Роден сум, како второ машко дете, во куќата во Ново Маало, денеска блиску до амбулантата на РСВР, до Основното училиште 11 Октомври, покрај јазот кој во моето детство минуваше на неполни 200 метра од нашата куќа. Да појаснам, јазот беше функционален каде отпадните води од Водно се слеваа во Вардар.

Јазот имаше посебно место со својот биодиверзитет, полн со многу жаби и нивните потомства полноглавци и со многу коприви. Сакавме да видиме по некоја риба во јазот, ама за жал ги немаше. Имавме посебна семејната куќа со заеднички двор со куќата на моите покојни баба Неда и дедо Миле.

Денеска сакам да ги опишам ликовите запаметени во мојата меморија на моите покојни татко Тодор, мајка Олга и мојот брат Стефан.

Мојот татко Тодор е родум од Топаана во далечната 1912 година во предвечерјето на Првата Балканска војна. Неговиот татко Трифун чие име јас го носам денес е регрутиран насилно од бугарската војска и до ден денес немаме траги околу неговиот живот. Трагавме по архивите во Бугарија за да најдеме информации што точно се случило со него. Жално констатирам дека и ден денес немаме никакви информации што токму се случило со мојот покоен дедо Трифун кој бил регрутиран насила, кога мојата покојна баба Неда го носела во седмиот месец мојот татко Тодор. Логично доаѓам до заклучок дека татко ми се родил како сирак со самохрана мајка во тие бурни времиња на Балканските војни и Првата Светска војна. Самохрана мајка во ликот на мојата баба Неда во тие времиња била една од најтешките судбини кои можеле да ѝ се случат на било која жена. Била аргат, била плетачка, не се срамела од ниедна работа, само со цел да обезбеди корка леб за нејзиниот син Тодор. Животот на мојата баба поминат во искушение дали е сопругот жив или не, во исчекување дека секој момент ќе се појави на куќниот праг, навистина бил многу тежок. Детството на мојот татко било многу тешко. Од најрана возраст на 5-6 години бил испраќан да ги пасе и чува кравите и воловите низ Топаанско поле и Бардовци. Летните ноќи ги минувал чувајќи ја стоката. Немал поддршка и љубов од неговиот чичко од причини поврзани со имотот кој што по сила на законот морал да го дели со мојот татко.

Детството и пубертетот го поминува низ чаршија, работејќи како чирак и во налбатници, занает кој се занимава со потковување на коњи, изработка на седла. Занает поврзан со стоката која служела како средство во транспортот на стоки и луѓе во тие времиња. Се изградува како врвен ковач на пајтони. Ова го пишувам од фактот што работилницата каде рачно се изработувале пајтоните била во наша непосредна близина и татко ми дал личен придонес во специјално нарачаниот пајтон за Банот кој во тие времиња бил неприкосновена прва личност во бановината Македонија во тогашната држава на СХС.

Во предвечерјето на Втората Светска војна се жени со мојата покојна мајка Олга и поради тие бурни времиња животот го минува работејќи во Скопје и Гевгелија. Во раните 50-ти години заболува од туберкулоза која во тие години косеше во светот. Го продаде имотот во Топаанско поле за три инјекции пеницилин и си го спаси животот. Неговиот порив за живот беше силен. Јас и мојот брат бевме на возраст од 3 и 8 години. Не сакаше да остави сираци, бидејќи како сирак го поминал своето детство и животот го научил многу повеќе да разбере дека дете без родител тешко ќе може да се снајде во тие времиња.

Односот на мојот татко кон нас децата беше спартански. Спартански не од аспект дека сакаше да не повредува, туку напротив сакаше од нас двата сина да изгради силни личности со кои ќе се гордее меѓу своите пријатели и своите соседи. Честопати умееше на мојата мајка Олга да и каже „Олга не ги разгалувај децата! Милувај ги додека спијат“. Мојот татко Тодор имаше огромна љубов кон сопственото семејство и нас двата сина. Вљубеник во Вардар и фудбалот, патриот и Македонец до коска со многу во тие времиња напредни мисли и размислувања. Ќе споделам со вас само еден сегмент: во првата фудбалска лига на бившата СФРЈ настапуваше нашиот скопски Вардар, фудбалски клуб кој најголем дел во неговата фудбалска историја се бореше за опстанок во првата лига. Големите фудбалски клубови како Црвена звезда и Партизан од Белград, Динамо од Загреб, Хајдук од Сплит, Сараево и Железничар од Сараево секојпат имаа свои фанови низ целата тогашна Југославија. Меѓу моите школски другари имаше навивачи на Звезда, Партизан и татко ми на многу педагошки начин умееше да го искаже своето мислење КАКО ТРЕБА ДА СЕ НАВИВА ЗА СОПСТВЕНОТО. Ќе кажеше: тие клубови надвор од Македонија си имаат свои навивачи, ние треба да си навиваме за нашиот Вардар. Љубовта на мојот татко кон Вардар се доказ на длабок патриотизам и висока свест за чувството на Македонец. Сè уште ми одѕвонуваат неговите зборови искажани во моментот кога морав да се одвојам од заедничкиот дом во Ново маало, бидејќи се оженив и семејството ми се зголеми. Мојот татко сонуваше да останеме во заедница со него и на крајот резигнирано заклучи, тивко изговарајќи: „ејдиги век лажовен“. Со мојот потег му го растурив неговиот животен сон. Жалам за овој чин, меѓутоа животот и семејството ги диктираат условите како да живееме.

Семејството Николовски од Топаана, наши побратими веќе 120 години беа тие кои на моите покојни баба Неда и татко Тодор им дадоа кров над глава. Тие не беа само побратими, тие беа и наши кумови. Секој Велигден татко ми го чествуваше на начин посветен на неговите побратими и кумови. Прв ден Велигден во раните утрински часови со црвени јајца во торба одевме татко ми, брат ми и јас кај нашите побратими и кумови. Чин за почит којшто длабоко се врежа во мојата меморија. Чистиот образ, хуманоста и чесноста му беа водилки во сите негови постапки кои ни ги пренесе нам, мене и мојот брат.

Мојата мајка Олга најубавата мома во Гевгелија се омажила во нејзината 18 година. Со својата мекост и љубов никојпат не можеше да ни каже не во нашите барања, мислам мои и на мојот брат, меѓутоа имајќи го предвид карактерот на мојот татко, согласно материјалните можности, таа изгради во моите и очите на мојот брат култ за нашиот татко. Нашиот татко многу почесто го именуваше како Свети Илија, кога требаше со нешто да не заплаши и да даде авторитет. Мајка ми Олга имаше голема желба да има ќерка со која мојот покоен татко никојпат не можеше да се согласи од причини нему познати, бидејќи многу добро го спознал животот на жените во тие времиња, токму преку тешкиот живот на неговата мајка Неда.

Мојата мајка во мене сакаше да препознае можна ќерка, бидејќи до мојата седма година ми пушташе долга коса како за девојчиња, ми врзуваше машни во косата, ми додаваше женски детали во моето секојдневие. Ова го пишувам од причина што на таа возраст се имам изгубено во Скопје и во потрагата моите родители силно загрижени оделе по полициските станици во Скопје, барајќи ме да ме најдат. Кога конечно ме најдоа имаше специфика која отприлика вака е отсликана: го бараме нашиот Пуни на 5 годишна возраст, а полицаецот им вели ние немаме најдено машко дете, ние имаме девојче, а тоа девојче бев јас. Солзите излеани од очите на мојата мајка нема никојпат да ги заборавам во моментот кога требаше да тргнам во прво одделение на училиште. Долгата коса ми ја шишаа во Гевгелија. При моето враќање со воз од Гевгелија на перонот на железничката станица во Скопје кога мајка ми ме здогледа почна да плаче како дете. Знам дека во тие моменти нејзиниот сон да има ќерка се сруши. Денес мојата ќерка Олга во нашето семејство го носи нејзиното име и ја има мојата неизмерна љубов.

Моите мајка и татко си заминаа поради кревкото здравје и тешкиот живот на возраст од 68 години.

Последниов дел ќе го посветам на мојот брат Стефан, темпераментен, немирен и на моменти тврдоглав или што би кажале стари скопјани инаетчија. Постар од мене нецели 5 години, меѓутоа во самото детство разлика од 5 години меѓу браќа е голема разлика. Јас бев спротивност од мојот брат, бев мирен и не многу зборлест. Темпераментот на мојот брат се покажа уште во вториот месец од мојот живот, бидејќи како бебе воопшто не сум плачел и мојот брат дошол до оригинална идеја како да ми го слушне гласот. Ми го зема палецот од мојата лева рака и ми го става врз плочата на печката која ја користевме за греење и подготвување на храна. Веројатно сум вреснал и имал можност да ме слушне како плачам мојот брат, ама белегот од мојот брат и денес го носам на себе.

Улицата како место за наша социјализација брат ми ја воспремаше на многу подруг начин. Правеше сè што моите родители не сакаа да прави, пушеше, играше фанта и џамлии, ги кршеше уличните сијалици со чатал, висеше по оградите на голубарите кои ги имаше многу во нашето маало, а најизразит беше неговиот инает кога во екот на тукушто започнат негов пубертет не сакаше да отвори уста за да му се поправат забите. Немаше сила која ќе го натераше мојот брат да ја отвори устата. Дури и мојот авторитетен татко не успеваше тоа да го стори, а замислете денес мојот брат е стоматолог и голем пријател на медицината. Признавам брат ми достигна голем еволутивен развој од уличен бељаџија до стамен човек и лик. Две работи ми се врежани во моето сеќавање во раното детство. И денес во мојот говор се чувствува дека буквата Р не секој пат точно ја погодувам или што би рекле старите скопјани имам француски акцент при изговор на буквата Р. Со брат ми спиевме во една постела и често пати пред да заспиеме ја игравме тогашната игра на буква на буква. Секој пат јас бев тој кој морав на многу симпатичен начин, па дури и смешен во очите на мојот брат да ја изговорам буквата РРРРРРРРР. И денес не умеам. Во зимските денови кога се греевме само во кујната, а спиевме во ладните спални соби основниот проблем беше како да се стоплиме, така да правевме чифт-тек или компанија за тоа кој прв ќе ја стави ногата на ладната постела во заедничкиот кревет. Вообичаено јас бев првиот кој морав да ја стави ногата поради мангуплукот на мојот брат.

Почитувани, денеска со мојот брат Стефан живеам во прекрасни братски односи на меѓусебна почит. Нашите родители Тодор и Олга изградија во брат ми и мене вистински луѓе. Јас сум горд на моите родители. Анализирајќи се самиот себе дали јас успеав во моите деца да создадам вистински луѓе, мојот заклучок е ДА, јас имам три прекрасно воспитани деца.

The post Ново Маало appeared first on plusinfo.mk.

„Овие неколку луѓе кои денес протестираа имаат за цел да вршат притисок врз обвинителството и другите институции, а буквално немаат ништо со активизмот или заштитата на животната средина. Ако беа вистински активисти, ќе ја поддржеа идејата да се изгради голем парк на местото на паркингот каде сега освен уништен бетон нема ништо друго. Ако беа вистински активисти, ќе нè поддржеа нас граѓаните да ги решиме нашите проблеми и во 21 век да живееме достоинствено – токму како што Јана Белчева ужива во удобноста на својот стан откако си го продала имотот на Водно каде сега никнува зграда.

Ние моментално во сред Центар немаме канализација и основни услови за живот. Да беа вистински активисти, ќе застанеа зад правдата, а не да вршат неоснован притисок заради своите политички интереси да се прикажуваат како некакви спасители. Апсолутно нема ништо издржано во нивните барања и бараме итно да престанат.

Искрено веруваме дека после денешниот протест каде не можеа да соберат ниту 10 луѓе, ќе се откажат од идејата понатаму да нè блокираат и ќе остават да си ги решиме проблемите. Апелираме институциите да не подлегнуваат под притисокот бидејќи ние ќе одговориме уште пожестоко со протести доколку ни се скратат правата дадени со Устав“, соопшти група граѓани, жители на Ново Маало.

Граѓанските иницијативи „Зелен хуман град“ и „Шанса за Центар“ денеска протестираа пред Јавното обвинителство барајќи веднаш да се стопира изградбата на 20-катниците кај „Холидеј ин“. Тие сметаат дека „Обвинителството може да го спречи уништувањето на Скопје ако постапи по иницијативата на Антикорупциската комисија која смета дека градењето на овој дел е нелегално“.

фотографија: Радио МОФ (принтскрин)

The post НОВОМААЛЦИ ЗА ПРОТЕСТОТ НА „ЛАЖНИТЕ АКТИВИСТИ“ Граѓаните не потклекнуваат на манипулации appeared first on plusinfo.mk.

– Сè ова го прават со цел политички да профитираат врз грбот на граѓаните, а особено на маката на нас, жителите на Ново Маало, и повторуваме дека нема да дозволиме да потпаднеме под нечии замки – порачуваат жителите на Ново Маало.

Тие потсетуваат дека тригодишниот мораториум во 2017 потпишан од тогашната претседателка на Советот на Општина Центар Јана Белчева е прогласен за неважечки од Уставниот суд во декември 2020 година, како и дека Министерството за транспорт и врски веќе еднаш се изјасни за инцијативата за суспензија на ДУП-от како неоснована.

– „Зелен хуман град“ и останатите лажни борци за екологија немаат апсолутно никакво право да одлучуваат во име на нашите имоти, ниту постои правен основ врз кој би можело да дојде до спречување на проектот. Во повикот за протест „Зелен хуман град“ наведуваат дека бараат распишување на меѓународен конкурс со кој ќе се гарантира зелено и хумано решение, меѓутоа ние, жителите на Ново Маало уште еднаш порачуваме дека веќе проектираното решение од страна на инвеститорот гарантира урбано и зелено домување за сите новомаалчани, но и фер обесштетување на сите нас кои со години живееме во тотално нехумани услови за живот – нагласуваат жителите на Ново Маало и порачуваат: „Ова мора да престане!“

The post ЛАЖНИТЕ ЕКО-БОРЦИ НЕМААТ ПРАВО ДА ОДЛУЧУВААТ ЗА НАС Жителите на Ново Маало бараат да запрат протестите appeared first on plusinfo.mk.

Оваа површина, велат од „МГ Фешн“, e колку површината на плоштадот „Македонија“, а предвидена е за нов, урбан, отворен и јавен простор за сите граѓани во рамките на ДУП Ц08 на територијата на Општина Центар.

Визијата на инвеститорот за овој јавен простор е да се уреди налик урбаните паркови во светските метрополи, како оној на „Porta Nuova“ во Милано, за што е потребна соработка со надлежните органи на Општина Центар бидејќи важечкиот ДУП на оваа градежна парцела предвидува само партерно уредување со фонтана и спомен обележје. Оттука, она што инвеститорот го нуди како решение за парцелата кај „Холидеј Ин“ е уредување на просторот со разновидно парковско зеленило, оплеменето со современа фонтана, урбана опрема и бројни останати содржини од отворен карактер, достапни за сите граѓани, но и распишување јавен конкурс за идејно решение во соработка со Општината.

– Ваков модерен јавен простор, налик на светските уредени урбани паркови и простори, ќе понуди дополнително заживување и модернизирање на овој дел од центарот на градот, што е во интерес на сите граѓани и целата наша заедница – изјавија од „МГ Фешн“, додавајќи дека за граѓаните од Ново Маало кои се сопственици на приватните парцели на кои е предвидена јавна површина, предвидено е обесштетување во истиот сооднос како и за останатите сопственици чии парцели се опфатени со новите објекти.

Дополнително, компанијата изрази подготвеност за соработка со Град Скопје, Шумарски факултет и зелените организации да изготви решение и да инвестира и во обновување на делот од Кејот 13-ти Ноември кој се протега по должина на локацијата.

The post ПАРК КОЛКУ ПЛОШТАДОТ „МАКЕДОНИЈА“ Донација за граѓаните од фирмата „МГ Фешн“ која ќе го гради комплексот „Гранд“ appeared first on plusinfo.mk.

Претставникот на жителите на Ново Маало, Игор Стојанов, денеска во емисијата „Утрински брифинг“ зборуваше за условите во кои тие живеат на парцелата спроти „Холидеј Ин“.

– Не ни е јасно зошто оваа група луѓе се противи на тоа бидејќи на таа локација во моментов нема ништо, освен распукан бетон и нашите живеалишта. Мислам дека не постои некој да не ја знае ситуацијата во Центар, во какви услови живееме ние, без одвод, без канализација, во керпичи, без изолација. Буквално сме како ѓубриште на Градскиот трговски центар и тоа ѓубриште не трае еден ден, туку се провлекува сто години – рече Стојанов и додаде дека со новиот комплекс овој сега бетонизиран простор ќе стане зелен и ќе има најголем парк во Македонија.

– Овој парк ќе биде од јавен интерес, а кој има јавен интерес сега? Сега луѓето кога поминуваат овде кружат, се плашат да поминат бидејќи постојано има кражби и изгледа небезбедно. Буквално сме како една депонија среде Центар – вели тој.

Стојанов рече дека првпат се случува некој да нуди фер обештетување со компензација од која сите жители на Ново Маало се презадоволни.

Стојанов не очекува дека најавените протести на „Зелен хуман град“ ќе бидат масовни, бидејќи станува збор за група активисти коишто наместо да ја исправат грешката на институциите, ја продолжуваат нивната агонија.

– Тие треба да прават протести за да ја исправат грешката за нас. Ама таа грешка тешко може да се исправи, бидејќи ние немаме веќе трпение за сите тие работи – додаде Стојанов.

Тој ги повика институциите да застанат на страната на граѓаните, бидејќи, како што рече, новомаалци дале поддршка со давањето на нивниот глас.

– Се надеваме дека советниците и градоначалникот на Општина Центар ќе го покажат вистинското лице на Скопје. Сакаме зелен простор и урбано уредени домови за нас – заклучи тој, апелирајќи до сите да престанат со притисоците врз нив како жители и врз институциите бидејќи веќе се подготвуваат да поднесат претставки до Советот на Општина Центар, до градоначалникот на Општина Центар и до ДКСК за случајот со ДУП Ј07 на Водно кој вчера го обелоденија на прес-конференција.

Станува збор за плац на Водно на мајката на поранешната претседателка на Советот на Општина Центар и актуелна советничка од Шанса за Центар, Јана Белчева, кој е продаден и на чие место ќе се гради објект од 1000 метри квадратни.

The post НОВОМААЛЦИ ОЧЕКУВААТ ПОДДРШКА ОД ИНСТИТУЦИИТЕ Не сакаме да бидеме депонија среде Центар appeared first on plusinfo.mk.

„Таа нема апсолутно ништо со посочената парцела која спаѓа во ДУП донесен во 2013, а во време кога немала мандат во Советот. Овој план не спаѓа во плановите кои биле под мораториум донесен по основ за неусогласеност со ГУП 2012, и по направена анализа од стручна комисија на општината. Посочената парцела никогаш не била во нејзина лична сопственост, ниту во нејзиниот мандат претрпела било какви промени на параметрите за градба. Од пред пандемијата парцелата е во сопственост на трети лица“, се наведува во реакцијата на Шанса за Центар.

Оттаму велат дека ставовите на Белчева Андреевска се ставови на сите нив, а индивидуализирањето на нападите го сметаат за крајно недолично.

The post ШАНСА ЗА ЦЕНТАР ВО ОДБРАНА НА БЕЛЧЕВА Парцелата на Водно никогаш не била во нејзина сопственост appeared first on plusinfo.mk.

– Со мораториумот кој Белчева го донесе во 2017 година како претседателка на Советот на Општина Центар, ние претрпевме директна штета, а таа не кажува зошто од тој мораториум го исклучи спорниот ДУП Ј07 во елитната населба на Водно кој предвидува дури петкратно зголемување на вкупно изградената површина и четирикратно зголемување на катноста. Тоа значи дека овие приземни бараки овде, сега може да имаат плус два ката и поткровје – рече Игор Стојанов од групата граѓани од Ново Маало на денешната прес-конференција, која се одржа на местото каде што семејството на Белчева продало плац на кој ќе се гради огромен објект.

Стојанов, во името на жителите на Ново Маало, јавно ја запраша Јана Белчева дали овој ДУП не го става под мораториум бидејќи смета дека бетонизацијата на Водно е во ред, дека Водно не е предмет на нејзиниот активизам, дека Водно не го смета како составен дел од Општина Центар или имотот на Водно кој таа го продава е побитен од интересот на граѓаните?

– Вистинскиот одговор е дека Јана Белчева имала личен интерес за имот на нејзиното семејство пред кој стоиме денес. Таа личниот интерес го става пред интересите на нејзините сограѓани во Општина Центар кои ги држи во агонија цели три години со нејзиниот незаконски мораториум – вели Стојанов.

Тој покажа фотографии како изгледала семејната барака на Јана Белчева на Водно, и како би можел да изгледа објектот на оваа локација согласно ДУП Ј07, кој таа не го вклучила во мораториумот.

– Оваа барака од 200 м² нејзината мајка Марија и нејзиниот вујко Климе во септември 2020 година ја продаваат за фантастични 380.000 евра, на кое место денес може да изгради огромен објект од 1.000 м². Повторувам: 380.000 евра личен профит, а може и повеќе со пари-на-рака, и објект од 4 ката на површина од 1.000 м². Прашуваме: дали со ДУП-от кој го исклучува од мораториумот, таа гледа, шанса за профит – прашува Стојанов.

Вака изгледала семејната барака на Јана Белчева на Водно

А вака би изгледал објектот што е предвиден на оваа локација согласно ДУП Ј07

Новомаалци додаваат дека за сè ова имаат обезбедено и сеопфатна документација и сè подготвени да ја приложат до надлежните органи за јавно расветлување на случајот – која е вистината зошто ДУП Ј07 не бил ставен под мораториумот на Јана Белчева?

– Воедно, најавуваме и дека ќе поднесеме претставка до Советот на Општина Центар, до градоначалникот и до Антикорупциска да го истражат овој случај, а ги покануваме и медиумите самите да истражат зошто ДУП Ј07 не беше под мораториумот на Јана Белчева – најавија жителите на Ново Маало.

Жителите на ова скопско маало велат дека никој нема право да одлучува за нивните имоти, но и со нивните животи, а тоа треба да го разберат за сите т.н. активисти, бидејќи Ново Маало не е јавен простор.

– Тоа се приватни парцели, приватен имот и ние нема да дозволиме да ја испуштиме оваа шанса кога конечно имаме инвеститор кој преку фер обесштетување ни го решава нашиот децениски проблем. Доколку блокадите од Јана Белчева продолжат, ние нема веќе да трпиме, да молчиме и да се изјаснуваме само преку медиумите, туку ќе поднесеме тужба до надлежните органи и лично против Јана Белчева додека претседаваше со Советот на Општина Центар за претрпена штета од 2017 до 2021 година за време на нејзиниот незаконски мораториум – вели Стојанов, кој заедно со останатите жители на Ново Маало изрази силен револт кон реакциите на граѓанската иницијатива „Шанса за Центар“ и нејзините обиди за суспендирање на комплексот „Гранд“ на паркингот спроти „Холидеј Ин“.

The post САМО ЗА МАЈКАТА НА БЕЛЧЕВА НЕМАЛО МОРАТОРИУМ Врз трошната барака ќе никне објект од 1000 квадрати (ФОТО) appeared first on plusinfo.mk.

– Доста ни е од манипуланти и самопрогласени борци за екологија кои со целосно уредени животи, изградени куќи и станови се борат за паркингот на кој нема ништо друго освен распукан бетон, многу прашина и нашите распаднати куќи кои 70 години не можеме да ги поправиме – реагираат жителите на Ново Маало.

Тие потсетуваат дека Министерството за транспорт и врски веќе еднаш се изјасни за инцијативата за суспензија како неоснована и порачуваат да се престане со опструкциите.

– Ги повикуваме да престанат да држат непотребни прес-конференции кои не се ништо друго освен за нивна политичка промоција. „Зелен хуман град“ и „Шанса за Центар“ се во Советот на општината и како претставници на институциите тие треба да ни служат нам, а не да нè замајуваат 70 години.
Порачуваме на Општина Центар да не подлегнува на притисоците од овие лажни групи бидејќи нема да прифатиме никаква присилна суспензија. Предупредуваме и на Советот на општината, и на градоначалникот и на сите други институции на кои тие се повикуваат дека остро ќе протестираме и ќе се спротивставиме ако било што се запре. Од ова нема да отстапиме! – порачаа жителите на Ново Маало.

The post НОВОМААЛЦИ ГО ВОЗВРАТИЈА УДАРОТ Доста ни е од тие што седат во удобни станови и изигруваат борци за екологија! appeared first on plusinfo.mk.

„Шанса за Центар“ го повикуваме OJO конечно да постапи по преставката од ДКСК во врска со „нелегалното носење на ДУП“ на Општина Центар. Градоначалникот на општина Центар мора да издаде привремена забрана за градењеи може да ги врати уплатените комуналии за овој објект, смета оваа организација.

Во врска со наводите изнесени во соопштението на „Шанса за Центар“ дека дозволата за градба на парцелата 1.1 спроти „Холидеј Ин“ е нелегална, МГ Фешн ја известува јавноста дека градежната дозвола е целосно усогласена со сите правни нормативи во земјата, а воедно истата е и правосилна, како што е легален и ДУП-от врз основа на кој е издадена.

„Ја замолуваме иницијативата Шанса за Центар да не изнесува невистини во јавноста, за целосно легитимна правна постапка. Станува збор за постапка која е започната пред многу години и во истата нема никакви правни недоследности. Потсетуваме дека МГ Фешн правото на сопственост го има стекнато со откуп на приватен имот и дооформување на парцела, односно откуп на државно земјиште од Министерството за транспорт и врски во 2018 година, а за откупот позитивно мислење има издадено и Државното правобранителство“, се вели во соопштението на инвеститорот.

Согласно членот во Законот за урбанистичко планирање на кој се темелеше иницијативата за суспензија на проектот, објаснува инвеститорот, треба да се докаже несомнена штета по јавниот интерес што е воочена при спроведување на планот и која би се зголемувала со неговото спроведување.

„Ваква штета не е докажана, а воедно на овој начин одредбите од законот се злоупотребуваат за цели кои се во спротивност со јавниот интерес и правата на граѓаните. Гранд Скопје ќе биде урбан и зелен комплекс со модерни објекти и во интерес на сите граѓани, воедно потсетуваме и дека истиот ќе биде со 40% искористеност од максимално дозволените урбанистички параметри во актуелниот ДУП. МГ Фешн, како општествено одговорна компанија, во рамки на овој комплекс предвидува и јавен простор со површина од 7.500 квадратни метри како донација кон градот и сите граѓани, а за чие идејно решение ќе биде распишан јавен конкурс во соработка со Општина Центар“, се вели во соопштението на инвеститорот.

И жителите на Ново Маало се крајно револтирани од постапките на советничката група на „Шанса за Центар“ и од Јана Белчева, кои, како што велат новомаалци, продолжуваат да ги манипулираат граѓаните на Центар.

„Неверојатно е како продолжуваат да ни оневозможуваат на нас граѓаните од Ново Маало да си ги оствариме нашите права, токму како што Белчева си ги остварува своите. Белчева, од удобноста на својот дом, заради политички поени, спречува ние да имаме хумани услови за живот, но пострашно од тоа е што лицемерно се бори само против нашите градби, додека премолчува градби кои се од нејзин личен интерес“, се вели во дописот од Ново Маало.
Новомаалци велат дека се крајно револтирани од ваквиот однос и во следниот период ќе ги изнесат на виделина сите манипулации кои ги прави Белчева и се прикажува како наводен борец за хумана животна средина, додека самата ги ужива поволностите на градењето за свои потреби.

„Ги повикуваме веднаш да се повлечат од идејата за понатамошни блокади, бидејќи со почетокот на градбата на проектот, ние, жителите на Ново Маало во целост ги решаваме 50-годишните проблеми кои генерации од нашите семејства не успеваа да ги надминат. Доста ни е живот во кал и нерешени основни комунални проблеми во сред Центар на градот“, се вели во дописот до медиумите од жителите на Ново Маало.

The post ПРОЕКТОТ „ГРАНД СКОПЈЕ“ ПАК ГИ БРАНУВА ДУХОВИТЕ Јана Белчева не им дава шанса на новомаалци да излезат од калта?! appeared first on plusinfo.mk.

– Среќни сме што се гледа почетокот на крајот на нашиот повеќедецениски проблем и што конечно и ние ќе добиеме достојни услови за живот, како што доликува на едно централно градско подрачје. Повеќе од 50 години живеевме во услови како од 19-тиот век, без фекална и атмосферска канализација, со септички јами, нерешено греење и без основни услови за движење низ улиците, притоа и без никаква можност самите да го решиме овој проблем и самостојно да пристапиме кон легална реконструкција на нашите домови – велат жителите.

На овој простор нема никакво зеленило, ниту инфраструктура, единствено кал, распукан бетон и депонија за отпад.

– Потсетуваме дека доколку дојде до какви било обиди за повторни опструкции од кои било поединци, институции или организации за стопирање на проектот, најостро ќе реагираме и подготвени сме да ги преземеме сите правни механизми и ќе поднесеме тужби до институциите за претрпена штета – најавија жителите на Ново Маало.

Тие веруваат дека инвеститорот ќе го заврши овој објект во предвидениот рок и согласно претходно презентираниот проект, кој ветува урбано домување со многу зеленило, уреден јавен простор, и што е најважно, достојни домови за живот.

The post ПО 50 ГОДИНИ И ТИЕ ЌЕ ЖИВЕАТ ЦИВИЛИЗИРАНО Жителите од Ново Маало го поздравија стартот на градбата на „Гранд“ appeared first on plusinfo.mk.