Со 65 гласови „за“, 14 против и ниту еден воздржан Собранието денеска го донесе законот за задолжување за општи буџетски потреби во износ од 260 милиони евра. Заемот ќе се користи за финансирање на капиталните инфраструктурни проекти и за враќање на старите долгови, меѓу кои и еврообврзницата од 700 милиони евра, земена во 2020 година.

Каматата ќе биде варијабилна, пресметана врз основа на шестмесечниот ЕУРИБОР зголемен за 2,1%. Македонија ќе се задолжи кај КфВ ИПЕКС банк ГмбХ, Банко Билбао Визкаја Аргентарија, Ерсте гроуп бханк АГ, АКА Аусфухкредит-Гезелшафт мбХ и Мерил Линч интернатионал.

Заемот ќе се повлече во една транша согласно роковите и условите утврдени во Договорот, а рокот за отплата е 7 години, на девет еднакви полугодишни рати, со вклучен грејс-период од 3 години.

Македонија ќе им плати на заемодавачите еднократна провизија во износ од 1,4% од износот на заемот, а на агентот на заемодавачите ќе му плаќа 12.500 евра провизија годишно.

Опозициските пратеници кои беа против овој Закон, оцени дека заемот е доказ за фискалната исцрпеност на државата и за буџет што се потешко ја одржува сопствената ликвидност, а пратениците од владејачката коалиција им порачаа дека немаат кредибилитет да зборуваат за задолжување зашто додека биле на власт ја задолжиле Македонија колку сите влади претходно.

The post ДОНЕСЕН Е ЗАКОНОТ ЗА НОВОТО ЗАДОЛЖУВАЊЕ ОД 260 МИЛИОНИ ЕВРА Со парите ќе се финансираат капитални проекти appeared first on plusinfo.mk.

Двете се со номинална вредност од 10.000 и со рок на враќање од 5 и 15 години.

Петгодишната државна обврзница е со вредност на емисијата од 590.750.000 денари (9,6 милиони евра). Издадени се 59.075 хартии од вредост, со каматна стапка од 4,2%. Доспева во јуни 2029 година.

Втората емисија е на износ од 1.000.020.000 денари (16,2 милиони евра). Емитувани се 100.002 обврзници, а доспеваат во јуни 2039 година. За нив каматата е  5,6%.

Ова ново задолжување на домашниот пазар се случува  непосредно пред стапување на власт на новата влада која уште за првиот месец од владеењето најави ребаланс на буџетот.

The post ПРЕД ЗАМИНУВАЊЕ ВЛАДАТА СЕ ЗАДОЛЖИ СО УШТЕ 25,8 МИЛИОНИ ЕВРА На Берзата од денеска котираат обврзници со рок на враќање од 5 и од 15 години appeared first on plusinfo.mk.