Европските научници поставија нов рекорд во потрагата по енергијата на иднината. Нуклеарната фузија произведе најмногу енергија досега во еден експеримент во лабораторијата „ЏЕТ“ во Оксфордшир.

Достигнувањето дојде по повеќе од 40 години истражувања на фузијата во британската лабораторија. Научниците велат дека направиле нешто што досега не било постигнато.

„Постигнавме работи што никогаш порано не се направени“, велат европските научници кои работат во установата, според британските медиуми.

Научниците користеле деутериум и тритиум, две форми на водород, кои ги загреаја до екстремни температури.

Во тие услови честичките се споиле и ослободиле рекордни 69 мегаџули енергија од фузија. За експериментот беа потребни само 0,2 милиграма гориво, а енергијата се ослободи за околу 5 секунди.

Целта не била производство на струја за електричната мрежа. Научниците сакаа да покажат дека фузијата може стабилно да се контролира во услови слични на идните реактори. Токму податоците од „ЏЕТ“ сега треба да помогнат во развојот на следната генерација фузиски постројки.

Фузијата го имитира процесот што го напојува Сонцето. Ситни честички се загреваат до екстремни температури, а потоа се спојуваат. Така создаваат потешка честичка и ослободуваат енергија.

Токму затоа технологијата со децении важи за еден од најголемите енергетски предизвици на човештвото.

Целта е процесот еден ден да произведува огромни количества енергија без емисии на јаглерод-диоксид. Сепак, експерименталниот успех не значи дека електрична енергија од фузија веднаш ќе стигне до домовите.

Следниот голем предизвик е технологијата успешно да се зголеми во обем. Доколку тоа се постигне, фузијата би можела да овозможи производство на големи количества чиста енергија.

The post НАУЧНИЦИТЕ ПО 40 ГОДИНИ ПОСТАВИЈА РЕКОРД СО ЕНЕРГИЈАТА НА СОНЦЕТО Фузијата отвора пат кон чиста енергија на иднината appeared first on plusinfo.mk.

Енергијата од ветропарковите на море се само преодно решение, а во иднина Германија ќе мора да се потпре на енергијата од нуклеарна фузија, рече денеска германскиот канцелар Фридрих Мерц.

Мерц присуствуваше на самитот на земјите од Северното Море вво Хамбург, каде што учествуваа и лидерите на Данска, Белгија, Холандија и Норвешка кои договорија изградба на нови ветроелектрани. Тој нагласи дека енергијата на ветерот „ќе ја придружува Германија во наредните 10, 20, можеби 30 години“, но дека не е крајно решение.

Според него, долгорочната цел на Берлин е Германија прва во светот да пушти во работа комерцијален фузиски реактор.

Мерц оцени дека таквиот технолошки исчекор би овозможил производство на електрична енергија по исклучително ниска цена, со што, како што наведе, „другите методи на производство би станале непотребни“.

Нуклеарната фузија, за разлика од класичната нуклеарна енергија заснована на цепење на атомите (фисија), подразбира спојување на лесните атомски јадра во потешки, при што се ослободуваат огромни количини енергија.

Сојузната влада на Германија на почетокот на октомври одобри повеќе милијарди евра за поддршка на истражувања во оваа област, иако технологијата сè уште се наоѓа во експериментална фаза. Научниците ниту по децении истражувања не успеаја да произведат значителни количини енергија од фузиските постројки бидејќи за нивната работа често е потребно повеќе енергија отколку што се добива со фузијата.

Мерц сепак е оптимист и смета дека технологијата би можела да биде комерцијално достапна во наредните 10 до 20 години.

Еколошките организации и некои експерти сепак се скептични и предупредуваат дека чекањето на развојот на фузијата би можело да доведе до одложување на примената на постојните обновливи извори на енергија. Тие исто така напоменуваат дека фокусот на големите централизирани постројки не е во согласност со концептот на децентрализираната енергетска транзиција.

The post МЕРЦ ПОСАКУВА ГЕРМАНИЈА ПРВА ВО СВЕТОТ ДА ПРОИЗВЕДУВА ЕНЕРГИЈА СО НУКЛЕАРНА ФУЗИЈА Енергијата на ветерот е преодно решение appeared first on plusinfo.mk.

На светскиот економски форум во Давос Алтман изјави за Ројтерс:

– Нема начин да се стигне до таму без (енергетски) пробив. Тоа нè мотивира да инвестираме повеќе во фузијата.

Toj неодамна го повтори ова на поткаст со Лекс Фридман, пишува Интересно инженерство.

Тој објасни дека енергијата која им е потребна на чиповите и полупроводниците кои процесираат апликации на вештачка интелигеницја е далеку поголема од она што тој претпоставувал.

Накратко, Алтман вели дека огромната енергија која ја шмука вештачката интелигенција може да се задоволи со нуклеарната фузија. Тоа е технологија која ветува чиста енергија која не создава емисии на јаглерод диоксид и долгорочен нуклеарен отпад.

Проблемот? Научниците со децении пробуваат да направат реактор за фузија кој ќе произведува повеќе енергија отколку што користи. Се работи за машини кои создаваат плазма преку судирање на честички од атомското јадро на атомите. Процесот е обратен од разбивањето на атомски јадра на кој работат денешните нуклеарни централи.

Научниците имаат проблем како да ја зауздаат плазмата која излегува од ваквото судирање на честички. Користат разни магнети.

Експертите предупредуваат дека комерцијалната примена на нуклеарната фузија е сè уште далеку во иднината и дека фокусирањето исклучиво на оваа технологија може да биде преоптимистичко. Анека Кан од Универзитетот во Манчестер истакнува дека е неопходно да се користат и да се развиваат моментално достапните обновливи извори на енергија за да се одговори на актуелните енергетски предизвици, пишува Си-Ен-Ен.

Меѓународната агенција за енергетика предвидува дека потрошувачката на електрична енергија од центрите за податоци и вештачката интелигенција ќе расте експоненцијално, што ќе изврши дополнителен притисок врз веќе пренатрупаните енергетски системи ширум светот.

Можеби самата вештачка интелигенција ќе ни помогне во развивањето одржлив реактор за фузија? Според Алтман таа може да ни помогне во решавањето на климатското затоплување, а и да најде потенцијален лек за ракот.

The post САМО ЕДНО НЕШТО МОЖЕ ДА ГО ЗАДОВОЛИ АПЕТИТОТ НА ВЕШТАЧКАТА ИНТЕЛИГЕНЦИЈА Човекот кој стои зад ЧатГПТ вели дека иднината е во фузијата appeared first on plusinfo.mk.

Кинеските научници повторно го пуштија во употреба напредниот суперспроводник за нуклеарна фузија(ЕАСТ), кој колоквијално се нарекува „Кинеско вештачко сонце“.

Според потпретседателот на Хефеи институтит за Физика, во наредниот период ќе се тестираат помошните системи за ладење, кои се неопхофни за работата на реакторот. ЕАСТ уредот е сè уште во експирементална фаза, а крајната цел на неговата намена е да се обезбеди нуклеарен реактор за прозводство на енергија, кој ќе биде еквивалентен на Сонцето.

„Кинеското вешташко сонце“ досега постави неколку рекорди во постигната температура, откако во јуни загреа до 288 милиони Фаренхајти, што е десет пати пожешко од температурата на Сонцето.

Инаку ова е еден од трите вакви уреди кои во моментов работат во Кина, а е дел од Термонуклеарниот реакторски центар, за кој е предвидено до 2035 година да стане најголемиот фузиски реактор во светот.

The post КИНЕЗИТЕ ГО ВКЛУЧИЈА СОНЦЕТО Нуклеарен реактор десет пати пожежок од нашата ѕвезда appeared first on plusinfo.mk.