Меѓународната агенција за атомска енергија (МААЕ) извести за артилериско гранатирање во близина на нуклеарната централа Запорожје, која е окупирана од Русија.

Тимот на МААЕ, кој е сместен во најголемата нуклеарна централа во Европа, слушнал пукање во областа. Црн чад се кревал од три блиски локации, соопштија инспекторите од нуклеарниот регулатор на Обединетите нации.

На тимот му било кажано дека повеќе гранати паднале на околу 400 метри од складиштето за дизел гориво надвор од централата.

– Иако немаше извештаи за жртви или штети на опрема, инцидентот уште еднаш ги истакна тековните закани за нуклеарната безбедност – рече генералниот директор на МААЕ, Рафаел Гроси.

На социјалните мрежи се појави непотврдена снимка од запалени камиони со гориво.

The aftermath of Russian strikes on Zaporozhye this morning. Zelensky said that “civilians” were targeted. All I see are fuel trucks. pic.twitter.com/CYPQjOmJQs

— Gabe (@GabeZZOZZ) September 16, 2025

На страницата на Икс на руската амбасада во Нов Зеланд се вели дека Украинците ги гаѓаат складиштата со гориво во централата. Ова е непотврдена информација.

„Вреди да се напомене дека помошните објекти на електраната, вклучувајќи ги и складиштата за гориво, се структурно помалку заштитени во споредба со обвивките на реакторите“.

Zaporozhskaya Nuclear Power Plant: (https://t.co/yoOGxIvYxG)

The Armed Forces of Ukraine (AFU) are shelling the fuel depots of Zaporozhskaya Nuclear Power Plant (ZNPP).

The artillery attack has ignited the dry vegetation on the adjoining territory. The distance between… pic.twitter.com/bjtNrUq2pR

— Russian Embassy, NZ (@rusembnz) September 17, 2025

Во понеделникот, 15 септември, се појавија извештаи дека руските сили го освоиле селото Новоиванивка   во Запорожје. Рускиот напредок во регионот значи присуство во централна Украина.

Russian forces have been geolocated in the center of Novoivanivka, Zaporozhye region bordering Dnepropetrovsk. pic.twitter.com/U8hkO0MR8b

— Heyman_101 (@SU_57R) September 16, 2025

Во областа на нуклеарната централа Запорожје, која беше окупирана од Русија во март 2022 година, кратко по почетокот на војната, често се пријавува гранатирање, за што двете страни во конфликтот се обвинуваат меѓусебно.

The post ТИМОТ ВО ЦЕНТРАЛАТА ЗАПОРОЖЈЕ СЛУШНАЛ КАКО ПАЃААТ ГРАНАТИ Киев и Москва се обвинуваат за нападот блиску до складиштата appeared first on plusinfo.mk.

Нуклеарна подморница од класата „Ју Ес Њупорт Њуз“, првпат се закотви во Исланд, што испрати јасна порака за воената моќ и стратегија на САД во арктичкиот регион, пишува Бизнис инсајдер. Според американската команда во Европа и Африка потегот претставува одговор на засилените воени маневри на Русија на Арктикот и на Далечниот Север.

САД го сметаат Исланд за клучна точка во арктичката стратегија, особено поради неговата стратешка локација, која им овозможила на западните сили да следат советски и потоа руски подморници уште од времето на Студената војна.

– САД одржуваат поморска база тука со децении и се потпираат на Исланд за следење на операциите на советските, а потоа и руските подморници – појасни адмиралот Стјуарт Манш, командант на американската морнарица во Европа и Африка.

The Los Angeles-class fast-attack submarine USS Newport News (SSN 750) conducted a port visit in Iceland, marking the first time a nuclear-powered submarine pulls into port on Iceland’s shores, July 9, 2025. @usnavy #Navy250 https://t.co/IoMVURc9VG pic.twitter.com/838hEt5dsf

— U.S. Naval Forces Europe-Africa/U.S. 6th Fleet (@USNavyEurope) July 9, 2025

Ерин Сојер, в.д. амбасадорка на САД во Исланд, соопшти:

„Вашингтон и Рејкјавик одржуваат заедничка цел за ниски тензии на Арктикот, целосно свесни за напорите на Русија да го зголеми своето воено присуство во регионот“.

Американската подморница влегла во исландските води и лани, но сега за првпат се закотвила и екипажот се истоварил. Подморниците од оваа класа се познати по можноста да дејствуваат во кој било дел од светот.

Пентагон ја потенцира важноста на Исланд и во својата Арктичка стратегија за 2024 година, укажувајќи на конкуренцијата со Русија, но и на обидите на Кина да го прошири своето влијание на север.

The post 📷 МОЌНА НУКЛЕАРНА ПОДМОРНИЦА СЕ ЗАКОТВИ ВО ИСЛАНД Арктикот станува шаховска табла за САД и Русија appeared first on plusinfo.mk.

• ЛИТВАНИЈА ПОСТАВУВА ЗМЕЈСКИ ЗАБИ, ФИНСКА СПРЕМА БУНКЕРИ Европа се вооружува за можна војна со Русија
• И БЕЛГИЈА ЌЕ СПРЕМА БУНКЕРИ ЗА ЕВЕНТУАЛЕН РУСКИ НАПАД Земјата работи на кризен план по примерот на Германија

Благодарение на законот, донесен во 1963 година, Швајцарија веќе е пред соседните земји како Германија. На секој од деветте милиони жители на Швајцарија, вклучително и на странци и на бегалци, му се гарантира место во бункер за заштита од воздушни напади и радијација.

– Швајцарската конфедерација сака да укине некои од исклучоците што постојат во сегашните правила во наредните години, како и да реновира некои од нејзините постари бункери – рече шефот на службата за цивилна одбрана во кантонот Во, Луис-Анри Делаража, објавија тамошните медиуми.

Швајцарската влада започна консултации на таа тема во октомври за да обезбеди „отпорност на земјата во случај на вооружен конфликт“. Планирано е да се издвојат 220 милиони швајцарски франкови (250 милиони долари) за реновирање на старите објекти.

– Ова не значи дека се подготвуваме за конфликт. Тоа не е пораката. Сепак, имаме мрежа на бункери и треба да ги одржуваме за да се увериме дека се функционални – истакна Делаража.

Делаража рече дека откако Русија ја нападна Украина во 2022 година, неговата канцеларија примила многу повици од загрижени граѓани кои поставувале прашања за бункерите.

ГЕРМАНИЈА СЕ ПОДГОТВУВА ЗА ВОЈНА, РАСТAТ ТЕНЗИИТЕ СО РУСИЈА! Се креира список на бункери за итни случаи, до нив се доаѓа со еден клик на апликација

The post ШВАЈЦАРИЈА САКА ДА ГИ НАДГРАДИ СВОИТЕ НУКЛЕАРНИ БУНКЕРИ ВО ВРЕМИЊА НА ГЛОБАЛНА НЕИЗВЕСНОСТ За секој жител има место во засолниште appeared first on plusinfo.mk.

Рускиот претседател Владимир Путин потпиша декрет со кој нуклеарното оружје останува последната линија на одбраната.

Во новата уредба „Основи на геополитиката во областа на нуклеарното задржување“ се прецизирани параметрите под кои може да се користи ова оружје, пренесоа руските медиуми.

„Државната политика во областа на нуклеарното ограничување е од одбранбена природа, насочена кон одржување на потенцијалот на нуклеарните сили на ниво доволно за да се обезбеди нуклеарно ограничување и да се гарантира заштитата на суверенитетот и територијалниот интегритет на државата“, се наведува во документот.

Исто така, во него се додава дека нуклеарниот одговор може да се активира во случај на напад на Белорусија, по што ќе следи масовен напад од воени авиони, крстосувачки ракети, беспилотни летала и други авиони кои летаат над руските граници.

Основите на државната политика ги содржат следниве точки:

– државната политика на полето на нуклеарното одвраќање има одбранбен карактер;

– Русија го смета нуклеарното оружје како одвраќање, чија употреба е екстремна и неопходна мерка;

– одвраќањето на потенцијалниот непријател од агресија против Русија и нејзините сојузници е еден од највисоките приоритети на владата;

– Русија може да користи нуклеарно оружје во случај на агресија против себе или Белорусија, што создава критична закана за територијалниот интегритет;

– агресијата на која било земја од воената коалиција против Русија или нејзините сојузници се смета за агресија на оваа коалиција како целина;

– агресијата врз Русија или нејзините сојузници од страна на ненуклеарна држава со поддршка на нуклеарна држава се смета за заеднички напад;

– Русија го задржува правото да користи нуклеарно оружје како одговор на употребата на оружје за масовно уништување против неа или нејзините сојузници;

– Русија спроведува нуклеарно одвраќање против потенцијален противник: држави, блокови и сојузи кои ја сметаат Русија за противник;

– Националната политика на нуклеарно одвраќање е насочена кон одржување на потенцијалот на нуклеарните сили на ниво доволно за нуклеарно одвраќање;

– неизвесноста за потенцијалниот противник во обемот и локацијата на употребата на нуклеарни сили е вклучена во принципите на нуклеарно одвраќање;

– нуклеарното одвраќање има за цел да обезбеди потенцијалниот противник да ја разбере неизбежноста од одмазда во случај на агресија против Русија;

– државната политика во областа на нуклеарното одвраќање во воен конфликт гарантира прекин на непријателствата под услови прифатливи за Русија;

– одржувањето на постојана подготвеност за употреба на посветен дел од силите за нуклеарно одвраќање е вклучено во принципите на руското нуклеарно одвраќање.

Потегот на Путин доаѓа само два дена откако медиумите објавија дека администрацијата на американскиот претседател Џо Бајден и дозволила на Украина да користи ракети со долг дострел за напади длабоко на руска територија.

Според извештаите, Бајден ја донел одлуката откако дознал дека војници од Северна Кореја наводно пристигнале во регионот Курск.

Руските власти предупредија дека таквите потези може да доведат до избувнување на Трета светска војна.

The post РУСИЈА ЈА ПРОМЕНИ НУКЛЕАРНАТА ДОКТРИНА, ИМА ПЕКОЛНИ ТОЧКИ! Ова е одговорот на Путин на одлуката на Бајден? appeared first on plusinfo.mk.

Израелскиот весник „Хаарец“ објави дека хакери, наводно поврзани со иранската разузнавачка служба, ги објавиле личните податоци на нуклеарен научник од Центарот за нуклеарни истражувања во Сорек.

Весникот истакна дека хакерите објавиле околу 30 фотографии од објектот во Сорек, преземени од хакираниот телефон и електронската пошта на израелскиот научник.

Хакерите исто така објавија скриншот со список на израелски нуклеарни научници кои работат на проектот за „акцелератор на честички“ во овој објект.

Iranian-intel hackers doxxed an Israeli nuclear scientist and several colleagues, while also leaking private photos and emails of senior Israeli officials, including a former Defense Ministry director general@omerbenj @jonathanlis1

https://t.co/NKxsMMRF2Z

— avi scharf (@avischarf) November 11, 2024

Објавени се и приватни фотографии и документи на поранешниот генерален директор на Министерството за одбрана, по хакирањето на неговиот профил.

Израел сè уште нема коментирано за извештајот. Минатиот месец, израелската полиција соопшти дека уапсила седум израелски државјани осомничени за собирање информации за израелски воени бази и енергетска инфраструктура за иранските разузнавачки служби.

The post ИРАНСКИ ХАКЕРИ РАЗОТКРИЈА ИЗРАЕЛСКИ НАУЧНИК Протекоа фотографии од неговиот телефон appeared first on plusinfo.mk.

Таа истакна дека Вашингтон го влошува конфликтот меѓу Украина и Русија и ја води цела Европа на работ на нуклеарна војна.

– САД и Западот не треба да го отфрлат или потценуваат сериозното предупредување на Русија – рече Ким Јо Џонг во изјавата објавена од државната новинска агенција.

Во денешната изјава Ким оцени дека давањето помош на Зеленски во воените дејствија против Русија е „опасна и неодговорна игра“.

Ким, која има висока позиција во севернокорејската владејачка Работничка партија, често дава изјави за ставот на Пјонгјанг за политичките и безбедносните прашања.

The post „СИ ИГРААТ СО ОГАН, ПУТИН БЕШЕ ЈАСЕН!“ Сестрата на Ким Јонг Ун вели дека Европа е на чекор до нуклеарна војна поради помошта на Украина од Америка appeared first on plusinfo.mk.

– Ви се обраќам во името на Србија, земјата на слободата и на правдата. Ви се обраќам во името на земјата чии постапки и принципиелна политика ја одразуваат темата на овогодинешното собрание. Ситуацијата во светот изгледа уште потешка и помрачна од пред една година – рече тој.

Тој потсети на зборовите на Џон Ф. Кенеди: „Човештвото мора да стави крај на војната, пред војната да стави крај на човештвото“.

– Србија и нејзините граѓани ја споделуваат болката со сите оние кои гинат во војни, како на Блискиот Исток така и во Украина. Се чини неверојатно дека светот е на работ на нуклеарен холокауст. Се приближуваме до работ на бездната. Мораме да ја вратиме вербата во мирот, единствениот пат кој нема алтернатива. Тоа им го должиме на сите генерации, иднината на светот е наш избор и одговорност – рече тој.

Тој предупреди дека Повелбата на ОН е уништена.

– Ќе објаснам користејќи го примерот на мојата земја, најубавата Србија, како е урната и газена по големите победи во Првата и во Втората светска војна, а Србите како народ имаа најголеми пропорционални загуби во Првата светска војна. Ние бевме меѓу првите кои им се спротивставија на нацистите. Не подготвувавме цвеќе за нацистичките тенкови и плативме висока цена – рече тој.

Вучиќ посочи дека ќе зборува за преседан за кој сите молчат.

– Надмоќта на Западот доведе до крајот на историјата и целосно владеење на западните идеи во сите делови од општествениот живот. Таков недостаток на рамнотежа ги сруши и СССР и Југославија. Тоа не се случи случајно или само по себе, туку со учество на западните служби, и во СССР и во Југославија. Денес од многумина слушнавме дека нападот на Украина ја отвори Пандорината кутија. Тоа не е вистина – истакна тој.

Тој повтори дека Србија го поддржува територијалниот интегритет на Украина. Но, тој се пожали дека лидерите на големите сили бараат почитување на Повелбата на ОН, но не и кога е Србија во прашање.

– Во налет на сопствената моќ, кога мислеа дека можат да прават што сакаат, почнаа да ги кршат нормите на меѓународното право. Ги погазија сите норми на меѓународното право, не ни бараа објаснувања! Ја нападнаа Србија и извршија агресија, а не им беше грижа за Повелбата на ОН. Што можеме ние како претседатели на слободарските земји? Тие со години лажат дека ќе донесеме војна на Балканот поради Русија. Ние не сме слуги ниту на САД ниту на Русија. Сакам да ги разберете механизмите на лагата и дека сите заедно се обидуваме да се собереме овде и да ја промениме оваа организација. Светот е на работ на катастрофа – рече тој.

The post КОГА НЀ НАПАДНАА, НЕ ИМ БЕШЕ ГАЈЛЕ ЗА ПОВЕЛБАТА НА ОН Србија не е слуга на Русија, ни на САД, изјави Вучиќ appeared first on plusinfo.mk.

– Имаше момент во есента 2022 година кога мислам дека постоеше вистински ризик од потенцијална употреба на тактичко нуклеарно оружје. Претседателот ме испрати да разговарам со нашиот руски колега, Сергеј Наришкин, на крајот на 2022 година за да му дадеме до знаење какви би биле последиците од тој вид на ескалација, и ние и понатаму сме многу искрени во врска со тоа – рече Барнс на настан организиран од „Фајненшл Тајмс“, зборувајќи заедно со шефот на Ми6, британската агенција за надворешно разузнавање.

Сепак, Барнс смета дека Западот сега не треба да се плаши од нуклеарна ескалација.

– Мислам дека не можеме да си дозволиме да бидеме заплашени од тоа штракање со сабја или малтретирање, но мораме да внимаваме на тоа – подвлекува тој.

Што се случи во ноември 2022 година? Месец претходно, во октомври истата година, се појавија стравувања од потенцијален напад со руско лажно знаме, откако министерот за одбрана Сергеј Шојгу тврдеше дека Украина ќе користи радиоактивна „валкана бомба“.

Руските државни медиуми тогаш тврдеа дека Киев собирал нуклеарен материјал за да го користи на бојното поле во валкана бомба или „нуклеарно оружје со ниска издашност“. Тврдењата веднаш беа отфрлени од Велика Британија, додека Володимир Зеленски, украинскиот претседател, рече дека е јасно дека Русија самата планира валкани бомбашки напад.

Во ноември 2022 година Барнс се соочи со Наришкин на, како што се сметаше, прва средба меѓу високи претставници на двете земји по целосната инвазија на Русија на Украина во февруари 2022 година. Во соопштението објавено во тоа време, Белата куќа рече: „Тој пренесува порака за последиците од употребата на нуклеарно оружје од страна на Русија и ризиците од ескалација на стратешката стабилност“.

Зборувајќи на настанот на „Фајненшл Тајмс“, Барнс се осврна и на последните случувања со украинската офанзива во рускиот регион Курск. Според Барнс, операцијата Курск „направи вдлабнатина“ во „вообразениот и самодоволен“ став на Путин. Сепак, Барнс рече дека не гледа докази дека власта на Путин слабее.

Исто така, шефот на ЦИА одби да се изјасни дали Иран испратил балистички ракети во Русија и рече дека таквиот потег „би бил драматична ескалација“. Сепак, тој рече дека извозот од Северна Кореја на балистички ракети со краток дострел во Русија го направи Пјонгјанг „поопасна закана“ за регионалните сојузници како Јапонија и Јужна Кореја.

И Барнс и шефот на Ми6, Сер Ричард Мур, рекоа дека меѓународниот светски поредок е „под закана на начин каков што не сме виделе од Студената војна“.

Во врска со самиот почеток на војната во Украина, Барнс рече дека неговата организација заедно со Ми6 обезбедила „веродостојно, рано и точно предупредување“ за планот на Русија да ја нападне Украина, истакнувајќи дека многу други западни разузнавачки агенции ги отфрлиле предупредувањата за руски напад.

На настанот се зборуваше и за ризиците од војната во Газа. Директорот на ЦИА рече дека САД напорно работат на нови предлози за прекин на огнот во Газа, со нови „текстови и креативни формули“. Новиот план, кој е дизајниран со помош на посредници од Катар и Египет, ќе се појави „во следните неколку дена“, повтори тој.

Според Барнс, милитантната организација Хамас уште живее затоа што, според него, тоа е идеја, а не само движење, но на Палестинците треба да им се даде нова надеж, односно „да се убие идејата со подобра идеја“.

The post „НА ПОЧЕТОКОТ НА ВОЈНАТА ИМАШЕ ВИСТИНСКИ РИЗИК ОД ЕСКАЛАЦИЈА“ Шефот на ЦИА раскажа за својата средба со Сергеј Наришкин appeared first on plusinfo.mk.

Комплексот во Натанз, главната иранска постројка за збогатување ураниум, станува сѐ поголем предмет на интерес на Западот додека Иран се обидува да ги прошири своите нуклеарни капацитети.

Иницијативата за нуклеарни закани, непрофитна безбедносна организација, проценува дека комплексот во Натанз се состои од три подземни згради, од кои две се дизајнирани да собираат 50.000 центрифуги. Шест згради се над земја, од кои две се сали од 2.500 метри што се користат за составување центрифуги за збогатување ураниум.

Од октомври 2022 година, Иран инсталирал 4.000 напредни центрифуги во своите постројки за збогатување ураниум, што е зголемување за 44% во рок од неколку месеци, според извештајот на Институтот за наука и меѓународна безбедност, а објавува Телеграф.

Лани сателитските снимки сугерирале дека Иран копа тунели во планините блиску до примарната нуклеарна централа во Натанз, градејќи нов комплекс толку длабоко под земја што експертите се загрижени дека ќе биде тежок за таргетирање и уништување со воздушни напади.

Иранскиот режим бргу негираше дека израелските напади во петокот го погодиле местото.

Комплексот во Натанз, лоциран во централното плато на Иран и опкружен со планините Загрос на запад, е заштитен со противвоздушна одбрана, периметарска ограда и страшниот корпус на Иранската револуционерна гарда.

Се верува дека комлексот се занимава со производство на гориво и врши други активности поврзани со цивилната нуклеарна програма на Иран. Но, некои експерти веруваат дека Иран ги крие напорите за изградба на нуклеарна бомба.

Збогатување ураниум длабоко во планината, далеку од љубопитните очи

Фотографии, направени во април 2023 година од „Планет лебс Пи-би-си“ (Planet Labs PBC), покажуваат како се извршуваат копања блиску до комплексот. Биле ископани 4 влезови во планината, според споредба на различни фотографии.

Не е јасно до каде е тој проект, со оглед на тајноста околу нуклеарните активности на Иран, особено бидејќи режимот го ограничува пристапот на меѓународните инспектори до неговите капацитети.

Но, големината на градежниот проект може да му овозможи на Иран да го користи објектот за збогатување со ураниум, како и за изградба на центрифуги. Дополнителни центрифуги ќе му овозможат на Иран способност побргу да го збогатува ураниумот длабоко во планината, далеку од љубопитните очи и сателити.

Израел осомничен за сајбер напади, физички напади, па и за убиства на ирански нуклеарни научници?

Во 2020 година, портпаролот на Организацијата за атомска енергија на Иран, Бехруз Камалванди, рече дека ќе биде изградена нова и понапредна структура во Натанз за да ја замени оштетената во пожар, според иранските државни медиуми.

Во тоа време, Техеран го обвини Израел за инцидентот, за кој Камалванди рече дека предизвикал „значителна штета“, но не резултирал со никакви жртви. Иран не откри повеќе детали „поради безбедносни причини“.

Следната година, Натанз доживеа прекин на електрична енергија, напад за кој исто така се верува дека го извршил Израел.

Израел долго време беше осомничен за диверзантски операции против иранската нуклеарна програма, кои вклучуваа сајбер напади, физички напади, па дури и убиства на врвни ирански нуклеарни научници.

Иран може потенцијално да произведе 3 атомски бомби

Експанзијата во Натанз можеби е ископана уште подлабоко од онаа на другата голема локација за нуклеарно збогатување, блиску до селото Фордо, која се наоѓа на повеќе од 160 километри северно од Натанз и е закопана во планина блиску до градот Ком.

Во март 2023 година, Меѓународната агенција за атомска енергија (МААЕ) објави дека таму открила ураниум збогатен до 83,7% чистина, што е многу блиску до процентот потребен за правење оружје, кој изнесува 90% чистина.

Се верува дека Иран има доволно високо збогатено нуклеарно гориво што потенцијално би можело да се искористи за производство на 3 атомски бомби, иако создавањето бомба, што може да ја испорача, е посложен потфат.

Некои експерти мислат дека тоа би можело да потрае една година или повеќе, но бидејќи Иран го ограничува она што е познато за неговите нуклеарни активности, тешко е прецизно да се измерат иранските капацитети.

Заклучно со 10 февруари, вкупните резерви на збогатен ураниум во Иран изнесуваа 5.525,5 килограми, што е зголемување за 1.038,7 килограми во однос на претходниот квартал, процени Меѓународната агенција за атомска енергија во својот најнов квартален извештај.

The post ШТО СЕ КРИЕ ВО ИРАНСКАТА ПЛАНИНА ЗА НУКЛЕАРНА ЕНЕРГИЈА? Израел и другпат е поврзан со напад врз Натанз appeared first on plusinfo.mk.

Останатите 13 обиди за лансирање биле неуспешни. Њујорк Тајмс напиша дека сателитски снимки покажуваат подготовки за лансирање на ракета во оддалечена база на Арктикот во Русија. Претходно, во 2019 година, тестирањето на „летечкиот Чернобил“ уби седум лица.

Путин ги прогласи загинатите за „национални херои“, но рускиот лидер не ги објави во јавноста деталите кои довеле до нивната смрт. Тој смета дека „Буревестник“ е оружје на „судниот ден“ кое ја менува играта во однос на оружјето и на целата војна во Украина.

The “Burevestnik”cruise missile-official testing begins soon.. pic.twitter.com/MhM2KPkxku

— Wolf (@Vuk02577707) October 2, 2023

Лета со недели, го пробива кој било одбранбен систем

Наречен „летечки Чернобил“, елиптичниот проектил долг 12 метри првпат беше претставен на 1 март 2018 година и има неограничен дострел. Русија создаде ракета што може да навлезе во кој било одбранбен систем во светот.

Она што е револуционерно во инженерска смисла е што течниот водород во ракетата се загрева не преку хемиска реакција туку преку топлината од нуклеарна реакција. Малиот нуклеарен реактор се активира во лет и тоа овозможува ракетата да остане во воздухот со недели.

Според шефот на разузнавачката служба на Обединетото Кралство, Џејмс Хокенхул, „Буревестник“ би овозможил руски напад од неочекувани правци.

#Nyonoksa missile explosion
• Early US designs were abandoned due to size & unreliability. #Burevestnik reactor must run EXTREMELY hot for it to be cooled by incoming air already heated by supersonic compression.
— #ahemENVIRO
..Always on brink of supercritical pic.twitter.com/o1lpw33e2Q

— aHEMagain Actual (@aHEMandias) August 14, 2019

Пушта радијација и прави бељи само со летот

Аналитичарот и истражувач од Кралскиот институт за Обединети услуги, Марк Галеоти, вели дека проектилот претставува огромен технички предизвик.

– Постои голем ризик проектилот да испушта радиоактивни издувни гасови каде и да помине – рече тој.

На 8 август 2019 година, руското Министерство за одбрана објави дека имало експлозија во ракетна база на северот на земјата и дека во несреќата загинале најмалку пет лица. Надлежните ги советувале жителите на областа да ги напуштат своите домови, бидејќи експлозијата предизвикала зголемување на нуклеарната радијација.

За овие тврдења зборуваше и еден американски функционер кој не сакал да го открие својот идентитет. Алџезира објави дека Вашингтон верува дека во експлозијата биле испуштени радиоактивни елементи.

Би-Би-Си доби информации дека отчитувањата на гама зрачењето на шест тест-станици во Северодвинск, град со 180.000 жители, биле четири до 16 пати повисоки од нормалните по неуспешното лансирање на ракетата. Канадската невладина организација „Гринпис“ соопшти дека радијацијата е зголемена и до 20 пати.

Експлозијата предизвика паника кај локалните жители. Тие купиле јод за да ги намалат ефектите од зрачењето. Подоцна експертите оценија дека радијацијата е резултат на несреќа за време на тестирањето на ракетата.

#Nyonoksa missile explosion
• Vid provides good overview of #Burevestnik’s capabilities, thread discusses threat to locals.
— #ahemENVIRO
..a bunch of links to followhttps://t.co/2sCrp3knc8

— aHEMagain Actual (@aHEMandias) August 14, 2019

Успешен ракетен тест или само кампања?

Според американското разузнавање, ракетата никогаш не успеала да прелета повеќе од 35 километри, а нејзиниот најдолг лет траел само две минути. Ќе биде ли успешен 14-тиот тест?

Според шпекулациите, Путин, во сабота на својот роденден треба да објави дека ќе се кандидира за нов шестгодишен мандат на претседателските избори закажани за март следната година. А меѓу другото, се очекува да обзнани дека повторно ќе ја тестира моќната ракета.

– Доколку претседателот на Русија Владимир Путин одлучи да учествува на претседателските избори во 2024 година, никој нема да може да се справи со него – изјави портпаролот на Кремљ, Димитриј Песков.

Тој истакна дека Путин „ужива апсолутна поддршка од населението“.

The post 📸 „ЛЕТЕЧКИОТ ЧЕРНОБИЛ“ ЌЕ ПОЛЕТА ЗА 71. РОДЕНДЕН НА ПУТИН? Ракетата останува во воздух со недели, а имала 13 неуспешни тестови appeared first on plusinfo.mk.