Мировните преговори меѓу САД и Иран во главниот град на Пакистан пропаднаа по 21 час разговори, објавија двете страни преку разни соопштенија.

„Неразумни барања, го додале условот за Ормуз“

Потврдувајќи го крајот на разговорите, Иран го обвини нивниот неуспех за „неразумните барања“ од САД. Бакаи ја наведе „сложеноста на прашањата и условите на преговорите“.

– Додадени се нови теми за време на оваа рунда, вклучувајќи го Ормускиот Теснец и регионалните прашања, секое со свои специфични услови и размислувања – додаде тој.

Иран не брза да преговара, а ситуацијата во Ормускиот Теснец нема да се промени сè додека САД не се согласат на „разумен договор“, изјави „информиран извор“ за полуофицијалната иранска новинска агенција Тасним, објави Ројтерс.

„Нема договор? Лоша вест за Иран“

Американскиот потпретседател Џеј Ди Венс информираше дека Вашингтон и Техеран не постигнале договор бидејќи, како што вели, бидејќи Иран не ги прифатил условите поставени од Вашингтон, вклучително и откажувањето од производство на нуклеарно оружје.

– Лошата вест е што не постигнавме договор и мислам дека тоа е многу полоша вест за Иран отколку за Соединетите Американски Држави –  изјави Венс.

Toj вели „се враќаме во САД без договор“.

– Кажавме многу јасно кои се нашите црвени линии. Тој додаде дека во текот на преговорите шестпати разговарал со претседателот Доналд Трамп.

Ормускиот Теснец, главен камен на сопнување?

Клучен спорен момент е контролата врз Ормускиот Теснец. Иран инсистира на контрола и воведување транзитни такси, додека САД бараат слободна и безбедна пловидба без такси. Вашингтон, исто така, бара Иран да предаде над 400 килограми високо збогатен уран, да ја прекине нуклеарната програма и да прифати ограничувања за балистичките ракети.

Техеран, пак, бара ослободување на замрзнатите средства, исплата на репарации за воените штети, укинување на сите санкции, гаранции за ненапаѓање и повлекување на американските сили од Блискиот Исток.

Кој ќе ги отстрани мините во Теснецот?

Паралелно со преговорите, американската војска соопшти дека „подготвува услови“ за почеток на операции за разминирање на Ормускиот Теснец. Според САД, два американски воени брода поминале низ Теснецот, додека иранските државни медиуми го демантираа тоа. Пред почетокот на разговорите, висок ирански извор тврдеше дека САД се согласиле да ги ослободат замрзнатите ирански средства во Катар, но американски претставник го демантираше тоа.

Агенциите Тасним и Фарс јавија дека токму спорот за теснината го спречил напредокот, при што иранската делегација инсистирала на „зачувување на воените постигнувања“.

САД и Иран не контактирале повеќе од деценија

10 ТОЧКИ ШТО ГО ТРЕСАТ РЕГИОНОТ Иран ги откри условите за договор со САД

The post НЕ БРЗАМЕ, БАРАЊАТА СЕ НЕРАЗУМНИ, ВЕЛИ ИРАН По 21 час разговори, Ормуз пак создава јаз меѓу Вашингтон и Техеран appeared first on plusinfo.mk.

Израелскиот премиер Бенјамин Нетанјаху изјави дека Израел и САД се на половина пат во војната против Иран. Тој одби да даде временска рамка за крајот на конфликтот.

– Секако сме на половина пат. Но, не сакам да поставувам временска рамка – рече Нетанјаху.

Тој појасни дека проценката се однесува на постигнувањето на воените цели, а не на времетраењето на војната.

Нетанјаху тврди дека израелските и американските сили убиле илјадници припадници на Иранската револуционерна гарда. Според него, операциите се блиску до уништување на индустријата за оружје.

– Целата индустриска база, сè, фабриките, нуклеарната програма, сè уништуваме – рече тој.

САД и Израел ја започнаа војната на 28 февруари 2026 година. Американскиот претседател Доналд Трамп првично најави дека операциите ќе траат 4 до 6 недели.

Американскиот државен секретар Марко Рубио изјави дека војната ќе трае уште неколку недели. Во меѓувреме расте противењето во американската јавност и цените на нафтата бележат раст.

Нетанјаху изјави дека падот на иранскиот режим не е непосредна цел.

– Она што го правиме е слабеење на нивната војска, нивните ракети и нивните нуклеарни капацитети, но и нивно слабеење одвнатре – рече тој.

Аналитичарите предупредуваат дека тврдењата за нуклеарна закана се контроверзни. Меѓународната агенција за атомска енергија наведува дека нема докази за активна програма за нуклеарно оружје.

The post НА ПОЛОВИНА ПАТ СМЕ ДО ЦЕЛТА ВО ВОЈНАТА Нетанјаху одбива да даде рок за крај appeared first on plusinfo.mk.

Иранскиот министер за надворешни работи, Абас Арагчи, денеска изјави дека Иран е подготвен за евентуална копнена инвазија од страна на САД и ја отфрли можноста за преговори со Вашингтон, наведувајќи дека Техеран не побарал прекин на огнот, и покрај нападите на САД и Израел.

– Ги чекаме – рече Арагчи во интервју за Ен-Би-Си Њуз, додавајќи дека Иран не се плаши од евентуалното испраќање копнени сили од страна на САД.

Тој додаде дека е уверен оти Исламската Република може да се спротивстави на таква операција, која, како што изјави, би претставувала „голема катастрофа“ за американските сили.

Арагчи нагласи дека Иран не побарал прекин на огнот и покрај нападите.

– Ние не побаравме прекин на огнот ниту минатиот пат. Потоа Израел побара безусловен прекин на огнот по 12 дена, откако се спротивставивме на нивната агресија – рече тој, осврнувајќи се на 12-дневниот конфликт минатиот јуни, за време на кој американските и израелските сили ги нападнаа иранските нуклеарни објекти.

Иранскиот министер, исто така, изјави дека преговорите со Вашингтон во моментов не доаѓаат предвид.

Тој потсети дека минатата недела во Женева преговарал за можен договор со претставникот на американскиот претседател Стив Виткоф и зетот на американскиот претседател Џаред Кушнер, но дека разговорите биле прекинати по почетокот на нападите.

– Немаме позитивно искуство во преговорите со САД, особено со оваа администрација. Преговаравме двапати минатата и оваа година, а потоа тие нè нападнаа среде преговорите – нагласи Арагчи.

Тој додаде дека Техеран не гледа причина повторно да влезе во преговори со партнери кои, како што изјави, не дејствуваат чесно и не преговараат со добра волја.

Зборувајќи за исходот од конфликтот, Арагчи оцени дека нема да има победници во оваа војна.

– Нема победници во оваа војна. Нашата победа е што можеме да се спротивставиме на нелегалните цели и досега го сторивме тоа. Тие не успеаја да ги постигнат своите цели, а ние успеавме да им се спротивставиме и да се соочиме, како што тврдат, со најмоќната армија во светот, заедно со Израел – рече Арагчи.

Американскиот портал Аксиос претходно објави, повикувајќи се на американски функционер запознаен со ситуацијата, дека Иранците во последните денови испраќале пораки до администрацијата на Трамп преку земјите од Персискиот Залив и други држави на Блискиот Исток, но САД не одговориле.

Њујорк тајмс објави дека оперативци од иранското Министерство за разузнавање индиректно контактирале со ЦИА, преку разузнавачка служба од трета земја, со понуда да разговараат за условите за прекин на конфликтот.

Соединетите Американски Држави и Израел го нападнаа Иран во саботата наутро, на 28 февруари, во она што го нарекоа „превентивни напади“, по неуспехот на неколку рунди разговори за нуклеарната програма на Иран. Потоа Иран започна масовни одмазднички напади врз Израел и цели поврзани со САД низ Блискиот Исток.

The post ГИ ЧЕКАМЕ, ИРАН НЕ СЕ ПЛАШИ ОД КОПНЕНА ИНВАЗИЈА Техеран предупредува на „голема катастрофа“ за американските сили appeared first on plusinfo.mk.