„Главната цел на ‘Новогодишната кошница’ која беше креирана од бизнисот, односно производителите, дистрибутерите и трговците, беше да се креира поширока листа на одделни прехранбени производи кои што се ставија со намалени цени на рафтовите. Со неа се спречи зголемување на цените пред и за новогодишните и божиќните празници и се одржа стабилно ниво на инфлацијата во декември 2024 и јануари 2025 година, за време на новогодишните и божикните празници кога има зголемена потрошувачка“, наведено е во соопштението.

На листата на производи, како што е објавено и на веб-страната „Моја кошница“ што Министерството за економија и труд ја креираше токму за оваа акција се вклучија 1.178 производи од 96 производители и дистрибутери, се вклучија 51 маркети, а акцијата се применуваше во 762 продажно место.

„Ако ги согледаме овие бројки сметам дека акцијата „Новогодишна кошница“ беше успешна и придонесе за намалување на цените на производите кои што беа вклучени во неа. Според Државниот завод за статистика од податоците за Индекси на трошоците на животот и на цените на мало за декември се забележува дека инфлацијата во 2024 година споредено со 2023 година изнесува 3,5 отсто, како што беше и проектирано. На месечно ниво пак во декември 2024, споредено со ноември 2024 година инфлацијата изнесува 0,3 отсто. Податоците на статистика покажуваат дека во декември 2024 година во однос на ноември 2024 година намалувањето на трошоците за живот кај храна и безалкохолни пијалоци изнесува -0,3 отсто“, се вели во соопштението од Министерството за економија и труд.

Ова, како што наведуваат, покажува дека „Новогодишната кошница“ каде беа вклучени во најголем дел прехранбени и безалкохолни пијалаци го дала својот ефект и цените на храната и пијалоците во декември 2024 година бележат намалување во однос на ноември 2024 година.

!Се очекува и во статистичките податоци за јануари 2025 година во однос на декември 2024 година да се потврдат ефектите од новогодишната кошница, односно да се оствари дополнително намалување на трошоците за живот кај храна и безалкохолни пијалоци. Благодарност до сите производители, дистрибутери и трговци кои се приклучија и учествуваа во оваа акција и ги намалија цените на прехранбените производи и на дел од пијалаците за време на новогодишните и божиќните празници“, се наведува во соопштението.

Министерството за економија и труд во наредниот период најавува дека ќе продолжи да креира мерки и политики кои ќе значат заштита на стандардот на граѓаните.

The post МИНИСТЕРСТВОТО ЗА ЕКОНОМИЈА ЈА ПРОГЛАСИ „НОВОГОДИШНАТА КОШНИЦА“ ЗА УСПЕШНА Трошоците за храна и за пијалаци во декември намалени за 0,3% appeared first on plusinfo.mk.

Оттаму велат дека акцијата „новогодишна кошница“ почна успешно и очекуваат нејзиното спроведување покрај пазарниот инспекторат кој  ќе врши контрола низ маркетите за да се утврди дека се почитува договорот постигнат помеѓу владата и трговците. ќе ја следат граѓаните, Организацијата на потрошувачи и за прв пат годинава синдикатите.

-Заштедата на граѓаните со октомвриската мерка беше 2.000 денари. Сега мерката има повеќе призводи, бидејќи трговците сами ги понудија и сами понудија повисоко намалување од 10%, веројатно заштедите на граѓаните ќе бидат повисоки. Ќе видиме на крајот на акцијата какви ќе бидат заштедите. Ќе кажат и синдикатите кои ја следат акцијата – вели министерот за економија  Бесар Дурмиши .

Од министерството додаваат дека доколку компаниите не се придржуваат на договореното кое самите го понудиле ќе има прво опоменување, а потоа и казнување..

Затоа, како што рече заменик-министерот Марјан Ристески, не очекува компаниите да не го почитуваат договорот.

-Ако не го почитуваат она што самите го предложиле, тогаш ние ќе бидеме принудени да донесеме нова мерка која ќе биде подрастична и многу понеповолна за компаниите – рече тој.

Од Пазарниот инспекторат пак велат дека акцијата почнала добро со мали забелешки на истакнување на цените кои  денеска се отстранети.

-Производите кои се дел од акцијата треба да бидат видно обележени со старата цена која треба да биде прецртана, процентот на намалување на цената и новата цена – вели директорот на инспекторатот Влатко Стојкоски.

Акцијата „новогодишна кошница“ започна да се реализира вчера и ќе трае до 15 јануари. Кошницата содржи повеќе од 1.000 производи кои имаат намалени цени од 10 и повеќе проценти.

Со намалување на цените се опфатени основните прехранбени производи од различни групи на производи (леб и житарици, пекарски производи), месо и преработки од месо, риба, млеко и млечни производи, кондиторски производи, свежо, замрзнато и конзервирано овошје и зеленчук, безалкохолни (газирани и негазирани) напитоци, алкохолни пијалаци (вино и пиво) и други.

Од Министерството за економија потенцираат дека листата на продукти не е затворена и дека очекуваат да се дополни со дополнителни производи.

The post УСПЕШЕН СТАРТ НА АКЦИЈАТА „НОВОГОДИШНА КОШНИЦА“ Се очекува граѓаните да заштедат многу повеќе отколку во октомври appeared first on plusinfo.mk.

Овие производи на полиците во трговските синџири треба да бидат обележани со налепница и лого „помалку трошоци, повеќе за тебе“, како дел од кампањата на Владата.

Најавени се контроли од Државниот пазарен инспекторат кој веќе неколку дена ги мониторира цените за да утврди евентуални неправилности. Владата очекува акцијата да го заштити семејниот буџет во услови на зголемени цени на прехранбените производи што се потврдија и со последните податоци за инфлацијата од Државниот завод за статистика.

По официјализирањето на акцијата на 5 декември, кога беше најавено дека листата содржи 600  производи, до завчера, како што објави заменик-министерот за економија Марјан Ристески, бројката достигна 900 производи.

– Интересот за приклучување на компаниите во акцијата „Новогодишна кошница“ расте, за една недела листата на производи се зголеми од 650 на повеќе од 900 производи. Граѓаните ќе можат да купат повеќе од 1.000 производи од 83 компании кои тие самите ги понудиле, со пониски цени од најмалку 10% – изјави Ристески.

Тој апелираше компаниите доследно да ја почитуваат акцијата која посочи дека самите ја креираа, а доколку граѓаните имаат забелешки да ги пријават до Државниот пазарен инспекторат на бесплатниот телефонски број 191 или на веб страната www.dpi.gov.mk.

Во пресрет на акцијата, ДПИ објави дека пазарните инспектори ги мониторираат цените на производите коишто ги содржи акциската листа заедно со најниските цени на истоимените производи кои биле применувани во последните 30 дена. Целта на мониторингот е да се утврди дали по почетокот на акцијата трговците ќе се придржуваат до дадената иницијатива од нивна страна за акциско намалување на цените од 10 отсто или повеќе на прехранбени производи кои најмногу се продаваат во текот на новогодишните празници.

Од Владата во неколку наврати порачаа дека најавеното намалување на цените на производите со акцијата ќе го заштити семејниот буџет.

– Очекувам позитивни ефекти од акцијата и за празниците што побогата потрошувачка кошничка за граѓаните  – изјави премиерот Христијан Мицкоски завчера по присуство на поставување камен темелник на нова фабрика во ТИРЗ Кичево.

При објавата на новогодишната кошница, Мицкоски рече дека листата на производи е договорена заедно со стопанските комори, синдикатите, производителите, дистрибутерите и трговците. Премиерот тогаш нагласи дека не се работи за интервентна мерка на Владата и со ограничување на цените, туку за консензуално решение поради што нема да има казнување. Тој рече дека граѓаните ќе контролираат дали цените навистина се намалени.

Од Сојузот на синдикатите на Македонија укажаа дека синдикалната минимална кошничка што ја подготвуваат тие ќе биде главниот контролен механизам за тоа дали цените навистина се намалени од страна на трговците.

– Ова од причина што новата Синдикална минимална кошница ќе биде пресметана на 20 декември, а мерката односно акцијата стапува во сила на 15 декември со што ќе знаеме што реално е намалено од основните производи во делот за храна и пијалаци, а на 20 јануари ќе знаеме дали по завршување на мерката на 15 јануари, трговците направиле зголемување на цените со што би се изгубил ефектот од истите. За потсетување, трговците пред стапување во сила на претходните мерки ги намалија платите на вработените во трговијата за 5 проценти согласно што се намали и просечната плата, а поради неоправданото зголемување на цените се зголеми на вредноста на СМК во делот на храна и пијалаци пред стапување на сила на мерката и по завршување на истата повторно имаше зголемување, наведоа од ССМ.

Оттаму апелираа стопанствениците да покажат општествена одговорност, а во спротивно доколку се обидат да го изиграат системот, да се воведат ригорозни казни за непочитување.

Вредноста на синдикалната минимална кошница за ноември годинава изнесува 62 021 денар, за 772 денари повеќе во однос на кошницата во октомври.

The post ПОЧНА АКЦИЈАТА „НОВОГОДИШНА КОШНИЦА“ На списокот се речиси 1.000 поевтини производи appeared first on plusinfo.mk.

Тој очекува позитивни ефекти за граѓаните и за време на празниците тие да можат да купат повеќе производи за помалку пари.

– На мое големо задоволство производителите и трговците, дистрибутерите бројката на производи ја зголемуваат и таа веќе не 600, туку повеќе од 800 производи. Сите тие ќе бидат означени, а за тоа ќе се грижи Државниот пазарен инспекторат којшто континуирано е ја следи работата на маркетите. Очекувам семејниот буџет да биде заштитен со овие производи. Очекувам позитивни резултат и очекувам новогодишната  потрошувачка кошница да биде многу побогата за помалку пари. И тоа е наша цел и наша задача како влада да го оствариме – изјави Мицкоски денеска во Кичево каде што присуствуваше на поставување камен темелник на нова инвестиција.

Акцијата „новогодишна кошница“ трае од 15 декември до 15 јануари. Производите кои се најдоа во неа ќе се продаваат со пониски цени за 10%. Акцијата е на иницијатива на производителите, трговците и дистрибутерите кои сами ја утврдуваат листата на поевтини производи за Нова година.

The post НОВОГОДИШНАТА КОШНИЧКА ПОРАСНА НА ПОВЕЌЕ ОД 800 ПРОИЗВОДИ Граѓаните ќе добијат побогата празнична трпеза за помалку пари appeared first on plusinfo.mk.

Како што информира ДПИ, целта на мониторингот е да се утврди дали по почетокот на акцијата „новогодишна кошница“, трговците ќе се придржуваат до дадената иницијатива од нивна страна за акциско намалување на цените од 10 отсто или повеќе на прехранбени производи кои најмногу се продаваат во текот на новогодишните празници.

Листата на прехранбените производи кои се дел од „новогодишната кошница“ граѓаните може да ја најдат на веб-страната www.mojakosnica.mk. Станува збор за над 700 производи, понудени од вкупно над 100 компании и производители и дистрибутери. Производите на листата кои ќе бидат понудени на полиците во трговските ланци ќе бидат обележани со налепница и лого „Помалку трошоци, повеќе за тебе“, како дел од кампањата на Владата која ќе придонесе за значително зголемување на животниот стандард на граѓаните и намалување на трошоците за живот.

Акцијата „новогодишна кошница“ ќе се спроведува од 15 декември заклучно со 15 јануари 2025 година. Во овој период, како што најавуваат, Пазарниот инспекторат ќе биде со засилени контроли на терен и ќе постапува во согласност со своите надлежности.

„Дополнително, граѓаните може да пријават неправилности на бесплатниот телефонски број 191 или на нашата веб страна www.dpi.gov.mk“,се вели во соопштението од ДПИ.

The post ВЕЌЕ НЕ ИМ СЕ ВЕРУВА НА ТРГОВЦИТЕ Пазарните инспектори ги проверуваат цените на артиклите од новогодишната кошница appeared first on plusinfo.mk.

– Бевме заковани на дното на Балканот. Седум години во економија на нестабилност, неизвесност. Се менуваа даночни основи, па пак се враќаа назад, па прогресивен, па непрогресивен данок. Па, потоа се сеќавате се зголемуваше ДДВ на одредени производи, па се воведуваше луксузен данок, данок на луксуз… Таа економија ја видовме, и резултатите од таа економија, граѓаните дадоа одговор на 8-ми мај, повеќе од 600.000 граѓани гласа за оваа Влада. Кои се резултатите на оваа Влада, исто така се гледаат – рече Мицкоски.

Мицкоски додаде дека за првпат земјата има месечен суфицит во Буџетот.

– Првпат после не знам колку години имаме месечен суфицит во Буџетот, речиси историско ниво ќе достигнеме на странски директни инвестиции поголеми од милијарда, октомври инфлацијата споредено со септември -0.7%. Ова што го зборуваше и министерот очекуваме да даде резултат во овој период за намалување на цената на производите и подобрување на стандардот за граѓаните со оваа акција и со други акции во иднина – рече Мицкоски.

СДСМ денеска на прес конференција оцени дека мерките на владата со кои се нудат поевтини производи преку производни кошнички се неуспешни и предложи владата да ги користи мерките на поранешната влада кои , според нив, имале добри резултати.

The post ПРВПАТ ИМАМЕ МЕСЕЧЕН СУФИЦИТ ВО БУЏЕТОТ Мицкоски им одговори на СДСМ и на ДУИ за забелешките за новогодишната кошничка appeared first on plusinfo.mk.