Американскиот претседател Доналд Трамп сподели мапа на својот профил на Трут соушл на која се прикажани целиот континент Северна Америка и околните територии под знамето на САД, што е најновата во низата провокативни објави поврзани со географија и територијални претензии.

Сликата го прикажува американското знаме како ги покрива Соединетите Американски Држави, како и големи делови од Канада, Гренланд и од Мексико, додека визуелни елементи во американски стил се појавуваат во други делови од регионот. Во објавата нема  никакво објаснување од Трамп.

Оваа објава доаѓа еден ден откако претседателот Трамп сподели уште една графика што го прикажува преименувањето на американската држава Ново Мексико во Нова Америка, со прецртан збор Мексико и заменет со зборот Америка. Белата куќа не најави официјален напор за промена на името на федералната држава.

Гувернерката на Ново Мексико, Мишел Лухан Гришам,објави на Икс дека името на државата „не е предмет на дебата“, обвинувајќи го Трамп дека преобојува мапи додека работничките семејства се борат со растечките трошоци за гориво.

Сенаторот Мартин Хајнрих напиша на Икс: „Три работи што секогаш ќе ги нарекувам со нивните вистински имиња… Мексиканскиот Залив, Езерото Онтарио, Ново Мексико“.

Претставничката Мелани Стенсбери, исто така, ја отфрли идејата, велејќи: „Ние сме од Ново Мексико. Точка“.

Пратеникот Гејб Васкез рече дека Трамп не може да го „избрише Ново Мексико“, неговата историја или неговата култура.

The post ЦЕЛИОТ КОНТИНЕНТ Е НА САД Трамп објави карта како ја замислува Америка appeared first on plusinfo.mk.

Истражители во американската сојузна држава Ново Мексико почнаа претрес на поранешниот ранч на осудениот сексуален престапник Џефри Епстин, за каде покојниот финансиер и негови соработници беа обвинувани за сексуална злоупотреба на жени и на девојчиња, соопштија државните власти.

Медиумите посочуваат дека властите постапуваат врз основа на нови информации содржани во документите што во јануари ги објави американското Министерство за правда, меѓу кои е и тврдењето дека Епстин наредил телата на две девојчиња да бидат закопани во ридовите во близина на имотот.

Според очевидци, во претресот се користат и специјално обучени кучиња, а забележани се и припадници на државната полиција и возило на противпожарно-спасувачка служба.

Минатиот месец Ново Мексико стана првата американска држава што формираше законодавна Комисија за вистина, со цел да се испита можна јавна корупција што му овозможила на Епстин тајно да дејствува на ранчот цели 26 години.

Имотот на Епстин беше продаден во 2023 година на бизнисменот од Тексас, Дон Хафинс, кој го преименува во ранч „Сан Рафаел“. Новите сопственици соработуваат со истрагата и дозволиле пристап за претрес, соопшти Министерството.

The post АКЦИЈА ПО ТВРДЕЊЕТО ДЕКА ЕПСТИН НАРЕДИЛ ДА СЕ ЗАКОПААТ ТЕЛАТА НА ДВЕ ДЕВОЈЧИЊА Претрес на неговиот поранешен ранч во Ново Мексико appeared first on plusinfo.mk.

Американскиот актер Тимоти Басфилд се предаде на властите за да се соочи со обвиненија за сексуална злоупотреба на деца во Ново Мексико. Имено, властите во Албукерке издадоа налог за негово апсење поради две казнени дела за сексуален контакт со малолетник и едно казнено дело, злоупотреба на дете.

Во кривичната пријава се тврди дека делата се случиле на снимањето на ТВ серијата „Чистачка“, која се снимаше во Албукерке.

Полицијата во Албукерке го приведува Басфилд поради тие обвиненија, изјавил Гилберт Галегос, портпарол на градската полиција.

Басфилд ги негираше обвиненијата кога беше испрашуван од властите минатата есен како дел од истрагата, се наведува во тужбата.

Басфилд, кој е во брак со актерката Мелиса Гилберт, е познат по своите улоги во сериите „The West Wing“, „Field of Dreams“ и „Thirtysomething“.

NBC ја стави на чекање епизодата од „Law & Order: Special Victims Unit“ во која се појавува Басфилд, потврди портпарол на мрежата за Асошиејтед Прес. Басфилд гостуваше како судија во серијата која зборува за сексуални злосторства.

Во кривична пријава поднесена од истражител на полициската управа во Албукерке се наведува дека момчето пријавило дека имало седум години кога Басфилд го допрел три или четири пати по гениталиите преку облеката. Басфилд наводно го допрел пет или шест пати во друга прилика кога имал осум години, според тужбата, се наведува во тужбата, пишува NBC News.

Според тужбата, детето наводно се плашело да каже на некого бидејќи Басфилд бил режисер и се плашело дека ќе му се налути.

Близнакот брат на момчето им кажал на властите дека Басфилд го допрел, но не прецизирал каде. Тој рекол дека не кажал ништо бидејќи не сакал да западне во проблеми.

Басфилд тврдел при испрашувањето дека мајката на момчето сакала одмазда затоа што децата биле отпуштени од серијата. Тој исто така рекол дека веројатно ги кревал и ги скокоткал момчињата, велејќи дека снимањето имало „играва атмосфера“.

Видеото до кое дојде TMZ го прикажува Басфилд пред прозорец со хоризонтот на Албукерки во позадина. Тој вели дека пристигнал во градот откако патувал 2.000 милји.

– Ќе се спротивставам на тие лаги. Тие се ужасни. Сите се лаги – рекол Басфилд.

Мајката на близнаците – идентификувана во судските записи само по нивните иницијали – пријавила во Службата за заштита на децата дека злоупотребата се случила помеѓу ноември 2022 и пролетта 2024 година, се наведува во жалбата.

Сопругата на Басфилд, Гилберт, објавила преку ПР дека нема да зборува јавно на барање на адвокатите на Басфилд додека не заврши судскиот процес.

– Нејзиниот фокус е на поддршка и грижа за нивното многу големо семејство – рекол експертот за односи со јавноста Аме Ван Иден во изјава.

– Мелиса стои покрај својот сопруг и го поддржува и ќе се обрати на јавноста во соодветно време.

Истрагата започна во ноември 2024 година, кога истражител пристигнал на повик на лекар од Универзитетската болница во Ново Мексико во Албукерки. Родителите на момчето отишле таму по препорака на канцеларијата на адвокатот, наведува тужбата.

Според извештајот, на едно од момчињата му е дијагностициран посттрауматски стрес и анксиозност. Социјален работник го испрашувал, а момчето му кажало дека има кошмари за тоа како Басфилд го допира, пишува Асошиејтед Прес.

„Чистачка“ се емитуваше четири сезони на Фокс, завршувајќи во 2025 година. Серијата ја продуцираше Ворнер Брос, кој, според поднесеното барање, спровел сопствена истрага за обвинувањата за злоупотреба, но не можел да ги потврди.

The post „ЌЕ СЕ СООЧАМ СО ТИЕ ЛАГИ, УЖАСНИ СЕ“ Актерот обвинет за сексуална злоупотреба на деца ѝ се предал на полицијата appeared first on plusinfo.mk.

Најмалку три лица загинаа, а 14 се повредени во пукотница во градот Лас Крус, Ново Мексико, во САД.

#BREAKING | NEWS
More raw footage as a mass shooting took place in Young Park, New Mexico in La Cruces moments ago, heavy police and emergency responders on the scene and investigating multiple injuries two victims in critical condition, possibly deceased pic.twitter.com/AQsR2zFYzl

— Todd Paron (@tparon) March 22, 2025

Престрелката се случила на музичкиот фестивал Јанг Парк во Лас Крус, соопшти полицијата, пренесе KFox4.

BREAKING: MULTIPLE VICTIMS IN LAS CRUCES PARK SHOOTING—POLICE RESPONDING

A shooting at Young Park in Las Cruces, New Mexico, has left at least one person dead and several others injured. Law enforcement has secured the area as Las Cruces police investigate the deadly incident.… pic.twitter.com/Ub5Fyeraga

— The Kind Joe (@TheKindJoe) March 22, 2025

Кога полицајците пристигнале на местото на настанот, пронашле повеќе ранети лица, изјави портпаролот на полицијата Ден Трухило.

#BreakingNews‌: Las Cruces police confirmed a mass shooting at Young Park, New Mexico overnight.#Mexico#newmexico#shooting#massshooting#Mexicoshooting pic.twitter.com/iwmQtlD13S

— Shekhar Pujari (@ShekharPujari2) March 22, 2025

Тој додаде дека ранетите се пренесени во локалните болници.

Las Cruces Police investigate a mass shooting at Young Park around 10 p.m. At least one dead, multiple injured. Suspect at large. Limited info available. Call (575) 526-0795 with tips. #New_Mexico
ElPasoYa https://t.co/XRsRfbCqDZ pic.twitter.com/vgWplF5I0A

— GeoTechWar (@geotechwar) March 22, 2025

The post 📽️ (ВОЗНЕМИРУВАЧКО) ХОРОР ВО НОВО МЕКСИКО, ИМА МРТВИ И РАНЕТИ Страшнo пукање во Америка appeared first on plusinfo.mk.

Одделот за здравство соопшти дека членовите на персоналот се обраќаат до жителите во областа и ќе спроведат еколошка проценка во заедницата за да го утврдат ризикот од заразување со чума, пренесува ABC News.

Последниот случај на чума кај луѓе во Ново Мексико е пријавен кај жител на округот Торенс во 2021 година. Во 2020 година, регистрирани се 4 случаи на заболени од чума – еден во округот Санта Фе, два во округот Торанс и смртен случај во округот Рио Ариба.

– Иако чумата често се поврзува со убивање на милиони Европејци во средниот век, таа не е искоренета болест. Ова е истата бактерија што ја предизвика црната смрт што го десеткуваше европското население, и навистина е сè уште присутна. Сè уште циркулира и денес – вели државната ветеринарка за јавно здравје д-р Ерин Фипс.

Чумата е болест предизвикана од бактеријата Yersinia pestis. Природно се јавува во западниот дел на САД, особено во руралните области на Аризона, Колорадо, Ново Мексико и Јута, според Центрите за контрола и превенција на болести.

The post АМЕРИКАНЕЦ ПОЧИНА ОД ЧУМА Истата бактерија предизвика црна смрт во Европа appeared first on plusinfo.mk.

Како што пренесува „The Guardian“, туристите од таа точка, на височина од 13 и пол километри, ја набљудувале заобленоста на планетата и почувствувале отсуство на земјина гравитација, односно бестежинска состојба, по што се вратиле на Земјата.

Првите патници кои ги превезуваше американската компанија „Вирџин Галактик“ денеска пристигнаа во вселената, соопшти компанијата основана од милијардерот Ричард Бренсон, со што го исполни ветувањето дадено пред 20 години.

Во вселенскиот брод „Единство“ беа Кејша Шахаг и нејзината ќерка Анастасија Мајерс од Абердин, која на лотарија освои место на вселенски патувања, како и поранешниот олимпиец Џон Гудвин од Њукасл.

Тие поминаа неколку минути во вселената, од каде можеа да се восхитуваат на Земјата и накратко да лебдат во бестежинска состојба, покажува видеото на компанијата.

Оваа мисија наречена „Галактик 02“ е втор комерцијален лет на компанијата, по првиот реализиран на крајот на јуни.

Леталото со ракетен погон безбедно слета во Spaceport America во Ново Мексико.

The post (ВИДЕО) ПРВ ЛЕТ НА ТУРИСТИ ВО ВСЕЛЕНАТА Се задржаа неколку минути appeared first on plusinfo.mk.