Идниот германски канцелар Фридрих Мерц изјави денеска дека ќе го повика претседателот на Соединетите Американски Држави, Доналд Трамп сите царини „да ги сведе на нула“.

– Им предлагаме на Соединетите Американски Држави дека би било најдобро да ги намалат сите царински давачки во меѓусебната размена на стоки на нула – рече Мерц на состанокот на неговите конзервативци откако го објави изборот на членовите на неговиот кабинет.

Тој, исто така, предложи меѓусебно признавање на технолошките стандарди меѓу Германија и САД.

– Она што го видовме во последните години и децении се се поголемите технички бариери меѓу главните трговски нации во светот и ние мора да го надминеме ова бидејќи тоа би можело да придонесе и за одржливо намалување на бирократијата – порача Мерц.

The post МЕРЦ ЌЕ ГО ПРЕДИЗВИКА ТРАМП НА НУЛА ЦАРИНИ Берлин турка трговија без граници со Вашингтон appeared first on plusinfo.mk.

– Европската унија ќе мора да се обврзе да купи американска енергија во вредност од 350 милијарди долари за да добие одложување од сеопфатните царини – изјави денеска американскиот претседател Доналд Трамп, отфрлајќи ја понудата на Брисел за царини „нула за нула“ за автомобили и за индустриски стоки.

Ова е одговор на изјавата на претседателката на Европската комисија Урсула фон дер Лајен, која понуди намалување на царините на блокот на нула за автомобили и индустриски стоки увезени од САД, доколку Трамп возврати со истата мерка.

На прашањето дали понудата е доволна за да се повлече, Трамп рече: „Не, не е“.

– Имаме дефицит со Европската унија од 350 милијарди долари и тој брзо ќе исчезне. Можеме да собереме 350 милијарди долари за една недела. Мора да купат и да се обврзат дека ќе купат слична количина енергија – нагласи тој.

Понудата на Фон дер Лајен дојде откако Трамп минатата недела воведе царини од 20 отсто за ЕУ и минимален данок од 10 отсто за другите трговски партнери.

Како одговор на тоа, финансиските пазари ширум светот изгубија милијарди долари во вредност, а европските акции во понеделникот го претрпеа најголемиот еднодневен пад од почетокот на пандемијата на Ковид-19, пишува Политико.

Трамп рече дека царините би можеле да бидат постојани или да се преговараат, но под познат услов.

– Ако можеме да направиме навистина фер и добар договор за САД, а не добар за другите. Сега Америка е на прво место – нагласи тој.

Своите постапки ги објасни со следните зборови:

– Нашата земја беше најсилна од 1870 до 1913 година. Знаете ли зошто? Се беше засновано на царини. Немавме данок на приход. Тогаш во 1913 година некој генијалец дошол на идеја да им наплати на луѓето во нашата земја, а не на странските земји кои крадат од нашата земја.

The post ТРАМП ЈА ОДБИ ЕУ ЗА ЦАРИНИТЕ И ПОСТАВИ УСЛОВ Еве што може да направи Унијата за да се вратат старите царини appeared first on plusinfo.mk.

Следува период на стабилно време со ниски утрински температури кои до петок насекаде ќе бидат под нула. Дневните температури ќе бидат во пораст, соопшти УХМР.

Минималната утринска температура ќе се спушти до минус девет, а максимланата дневна ќе дотигне 22 степена.

До петок ќе дува умерен северен, а од петок јужен ветер кој во деновите од викендот ќе биде со засилен интензитет.

The post ОД МРАЗ ДО ПРОЛЕТ ВО ЕДЕН ДЕН Утрата ќе бидат под нулата, а попладне над 20 степени appeared first on plusinfo.mk.

Зимата конечно ќе го покаже своето вистинско лице, вели за Плусинфо метеопрогнозерот Славчо Попоски. Тој најави дека денеска во Македонија ќе продолжат повремените локални врнежи од дожд, додека на планините над 1200 метри надморска височина ќе има врнежи од снег, што ќе овозможи зголемување на снежната покривка.

– Попладне и во вечерните часови, како и утре ќе дува умерен, а долж Повардарието повремено засилен ветер од северен правец, со што од север ќе започне да се спушта значително постуден воздух. Локално провејување на снег ќе има некаде и на пониските места (градовите) – вели Попоски.

Тој додава дека локално, и тоа особено во западните предели, врнежите ќе бидат обилни (над 30 л/м2 воден талог), а можна е и локална појава на грмежи. На планинските места, односно на скијачките центри ќе се формира снежна покривка од над 10 см, а на повисоките планински места истата ќе биде со висина од над 20 см.

– Во Скопје и во околината ќе има послаби локални врнежи од дожд, додека кон крајот на денот и навечер ќе почне да дува умерен до засилен ветер од северен правец. Освен на околните планини, услови за провејување на снег ќе има и во повисоките предели од котлината – вели Попоски.

Минималните температури во следниот период повторно речиси насекаде ќе се спуштаат под нулата. Ќе се спуштаат во интервалот од -7 до 2 степени, додека максималните дневни температури ќе бидат значително пониски за разлика од минатите денови и ќе се искачуваат во интервалот само од 2 до 8 степени.

Од Управата за хидрометеоролошки работи велат дека времето денеска ќе биде претежно облачно со повремени врнежи од дожд, а на планините од снег.

– Попладне, врнежите од дожд ќе преминуваат во снег и во некои од пониските места со послаб интензитет. Ќе дува умерен, а долж Повардарието повремено засилен ветер од северозападен правец. Во Скопје, претежно облачно со повремени врнежи од дожд. Ќе дува умерен до засилен северен ветер. Температурата ќе достигне до 8 степени – информираат од УХМР.

The post ТОПОЛ ВИ БЕШЕ ЈАНУАРИ? МРЗНЕТЕ СЕГА! Зимата задоцни, ама ќе надомести appeared first on plusinfo.mk.

Значи генерално, за нешто што не чини велиме – тоа е нула.

Темата на овој напис, всушност, се однесува на емисиите на стакленички гасови, поради кои настануваат климатските промени на планетата Земја. На поголем број на луѓето поимот стакленички гасови не им е јасен. Ако се толкува поимот буквално, тоа му доаѓа како гасови од стакло, а такви гасови не постојат.

Па тогаш, зошто така ги нарекуваат, и тоа не само кај нас во Македонија, туку и во дел од околниот регион?

Ефектот на стаклена градина

Причината е едноставна – овие гасови создаваат ефект на стаклена градина. Овој ефект се создава во т.н. стакленик, при што сончевите топлински зраци продираат во внатрешноста и ја загреваат, а стаклената површина не дозволува топлината да излезе надвор. Во земјоделството овие стакленици кај нас ги нарекуваат и оранжерии и во нив се одгледува ран зеленчук во зимски услови. На англиски јазик, оранжерија се преведува како green house, а стакленичките гасови ги именуваат како green house gases и најчесто се означуваат со кратенката GHG.

По таа логика, на македонски јазик би можеле да го употребиме терминот оранжериски гасови, но тоа може да создаде забуна. А бидејќи во последниве години земјоделците наместо стакленици употребуваат пластеници, би требало овие гасови да ги нарекуваме пластенични гасови, а тоа исто така ќе создаде забуна.

Но, да остенеме на терминот стакленички гасови, а тие се: јаглерод-диоксид (СО2), метан (СН4), азотен-оксид (N2О) и флуорни гасови. Најголемо учество во ефектот стаклена градина има СО2, кој се ослободува при согорување на фосилните горива (јаглен, нафта и природен гас), а тоа е во секторот енергија. Се смета дека масовните емисии на стакленички гасови се јавуваат од почетокот на индустрискиот развој во светот од 1850 година наваму.

Глобално затоплување

А еве објаснување како настанува глобалното затоплување на Земјата. Во составот на сончевото зрачење има инфрацрвено (топлинско) зрачење, кое делумно се апсорбира од земјината површина и атмосферата над неа, а останатиот дел се одбива и се враќа назад во вселената. По одбивањето од земјината површина, се зголемува брановата должина на инфрацрвените зраци, тие стануваат помалку пробивни, така што слојот од стакленички гасови „заробува” дел од топлинското зрачење во нискиот дел на атмосферата, а тоа е ефект на стаклена градина.

Тоа е природна појава без која просечната температурата на земјината површина би била -15 степени, односно 33 степени пониска од постоjната денес. Но, прекумерните емисии на стакленички гасови го зголемуваат ефектот на стаклена градина, така што денес температурата на атмосферата над земјината површина е глобално зголемена за 1,2 оС во споредба со прединдустрискиот период.

Поради климатските промени се случуваат големи временски непогоди: поројни дождови, поплави, силни ветришта, високи температури, топлински бранови, шумски пожари, суши итн. Последиците се многубројни и катастрофални: загуби на човечки животи, влијание на здравјето на луѓето, загуби во економијата и земјоделството, оштетување на живеалишта, миграции на луѓе, негативно влијание на целиот животински и растителен свет итн.

Борба против климатските промени

Од тие причини, во 1988 година е воспоставено меѓународно тело за климатски промени (IPCC), а во 1992 година е донесена Рамковна конвенција на Обединатите нации за климатски промени (UNFCCC). Секоја година Обединетите нации (UN) организираат т.н. Конференција на страните (СОР) со цел борба против климатските промени. Иако во минатите години се донесени разни мерки, од кои некои се задолжителни (за развиените земји), посакуваните цели не се постигнати.

Треба да се истакне Парискиот договор донесен на COP-21 во 2015 година. Тој е правно обврзувачки меѓународен договор за климатските промени, а неговата цел е да го ограничи глобалното затоплување да биде под 2 степени, по можност до 1,5 степени, во споредба со прединдустриското ниво, и тоа да се постигне до 2050 година.

Земјите имаат обрска да поднесуваат т.н. национално определени придонеси (NDC), во кои ги наведуваат активностите што ќе ги преземат за да ги намалат емисиите на стакленички гасови, а со цел постигнување на целите од договорот. А целта е во 2050 година да има климатска неутралност, односно нето НУЛА емисии на стакленички гасови.

Најголемите емисии на стакленички гасови потекнуваат од енергетскиот сектор. Затоа, потребна е релативно брза енергетска транзиција во следниот период и тоа главно во зголемување на енергетската ефикасност (т.е. намалување на потребите од енергија) и воведување обновливи извори на енергија. Според Меѓународната агенција за енергија (IEA) со денешното ниво на технологии и знаења во енергетиката зацртаните цели не може да се постигнат. Затоа се инвестираат големи пари во истражувања на нови технологии како на пример во производство на „зелен” водород како гориво, нуклеарна фузија, батерии со голем капацитет, зафаќање и уништување на СО2, итн.

Неуспеси

Но, во последниве години по Парискиот договор, фактите кажуваат дека енергетската транзиција не се одвива како што беше предвидено. Очигледен доказ е последнава година во која владее енергетска криза и главен приоритет на земјите е како да обезбедат природен гас, нафта и јаглен (фосилни горива), а на климатските промени се осврнуваат само кога имаат временски непогоди. Емисиите на стакленички гасови постојано се зголемуваат секоја година, наместо да се намалуваат.

Значи, целта да постигнеме нула емисии на стакленички гасови до 2050 година најверојатно нема да се оствари. Но затоа, повеќе илјади учесници на годишната конференција за климатски промени (СОР-27) што се одржа неодамна во египетското туристичко место Шарм ел-Шеик (Египет), 14 дена, постигнаа резултат – нула.

The post Нула appeared first on plusinfo.mk.

– Се плашам дека може од државна со ваква Резолуција да преминеме во етничка позиција – вели Османи.

И покрај притисоците од опозицијата, посочи министерот, не навлеговме во негативен дискурс со Бугарија и пред очите на светот добивме признание дека ние сме во право.

– Постигнавме етнички консензус. Никогаш државата не била вака едногласна. Најголемата грешка што може да ја направиме до сега, од една државна позиција која има кредибилитет пред светот, некој сега да ја претвори повторно во етничка – изјави Османи во „Утрински брифинг“.

Тој вели дека ако заради некои политички, партиски амбиции, овој државен консензус којшто го постигнавме се претвори повторно во етничко прашање, тоа е најголемата штета што може да ја направи.

– Ако треба да се донесе некаква резолуција тоа треба да биде производ од сите, а не наметната од некоја политичка партија. ДУИ е на ставот дека овој процес треба да се почне од нула, да седната политичките партии консензуално, а не да биде наметната од една партија, како што напоменав се плашам дека може од државна со ваква Резолуција да преминеме во етничка позција – рече Османи.

The post Османи за Резолуцијата на ВМРО-ДПМНЕ: Процесот треба да почне од нула appeared first on plusinfo.mk.

Сирискиот претседател Башар ал-Асад оствари убедлива победа на претседателските избори со 95,1 процент од гласовите.

Право на глас имаа 18 милиони луѓе, а според конечните податоци на Државната изборна комисија, на гласање излегоа 78,66 проценти од запишаните гласачи.

Сириската опозиција ги нарече изборите фарса, додека САД и европските земји кажаа дека не биле ни слободни, ни фер.

– Мислењето на западот го множам со нула -изјави Асад.

The post Асад убедливо победи на изборите и порача: Мислењето на западот го множам со нула appeared first on plusinfo.mk.

Времето денеска ќе биде сончево со мала до умерена облачност. Ќе дува слаб до умерен ветер од југоисточен правец. Максималната температура ќе биде во интервал од 9 до 14 степени.

Во Скопје, претпладне ќе биде претежно облачно, преку денот сончево со мала до умерена облачност. Ќе дува слаб до умерен југоисточен ветер. Максималната температура ќе достигне до 11 степени.

The post Утрово Шапка се рабуди на -10 степени appeared first on plusinfo.mk.

Најстудено е во Берово каде се измерени -10 степени. Во Битола утринава температурата е  -6, во Струмица -5, во Петровец кај Скопје -4, во Тетово, Демир Капија и Маврово -3 и во Штип, Прилеп, Гевгелија и Крива Паланка -2 степена. Нула степени утринава се измерени на Зајчев Рид кај Скопје и во Охрид и Претор.

За денеска синоптичарите најавуваат сончево и ведро време со мала до умерена локална облачност. Веќе од попладне ќе почне да дува умерен, а вдолж Повардарието и засилен северен ветер по што во текот на ноќта облачноста од север ќе се зголемува.

The post Утрово во Берово измерени минус 10 степени appeared first on plusinfo.mk.

Ѕвездата на португалската репрезентација и на Јувентус, Кристијано Роналдо се наоѓа во самоизолација и се опоравува од коронавирусот, а денеска на јавноста и го претстави својот нов имиџ и поприлично ги шокира сите.

Иако во минатото беше познат по бројните интересни фризури, Португалецот сега одлучи да се ишиша на нула и со тоа се пофали на Инстаграм со јака порака.

– Успехот во животот не се мери со тоа што ќе го постигнете, туку по пречките кои ќе ги совладата, порача Роналдо во снимка од тренинг.

The post Роналдо повторно го шокира светот, има нова фризура ФОТО appeared first on plusinfo.mk.