Иран има капацитет повторно да започне со збогатување на ураниум за потенцијална атомска бомба, а во „прашање се месеци“, изјави шефот на нуклеарната агенција на ОН, Рафаел Гроси, објави Би-Би-Си.

Директорот на Меѓународната агенција за атомска енергија (МААЕ) рече дека американските воздушни напади врз 3 ирански локации минатиот викенд предизвикале сериозна, но не целосна штета, спротивно на тврдењето на Доналд Трамп дека иранските нуклеарни капацитети биле „целосно уништени“.

– Да бидам искрен, не може да се тврди дека сè исчезнало и дека таму нема ништо – изјави Гроси во саботата.

Израел на 13 јуни нападна нуклеарни и воени објекти во Иран, тврдејќи дека Техеран е блиску до изработка на нуклеарно оружје. Подоцна, САД се приклучија на нападите и бомбардираа 3 ирански нуклеарни постројки: Фордо, Натанз и Исфахан.

Оттогаш, вистинскиот обем на штетата остана нејасен.

Во саботата, Гроси изјави дека Иран би можел „за неколку месеци… да пушти неколку каскади центрифуги да се вртат и да произведуваат збогатен ураниум“. Тој додаде дека Иран и натаму располага со „индустриски и технолошки капацитети… така што ако сака, може повторно да започне со тоа“.

МААЕ не е првата институција што укажува дека иранскиот нуклеарен капацитет може да продолжи – претходно оваа недела, разузнавачка проценка на Пентагон покажала дека американските напади само го забавиле нуклеарниот програм за неколку месеци.

Трамп бесно одговори тврдејќи дека иранските нуклеарни локации биле „целосно уништени“, обвинувајќи ги медиумите за „обид да се омаловажи една од најуспешните воени операции во историјата“.

Засега, Иран и Израел се согласија на примирје.

Но, Трамп изјави дека „би размислил апсолутно да го нападне Иран повторно, доколку разузнавањето покаже дека Иран повторно збогатува ураниум на загрижувачко ниво“.

Од своја страна, Иран испраќа контрадикторни пораки за степенот на предизвиканата штета.

Во говор во четвртокот, иранскиот врховен лидер ајатолах Али Хамнеи рече дека нападите не постигнале ништо значајно. Но, министерот за надворешни работи, Абас Аракчи, призна дека е причинета „прекумерна и сериозна“ штета.

Односите на Иран со МААЕ, веќе напнати, дополнително се влошија во средата, кога иранскиот парламент предложи суспензија на соработката со агенцијата, обвинувајќи ја дека застанала на страната на Израел и на САД.

Двете земји го нападнаа Иран откако минатиот месец ОН утврдија дека Иран е во прекршување на своите обврски за неширење на нуклеарно оружје – за првпат по 20 години.

Иран тврди дека неговата нуклеарна програма е мирољубива и наменета исклучиво за цивилна употреба.

И покрај одбивањето на Техеран да соработува со неговата организација, Гроси рече дека сѐ уште се надева на можност за преговори.

– Морам да седнам со Иран и да го разгледаме ова бидејќи на крајот, сето ова по воените удари ќе мора да заврши со трајно решение – а тоа не може да биде ништо друго освен дипломатско – рече Гроси.

Според нуклеарниот договор од 2015 година, Иран не смееше да збогатува ураниум над 3,67% чистота – ниво што се користи за гориво во комерцијални нуклеарни електрани – и му беше забрането да збогатува ураниум во постројката Фордо во период од 15 години.

Сепак, Трамп го напушти договорот во 2018 година за време на својот прв мандат, тврдејќи дека тој не спречува доволно ефективно патот до бомба, и повторно воведе американски санкции.

Иран возврати така што сѐ повеќе ги прекршуваше ограничувањата, особено оние што се однесуваат на збогатувањето. Во 2021 година, повторно започна збогатување во Фордо, а според МААЕ, веќе има собрано доволно ураниум – збогатен на 60% за потенцијално 9 нуклеарни бомби.

The post „ИРАН НАСКОРО ЌЕ МОЖЕ ПАК ДА ЗБОГАТУВА УРАНИУМ ЗА ПОТЕНЦИЈАЛНА АТОМСКА БОМБА“ Американските напади не го уништија целосно нуклеарниот капацитет на Техеран? appeared first on plusinfo.mk.

Нападите врз иранските објекти за збогатување ураниум, како оној во Натанц, не носат ризик од нуклеарна катастрофа од размерите на Чернобил или на Фукушима, објави Би-Би-Си, повикувајќи се на проценки од нуклеарни експерти.

Според експертите, целите биле објекти за збогатување ураниум, а не активни реактори во кои се случува нуклеарна фисија. Поради оваа причина, ризикот од ширење на радиоактивноста е минимален.

– Нема нуклеарна реакција во централа за збогатување ураниум, за разлика од нуклеарна централа – објасни експертот за нуклеарни материјали на Универзитетот Бангор, Сајмон Мидлбург. Во електрана се случува контролирана фисија – разделување на атоми на ураниум, што создава топлина, но и високо радиоактивен отпад.

Од друга страна, при збогатување на ураниум, централите произведуваат само гориво – нема нуклеарна реакција.

Доколку таков објект биде бомбардиран, вели Мидлбург, збогатените честички од ураниум би можеле да бидат ослободени во околината, но нема да има нуклеарна експлозија или широко распространето зрачење.

– Опасноста би останала локализирана, без радиолошки ризик надвор од малата зона на исклучување околу засегнатиот објект – рече Мидлбург.

Би-Би-Си потсетува дека израелските сили извршија нови напади врз објектите во Натанц синоќа. Досега нема информации за истекување на радиоактивен материјал.

The post ЌЕ СЕ СЛУЧИ ЛИ ЧЕРНОБИЛ ВО ИРАН ПОРАДИ НАПАДИТЕ НА ИЗРАЕЛ? Еве што велат експертите appeared first on plusinfo.mk.

Израел утрово нападна област во близина на нуклеарниот реактор со тешка вода Хондаб во централен Иран, кој е дел од нуклеарната програма на Иран, објавија иранските медиуми.

Според ирански официјални лица, објектот бил евакуиран пред нападот и нема ризик од зрачење.

• САД СЕ ПОДГОТВУВААТ ЗА НАПАД НА ИРАН Се споменува и можен датум

Израелската војска ги предупреди Иранците да го евакуираат подрачјето на нуклеарниот реактор со тешка вода, кој се наоѓа на границата на градовите Арак и Хондаб во централен Иран, поради нивна безбедност, објави Тајмс оф Израел.

Реакторот со тешка вода се наоѓа на периферијата на Хондаб.

Војската соопшти дека работи во областа против иранската воена инфраструктура.

• „ТИРАНИТЕ ОД ИРАН СКАПО ЌЕ ПЛАТАТ“ Нетанјаху е бесен поради нападот врз болницата во Бершеба

Истражувачкиот реактор е делумно изграден и порано бил познат како Арак, а Техеран ја известил Меѓународната агенција за атомска енергија (МААЕ) дека планира да започне со работа на објектот следната година.

Тешката вода помага во ладењето на нуклеарните реактори, но произведува плутониум како нуспроизвод што потенцијално би можел да се користи во нуклеарно оружје.

МААЕ го повика Израел да не ги напаѓа иранските нуклеарни постројки.

Инспекторите на МААЕ, според извештаите, последен пат го посетија Арак на 14 мај.

Израел изврши повеќе напади врз Иран

Претходно, израелската војска рано утрово соопшти дека извршила повеќе воздушни напади врз Иран.

Целите биле главниот град Техеран и други области на земјата, соопштија вооружените сили околу 4 часот наутро.

Претходно, Иран испали неколку ракети кон Израел, според израелската војска. Првично немаше извештаи за жртви од меѓусебните напади.

Кратко потоа, израелските вооружени сили ги повикаа жителите на областите во иранските градови Арак и Хондаб да побараат засолниште.

Од почетокот на војната минатата недела, во Иран се убиени вкупно 639 лица, вклучувајќи најмалку 263 цивили, според агенцијата „Активисти за човекови права“ (HRANA), група ирански активисти со седиште во САД. Организацијата се потпира на официјални податоци и на локални извештаи.

Во Израел, каде што се достапни безброј засолништа, досега имало 24 смртни случаи, од кои сите биле цивили, според израелската страна.

ИРАНСКА РАКЕТА ПОГОДИ БОЛНИЦА Најмасовни напади досега на Иран врз Ерусалим и врз Тел Авив

The post ИЗРАЕЛ ИЗВРШИ ПОВЕЌЕ НАПАДИ ВРЗ ИРАН, ТЕХЕРАН МЕЃУ ЦЕЛИТЕ Бомбардирана е област покрај нуклеарниот реактор во Арак appeared first on plusinfo.mk.

Иран ќе плати „многу висока цена“ за намерните напади врз израелските цивили, изјави денеска премиерот на Израел, Бенјамин Нетанјаху, за време на посетата на Бат Јам, јужно од Тел Авив, каде што во ирански ракетен напад загинаа најмалку 6 лица.

– Ќе ја постигнеме нашата цел и ќе им зададеме тежок удар. Ќе ја почувствуваат силата на нашата рака. Ракетната програма на Иран претставува егзистенцијална закана за Израел. Само помислете што би се случило ако Иран имаше нуклеарно оружје што би можел да го лансира врз израелските граѓани – рече Нетанјаху, пренесува ДПА.

• ХУТИТЕ СЕ ВКЛУЧИЈА ВО КОНФЛИКТОТ?! Јеменските бунтовници го нападнаа израелскиот град Јафа со балистички ракети

Две деца се меѓу шестемина убиени од иранска ракета што погоди станбен блок во градот денеска во раните утрински часови. Спасувачки екипи во урнатините трагаат по уште седуммина кои сè уште се водат како исчезнати. Според официјалните израелски извештаи, најмалку 13 лица се убиени, а 390 повредени во иранските напади кои беа изведени како одмазда за израелските напади од раните утрински часови во петокот врз цели во Иран.

– Израелските напади врз цели во Иран ќе продолжат сè додека не се постигнат стратешки цели. Иранците очигледно напаѓаат цивилни цели, додека Израел се фокусира на воените објекти и на иранската нуклеарна програма – изјави шефот на израелската дипломатија, Гидеон Саар, во телефонски разговор со германскиот министер за надворешни работи, Јохан Вадефул, јави ДПА повикувајќи се на соопштение од Министерството за надворешни работи на Израел.

• ИРАН ИЗВРШИ МАСОВЕН НАПАД ВРЗ ИЗРАЕЛ, ЗАГИНАА НАЈМАЛКУ 8 ЛУЃЕ Пазешкијан се закани со уште потежок и посилен удар
• СИРЕНИТЕ ПИШТАТ ВО ИЗРАЕЛ, ВЛАДАТА ГИ ПОВИКА ГРАЃАНИТЕ ДА ОСТАНАТ БЛИСКУ ДО БУНКЕРИТЕ Иран започна нов бран ракетни напади

Саар се заблагодари за германската поддршка на правото на Израел на самоодбрана.

Германското МНР потврди дека разговорот се одржал, но не откри повеќе детали, ниту, пак, која страна го иницирала контактот. Ова е втор телефонски разговор меѓу Саар и Вадефул откако Израел започна со нападите врз Иран во петокот.

Израел нападна објект на иранското Министерство за одбрана

Израелските вооружени сили нападнале објект на иранското Министерство за одбрана во централниот дел на Иран, во провинцијата Исфахан.

– Еден од центрите на Министерството за одбрана во Исфахан беше нападнат. Во моментот се врши проценка на евентуалната штета – изјави заменик-губернаторот на покраината, Акбар Салехи.

Израелската армија го потврди нападот преку објава на платформата Икс, наведувајќи дека мета бил воен објект во Исфахан.

Дали Израел спрема нови напади врз Техеран?

Израелската војска преку објава на социјалните мрежи на фарси јазик издаде итно предупредување до граѓаните на Иран да се повлечат од близина на воени постројки и објекти, поврзани со производство на оружје.

• АКО ГИ НАПАДНЕТЕ САД, АМЕРИКА ЌЕ ОДГОВОРИ СО СИЛА ШТО СВЕТОТ НЕ ЈА ВИДЕЛ Трамп го предупреди Иран да не го меша Вашингтон во конфликтот

„Итно предупредување до сите ирански граѓани: Сите лица, што моментално се наоѓаат или планираат да бидат во близина на фабрики за производство на оружје и нивните поддржувачки институции, нека ги напуштат овие области веднаш и да не се враќаат додека не добијат поинакви насоки“, се вели во пораката на официјалниот профил на израелската армија на фарси јазик.

ПУТИН ЧУВСТВУВАЛ ДЕКА КОНФЛИКТОТ МЕЃУ ИЗРАЕЛ И ИРАН ТРЕБА ДА ЗАВРШИ Трамп се согласил, но му рекол дека и војната во Украина треба да заврши

The post ТЕХЕРАН ЌЕ ЈА ПОЧУВСТВУВА СИЛАТА НА ИЗРАЕЛСКАТА РАКА Нетанјаху најави жестока одмазда, Израел нападна објект на иранското Министерство за одбрана appeared first on plusinfo.mk.

Генералниот директор на Меѓународната агенција за атомска енергија (МААЕ), Рафаел Гроси, го информирал израелскиот претседател Јицак Херцог дека иранскиот нуклеарен објект во Натанз претрпел „сериозна штета“ во израелските напади врз Иран, изјави портпаролот на Херцог, цитиран од ДПА.

Според портпаролот на израелската војска, Израел нападнал повеќе од 100 локации во Иран со околу 200 борбени авиони. Операцијата вклучувала напади врз објекти поврзани со нуклеарната енергетика и биле убиени високи воени команданти и научници.

Меѓу целите била и фабриката за збогатување ураниум во Натанз, која се наоѓа северно од градот Исфахан, потврди претходно МААЕ.

Иранските нуклеарни власти соопштија дека нападот врз објектот во Натанз не резултирал со радиоактивна контаминација или со истекување хемикалии.

ИЗРАЕЛ СО НАД 200 АВИОНИ ГО НАПАДНА ИРАН Убиени тројца генерали, офанзивата продолжува

The post ИРАН ПРЕТРПЕЛ ГОЛЕМА ШТЕТА?! Израелските напади сериозно го оштетиле нуклеарниот објект во Натанз appeared first on plusinfo.mk.

Иран денеска најави дека ќе гради нова, трета постројка за збогатување ураниум на безбедна локација. Најавата уследи по резолуцијата на Меѓународната агенција за атомска енергија (МААЕ), во која се обвинува Техеран дека не ги исполнува своите нуклеарни обврски.

„Исламска Република Иран нема друг избор освен да одговори на оваа политичка резолуција. Според тоа, шефот на Организацијата за атомска енергија на Иран ги издаде неопходните наредби за изградба на нов центар за збогатување на безбедна локација“, се наведува во заедничката изјава на иранското Министерство за надворешни работи и Организацијата за атомска енергија на Иран.

Во соопштението, наводите на МААЕ се оценети дека се „без правна основа“ и „политички мотивирани“.

Претходно, 35-члениот Извршен одбор на МААЕ усвои резолуција – иницирана од САД, Франција, Германија и од Велика Британија – во која се потенцира дека Иран „не ги исполнува своите обврски“ и предупреди дека прашањето може да биде предадено на Советот за безбедност на ОН.

МААЕ истакна дека Техеран со години одбивал да ги објави своите нуклеарни активности, додека инспекторите откриле траги од ураниум и други сомнителни докази на непријавени локации.

Иран претходно се закани дека ќе се повлече од Договорот за неширење нуклеарно оружје (НПТ).

The post ИРАН ЌЕ ГРАДИ НОВА ПОСТРОЈКА ЗА ЗБОГАТУВАЊЕ УРАНИУМ Техеран возвраќа на обвинувањата од Меѓународната агенција за атомска енергија appeared first on plusinfo.mk.

Трамп ја даде изјавата во интервју за Фокс, 2 дена откако рече дека би било одлично ако светот се ослободи од нуклеарното оружје.

– Најдобро е кога различни земји седат на залихи на нешто што се нарекува атомско оружје, што всушност се големи монструми што можат да ви ја разнесат главата – рече Трамп.

Тој рече дека е огорчен што се издвојуваат огромни суми американски пари за нешто толку монструозно, што може да предизвика неискажливо уништување.

Москва одговори на повикот на Трамп за намалување на нуклеарното оружје, објавувајќи дека е отворена за дијалог со САД за нуклеарниот арсенал.

Портпаролот на Кремљ, Дмитриј Песков, изјави дека е неопходен дијалог меѓу Русија и САД за контрола на оружјето, особено кога станува збор за стратешка стабилност.

Песков, исто така, рече дека Русија се согласува со изјавата на американскиот државен секретар, Марко Рубио, дека конфликтот во Украина е прокси војна меѓу 2 нуклеарни сили, која е дојдена во ќорсокак и мора да биде прекината.

ЗЕЛЕНСКИ ГИ ЗЕДЕ ПАРИТЕ ОД БАЈДЕН КАКО БОНБОНИ ОД БЕБЕ Трамп посочи дека Европа ѝ платила на Русија за нафта повеќе одошто ѝ дала пари на Украина

The post АТОМСКИТЕ БОМБИ СЕ ЧУДОВИШТА ШТО МОЖАТ ДА ВИ ЈА РАЗНЕСАТ ГЛАВАТА Трамп е огорчен што се издвојуваат огромни суми американски пари за нуклеарно оружје appeared first on plusinfo.mk.

Предупредувањето уследи по првото интервју на иранскиот министер за надворешни работи, Абас Арагчи, по инаугурацијата на американскиот претседател, Доналд Трамп. Во интервју за споменатата медиумска куќа во Техеран, Арагчи го критикуваше американскиот претседател за предлогот за „преселување“ на Палестинците од Газа, предлагајќи Израелците да се преселат на Гренланд.

Арагчи во интервјуто рече дека Иран јасно ставил до знаење дека секој напад врз неговите нуклеарни постројки ќе биде проследен со „моментален одговор“.

Меѓутоа, тој смета дека САД и Израел нема да го направат „тоа лудо нешто“ бидејќи тоа би го довело целиот регион во „голема катастрофа“.

Иран тврди дека неговата нуклеарна програма е мирољубива и за цивилни цели, додека Западот, особено САД, верува дека Иран збогатува ураниум за да произведе нуклеарно оружје.

Откако Трамп во 2018 година ги повлече САД од нуклеарниот договор, Иран продолжи со збогатување ураниум.

Арагчи рече дека ќе биде потребно многу повеќе од „убави зборови“ за Иран да ги обнови преговорите со САД за нов договор, со оглед на тоа што се случи со претходниот.

Зборувајќи за ситуацијата во регионот, Арагчи призна дека сојузниците на Иран, како Хамас и Хезболах, се ослабени.

Од друга страна, пак, додека иранските граѓани се надеваат дека договорот со Западот може да доведе до укинување на санкциите и до подобрување на економската ситуација, инфлацијата во Иран се проценува на 50%, невработеноста кај младите е приближно 20%, а валутата е на рекордно ниво, пишува Скај њуз.

The post А ИЗРАЕЛЦИТЕ ДА СИ ОДАТ ВО ГРЕНЛАНД НАМЕСТО ПАЛЕСТИНЦИТЕ ДА СЕ ИСЕЛАТ ОД ГАЗА? Иран инстантно ќе одговори ако САД и Израел ги нападнат неговите нуклеарки appeared first on plusinfo.mk.

Новоизбраниот американски претседател, Доналд Трамп, најверојатно ќе побара разговор со севернокорејскиот претседател, Ким Џонг Ун, за да се постигне „мал договор“ во врска со нуклеарната програма на Северна Кореја, соопшти Јужнокорејската разузнавачка агенција (НИС).

„Постои можност Трамп да побара средба со Ким бидејќи Трамп ги гледа средбите со Ким од периодот на неговиот прв претседателски мандат како негови големи успеси“, се наведува во соопштението на НИС, пренесува Јонхап.

Разузнавачите додаваат, во случај позицијата на САД да биде дека Северна Кореја не може да изведе денуклеаризација во краток временски период, тогаш за новата администрација ќе биде прифатлив и договор од помал обем за замрзнување на нуклеарните програми или за нуклеарно разоружување.

Трамп се сретна со Ким трипати за време на неговиот прв претседателски мандат, еднаш на самитот во Сингапур во 2018 година, како и во Виетнам една година подоцна кога се разговараше за можна денуклеаризација на Северна Кореја.

The post ТРАМП ЌЕ ПОБАРА СРЕДБА СО КИМ ЈОНГ УН За што треба да разговараат двајцата лидери? appeared first on plusinfo.mk.

• ЛИТВАНИЈА ПОСТАВУВА ЗМЕЈСКИ ЗАБИ, ФИНСКА СПРЕМА БУНКЕРИ Европа се вооружува за можна војна со Русија
• И БЕЛГИЈА ЌЕ СПРЕМА БУНКЕРИ ЗА ЕВЕНТУАЛЕН РУСКИ НАПАД Земјата работи на кризен план по примерот на Германија

Благодарение на законот, донесен во 1963 година, Швајцарија веќе е пред соседните земји како Германија. На секој од деветте милиони жители на Швајцарија, вклучително и на странци и на бегалци, му се гарантира место во бункер за заштита од воздушни напади и радијација.

– Швајцарската конфедерација сака да укине некои од исклучоците што постојат во сегашните правила во наредните години, како и да реновира некои од нејзините постари бункери – рече шефот на службата за цивилна одбрана во кантонот Во, Луис-Анри Делаража, објавија тамошните медиуми.

Швајцарската влада започна консултации на таа тема во октомври за да обезбеди „отпорност на земјата во случај на вооружен конфликт“. Планирано е да се издвојат 220 милиони швајцарски франкови (250 милиони долари) за реновирање на старите објекти.

– Ова не значи дека се подготвуваме за конфликт. Тоа не е пораката. Сепак, имаме мрежа на бункери и треба да ги одржуваме за да се увериме дека се функционални – истакна Делаража.

Делаража рече дека откако Русија ја нападна Украина во 2022 година, неговата канцеларија примила многу повици од загрижени граѓани кои поставувале прашања за бункерите.

ГЕРМАНИЈА СЕ ПОДГОТВУВА ЗА ВОЈНА, РАСТAТ ТЕНЗИИТЕ СО РУСИЈА! Се креира список на бункери за итни случаи, до нив се доаѓа со еден клик на апликација

The post ШВАЈЦАРИЈА САКА ДА ГИ НАДГРАДИ СВОИТЕ НУКЛЕАРНИ БУНКЕРИ ВО ВРЕМИЊА НА ГЛОБАЛНА НЕИЗВЕСНОСТ За секој жител има место во засолниште appeared first on plusinfo.mk.