Израелските напади врз Иран досега убиле најмалку 406 луѓе, а ранети се 654, објави организацијата „Активисти за човекови права“ со седиште во Вашингтон, која долги години го следи регионот. Иранските власти досега немаат објавено официјален број на жртви, објави Асошиејтед прес.

• „ПУТИН МИ СЕ ЈАВИ, СПРЕМЕН Е, ДОЛГО РАЗГОВАРАВМЕ ЗА ТОА“ Трамп е отворен за идејата рускиот претседател да ги смири Израел и Иран

Израел интензивно го напаѓа Иран трет ден по ред и се закани со уште посилни напади откако некои ирански проектили ја пробија израелската противвоздушна одбрана, предизвикувајќи уништувања во централниот дел на земјата. Во Израел досега загинаа 14 луѓе, а 390 се повредени, откако Иран истрелал над 270 проектили, од кои, околу 20 не биле соборени, според израелски податоци.

• СИРЕНИТЕ ПИШТАТ ВО ИЗРАЕЛ, ВЛАДАТА ГИ ПОВИКА ГРАЃАНИТЕ ДА ОСТАНАТ БЛИСКУ ДО БУНКЕРИТЕ Иран започна нов бран ракетни напади

Главниот аеродром во земјата и воздушниот простор се затворени од почетокот на конфликтот.

Иран денеска првпат го ракетираше Израел среде ден, продолжи и вечерва, додека, пак, израелските воздушни сили ги нападнаа иранските Министерство за одбрана и енергетска индустрија, при што Техеран е честа мета. Во досегашните напади биле убиени најмалку 14 ирански нуклеарни научници.

• ТЕХЕРАН ЌЕ ЈА ПОЧУВСТВУВА СИЛАТА НА ИЗРАЕЛСКАТА РАКА Нетанјаху најави жестока одмазда, Израел нападна објект на иранското Министерство за одбрана

– Ако запрат израелските напади, и ние ќе запреме со нашите – кажа иранскиот министер за надворешни работи, Абас Аракчи.

Претседателот на САД, Доналд Трамп, изјави за Еј-Би-Си дека САД би можеле да се вклучат во конфликтот, пред да ја увери земјата дека моментално не се вмешани.

– Израел и Иран би требало да склучат договор и тоа и ќе се случи. Јас ќе се погрижам за тоа. Ќе има мир наскоро. Да го направиме Блискиот Исток повторно голем – напиша Трамп на својата социјална мрежа.

НАСКОРО ЌЕ ИМА МИР МЕЃУ ИЗРАЕЛ И ИРАН Трамп кажа дека се одржуваат многу повици и состаноци

The post 406 ЛУЃЕ ЗАГИНАА ВО ИЗРАЕЛСКИТЕ НАПАДИ ВРЗ ИРАН, МЕЃУ НИВ И 14 НУКЛЕАРНИ НАУЧНИЦИ Главниот град Техеран е честа мета на удари appeared first on plusinfo.mk.