Американскиот државен секретар Марко Рубио остро ја отфрли понудата на Иран за повторно отворање на Ормускиот Теснец под строги услови, оценувајќи дека таквиот предлог е неприфатлив и за САД и за меѓународната заедница.

Рубио предупреди дека според предложениот модел, пловидбата низ теснецот би зависела од дозвола од Иран, што, според него, претставува закана за слободниот поморски сообраќај.

– Она што тие го нарекуваат „отворање“ значи дека преминот ќе биде дозволен само ако е координиран со нив. Во спротивно, постои ризик од напад или дополнителни трошоци. Тоа не е прифатливо – изјави Рубио.

Тој нагласи дека Ормускиот Теснец е меѓународен воден пат и дека ниту една држава не може да одлучува кој ќе го користи.

– Не можеме да дозволиме меѓународните пловни патишта да станат „заложници“. Ова не е нормален систем и нема да го толерираме – додаде американскиот државен секретар.

И покрај тоа, Рубио оцени дека Иран покажува сериозност во обидите да се постигне договор со САД, но подвлече дека секој евентуален договор мора да вклучува гаранции дека Техеран нема да развива нуклеарно оружје.

– Мислам дека се сериозни во намерата да излезат од кризата во која се наоѓаат, но договорот мора јасно да спречи развој на нуклеарно оружје – рече Рубио.

Тој посочи и дека економската состојба во Иран дополнително се влошила од почетокот на конфликтот, со раст на инфлацијата и проблеми со исплата на плати, како и поради санкциите.

Во меѓувреме, американскиот портал „Axios“ објави дека Иран преку посредници од Пакистан доставил нов предлог до САД. Планот предвидува прво решавање на кризата околу теснецот и американската блокада, а потоа продолжување на прекинот на огнот или постигнување траен мир.

The post ОСТРА ПОРАКА ОД САД, ИРАНСКИОТ ПЛАН Е НЕПРИФАТЛИВ Рубио го пренесе ставот на Вашингтон за Ормус appeared first on plusinfo.mk.

Иранските и американските преговарачи се враќаат во своите земји за консултации по првичните разговори во Мускат, посредувани од Оман, со цел да се изгради доверба меѓу двете страни, објавија денеска иранските државни медиуми.

– Ова беше добар почеток. Во процес сме на градење доверба – изјави шефот на иранската дипломатија, Абас Арагчи, за државната телевизија. Тој не откри дали и кога ќе продолжат разговорите.

Портпаролот на иранското Министерство за надворешни работи, Есмаил Багаи, на X напиша дека одлуката за следните рунди преговори ќе биде донесена „во консултација со соодветните главни градови“.

Оманскиот министер за надворешни работи, Бадр ал-Бусаиди, ги опиша разговорите како „многу сериозни“ и изјави дека тие имале за цел да ги разјаснат позициите на двете страни и да идентификуваат почетни точки за напредок. Тој додаде дека преговорите се планира да продолжат „во догледно време“.

По средбата немаше официјално соопштение од американската делегација предводена од специјалниот пратеник Стив Виткоф и Џаред Кушнер, зетот на поранешниот претседател Доналд Трамп. Ал-Бусаиди се сретнал одделно со иранската и со американската делегација за консултации.

Присуството на адмиралот Бред Купер, врховен командант на американските сили во регионот, се смета за демонстрација на моќ и притисок врз Иран. Разговорите се одвиваа во период на зголемена тензија, поради бруталното задушување на неодамнешните масовни протести во Иран и зајакнатото присуство на американската војска во регионот.

Иранските власти се подготвени да ги ограничат нуклеарните активности, но целосното запирање на збогатувањето на ураниум е „црвена линија“. Иран, исто така, категорично ги отфрли преговорите за својата домашна ракетна програма.

Преговорите во Мускат се дел од обидите да се укинат строгите меѓународни санкции и да се овозможи економски раст, додека многумина демонстранти се критични кон продолжувањето на дијалогот и повикуваат на промена на власта во Техеран.

The post ДВЕТЕ СТРАНИ СЕ ПОДГОТВЕНИ ДА ГИ ПРОДОЛЖАТ ПРЕГОВОРИТЕ Завршија одделните разговори од висок ризик меѓу САД и Иран во Оман appeared first on plusinfo.mk.

Неименуван претставник на јужнокорејското Министерство за обединување на двете Кореи денеска изјави дека најверојатно во севернокорејското Министерство за надворешни работи е формирано ново одделение за нуклеарните преговори со САД.

Тој додаде дека Северна Кореја „го изгубила интересот за дијалог и оти ќе оди по својот пат“.

Неговата изјава предизвика шпекулации дека станува збор за новоформирано одделение, бидејќи такво тело не се спомнувало во севернокорејските медиуми, а МНР на Северна Кореја веќе има одделение посветено само на односите со САД.

– Се чини дека сигурно станува збор за нововоспоставена функција – посочи јужнокорејскиот неименуван извор.

Во вчера објавеното соопштение на севернокорејското МНР, Пјонгјанг го обвини американскиот државен секретар Мајк Помпео поради неговото залагање за задржување на санкциите кон Северна Кореја.

The post Ново одделение за нуклеарни преговори меѓу Северна Кореја и САД appeared first on plusinfo.mk.