Магомегаџи Нуров го донесе првиот златен медал за Македонија на Медитеранските игри што се одржуваат во Алжир, откако во драматично финале успеа да слави над турскиот борач Фејзулах Актурк со 4-3.

Борбата беше супер-интересна, Актурк поведе со 0-3, но токму тогаш Нуров ја покажа својата класа. Веднаш по краткиот одмор македонскиот репрезентативец намали на 2-3, а завршниот удар го зададе буквално во последните секунди, откако со одличен зафат успеа да се најде зад грбот на Турчинот, освојувајќи два бода за конечен триумф и златен медал.

За Нуров ова е втор златен медал на Медитеранските игри за Македонија, повторувајќи го успехот од 2018 година во Тарагона.

Ова е втор медал за македонските борачи во Алжир, откако неколку часа претходно Егоров освои бронза за нашата земја.

The post НУРОВ Е МЕДИТЕРАНСКИ ШАМПИОН Нашиот борец дојде до златото на МИ (ВИДЕО) appeared first on plusinfo.mk.

Македонскиот борач Могамедгаџи Нуров го заврши настапот на Игрите во Токио, откако Русинот Абдулрашид Садулаев го совлада во полуфиналето Кубанецот Салас Перез и му ја скрати шансата на македонскиот репрезентативец преку репасаж да се вмеша во борбата за олимписко одличје.

Нуров, кој пред почетокот на Олимпијадата се одвојуваше во Топ 4 фаворити за освојување медал, одлично стартуваше на турнирот во борење во категоријата до 97 килограми слободен стил, совладувајќи го во осминафиналето со 5-0 Саадуи Мохамед од Тунис.

Во четвртфиналето, Нуров се сретна против кубанскиот шампион Ринерис Салас Перез, кој започна со триумф над Белорусинот Александар Хуштин со 4-3. Нуров ја имаше фаворитската улога против Салас Перез, но, во борбата за пласман во полуфиналето загуби од Кубанецот со 6-4.

Шансата преку репасаж да се вмеша во борбата за медал исчезна откако Перез не успеа да направи уште едно изненадување и загуби со 0:4 на поени од главниот фаворит за златниот медал Садулаев.

Нуров беше последниот претставник од осумчлената македонска олимписка делегација на Игрите во Токио.

Најголем успех постигна таеквондистот Дејан Георгиески, кој го освои сребрениот медал во категоријата над 80 килограми.

The post ЗГАСНА ПОСЛЕДНАТА НАДЕЖ Нуров немаше среќа да се бори за бронзата appeared first on plusinfo.mk.