на централно греење, пред се, заради нецелосното и несоодветно согорување на огревното дрво, несоодветниот квалитет на дрвото и начинот на негово чување, употребата на стари, дотраени и технички неисправни печки, како и нередовно чистење и одржување на оџаците.

Познато е дека запуштените и неисчистени оџаци се голема опасност. Не само што загадувањето и емисијата на ПМ 10 честички е голема, туку се загрозува и безбедноста на корисниците ако не се спроведува редовно чистењето. Се препорачува оџаците да се чистат 3 пати годишно, двапати во текот на грејната сезона и еднаш кога е таа завршена.

The post Скопјани од денеска може онлајн да аплицираат за субвенции за чистење оџаци appeared first on plusinfo.mk.

– Со оваа мерка Градот Скопје ќе надомести дел од трошоците на домаќинства и на други субјекти за чистење на оџаците, во нето износ најмногу до 1.200 денари, а за субвенции можат да достават барање физички и правни лица чие живеалиште, односно седиште е на подрачјето на Град Скопје.  Изминатите години субвенцијата беше во износ најмногу до 1.000 денари – се вели во соопштението од Градот.

Оттаму додаваат дека оваа година имаат предвидено 2 милиона денари за оваа мерка, или вкупно средства за доделување на околу 1.660 субвенции, а досега се пристигнати само 470 барања.

The post Во понеделник завршува јавниот повик за субвенции за чистење оџаци appeared first on plusinfo.mk.

– Со оваа мерка Градот Скопје ќе надомести дел од трошоците на домаќинства и на други субјекти за чистење на оџаците, во нето износ најмногу до 1.200 денари, а за субвенции можат да достават барање физички и правни лица чие живеалиште, односно седиште е на подрачјето на Град Скопје. Изминатите години субвенцијата беше во износ најмногу до 1.000 денари – информираат од прес-службата на Град Скопје.

Оттаму посочуваат дека субвенциите важат и за исчистени оџаци од 01.01.2020 година, a Јавниот повик трае заклучно со 30 ноември 2020 година, и ќе биде реализиран по принципот „прв дојден прв услужен“, односно до реализирање на средствата предвидени за оваа намена со Буџетот на Град Скопје за 2020 година. Додаваат дека препорачливо е оџаците да се чистат три пати годишно, двапати во текот на грејната сезона и еднаш кога е таа завршена.

Повеќе информации за јавниот повик, граѓаните ќе може да најдат можете на следната интернет врска – https://skopje.gov.mk/media/4997/javen-povik-cistenje-odzaci-2020.pdf .

Целта на овој проект, се наведува во соопштението, што Град Скопје го реализира континурано е намалување на загаденоста на амбиентниот воздух во градот, особено со партикуларните честички (ПМ10 и ПМ2,5).

– Една од поголемите причини за емисија на овие честички е затоплувањето на објектите кои не се приклучени на централно греење, пред се, заради нецелосното и несоодветно согорување на огревното дрво, несоодветниот квалитет на дрвото и начинот на негово чување и употребата на стари, дотраени и технички неисправни печки, како и нередовно чистење и одржување на оџаците. Познато е дека опасноста од запуштени и неисчистени оџаци е голема. Не само што загадувањето и емисијата на ПМ 10 честички е голема, туку се загрозува и безбедноста на корисниците ако не се спроведува редовно чистењето – посочуваат од Град Скопје.

Град Скопје оваа мерка ја реализираше и во 2018 и 2019 година, кога беа доделени вкупно 634 субвенции.

The post Град Скопје субвенционира бесплатно чистење на оџаци appeared first on plusinfo.mk.

– Со оваа мерка Градот Скопје ќе надомести дел од трошоците на домаќинства и на други субјекти за чистење на оџаците, во нето износ најмногу до 1.200 денари, а за субвенции можат да достават барање физички и правни лица чие живеалиште, односно седиште е на подрачјето на Град Скопје. Изминатите години субвенцијата беше во износ најмногу до 1.000 денари – се вели во соопштението од Градот.

Субвенциите важат и за исчистени оџаци од 01.01.2020 година, а Јавниот повик трае заклучно со 30.11.2020 година, и ќе биде реализиран по принципот „прв дојден прв услужен“, односно до реализирање на средствата предвидени за оваа намена со Буџетот на Град Скопје за 2020 година.

– Целта на овој проект што Град Скопје го реализира континурано е намалување на загаденоста на амбиентниот воздух во градот, особено со партикуларните честички (ПМ10 и ПМ2,5). Една од поголемите причини за емисија на овие честички е затоплувањето на објектите кои не се приклучени на централно греење, пред се, заради нецелосното и несоодветно согорување на огревното дрво, несоодветниот квалитет на дрвото и начинот на негово чување и употребата на стари, дотраени и технички неисправни печки, како и нередовно чистење и одржување на оџаците – додаваат оттаму.

Познато е дека опасноста од запуштени и неисчистени оџаци е голема. Не само што загадувањето и емисијата на ПМ 10 честички е голема, туку се загрозува и безбедноста на корисниците ако не се спроведува редовно чистењето. Препорачливо е оџаците да се чистат 3 пати годишно, двапати во текот на грејната сезона и еднаш кога е таа завршена.

За потсетување, Град Скопје оваа мерка ја реализираше и во 2018 и 2019 година, кога беа доделени вкупно 634 субвенции.

The post Исчитете го оџакот, Град Скопје ќе ви врати 1.200 денари appeared first on plusinfo.mk.

За субвенцијата барање можат да достават физички и правни лица чие живеалиште, односно седиште е на подрачјето на Град Скопје.

Градот Скопје ќе надомести дел од трошоците на домаќинства и на други субјекти за чистење на оџаците, во нето износ најмногу до 1.200 денари.

Субвенциите важат и за исчистени оџаци од 01.01.2020 година, a Јавниот повик трае заклучно со 30.11.2020 година, и ќе биде реализиран по принципот „прв дојден прв услужен“, односно до реализирање на средствата предвидени за оваа намена со Буџетот на Град Скопје за 2020 година.

Повеќе информации за јавниот повик можете да добиете на следната интернет врска – https://skopje.gov.mk/media/4997/javen-povik-cistenje-odzaci-2020.pdf.

Град Скопје оваа мерка ја реализираше и во 2018 и 2019 година, кога беа доделени вкупно 634 субвенции.

The post Аплицирајте за бесплатно чистење на оџак appeared first on plusinfo.mk.

– Со оваа мерка Градот Скопје ќе надомести дел од трошоците на домаќинства и на други субјекти за чистење на оџаците, во нето износ најмногу до 1.200 денари, а за субвенции можат да достават барање физички и правни лица чие живеалиште, односно седиште е на подрачјето на Град Скопје. Изминатите години субвенцијата беше во износ најмногу до 1.000 денари – се вели во повикот од Градот.

Досега за субвенции за чистење на оџаците се доставени 56 барања од граѓаните, а јавниот повик ќе биде отворен до 30.11.2020 година, по принципот „прв дојден прв услужен“, односно до реализирање на средствата предвидени за оваа намена со Буџетот на Град Скопје за 2020 година.

Исплатата на средствата ќе се врши сукцесивно, според редот на пристигнати пријави, по донесување на решенијата за усвојување на барањата од градоначалникот на Град Скопје.

Право на учество на овој Јавен повик имаат жителите на град Скопје, како и правните лица кои имаат деловни објекти во општините: Аеродром, Гази Баба, Кисела Вода, Карпош, Чаир, Шуто Оризари, Центар, Ѓорче Петров, Бутел, Сарај, кои ќе го исчистат оџакот на своето живеалиште или деловен објект на територија Град Скопје кои ќе поднесат барање за искористување на правото за надоместок.

За надоместување на дел од трошоците и докажување дека критериумите за учество се исполнети, барателот до Градот Скопје треба да ги достави следните документи:

– Барање за надоместок (Барањето може да се подигне во архивата на Град Скопје или да се обезбеди од интернет страницата на Градот: www.skopje.gov.mk);

– Доказ за жителство во град Скопје: Фотокопија од важечка лична карта или пасош;

– Фотокопија од трансакциска сметка / жиро сметка;

– Доказ за правен субјект: Тековна состојба не постара од 6 месеци;

– Оригинал потврда за реализирано чистење на оџак, потпишана од стручното лице што го исчистило оџакот, и

– Оригинал фискална сметка од фирмата регистрирана за дејност чистење на оџаци (шифра 81.22 согласно со Националната класификација на дејности).

Барањето за искористување на правото за надоместок на дел од трошоците, заедно со потребната документација, треба да го достави во затворен плик до Град Скопје бул.Илинден бр.82, во архивата на Град Скопје, секој работен ден од 08:30 до 15 часот.

– Најголемиот проблем во областа на заштитата на животната средина, со кој се соочува Градот Скопје, е нарушениот квалитет на амбиентниот воздух во градот, особено со партикуларните честички (ПМ10 и ПМ2,5). Една од поголемите причини за емисија на овие честички е затоплувањето на домовите кои не се приклучени на централно греење, пред се заради нецелосното и несоодветно согорување на огревното дрво, несоодветниот квалитет на дрвото и начинот на негово чување и употребата на стари, дотраени и технички неисправни печки, како и нередовно чистење и одржување на оџаците – велат од Градот.

Оттаму додаваат дека опасноста од запуштени и неисчистени оџаци е голема. Не само што загадувањето и емисијата на ПМ 10 честички е голема, туку се загрозува и безбедноста на корисниците ако не се спроведува редовно чистењето. Препорачливо е оџаците да се чистат 3 пати годишно, двапати во текот на грејната сезона и еднаш кога е таа завршена.

За потсетување, Град Скопје оваа мерка ја реализираше и во 2018 и 2019 година, кога беа доделени вкупно 634 субвенции.

The post Скопјани може да продолжат да се пријавуваат за субвенции за чистење оџаци appeared first on plusinfo.mk.