Јапонија планира да реновира од 2 до 5 стари нуклеарни реактори до 2040-тите години и од 11 до 14 до 2050-тите години за да обезбеди стабилно снабдување со електрична енергија, објави јапонскиот јавен радиодифузен сервис NHK, повикувајќи се на нацрт-полан на владата.

Предлогот, што ќе го презентира Министерството за економија, трговија и индустрија на состанок за нуклеарна политика, одразува поместување кон поголема зависност од нуклеарната енергија за да се задоволи растечката побарувачка за електрична енергија и да се намали увозот на скапи горива.

Јапонија ги затвори своите 54 оперативни нуклеарни реактори по нуклеарната катастрофа во Фукушима во 2011 година, поради стравувањата на јавноста за безбедносните стандарди на индустријата. Од 33-те реактори што сè уште се технички оперативни, 15 се рестартирани.

Минатата година, Токио ја ревидираше својата основна енергетска политика за да ја максимизира употребата на нуклеарната енергија. Сепак, многу реактори се приближуваат или го надминуваат својот 60-годишен работен век, што предизвикува загриженост дека нуклеарниот капацитет би можел да се намали дури и ако продолжат рестартирањата на неактивните електрани.

Со оставање специфични цели за замена, владата сака да ја зголеми предвидливоста за комуналните претпријатија.

Овие потези доаѓаат и во време кога се очекува побарувачката за електрична енергија нагло да се зголеми, поттикната од развојот на центри за податоци за вештачка интелигенција.

Според тековниот енергетски план, Јапонија има за цел да го зголеми уделот на нуклеарната енергија во својот енергетски микс на околу 20% до фискалната 2040 година, во споредба со 9,4% во 2024 година.

The post ЈАПОНИЈА СЕ ВРАЌА НА НУКЛЕАРНАТА ЕНЕРГИЈА До 2050 година планира да врати во живот 14 нуклеарни централи appeared first on plusinfo.mk.

Генералниот директор на Меѓународната агенција за атомска енергија (МААЕ), Рафаел Гроси, денеска повика на максимална воена воздржаност за да се избегне ризикот од нуклеарна несреќа на Блискиот Исток.

Повикот на Гроси следува по нападот врз нуклеарниот објект Бушер во јужен Иран.

Гроси објави на социјалната мрежа X дека не е пријавено зголемување на нивото на зрачење, но повика на максимална воена воздржаност

Иранскиот министер за надворешни работи, Абас Арагчи, предупреди дека понатамошните напади врз локацијата би можеле да доведат до зрачење, загрозувајќи ги животите на луѓето во Перискиот Залив.

The post ПРЕСТАНЕТЕ СО ГРАНАТИРАЊЕ НА НУКЛЕАРНИТЕ КАПАЦИТЕТИ! Меѓународната агенција за атомска енергија предупредува на опасноста appeared first on plusinfo.mk.

Украинскиот претседател Володимир Зеленски вечерва изјави дека денешните руски напади врз објектите од кои зависи работењето на нуклеарните централи во Украина имаат „ниво на напад што ниту еден терорист во светот не би го дозволил“.

Зеленски изјави дека Русите во текот на изминатата ноќ нападнале, меѓу другото, објекти од кои зависи работењето на нуклеарните централи, што, како што истакна, претставува закана не само за Украина, туку и за Европа.

– Блоковите на нашите украински нуклеарни централи денеска го намалија производството, еден блок автоматски се исклучи – рече Зеленски.

Тој го повика целиот свет да реагира на најновата ескалација на руските напади.

Изминатата ноќ, Русите ја нападнаа Украина со околу 400 беспилотни летала и 40 ракети од различни видови, главно насочени кон енергетски објекти, а во повеќето украински региони беа воведени итни прекини на електричната енергија.

The post РУСИТЕ ГИ ГАСАТ НАШИТЕ НУКЛЕАРКИ Зеленски го моли светот за помош appeared first on plusinfo.mk.

Околу половина од жителите на Киев останаа без електрична енергија во вторник, откако руските сили извршија нови напади врз украинскиот енергетски систем. Министерството за енергетика на Украина на Телеграм објави дека ситуацијата во главниот град е една од најтешките досега, со околу 50 проценти од потрошувачите без струја.

Русија во последните месеци значително го зголеми бројот и интензитетот на нападите насочени кон гасните и енергетските постројки, како и кон системите за пренос на електрична енергија.

Украина управува со три нуклеарни централи кои произведуваат повеќе од половина од вкупната електрична енергија, но поради оштетување на далноводите централите беа принудени да го намалат производството.

Како резултат, операторот на мрежата „Укренерго“ воведе ограничувања во снабдувањето со електрична енергија, оставајќи цели региони во темнина. Прекините влијаат и на снабдувањето со греење и вода, што дополнително го отежнува животот на населението во главниот град.

The post 📽️ РУСКИТЕ НАПАДИ ГО ПАРАЛИЗИРАА КИЕВ Струјата исчезна, проблеми со греење и вода во цели региони appeared first on plusinfo.mk.

Вештачката интелигенција бара многу струја, а компанијата Гугл сака да биде климатски неутрална до 2030 година. Тоа е причината што Гугл планира да ги напојува своите центри за податоци со „чиста“ струја од нуклеарна енергија, пишува „Фајненшл Тајмс“.

Со овој потег Гугл ги следи чекорите на гигантите Амазон и Мајкрософт кои исто така потпишаа договори со нуклеарни централи за снабдување на своите центри на податоци.

Уделот на „чиста“ електрична енергија во центрите за податоци и канцелариите на Гугл минатата година изнесуваше 64 отсто, но емисиите на јаглерод диоксид се зголемија за 13 отсто пред една година.

Гугл планира „брзо и безбедно“ да ги поврзе првите мали модуларни реактори (SMR) на калифорниската компанија „Каирос повер“ на мрежата до 2030 година и да инсталира повеќе реактори до 2035 година, се вели во соопштението објавено денеска.

As part of our commitment to clean energy, we’re signing the world’s first corporate agreement to purchase nuclear energy from multiple small modular reactors to be developed by @KairosPower. Learn more → https://t.co/K9nv7J9L4Q pic.twitter.com/GNuLs1dNA5

— Google (@Google) October 14, 2024

– Договорот ќе обезбеди вкупно до 500 мегавати нова енергија без јаглерод за американската електрична мрежа и ќе им помогне на повеќе заедници да уживаат во придобивките од чистата и достапна нуклеарна енергија – вели директорoт во Гугл, Мајкл Терел.

Во интервју за „Фајненшл Тајмс“, Терел рече дека нивниот план е да користат шест или седум електрани. Се’ уште не е јасно дали струјата од реакторот ќе влезе во мрежата или директно во центрите за податоци.

Исто така не е јасно дали Гугл ќе ја кофинансира изградбата на електраните.

Она што ги издвојува реакторите на „Каирос“ е дека се ладат со стопени флуоридни соли, што, според компанијата е побезбедно од конвенционалните реактори бидејќи не вклучува загревање до точка на вриење.

The post 📽 ГУГЛ ЌЕ СЕ НАПОЈУВА НА НУКЛЕАРЕН ПОГОН Вештачката интелигенција бара многу струја appeared first on plusinfo.mk.

Таа забрана за нуклеарно гориво ќе стапи на сила за околу 90 дена, но на Министерството за енергетика на САД му е дозволено да одобри исклучоци до 2027 година, во случај да има загриженост за недостиг на гориво.

Нацрт-законот, исто така, овластува 2,7 милијарди долари за финансирање на изградбата на американската индустрија за нуклеарно гориво.

24% од збогатениот ураниум што се користи во нуклеарните централи во САД доаѓа од Русија.

The post САД ГО ЗАБРАНУВААТ УВОЗОТ НА ЗБОГАТЕН УРАНИУМ ОД РУСИЈА Забраната стапува на сила за 90 дена appeared first on plusinfo.mk.

Извршниот директор на компанијата Крис Левеск соопшти дека неговата компанија ќе започне да гради во јуни на локација во близина на сегашната електрана на јаглен во Кемерер, Вајоминг, САД,  доколку дотогаш не ги добијат сите дозволи од надлежните органи.

Како што е соопштено, реакторите во оваа нуклеарна централа  наместо со вода, ќе се ладат се течен натриум, што го прави процесот поевтин. Тоа ќе овозможи производство на поевтина, побезбедна и поеколошка енергија.

Нивниот натриумски реактор се очекува да чини 4 милијарди долари, а половина од трошоците ќе ги покрие американското Министерство за енергетика.

Нуклеарната централа треба да биде готова во 2030 година.

Иако руските и кинеските државни фирми веќе успеаја да работат со помали нуклеарни реактори, напредокот во развојот на слична технологија во САД е запрен во последниве години.

Бил Гејтс помогна во основањето на Тера Пауер во 2006 година и оттогаш е нејзин претседател. Компанијата истакнува дека нејзината цел е да му обезбеди на светот подостапен, побезбеден и поеколошки тип на нуклеарна енергија.

The post БИЛ ГЕЈТС ВЛЕГУВА ВО НОВ БИЗНИС Ќе гради нуклеарни централи од нова генерација во САД appeared first on plusinfo.mk.

Русија гради повеќе нуклеарни реактори од која било друга земја во светот, објави денеска Меѓународната агенција за атомска енергија (МААЕ).

Податоците од Информацискиот систем за енергетски реактори (ПРИС) покажуваат дека од вкупно 58 нуклеарни реактори кои се градат ширум светот, 23 од нив ги гради Русија.

Според МААЕ, вкупно 412 нуклеарни реактори работат во електраните ширум светот, со вкупен капацитет од околу 370,2 гигавати.

The post ВО СВЕТОТ СЕ ГРАДАТ 58 НУКЛЕАРНИ ЦЕНТРАЛИ Половина од нив гради Русија appeared first on plusinfo.mk.

Украинските сили складираат проектили и артилериски гранати доставени од Запад во нуклеарни централи, изјави во понеделник директорот на руската служба за надворешно разузнавање Сергеј Наришкин, јавува Тасс. Тој тврди дека Киев ги користи постројките како покритие за резервите на муниција.

– Постојат веродостојни информации дека украинските војници складираат оружје и муниција доставени од Запад на територијата на нуклеарните централи – рече Наришкин, според соопштението на веб-страницата на разузнавачката служба.

Тој додаде дека вооружувањето вклучува ракети за фрлачи и ракети ХИМАРС од американско производство што ги користат странските системи за воздушна одбрана, како и „артилериски гранати од голем калибар“.

Според Наришкин, неколку автомобили натоварени со „смртоносен товар“ биле испорачани со железница до нуклеарната централа Ровно во западна Украина уште во текот на последната недела од декември.

– Тие се потпираат на пресметката дека руските вооружени сили нема да ги нападнат нуклеарните централи бидејќи ја сфаќаат опасноста од нуклеарна катастрофа – рече шефот на разузнавањето.

Во меѓувреме, најголемата нуклеарна централа во Европа, Запорожје, уште е под ризик. Од Меѓународната агенција за атомска енергија(МААЕ) повикаа на создавање на неутрална зона околу централата и ветија дека ќе стационираат свои мисии за мониторинг и во други објекти во Украина.

The post УКРАИНЦИТЕ ГО КРИЈАТ ЗАПАДНОТО ОРУЖЈЕ ВО НУКЛЕАРНИТЕ ЦЕНТРАЛИ „Знаат дека Русите нема да ги нападнат овие објекти“ appeared first on plusinfo.mk.

Енергетската индустрија на САД се потпира на Русија и нејзините сојузници Казахстан и Узбекистан за околу половина од ураниумот што го користи за своите нуклеарни централи.

Таа гранка на американската енергетика лобираше во Белата куќа да не се забрани увозот на ураниум од Русија, и покрај инвазијата на Москва на соседна Украина, наведуваат изворите.

Нема производство или преработка на ураниум во САД иако неколку компании посочија дека би сакале да го обноват домашното производство во Тексас или Вајоминг доколку производителите на нуклеарна енергија потпишат долгорочни договори за снабдување.

The post БАЈДЕН НЕ ЗАБРАНИЛ УВОЗ НА УРАНИУМ ОД РУСИЈА Американските нуклеарки лобирале во Белата куќа appeared first on plusinfo.mk.