Фирмата „Линк медиа плус“ ДООЕЛ е избрана за новогодишно украсување на Скопје, објавија повеќе медиуми.

Украсувањето ќе чини 3.260.000 денари, односно 53.000 евра. Откако фирмата ќе достави банкарска гаранција, ќе биде потпишан договорот.

Истата компанија годинава ги добила и тендерите за украсување во Општина Центар и во Општина Штип.

Според тендерската спецификација, фирмата треба да постави новогодишни и светлосни елементи на повеќе локации низ Скопје. Најголем дел од декорацијата ќе биде на плоштадот „Македонија“, каде што ќе се постави новогодишна елка висока најмалку 13 метри, со метална конструкција, вештачко зеленило, украси и светилки, 3Д фигура мече висока 4 метри, големи алуминиумски светлосни ѕвезди во две димензии, 3Д-рамка за фотографирање во форма на Дедо Мраз, ѕвездено небо со површина од минимум 800 квадратни метри, лед-мразулци, светлосна обвивка на 25 столбови на канделабрите.

Освен плоштадот „Македонија“, ќе се украсуваат и главните скопски улици и булевари: Даме Груев, Димитрија Чуповски, 11 Октомври, ВМРО, Гоце Делчев, Партизански одреди, како и улицата Филип Втори Македонски. На овие улици и булевари ќе се поставуваат висечки светлосни елементи, лед-фигури, мразулци и декоративни конструкции.

Пред Владата ќе бидат инсталирани 40 светлосни елементи.

Фирмата треба да обезбеди и демонтажа по завршувањето на празничниот период.

Градските власти сè уште не соопштија кога точно ќе започне поставувањето на украсите, ниту, пак, каква новогодишна програма се предвидува, како и кој ќе ги забавува скопјани за Новогодишната ноќ.

3Д MEЧЕ, 13-МЕТАРСКА ЕЛКА, ГИГАНТСКИ УКРАСИ… Скопје ќе се претвори во неверојатна новогодишна сцена

The post „ЛИНК МЕДИА ПЛУС“ ЌЕ ГО УКРАСУВА СКОПЈЕ Украсувањето ќе чини 53.000 евра appeared first on plusinfo.mk.

– И оваа година со празнично украсување внесуваме новогодишна магија во секое катче на нашата општина. Со внимателно одбрани декорации, елки, светлосни фигури и уникатни украси, целта е да создадеме атмосфера што ќе ги инспирира и обедини сите наши сограѓани – вели Герасимовски.

Празничното украсување ќе се реализира на повеќе локации, со посебен акцент на познатите јавни простори како Сквер Јадран, Боемска, Сквер Капиштец и паркот Капиштец, кои ќе блеснат во светлоста на празниците.

– Дополнително, ќе се постават дрвени куќички и декорации кои ќе ја надополнат зимската бајка. На плоштадот „Јадран” ќе биде организиран новогодишен базар, кој ќе се одржува неколку дена пред новогодишната ноќ, со бројни настани и забави. Во моментов се договараат македонски музичари кои ќе ги забавуваат граѓаните предновогодишно.Целта на овој ангажман е да се поттикне заедничко празнување, радост и оптимизам во пресрет на Новата година. Општина Центар продолжува со својата посветеност да го направи овој период од годината посебен за секој жител и посетител. Планот е до 2 декември Општината да биде во новогодишна бајка – порачува Герасимовски.

The post 📷 НОВОГОДИШНА МАГИЈА ВО ЦЕНТАР Започна украсувањето на улиците appeared first on plusinfo.mk.

По забелешките во јавноста за новогодишното украсување во Скопје и реакциите дека не е објавен тендер, од Град Скопје излегоа со информација дека украсувањето на градскиот плоштад, главните сообраќајници и новогодишниот базар се финансирани преку јавен повик, кој бил објавен согласно актите и прописите како и сите останати јавни повици.

– Ова неколкупати досега е кажано, образложено во детали и транспарентно презентирано на јавноста. Оттука, секоја друга останата „вест“ е обид за манипулација, сензационализам и шпекулации – информираа од Град Скопје.

Градоначалничката на Скопје, Данела Арсовска информираше дека украсувањето на главниот град ќе чини 30.000 евра, многу помалку во споредба со другите години.

По реакциите во јавноста, поранешниот градоначалник на Град Скопје, Петре Шилегов преку статус на „Фејсбук“ побара оставка од градоначалничката Арсовска и предложи на пролет да се одржат и избори за Скопје затоа што според него, Скопје се наоѓа во процес на целосна девастација.

The post ДАЛИ ИМАЛО ТЕНДЕР ЗА КРИВАТА ЕЛКА? Финансиската полиција во Град Скопје ќе ги проверува тврдењата на граѓаните appeared first on plusinfo.mk.

„Соочени со енергетската криза која е во тек, а имајќи предвид дека државата набавува електрична енергија со драстично повисока цена, како и во согласност со Владината одлука за прогласена кризна состојба во енергетскиот сектор, сакаме да ја информираме јавноста дека Град Скопје побара раскинување на договорот со Линк медиа плус ДООЕЛ за новогодишно украсување на градот во вредност од 14.986.000 денари односно 243.000 евра“, информираа од Град Скопје.

Следната година наместо досегашната практика на ненаменско трошење на парите на граѓаните и ангажирање на компанија за украсување, Град Скопје ќе набави украси кои ќе бидат сопственост на Градот со што ќе се заштедат значителни средства од градскиот буџет кои досега секоја година се трошеле за еднократен годишен закуп на овие украси. Ова е само прв пример за воспоставување нова пракса на одговорно и транспарентно работење на Градот, со што ќе ставиме крај на неодговорното работење и трошење на градските буџетски средства, објаснуваат од градската управа.

Договорот за новогодишно украсување беше склучен од претходниот градоначалник Петре Шилегов, со фирмата „Линк медиа лус“ и чини 240.000 евра.

The post ГРАДОТ ЌЕ КУПИ СВОИ УКРАСИ ЗА НОВА ГОДИНА Арсовска го раскина договорот на Шилегов со „Линк медиа плус“ appeared first on plusinfo.mk.